Gutegeka Kwa Kabiri 6–8; 15; 18; 29–30; 34

Amategeko ya Mose yari akubiyemo imihango n’imigenzo myinshi yo hanze. Nk’uko uzabibona mu nama Mose yatanze mu Gutegeka kwa Kabiri, Nyagasani nawe yari ahangayikishijwe n’imimerere y’imbere y’abantu Be—imimerere ya roho zo mu mitima yabo.

Mu murongo ukurikira, mushaka ijambo umutima, maze mutekereze byimbitse icyo rishobora kuba rigaragaza. Mushobora gutekereza iyi mirongo nk’isuzumwa rya roho mu mitima yacu. Mbese ni ukuhe kwisuzuma wakwikorera ubwawe? Mbese ni uwuhe muti ushobora kwigenera kugira ngo urusheho kugira ubuzima bwiza bwa roho mu mutima wawe? Mwandike ibyiyumviro byanyu:

• Gutegeka Kwa Kabiri 6:4–7:

• Gutegeka Kwa Kabiri 8:2–5:

• Gutegeka Kwa Kabiri 8:11–17:

• Gutegeka Kwa Kabiri 29:18–20:

• Gutegeka Kwa Kabiri 30:6–10:

• Gutegeka Kwa Kabiri 30:14–20:

Uburyo bumwe bwo gushyira k’umurongo ibitekerezo byanyu bushobora kuba gushushanya umutima maze mukandikamo ibintu Nyagasani yavuze mugomba kugira mu mutima wanyu. Noneho inyuma yawo mushobora kwandikaho ibintu mugomba kugumisha hanze y’umutima wanyu.

Ni gute werekana ko mukunda Imana n’umutima wanyu wose? Kubw’ibitekerezo, murebe “Love God, love your neighbor” muri Kubw’Imbaraga z’Urubyiruko: A Guide for Making Choices, 10–12.

Murebe na none M. Russell Ballard, “Urusha Aba Kunkunda?,” Liyahona, Ugushyingo. 2021, 51–53.

Abisirayeli benshi bari kwinjira mu gihugu cy’isezerano ntibari barabonye ibyorezo muri Egiputa cyangwa ngo barambutse Inyanja Itukura. Mose yari azi ko bo—n’ibisekuruza by’ahazaza—bazakenera kwibuka ibitangaza by’Imana n’amategeko y’Imana kugira ngo bagume kuba abantu b’Imana.

Mbese Ni izihe nama mubona mu Gutegeka Kwa Kabiri 6:4–12, 20–25 zishobora kubafasha kwibuka ibintu bikomeye Imana yabakoreye? Mbese ni iki ufitiye umuhate wo gukora kugira ngo ijambo rya Nyagasani buri munsi “rihore ku mutima wawe”? (umurongo 6).

Mushobora na none kwiga ubutumwa bw’Umuvandimwe Jan E. Newman “Preserving the Voice of the Covenant People in the Rising Generation” (Liyahona, Ugushyingo. 2023, 36–38) maze mugatekereza uko muzageza ukwizera kwanyu muri Kristo ku bisekuruza byo mu bihe bizaza.

Murebe na none Gutegeka kwa Kabiri 11:18–21; Dale G. Renlund, “Consider the Goodness and Greatness of God,” Liyahona, Gicurasi 2020, 41–44; Bible Dictionary, “Frontlets or phylacteries.”

Ntabwo turagera mu gihe “ubwo nta mukene uzabaho muri mwe” (Gutegeka Kwa Kabiri 15:4), bityo amahame yerekeranye no gufasha abakene mu Gutegeka Kwa Kabiri 15 aracyafite agaciro, ndetse n’iyoimigenzo yihariye yaba byarahindutse. Mumenye icyo imirongo 1–15 yigisha byerekeranye n’impamvu dufasha abantu babikeneye ndetse n’uko imyitwarire yacu yakabaye imeze kuri byo.

Bisobanuye iki “kuramburira iminwe [ikiganza cyawe]” abantu bakennye.? (imirongo 8, 11). Mbese ni iki mwigira k’urugero rwa Nyagasani rwerekeranye no gufasha abantu bakennye? (reba umurongo 15).

Reba na none “Have I Done Any Good?,” Indirimbo, nimero. 223.

