Konupin 49–51; 61–66; 69–72; 77–78; 85–86

Konupin 49 a wor an porous ren “me ru mi tekia o mi kisikis, mi pisekisek o mi woungaw” (uwokisin 2). Met kopwe apasa pwe met ei porous? Met ka mefi Könupin 62:5–12 a apachangeni ei porous?

Om anneani ekkei konupin repwe peseok om kopwe ekipwichi ekkewe napanap mi sotuni kich ach sipwe epinukunuku och mettoch nap seni Kot ika ngaseno (nengeni Könupin 49:6–7). Ifa usun manauom a siwin me ren om kapasen pwarata pwe “Kot epwe angasa [ngunum] seni ewe pochokunen ewe peias”? (Konupin 49:15).

King David a makkei Konupin 51 mwirin i a esinna an siongawen namoten omusomusen tipis—och mettoch mi namot ngeni kich meinisin. Mennei uwokisin a anapanapa ekkewe memmef mi wor reom? Met ka kuna non ei könupin mi ngonuk epinukunukun omusomusen tipis?

Ka pwan tongeni kuna non Psalm 51 ren esisin usun met wewen ne aier. Makitiw met ka kuna. Nengeni ika en mi tongeni apachata ngeni om etetten ren om kutta non an Preseten Russell M. Nelson porous “We Can Do Better and Be Better” (Liahona, May 2019, 67–69).

Ifa usun kopwe anapanapa met usun memmefin om angei omusomusen tipis me ren kraist? Ika mi namot ngonuk aninis om kopwe anapanapa om memmef, ka tongeni nenenong non Konupin 51:1–2, 7–12; 85:2–9. Ekkoch aramas ra sani ar repwe chungani ika kutta sasing ar repwe pwarano ar memmef; ka tongeni sotuni ena. Ka pwan tongeni konu ika ausening ngeni echo kon mi fen usun ewe Chon Amanau, usun ren “U Ingeiti”” (Kon mi fen, nampa 20).

Ne aier, mi namot sipwe nuku pwe esap chok Jises Kraist a tongeni nimeti kich nge pwan I epwe. Met ka kuna non Könupin 86:5, 13, 15 mi anisuk kopwe sinei ewe Chon Amanau mi tufichin me mochen omusano?

Nengen pwan Alma 36; Peter F. Meurs, “He Could Heal Me!,” Liahona, May 2023, 39–41.

Ekipwichi ifa usun ka angei om kapasen pwarata usun Jises Kraist me An manamanen achasefan. Mwirin, nupwen ka kaeo Könupin 51:13–15; 66:5–20; 71:15–24, ekieki ifa usun ka tongeni etiwa ekkoch repwe “feito me kuna ekkewe angang an Kot” (Konupin 66:5). Ika pwe kopwe “aporousa met [ewe Samon] a fen for [ngonuk]” (Könupin 66:16), met kopwe aporousa?

Met wewen ngonuk om kopwe “kapas usun [An] wenechar unusen ewe ran”? (Konupin 71:24).

Nengeni pwan Alma 26.

Ekkoch konupin ra anapanapa ifa usun memmefin ach towaw seni Kot me ach siongawen mochen An aninis (nengeni Könupin 63:1, 8; 69:1–8, 18–21; 77:1–9). Non Könupin 63; 69; 77–78, met ka kuna mi ngeni ekkewe chon konupin epinukunuk?

Nupwen ka riaffou, ifa usun a anisuk om kopwe “chechemeni ekkewe angangen ewe Samon” me An “manaman me nom”? (Konupin 77:11). Ekkoch me nein ekkei amwarar ra awewetiw non Konupin 78. Nupwen ka anneanir, ekipwichi met a anisuk om “ne onomu [om] epinukunuk non Kot” (uwokisin 7).

