Job 1–3; 12–14; 19; 21–24; 38–40; 42

Ewe nepoputan sopwun Job a apochokuna, non eu napanapen makken memmef, wisen Setan usun chon koum ngeni kich ika chon etipisi kich; rese anapanapa ewe wesewesen foffor fengen nefinen Kot me Setan. Nupwen ka anneani met Setan a apasa usun Job (nengnei Job 1:9–11; 2:4–5), kopwe tongeni eisinuk pwisin, “Pwata ua nikitu ngeni Kot?” Pwata epwe efeiengaw ne anasochisi ewe Samon ren chok ewe poputan Setan a apasa?

Met a amwasangokusun an Job ponuweni ngeni an kewe sossot? (nengeni Job 1:20–22; 2:9–10).

Chienan Job kewe ra apasa pwe Kot a eriaffou i (nengeni Job 4–5; 8; 11). Met osukosuk en mi kuna ren ei kokkot? Anneani ponuwan me ren Job sopwun 12–13. Met Job mi sinei usun Kot minne mi otufichi i an epwe soposopono en epinukunuk? Met en mi sinei usun Kot minne mi anisuk om kopwe mesengeni osukosuk?

Fan ekkoch sia kaeo ekkewe akkauchean ennet fansoun ach wesen aweiresin fansoun. Ekipwichi ekkewe sossot Job a anapanapa non Job 19:1–22 me ekkewe ennet i a afanafana non uwokisin 23–27. Ifa ussun om sinei pwe om Chon Angasano mi manau? Met sokkofesen ei mirit a efisi me non manauom?

Ekieki ne konu ika ausening ngeni echo kkon usun Jises Kraist, usun ren “I Know That My Redeemer Lives” (Kon mi fen, nampa 136). Met kapas seni ei kon mi fen a pwarano om memmef usun I?

Nengeni pwan Doctrine and Covenants 121:1–12; 122.

Non Job 21–24, kopwe anneani eu anini fengen nefinen Job me chienan kewe. Nukanapen ei anini fengen eu kapaseis chommong aramas ra fen eis: Pwata fan ekkoch aramas tupwon ra riaffou?

Inamo ese wor rech ponuwan meinisin, non ewe niwinsefaniton ewe kapas allimen Jises Kraist, mi wor rech ekkoch ennet mi tongeni anisi kich ne weweiti usun ewe osukosuk me riaffou. Fan mi wor pukefelin fansoun soponon mi masoweni ekkoch ekkei ennet. Met ekkei pukefel ra aituk usun Samach non Nang me me An kokkot?

• 2 Nifai 2:11–13

• Mosaia 23:21–23; 24:10–16

• Ether 12:27

• Doctrine and Covenants 58:3–5

• Abraham 3:22–26

Ka pwan tongeni anneani an Preseten Spencer W. Kimball osukun usun osukosuk non “Tragedy or Destiny?” (Teachings of Presidents of the Church: Spencer W. Kimball [2011]), 11–21).

Anongonong won met ka fen kaeo, ifa usun ita kopwe ponuweni eu kapaseis usun “Pwata Kot a mut ngeni aramas mi tupwon repwe riaffou?”

A song ren an chienan kewe etipisi (nengeni Job 16:1–5; 19:1–3), Job a enniwini ne eisini Kot pwata i epwe fokkun riaffou (nengeni Job 19:6–7; 23:1–9; 31). Ewe Samon ese ngeni i eu fatochun popun me non ewe puken Job. Nge i a osukuna eu auchean porous non sopwun 38– 40. Ifa usun kopwe mennapei ena porous? Ren awewe, met ka kaeo seni an ewe Samon kapaseis non Job 38:1–7, 18–24?

