1 Samuel 8–10; 13; 15–16

1 Samuel 8 a aporousa ussuun eu mettoch mi fis minne epwe siwini fetanin nonnomun Israel feinfeino. Ren eppet seni chon koum ngenir, ekkewe Chon Israel ra mochen met mi wor ren chon orur kewe—emon king epwe nemenem wor. Nupwen ka anneani usun ar tingor me an ewe Samon ponuweni, ekieki usun ion ka nenengeni fan iten tumun me emwen. Ekieki met wewen om mut ngeni ewe Samon epwe “nemenem [wom] (1 Samuel 8:7).

Non ekkewe wik repwe feito, kopwe anneani usun ekkoch king ra kokko ar repwe emweni Israel. Nupwen ka kaeo usur, ekieki ekkewe kapaseis mi tapweto:

• Ifa usun an ewe Samon kewe ourouren fon ra pwonuta non 1 Samuel 8:10–18?

• Ifa usun ekkewe semiriten Israel ra siwin ren ar finata an epwe wor emon kingen fonufan?

• Ifa usun Jises Kraist a sokkono seni kingen fonufan? Ekieki met mwokutukutun fonufan epwe namot ngonuk om oturseni manauom om kopwe mut ngeni Kraist epwe noum King.

Nengeni pwan “Rejoice, the Lord Is King!,” Kon mi fen, no. 66.

Anneani ifa usun an Kot a fini noun Israel king non 1 Samuel 9–10 me 16 (nengeni akkaewin 9:15–17; 10:1–12; 16:1–13). Kutta ekkoch mak ir mi anisuk om kopwe weweiti met wewen ne “kokko seni Kot, me ren osini” non an ewe Samon Mwichefen ikenai (Nongonongen Achifoua 1:5) Meni kopwe ekieki om kopwe wanong inisium non nenien ewe sou emwen ewe a atoura ewe kokko (Samuel), ewe aramas a angei ewe kokko (Saul me David), me ekkewe aramas ra kokko ar repwe angang ngenir (ekkewe Chon Israel). Met ka kaeo seni ar kewe kapas me foffor non ekkei sopwun?

Ekieki ifa ussun nikinikin an Saul nuokus non 1 Samuel 10, mi amairu ne anneani usun an “ungeni” me “nukumach” mwirin a winiti king(1 Samuel 15:23). Pwata ka ekieki ei a fis? Non 1 Samuel 13:5–14, met napanap me nikinik ka kuna minne a emwen ngeni an turutiw?

Non 1 Samuel 15, kopwe anneani usun eu annuk seni ewe Samon ewe Saul ese aneasosichi pokiten i a ekieki pwe a och an popun. Ne kaeo seni an Saul finata mi ngau, nengeni uwokisin 22 me siwini ekkewe kapas “asor” me “kirisen siip” ren mettoch usun mi och nge rese kon auchea usun ausening me aneasosichi ewe Samon. Ifa ussun om ka fen pin feioch nupwen ka akkomwa an ewe Samon mochen non manauom?

Ka mwo fen pin fori eu pekin finata anongonong won “pwanon nikinikin” och mettoch ika emon, nge mwirin chok ka sinei pwe ka muan? Menin ka ani och mettoch ese kon och usun ochun nikinkin we. Ika menin ka apungungano om ekiek fan iten emon nge ese pungoch

Nupwen Samuel a kutta emon minafon kingen Israel, ewe Samon a aiti i eu aan mi kon murino. Anneani usun me non 1 Samuel 16:6–7, me ekieki ne makketiw eu tettenin aanen an aramas apungu ekkoch “won pwanon nikinikir.” Ka tongeni kutta ekkoch pekin awewe non an Elter Christophe G. Giraud-Carrier porous“Kich Noun Semirit” (Liahona, Nov. 2023, 114–16). Met wewen ne nennengeni “ewe netip” usun ewe Samon a fori? (1 Samuel 16:7). Ka tongeni kuna minen appiru usun ei, pwan, non an Elter Giraud-Carrier porous. Meni ka tongeni ekieki usun ekkoch fansoun nupwen ewe Chon Amanau a nenneno seni pwanon nikinikin emon aramas. (Nengeni, ren awewe, Mark 12:41–44; Luke 5:1–11; 19:1–9; John 4:5–30; Moses 6:31–36.) Met ka kaeo seni ekkei minen appiru?