• Om kopwe anisi noum kewe semirit repwe kuna ennet usun aier non Konupin 51, ka tongeni chungani eu watten foun ngasangas. Mwirin ka tongeni anisi noum kewe semirit repwe makkei non ewe foun ngasangas mettoch mi ngaw Setan a sotuni kich sipwe fori. Ifa usun sipwe atou ekkei mettoch seni non netipach? Eisini noum kewe semirit ar repwe kutta ewe kapas “netip” non Könupin 51:10, 17. Kapas usun met ekkei uwokisin ra osukuna usun aier. Mut ngeni noum kewe semirit repwe tonano ekkewe kapas non ewe foun ngasangas me makkei minafon kapas mi anapanapa ekkewe napanap Jises a tongeni siwini kich nupwen sia aier.

• Kopwe mochen anisi noum kewe semirit ar repwe kaeo met wewen an epwe wor “eu netipengaw me netip niemam” (Könupin 51:17). Ra tongeni ekkesiwin ne amokku ar repwe suki och mettoch mi wor péén mi pochokun, usun ren efou sokun ika efou nut. Ka pwan tongeni anisir ne anonno fengeni ewe péé ngeni mettoch a eppeti kich seni ach sipwe mefi an Samach won Nang tong. Ifa usun sia tongeni suki netipach ngeni I?

• Ka pwan tongeni nenengeni echo sasingin ewe Chon Amanau fengen me eisini noum kewe semirit met kapas ra tongeni nounou ne anapanapa I. Etiwer ar repwe kutta foun kapas mi anapanapa I non Konupin 86:5, 13, 15. Pwata mi ouchea ach sipwe sinei ekketi mettoch usun I?

• Noum kewe semirit meni repwe sani ar repwe chungani ekkoch sasingin ekkewe esisin non Könupin 61: 2–3. Ifa usun Jises Kraist a usun eu “foun fau” mi tekia (uwokisin 2), “eu eppet,” me “eu tower mi pochokun”? (uwokisin 3).

• Eisini noum kewe semirit repwe aporousa ekkoch ekkewe tutunapen pukefel ra kon sani (sasing seni ewe Gospel Art Book meni repwe aninisoch). Met ekkei tutunap ra aiti kich usun ewe Samon? Oua tongeni annea fengen Könupin 66:16 me ekkesiwin ne ponuweni ewe kapaseis “Met ewe Samon a fen for ngeni ngunui”?

• Nupwen ka anneani Könupin 77:11; 78:6–7 fengen, ka tongeni aporousa fengeni ifa usun oua sossot ne “chechemeni ekkewe angang an ewe Samon” (Könupin 77:11), mi pachenong An kewe anang non manauom. Ifa ussun ewe sakrament a anisi kich sipwe “chechemeni fansoun meinisin”? (Moronai 4:3; 5:2).

• Mwirin om anneani Könupin 71: 8 ngeni noum kewe semirit, etiwer ar repwe chungani eu watten aw. Eisinir ar repwe anisuk ne “amwosowa” ewe aw ren sasing ika kapas mi tupuni mettoch sia tongeni ureni ekkoch usun Jises Kraist.

• Ka tongeni pasini fetanei echo sasingin Jises Kraist. Ewe aramas mi kamwoch ewe sasing a tongeni apasa eu mettoch ir mi sinei usun I. Ifa usun sia tongeni anisi ekkoch aramas ar repwe sinei ekkei mettoch?

• Chommong me nein ekkewe könupin ra usun iotek ngeni Kot. Nupwen ka anneni Könupin ngeni noum kewe semirit, kopwe pwar ngenir mettoch sia tongnei aea ne porous ngeni aramas ekkewe ir mi towaw, usun ren eu fon ika echo toropwe. Mwirin anneani Konupin 86:7. Ifa usun sia “kokkori” Samach won Nang? Ifa usun I a ponuweni kich?

• Ka pwan tongeni konu echo kon usun iotek, usun ren “A Child’s Prayer” (Noun Semirit Puken Kon, 12–13; nengeni pwan Susan H. Porter, “Pray, He Is There,” Liahona, May 2024, 77–79). Ureni emon me emon usun ekkewe fansoun Kot a ponuweni ami iotek.