Kopwe apareni pwe we Samon a kapas ngeni Job usun ekkoch An kewe foruta me ekkoch angang napanap (nengeni Job 38–39). Kopwe pwan tongeni nenengeni ekkoch ekkena foruta (ika sasingir kewe). Ifa usun ekkei mettoch ra anisuk an epwe sokkono om ekiek usun Kot? Usun om kewe sossot? Ifa usun ra siwini an Job ekiek? (nengeni Job 42:1–6; nengeni pwan Moses 1:8–10).

Ikkei ru porousen mwichenap mi tongeni anisi ne siwini ach ekiek: Tamara W. Runia, “Seeing God’s Family through the Overview Lens” (Liahona, Nov. 2023, 62–69); Russell M. Nelson, “Ekiek Selestial!” (Liahona, Nov. 2023, 117–20). Non eu me nein ekkena porous, kutta och mettoch kopwe mochen chechemeni atun pwan eu fansoun nupwen om sossot usun ra kon sach. Ifa usun kopwe achema ngonuk pwisin usun met ka kaeo?

• Pesei noum kewe semirit ar repwe urenuk met ra sinei usun Job. Ika mi namot ngenir aninis, ka tongeni awenar ngeni Job 1:1, 13–22; 2:7–10 or to “Job” (non Porousen Testamen Noom Stories, 145–47). Ifa usun Job a ponuweni weires? (nengeni Job 1:21; 2:10).

  

  1:55

• Job a nikitu non an kewe weires pokiten met i a sinei usun ewe Samon. Menin en me noum kewe semirit oua tongeni nenengeni ekkoch sasingin Jises Kraist an mwokutukut ngeni ekkoch (usun ren ewe eu fan ika sasing non ewe Gospel Art Book). Kapas usun met en mi sinei usun I me met I mi nikinikin. Ikkei ekkoch uwokisin mi pwarano met Job mi sinei usun ewe Samon: Job 12:10, 13, 16; 19:25–27. Pwata mi ouchea ach sipwe sinei ekketi mettoch usun I?

• Job a eis eu auchean kapaseis non Job 14:14. Meni en me noum kewe semirit oua tongeni ekkesiwin ne aporousa ifa usun oupwe ponuweni Job. Ka tongeni kutta ekkkoch kokkot non Alma 11:42–44, me non ewe fitio “In a Coming Day” (Nenien puken Kapas Allim), ika non echo kon usun ewe Manausefan, usun ren “Did Jesus Really Live Again?” (Noun Semirit Puken Kon, 64).

1:11

• Nupwen Job a netipengaw, chienan kewe ra apasa pwe Kot a eriaffou i pokiten i a tipis (nengeni Job 22:5). Ika pwe kich chienen Job, ifa usun sipwe sotuni ne anisi i? Ifa usun ach kewe kapas ra anisi ekkoch nupwen ra netipengaw? (nengeni Job 16: 5). Ekieki om kopwe pwari eu ika chommong ekkewe sasing non ei etetten nupwen ka aporousa ekkei kapaseis.

• Ekieki kopwe eisini noum kewe semirit ar repwe etetteni ekkoch murino usun emon chiechiochum me om kopwe eita emon chienom ewe mi wor ren ekkei murino. Mwirin ka tongeni nenengeni echo sasingin Jises Kraist. Non met napanap Jises a emon chiechioch ngeni kich? Ka tongeni ekieki usun emon mi nom non fansoun weires. Ota ifa usun kopwe emon chiechier mi usun Kraist.

• Mwirin om anneani Job 19:23–27, en me noum kewe semirit oua tongeni porous fengen ren ifa usun ami mi sinei pwe ach Chon Angasano mi manau. Oua tongeni angang fengen ne wanong ami kapasen pwarata (ika chungan ewe Chon Amanau) non eu puk (nengeni uwokisin 23).

• Ka pwan tongeni konu echo kon mi pwarata usun ewe Chon Amanau, usun ren “I Know That My Redeemer Lives” (Kon mi fen, nampa 136). Aporousa ekkoch kapas seni ewe kon mi fen mi apochokuna om nuku non I. Pwata mi auchea ach sipwe sinei pwe Jises Kraist mi manau?