Ezra 1; 3–7; Nehemiah 2; 4–6; 8

Mwirin Persia a okkufu Babylonia, ewe Samon a amwasanga ewe kingen Persia, Cyrus, and epwe tinano eu mwichen ekkewe Chon Jew ngeni Jerusalem ar repwe ausefanieta ewe tempel. Nupwen ka anneani Ezra 1, apareni met Cyrus a fori ne anisi ekkewe Chon Jew non ei auchean angang. Ifa usun ka kuna ewe Samon an angang ren mwan me fefin unukum, mi pachenong aramas ekkewe esap ir chon An Mwichefen? Met ei a pese ngonuk usun ewe Samon me An angang?

Nengeni pwan Isaiah 44:24–28.

Nupwen ekkewe Chon Babylon ra maunei Jerusalem, ra sona seni ewe tempel me kenano ngeni ewe pun (nengeni 2 Kings 25:1–10; 2 Chronicles 36:17–19). Ifa usun ka ekieki pwe ka tongeni mefi ika pwe en emon me nein ekkewe Chon Jew ekkewe ra kuna metei a fis? (nengeni Konupin 137). Appareni ifa usun ekkewe Chon Jew ra mefi, chommong ier mwirin, nupwen ra mumuta ne niwin me forsefani ewe tempel (nengeni Ezra 3:8–13; 6:16–22). Met it epwe efisi om kopwe ekipwichi pwisin om memmef usun ewe Samon me Imwan we. Pwata ewe kautan eu tempel a eu popun ne apwapwa?

An ewe Samon angang mi kan soun wor chon ungeni. Ei mi ennet usun ewe achochon angang mi emwen me ren Zerubbabel me Nehemiah. Iei eu mecheresin aan minne a tongeni anisuk om kopwe kaeo seni ekkei porous me ekieki ifa usun ka tongeni fori an ewe Samon angang inamo mi wor chon ungeni.

An Kot angang fan iten Zerubbabel (Ezra 4:3):

An Kot angang fan Nehemiah (Nehemiah 2:17–18):

An Kot angang fan itei:

Ungeni Zerubbabel a mesengeni (Ezra 4: 4– 4):

Ungeni Nehemiah a mesengeni (Nehemiah 2:19; 4:1–3, 7–8; 6:1–13):

Ungeni ua mesengeni:

Ifa usun a ponuweni (Ezra 5:1–2):

Ifa usun Nehemiah a ponuweni (Nehemiah 2:20; 4:6, 9; 6:3–15):

Ifa usun ua tongeni ponuweni:

Ren aninisin om kopwe anonno fengeni met a fis ngeni Nehemiah ngeni manauom, ka tongeni kaeo an Preseten Dieter F. Uchtdorf’s porous “Sia Fori eu Auchean Angang me Sise Tongeni Kouno” (Liahona, May 2009, 59–62), akkaewin ekkewe omuchunon ru kinikin. Nupwen ka ekieki usun ewe angang Kot a fen ngonuk, ka tongeni kaeo ewe “Itenapen Ekkewe Fopun” ika ewe “Itenapen Mwichen Aaronik Pristut” (Nenien puken Kapas Allim) Ika ka tongeni kutta non echo kon mi fen usun “As Sisters in Zion” (Kon mi fen, nampa 309) ika “Ye Elders of Israel” (Kon mi fen, nampa 319).

Met ka ekieki pwe wewen an epwe wor “eu ekiekin angang” non ewe angang an ewe Chon Amanau? (Nehemiah 4:6). Ita met wewen an epwe wor “ewe ochun poun … Kot won [en]” nupwen ka fori An angang? (Nehemiah 2:8; nengeni pwan Nehemiah 2:18; Ezra 7:6, 9, 27–28). Ifa usun ka fen kuna Poun non om achocho ne angang ngeni I?

