Esther

Preseten Dieter F. Uchtdorf a osukuna pwe emon me emon kich “sia uta non eu neni mi sokkono me a wor eu auchean ach angang ewe [kich] chok sia tongeni fori. … Ewe Samon a ngonuk wisom ren och popun. Menin epwe wor aramas me netip en chok ka tongeni tikeri me attapa. Menin ese pwan wor emon a tongeni fori non ena wesen pwan napanap” (“Lift Where You Stand,” Liahona, Nov. 2008, 56).

Nupwen ka anneani ewe porousen Esther, ekipwichi ifa usun ei kapas mi wewe ngeni i. Kukutta ekkoch anen an ewe Samon a otufichi ngeni neminewe an epwe angasa ekkewe Chon Jew (nengeni, ren awewe, Esther 2:21–23; 3:10–14; 4:14–16). Mwirin ekipwichi ifa usun I a fen ngonuk tufich om kopwe efeiochu ekkoch. Met ekkoch nonnomun manau ika nefinen aramas I a fen emwenuk ngenir “ren och sokkun fansoun usun ei”? (Esther 4:14). Ika mi wor eu om efeiochun petriark, ekieki ne anneani om kopwe pwan kaeo ekkoch usun ewe angang ewe Samon a awora fan itom om kopwe fori. Met ka tongeni fori om kopwe awesi ei angang?

Nengeni pwan “For Such a Time as This” (video), ChurchofJesusChrist.org.

13:44

Non ewe puken Esther, sia kaeo seni ewe nukucharen Esther me Mordecai, nge sia pwan kaeo seni ewe namanam tekia me song an Haman. Nupwen ka anneani Esther 3; 5:9–14, esinna an Haman memmef, kapas, me foffor. Met ra pwarano usun i me an kewe popun kokkot? Met pungunon kewe i a mesengeni?(nengeni Esther 7). Om anneani usun Haman epwe peseok om kopwe atonaochu met a echimwa om memmef me foffor. Ka pesepes om kopwe fori och siwin? Ifa usun ka tongeni kun ngeni Samach won Nang ren aninis?

Nengeni pwan Proverbs 16:32; Alma 5:28.

Esinna pwata Esther me unusen ekkewe Chon Jew ra finata ar repwe echikipin (nengeni Esther 3:13; 4:1–3, 10–17). Ifa usun echikipin a efeiochur? (Nengeni Esther 5:2–3; 8:11–12). Pwata ewe Samon a tingorei kich sipwe echikipin? (nengeni Topics and Questions, “Fasting and Fast Offerings,” Nenien puken Kapas Allim). Ekieki ifa usun ka tongeni fori echikipin an epwe eu watten feioch non manauom.

Nengeni pwan Isaiah 58:6–12; “Fasting: Young Single Adult Ward, Amanda” (video), ChurchofJesusChrist.org.

2:41

Nupwen Mordecai me Esther ra eppeti ar nuku me nour aramas, ra anommu mananauer non kinikinin feiengaw. Ach kewe finata menin epwe ekis kukkun pungunon, nge ach fori ewe mettoch mi pung mi tongeni epwe chiwen namot pwaracho. Met ka kaeo seni Esther 3:1–4; 4:10–17 usun an epwe wor ach pwaracho ne fori mi pung? Esinna ewe sokkofesenin pungunon Mordecai me Esther ra kuna mwirin ar pwarano pwaracho (nengeni Esther 3:5–11; 5:1–4). Met mi namot ngeni Esther me Mordecai ar repwe sinei usun Kot ar repwe fori ekkewe pekin finata ra fori?

Ekieki usun ekkoch nikinik ikewe a namot ngonuk pwaracho om kopwe ppeni met mi pung. Met ka kaeo seni Esther me Mordecai minne mi tongeni anisuk ne kuna pwaracho non ewe Samon?

An Esther pwaracho a efisata “eu ranin apwapwa” (nengeni Esther 9:17–19). Ifa usun pwaracho usun Kraist a fen ngonuk “eu ranin apwapwa”?

Nengeni pwan “Courage,” “Dare to Stand Alone” (fitio), Nenien puken Kapas Allim; “True to the Faith,” Kon mi fen, no. 254.

3:19

4:20

• Meni kopwe mefi pesepes ne aea Esther 2:7 ne aiti noum kewe semirit usun ar repwe anisi chon ar famini kewe mi namot ngenir aninis, usun Mordecai a fori fan iten Esther. Oua tongeni annea fengeni ewe uwokisin ika mennapei non om pwisin kapas. Mwirin en me noum kewe semirit oua tongeni ekieki usun chon ami famini ewe epwe namot ngeni ami aninis. Fori eu kokkot ne anisir.

• Ewe minen appiru an Esther me Mordecai a tongeni anisi noum kewe semirit ar repwe weweiti pwe pwaracho wewen fori met mi pung pwan mwo nupwen ka nuokus. Ekieki ne makkei ekkewe kapas Mordecai a pwaracho nupwen i … me Esther a pwaracho nupwen i … . Nupwen ka kaeo fengen ewe porousen Esther, noum kewe semirit ra tongeni apasa ekkoch anen ar repwe awesi ekkewe sentence. Ka tongeni anneani Esther 3:1–11; 4:10–17 ika “Queen Esther” (non Porousen Testamen Noom, 166–70) ika nenengeni ekkewe sasing non ei etetten. Mwirin makkei Upwe pwaracho ren … , me etiwa noum kewe semirit repwe etettenatiw mettoch Samach won Nang a mochen ir repwe fori minne mi namot epwe wor pwaracho. Echo kon usun pwaracho, usun ren “Dare to Do Right” (Noun Semirit Puken Kon, 91) a tongeni aninis.

  

  2:45

• Ka pwan tongeni kaeo usun fansoun nupwen Jises Kraist a pwaracho—ren awewe, nupwen I a riaffou fan iten ach tipis non Gethsemane me won ewe irapenges (nengeni Matthew 26:36–39; 27:33–35). Eisini noum kewe semirit ar repwe aporousa eu fansoun nupwen ra pwaracho, me aporousa om pwisin pwan.

• Anneani Esther 4:1–3, 10–17 a tongeni anisuk om kopwe aiti noum kewe semirit usun echikipin. Pwata Esther me ekkewe chon Jew ra echikipin? Ureni noum we semirit pwata ka echikipin. Ka pwan tongeni eisinir ifa usun repwe awewei echikipin ngeni emon chiener ewe ese mwo foffori me akkom. Ifa usun sia tongeni anisi chienach kewe repwe weweiti ekkewe feioch ra feito seni echikipin?

• Pesei noum kewe semirit repwe ekieki usun och mettoch ra mochen an epwe Samon aninis ren. Urenir repwe fori ena epwe pekin ar echikipin atun ewe mwirin Raninifenin echikipin.

• Anisi noum kewe semirit repwe weweiti pwe nupwen Esther a nuokus, Mordecai a pesei ren an awewei pwe ewe Samon a fen anisi an epwe winiti ewe kiwin “ren och sokkun fansoun usun ei” (Esther 4:14). Met wewen ei me ren Mordecai? Kapas fengen ren ifa usun Esther a emon chon aninis ngeni ewe Samon. Ifa usun sia tongeni chon aninis fan iten ewe Samon?

• Ifa usun ka tongeni anisi noum kewe semirit repwe weweiti met eu pisekin aninis? Menin ka tongeni etiwa emon epwe etiki echo kon won eu pisekin kon ika pwari echo sasingein emon a aea eu pisekin mecha. Mwirin ka tongeni kapas usun met wewen om kopwe emon chon aninis me ne poun Kot.