Könupin 1–2; 8; 19–33; 40; 46

Nupwen ka anneani ekkewe Könupin, kopwe apareni fan chommong ifa usun ekkewe chon mak ra atoura nuokus, netipechou, ika noninen. Ekkena sokkun memmef ir mi fifis, pwan mwo ngeni aramasen nuku. Nge met a fori ekkewe Könupin repwe amwarar ina pwe ra pwan awora amwararen atawen mettoch, mi pachenong unusen epinukunuk non ewe Samon. Nupwen ka anneani Könupin 1; 23; 26–28; 46,:, makketiw:

• Ekkewe tingor ne epinukunuku ewe Samon.

• Kapas mi anapanapa I.

• Kapas mi anapanapa ewe kinamwe, pochokun, me ekkoch feioch I a awora.

• Kapas mi anapanapa aramas ekkewe ra epinukunuku I.

Pwan akkatonaochu ewe fatochun sasing me esisin minne ekkewe Könupin ra aea ne osukun usun ewe Chon Amanau. Ren awewe, non Könupin 23, met kewe kapas usun “upwe asoso non ekkewe maneman mi chommong fetin ie” ika “konik mi ffat” (uwokisin 2) ra wato ngeni ekiek? Met ita ewe ekinamwein “wok” me “wokun mmas” (uwokisin 4) ra esisinata? Met ita wewen ren ach “kap” (uwokisin 5) a ureno?

Ekkoch me nein ekkewe könupin mi iti ngeni ewe manauen Jises Kraist won fonufan. Chon nuku Kraist non ewe fansoun Testamen Sofo ra pwan kuna ekkei riri fengen Ekieki nen anneani ekkewe uwokisin pukefel mi tettenitiw. Kutta riri fengen nefinen ekkewe kapas non ekkei könupin m eewe manauen ewe Chon Amanau:

• Könupin 2:1–3 me Föfför 4:24–28

• Könupin 2:7 me Föfför 13:30–33

• Könupin 22:1 me Matthew 27:45–46

• Könupin 22:7–8 me Matthew 27:39–43

• Könupin 22:16 me Luke 23:32–33

• Könupin 22:18 me Matthew 27:35

• Könupin 31:5 me Luke 23:46

Met ka kaeo seni om kaeo ekkei riri fengen? Met osini me pwonen pukefel resamo fen pwonueta? Met ka kuna non ekkei pwon mi ngonu epinukunuk ren ewe fansoun mwach?

Anneani Könupin 8; 19; 33 epwe peseok om kopwe ekieki an ewe Samon kewe chommong amwararen foruta. Tumunuoch ngeni om memmef nupwen ka fori. Kopwe pwan tongeni konu ika ekipwichi ekkewe kapasen echo kon mi wewe ngeni ekkei könupin, usun ren “How Great Thou Art” (Kolufel, 86). Ifa usun an ewe Samon kewe foruta “a aporousa ewe ningen Kot” ngonuk? (Könupin 19:1).

Ikkei ekkoch pwan kon mi fen mi pesepes me ren ekkewe Konupin:

• Konupin 23: “The Lord Is My Shepherd” (Kon mi fen, no. 108)

• Könupin 23:6; 150: “Praise to the Lord, the Almighty” (Kon mi fen, no. 72)

• Konupin 26:8: “We Love Thy House, O God” (Kon mi fen, no. 247)

• Könupin 27:1: “The Lord Is My Light” (Kon mi fen, no. 89)

• Könupin 33:1–6; 95:1–6: “For the Beauty of the Earth” (Kon mi fen, no. 92)

• Könupin 37:3–9: “Be Still, My Soul” (Kon mi fen, no. 124)

• Könupin 148: “All Creatures of Our God and King” (Kon mi fen, no. 62)

Non ekkewe Könupin, kapas usun kapasen pwarata, anukunuk, annuk, me kapung ra tongeni wewe ngeni ewe kapasen ewe Samon. Chechemeni nupwen ka anneani Könupin 19:7–11. Met ekkei uwoskisin ra apasa ngonuk usun ewe kapas an ewe Samon? Met Könupin 29 a aituk usun Mongungun? Non om sinei, ifa usun ewe kapas ika mongungun ewe Samon a masengeni ekkei anapanap?