Petero, Nefi, Moroni, n’Umukiza Ubwe bose bagarutse ku buhanuzi buri mu Gutegeka Kwa Kabiri 18:15–19 (reba Ibyakozwe n’Intumwa 3:20–23; 1 Nefi 22:20–21; Joseph Smith—History 1:40; 3 Nefi 20:23). Mbese ni iki mwigira ku Mukiza muri iyi mirongo? Mutekereze ku byo mwasomye kuri Mose mu byumweru bike bishize. Mbese ni gute Mose “ameze nka” Yesu Kristo?

Byashobora kuba bishimishije kugereranya amagambo ya Mose mu Gutegeka Kwa Kabiri 29:9; 30:15–20 na zimwe mu nyigisho za nyuma za Lehi ku muryango we muri 2 Nefi 2:26–29; 4:4. Mbese ni gute Lehi yagura ibyo Mose yigishije? Mbese ni iki mubona muri iyi mirongo kibatera umuhate wo “guhitamo ubuzima”? (Gutegeka Kwa Kabiri 30:19).

• Mu gufasha abana banyu gusobanukirwa Gutegeka Kwa Kabiri 6:5, mushobora gushushanya umutima, incishirizo y’umubiri, n’ukuboko gukomeye. Abana banyu bashobora kwerekana ku ishusho uko musoma amagambo “umutima,” “ubugingo,” n’“ububasha” muri uyu murongo. Mbese ni gute twereka Nyagasani ko tumukunda n’umutima wacu wose, ubugingo bwcu bwose, n’imbaraga zacu zose?

• Musomere hamwe n’abana banyu inama ya Nyagasani ku Bisirayeli yo gushyira imirongo y’ibyanditswe bitagatifu aho bayireba buri munsi (reba Gutegeka Kwa Kabiri 6:6–9). Ibi bishobora kubatera umuhate mwebwe n’abana banyu wo gutekereza uburyo bwatuma rwose “mutibagirwa Nyagasani” (umurongo 12) no kwibuka ibyo yakoze ku bwanyu.

• Mushobora kwerekana ko Gutegeka Kwa Kabiri 6:13, 16 na 8:3 kwafashije Umukiza mu gihe cy’ingenzi mu buzima Bwe. Kugira ngo mumenye uko byagenze , musomere hamwe Matayo 4:1–10. Noneho mushobora gusangizanya imirongo imwe n’imwe yo mu byanditswe bitagatifu yabafashije igihe mwari mubikeneye.

• Uko mmusomera hamwe Gutegeka Kwa Kabiri 18:18 , nimufashe abana banyu gusobanukirwa ko Umuhanuzi nka Mose muri uyu murongo ari Yesu Kristo. Ahari mushobora kureba amashusho y’bintu Mose yakoze n’ibintu Yesu Kristo yakoze, noneho mukareka abana banyu bakabihuza (reba Igitabo cy’Ibishushanyo by’Inkuru nziza, no. 15, 16, 38, 39). Mbese ni iki umuhanuzi wacu ubu atwigisha kubyerekeye Umukiza?

• Kuganira ku Gutegeka Kwa Kabiri 29:12–13 bibaha umwanya mwebwe n’abana banyu yo kuvuga ku bihango bazagirana cyangwa bagiranye na Data wo mu Ijuru. Mbese kuba abantu b’Imana bisobanuye iki? Mbese ni gute amasezerano yacu atugira abantu b’Imana? (reba umurongo 13; reba na none Mosaya 18:8–10).

• Niba abana banyu bakeneye gufashwa gusobanukirwa icyo igihango ari cyo, nimugire inama yo gushaka igisobanuro muri “Covenant” in the Guide to the Scriptures (Isomero ry’Inkuru nziza). Mbese ni ayahe masezerano Imana n’Abisirayeli bagiranye Gutegeka Kwa Kabiri 30:8–10? Mbese ni ayahe masezerano twagiranye n’Imana? (reba Inyigisho n’Ibihango 20:37, 77). Ni gute aya masezerano aduhuza na Yo? Mutekereze kuririmbira hamwe indirimbo yerekeranye n’ibihango nka “Standing on the Promises” (Isomero ry’Inkuru Nziza).