Ifa usun om kopwe tongeni appiru an ewe Chon Amanau nenien appiru non ewe napanap ka nennengeni ekkoch—me pwisin en? Ifa usun om fori epwe siwini om mwokutukut ngeni ekkoch? Ekieki om kopwe ureni emon usun ewe echipwor ka kuna non netiper.

Nengeni pwan Ulisses Soares, “Brothers and Sisters in Kraist,” Liahona, Nov. 2023, 70–73.

• Nupwen ka anneani 1 Samuel 8 fiti noum kewe semirit, anisir ne kutta ekkewe popun Samuel a ureni ekkewe Chon Israel pwe an epwe wor emon king a eu kokkot mi ngau. Pwata mi murino ach sipwe ani Jises Kraist usun ach king? Meni ka tongeni fori fengeni eu toropwe mwarin king me ekkesiwini ne aea me aporousa och mettoch sia tongeni fori ne pwari pwe sia mochen Jises epwe ach King. (Nengeni pwan Jeremiah 23:5; Doctrine and Covenants 45:59.)

• Ekkewe uruon an Kot fini Saul me David repwe king ra tongeni anisi noum kewe semirit ne weweiti ifa usun aramas ra kokko ar repwe angang non ewe Mwichefen ikenai seni pwarata. Om kopwe aitir ekkei porous, ka tongeni makketiw fansoun mi fis seni ekkewe porous won toropwe mi fichitiw, me noum kewe semirit ra tongeni etetenir non pungun tettenir nupwen oua annea fengeni ekkewe okisin non pukefel (nengeni pwan “Young David” non Porousen Testamen Noom, 110–11). Mwirin ka tongeni kapas usun ekkewe fansoun nupwen Kot a efeiochuk ren manamanen pekin ngun ne apwonueta eu angang ika wis (nengeni 1 Samuel 10:9–10).

  

  1:16

• Ei mi tongeni epwe eu fansoun mi och ne aiti noum kewe semirit ewe animuwan nongonongen achifou. Urenir ifa usun ka angei wisom we non ewe Mwichefen. Ifa usun ka sinei pwe ka kokko me ren Kot?

• Och pisekin nesen a tongeni anisi noum kewe semirit repwe weweiti nongonong non 1 Samuel 16:7. Ren awewe, ka tongeni pwar ngenir ekkoch mwongo ika eu puk fiti eu tukutuk ika pwonupwonun ese nonno ngeni wesen ennetin masowan. Met 1 Samuel 16:7 me ei pisekin nesen a pwari ifa usun sipwe pwisin atona inisich me ekkoch aramas? Konu echo kon mi apochokuna ei nongonong, usun ren “Love One Another” (Noun Semirit Puken Kon, 136).

  Aea pisekin nesen. Nupwen epwe wor mettoch noum kewe semirit repwe kuna me attapa mi wewe ngeni eu nongonongen kapas allim, repwe kon chechemeni. Ren awewe, nupwen ka anneani 1 Samuel 16:7 ngenir, ka tongeni mut ngenir repwe anisuk ne kutta ekkoch mettoch mi sokkono seni ach nenengenir ne awewei ewe popun sipwe achocho ne kuna usun ewe Samon a kuna—ren ach nennengeni “ewe netip”—nap seni apungano anongonong won “pwanon nikinik me nukun.”

• En me noum kewe semirit oua tongeni aporousa fansoun minne oua kaeo pwata kopwe “nennegeni ewe netip,” esap chok “pwanon nikinikir me nukun” (uwokisin 7). Oua pwan tongeni ekkesiwin emon me emon ne aporousa fengeni usun ekkewe mettoch mi och oua kuna non netipen emon me emon.