Ren tappin fansoun me fansoun non fotek, ekkewe Chon Jew mi oukuk ar tufich ngeni “ewe puken ewe annukun Moses” (Nehemiah 8:1). Non Nehemiah 8, Ezra a anneni ewe annuk ngeni ekkewe aramas. Met ka kuna non ei sopwun mi pwarano ifa usun Ezra me noun kewe aramas ra mefi usun Kot me An kapas? (nengeni akkaewin uwokisin 1–12 Met non manauom a pwari ifa usun ka mefi usun Kot me An angang?

Nengeni pwan Teachings of Presidents of the Church: Ezra Taft Benson (2014), 115–24.

• Om kopwe aiti noum kewe semirit usun ewe pwapwa ekkew Chon Jew ra mefi nupwen ar we tempel a kausefan, ka tongeni pwar ngenir echo sasing usun ewe eu fan. Kapas usun pwata ekkei aramas repwe pwapwa ar repwe nom ren ewe imwen ewe Samon. Ka pwan tongeni ureni noum kewe semirit pwata ewe tempel eu nenien pwapwa me reom. Ifa usun ewe tempel a fen anisuk om kopwe mefi om arap ngeni Samach won Nang me ewe Chon Amanau?

• Nupwen ka anneani Ezra 3:10–13 ngeni noum kewe semirit, anisir ne kutta ekkewe kapas mi pwarano ifa usun ekkewe Chon Jew ra mefi nupwen ewe tempel a kusefanita. Nupwen ka tori nesoponon uwokisin 13, menin oua tongeni puchor fengen ren pwapwa. Anisi noum kewe semirit repwe ekieki ifa ekkoch popun ar repwe pwapwa pwe we Samon a fen ngeni kich tempel. Ifa usun sia tongeni pwarano ena pwapwa?

• Ekieki ne konu echo kon usun ewe tempel ren noum kewe semirit, usun ren ewe oruwen uwokisn “Welcome Home” Nenien puken Kapas Allim). Mwirin eu me eu nain, ka tongeni kouno me eisini emon semirit an epwe aporous och mettoch i a sani usun ewe tempel. Ka pwan tongeni nenengeni sasingin tempel nupwen ka kon.

• Aporousa ngeni noum kewe semirit ewe tutunapen Nehemiah (nengeni Nehemiah 2:17–20; 6:1–9; ika “Nehemiah” non Porousen Testamen Noom, 173–74). Nupwen ka anneani Nehemiah 2:20, en me noum kewe semirit oua tongeni “uta” me etitipen aninis ne aueta ekkewe etippen Jerusalem. Ika noum kewe semirit ra tongeni pwapwaiti ne aueta eu etippen foun fau ika ira ika ekkoch mettoch. Nupwen ra fori, ka tongeni anisir ne ekieki usun auchean mettoch Samach won Nang a mochen sipwe fori.

  

  1:38

• Nupwen ka anneani Nehemiah 6:9, etiwa noum kewe semirit repwe eitieta pour nupwen ra rong om apasa “apochokuna pei.” Ureni ekkewe semirit usun eu fansoun nupwen ka mefi pwe Kot a apochokuna poum ne fori an Angang.

• Neuwomong ne anneani ekkoch kapas seni Nehemiah 8:2–3, 5–6, 8–9, 12 ekkewe mi anapanapa met ekkewe aramas ra fori nupwen ra rong Ezra a anneani ekkewe pukefel. Nupwen ka annea, noum kewe semirit ra tongeni pwomeni ekkei kapas. Mwirin oua tongeni aporousa fengeni ifa usun oua mefi nupwen oua anneani ika ausening ekkewe pukefel.

• Nupwen oua annea fengen Nehemiah 8:8, ka tongeni eisini noum kewe semirit met a anisir ne weweiti ekkewe pukefel. Pwar ngenir ifa usun repwe aea ekkewe aninisin kaeo pukefel usun ewe Emwen ngeni ekkewe pukefel me Itenap me Kapaseis (Gospel Library). Tingorei noum ekkewe semirit repwe aporousa och mettoch ra kaeo usun ewe Chon Amanau seni ekkewe pukefel.