Pokiten ewe tempel non Jerusalem a kauuta won eu chuk, ewe kapas “chukun ewe Samon” (Konupin 24:3) a tongeni wewe ngeni ewe tempel ika ngeni me mwen Kot. Met ei a apacha ngeni om weweiti usun Könupin 24? Met wewen ngonuk an epwe wor “poun mi nimoch, me eu nimenimochun netip”? (uwokisin 4). Nupwen ka anneani Könupin 26–27, met pwan ka kaeo usun ewe imwen ewe Samon?

Fan ekkoch, sipwe tipemwaramwar ach rong pwe ni namot sipwe nimenimoch ne tonong me mwen Kot. Pun akkauchean, kich meinisin sia otures, me ese wor emon neich mi unusoch. Met epinukunuk ka kuna me non an Elter David A. Bednar porous “Clean Hangs and a Pure Heart”? (Liahona, Nov. 2007, 80–83). Ifa usun ka tongeni aea an porous ne anisi emon mi mefi sach ren an mochen epwe unusoch? Ekieki ifa usun ka tongeni angei an ewe Chon Amanau aninis non om achocho an epwe wor “poum mi nimoch, me eu nimenimochun netip.”

Nengeni pwan Bradley R. Wilcox, “Worthiness Is Not Flawlessness,” Liahona, Nov. 2021, 61–67.

• Ekieki ne makkei Ewe Samon mi … Etiwa noum kewe semirit repwe kutta ekkoch anen ar repwe awesi ena sentence ar aea uwokisin usun ekkei: Könupin 23:1; 27:1; 28:1; 28:7; 32:7; 46:1. Met ekkei uwokisin ra aiti kich ren ifa usun ewe Samon a tongeni anisi kich?

• En mi tongeni aporous me noum kewe semirit met a namot ngeni emon nam an epwe tumun me mamaw. Mwirin, nupwen oua annea fengeni Könupin 23, anisi noum kewe semirit ar repwe anonno fengeni met emon chon masen siip a fori ngeni emon nam ngeni met Jises a fori ngeni kich. Met mi namot ngeni kich ach sipwe tumun me mamaw non pekin ngun? Konu fengeni eu kon ewe mi ngenir ekkoch ekiek, usun ren “I Feel My Savior’s Love” (Noun Semirit Puken Kon, 74–75).

• Nupwen oua annea fengen Könupin 24: 3 noum kewe semirit ra tongeni kukutta kapas mi achema ngenir usun ewe tempel. Ra pwan tongeni nenengeni echo sasingin eu tempel. Mwirin oua tongeni annea fengeni uwokisin 4 om kopwe kaeo ion a tongeni tonong non ewe tempel. Ka tongeni kapas ren ifa usun pau ra nimengaw me ifa usun sia nimetir. Ifa usun sia nimengaw non pekin ngun? Ifa usun ewe Chon Amanau a aninis ne nimetikich non pekin ngun?

• Ika mi wor noum kukkkun semirit, ka tongeni etiwer repwe etitipen kechiw nupwen ka annea seni Könupin 30:5, “Kechiw epwe chok soposopono ren eu pwin.” Mwirin eisinir repwe pwarano pwapwa nupwen ka anneani, “Nge epwe pwapwa nesosor.” Eniwini ei kapas fan ekkoch.

• Pwari echo sasingin ewe Chon Amanau, me ureni noum kewe semirit met I a fen for ngonuk minne mi ngonuk pwapwa. Ka pwan tongeni ngeni emon me emon semirit ar fansoun ne kamwoch ewe sasing me aporousa met Jises a fen fori ne ngenir pwapwa.

• Anisi noum kewe semirit repwe chechemeni non ar ekiek ewe aewin nain seni Könupin 46:10: Oupwe mosonoson me sinei pwe ngang ewe Kot. Met ita wewen ach sipwe “mosonoson”? Menin ka tongeni awora ekkoch fansoun om kopwe kaeo ne mosonoson. Ka pwan tongeni aporousa fengeni ekkoch fansoun nupwen om “mosonoson” a apochokuna nefinom ngeni Kot. Anisi noum kewe semirit ar repwe ekiek ekkoch fansoun atun neran nupwen ra tongeni “mosonosono” ar repwe mefi arap ngeni Samach won Nang.