Kubara 11–14; 20–24; 27

Mu Kubara 11:11–17, 24–29, murabona neza ikibazo Mose yahuye nacyo n’igisubizo Imana yamuhaye. Mbese ni iki mutekereza ko Mose yashatse gusobanura igihe yavugaga ko yifuzaga “ko abantu bose ba Nyagasani baba abahanuzi ”? (umurongo 29) Uko mutekereza byimbitse kuri iki kibazo, reba ibisubizo bishoboka mu butumwa bw’Umuyobozi Russell M. Nelson “Revelation for the Church, Revelation for Our Lives” (Liyahona, Gicurasi 2018, 93–96).

Bivuze ko twese dushobora kwakira amahishurirwa, ariko, ntibisobanuye ko twese dushobora kuyobora abantu b’Imana nk’uko Mose yabikoze. Ibyabayeho mu Kubara 12 birabisobanura neza. Mbese ni iyihe miburo mubona muri iki gice? Mbese ni iki mwumva ko Nyagasani ashaka ko musobanukirwa ku byerekeye ihishurirwa ry’umuntu ku giti cye no gukurikira umuhanuzi We?

Reba na none 1 Nefi 10:17; Inyigisho n’Ibihango 28:1–7; Dallin H. Oaks, “Two Lines of Communication,” Liyahona, Ugushyingo. 2010, 83–86.

Abantu bamwe batungurwa no kumenya ko Mose, umuyobozi ushoboye wahagaze imbere ya Farawo agakora ibitangaza bidasanzwe kubw’imbaraga za Nyagasani, na none yari “umugwaneza cyane” (Kubara 12:3). Mbese kuba umugwaneza bisobanuye iki? Muzirikane kwiga ubusobanuro bw’Umukuru David A. Bednar muri “Meek and Lowly of Heart” (Liyahona, Gicurasi 2018, 30–33) cyangwa “Meek, Meekness” muri Guide to the Scriptures (Isomero ry’Inkuru Nziza).

Mbese ni iki wigira ku ngero za Mose zo kwiyoroshya mu Kuva 18:13–25; Kubara 11:26–29; Kubara 12; Abaheburayo 11:24–27; and Mose 1:10–11? Mushobora na none gutekereza byimbitse uko Umukiza yerekanye ubugwaneza (reba Matayo 11:29; 27:11–14; Luka 22:41–42; Yohana 13:4–5). Mbese ni iki izi ngero zibigisha?

Uko musoma Kubara 13–14, nimugerageze kwishyira mwebwe ubwanyu mu mwanya w’Abisirayeli. Mbese ni kuki mutekereza ko bashakaga gusubira muri Egiputa”? (Kubara 14:3). Mbese ni gute mwasobanura indi “roho”Kalebu yari afite? (Kubara 14:24). Mbese ni iki kibatangaza ku kwizera kwa Kalebu na Yosuwa, ndetse ni gute washobora gushyira mu bikorwa ingero zabo mu byo muhura nabyo?

Abahanuzi bo mu Gitabo cya Morumoni bari bazi inkuru dusanga mu Kubara 21:4–9 kandi basobanukiwe akamaro kayo mu bya roho. Soma inyigisho zabo kuri iyi nkuru muri 1 Nefi 17:40–41; Aluma 33:18–22; na Helamani 8:13–15. Hano hari ibibazo byo gutekerezaho byimbitse uko musoma:

• Mbese ni iki inzoka y’umuringa yasobanuraga?

• Mbese ni iki kurumwa n’inzoka byasobanuraga?

• Abisirayeli bagombaga “[kureba] inzoka y’umuringa” (Kubara 21:9) ngo bakire. Mbese ni kuki mutekereza ko abantu bamwe na bamwe banze kuyireba? Mbese haba hari ikintu gisa nk’icyo kigeze kikubaho?

• Mbese nii iki wumva ubwirijwe gukora ngo “urangamire Umwana w’Imana mu kwizera” birushijeho kandi ukizwe? (Helamani 8:15).

Gusoma ibi byanditswe bishobora kubibutsa ibindi bihe mu byanditswe bitagatifu ubwo abantu bari bakeneye kurangamira Kristo. Nk’urugero, nimugereranye ubutumwa buri mu Kubara 21:4–9 na Matayo 14:25–31 na 1 Nefi 8:24–28 (reba na none ishusho iri ku mugereka w’incamake y’iki cyumweru). Mbese ni iki kigamije kudushyira kure ya Kristo? Mbese ni gute Aha umugisha abantu bagumya kumurangamira?

Reba na none “Jesus, the Very Thought of Thee” (Indirimbo, nimero. 141).

Igihe Balaki, umwami w’Abamowabu, yamenyaga ko Abisirayeli barimo kubasatira, yahamagaye Balamu, umugabo wari uzwiho gutanga imigisha no kuvuma. Balaki yashakaga ko avuma Abisirayeli. Menya uko Balaki yagerageje kwemeza Balamu (reba Kubara 22:5–7, 15–17), maze mutekereze ku bishuko mushobora guhura nabyo bituma murwanya ugushaka kw’Imana. Mbese ni iki kibatangaza ku gisubizo cya Balamu mu Kubara 22:18, 38; 23:8, 12, 26; 24:13? Ikibabaje, ni uko nyuma y’igihe Balamu yashyizweho igitutu maze agambanira Abisirayeli (reba Kubara 31:16; Yuda 1:11). Mutekereze byimbitse uko mushobora kugumya kuba indahemuka kuri Nyagasani mutitaye ku gitutu cy’abandi.

• Mubaze abana banyu niba bibuka bimwe mu bitangaza Nyagasani yakoze kugira ngo afashe Abisirayeli (reba “The Plagues of Egypt” na “The Passover” muri Old Testament Stories, 67–74). Noneho mushobora kubibashyirira mu magambo make Kubara 11:4–10, mwibanda ku kuba Abisirayeli bari baribagiwe imigisha yabo bagatangira kwitotomba. Mbese ni iyihe migisha rimwe na rimwe twibagirwa?

• Uko muririmba cyangwa mugatega amatwi indirimbo ijyanye no gushimira, nka “Count Your Blessings” (Indirimbo, nimero. 241), abana banyu bashobora gushushanya amashusho y’imigisha Nyagasani yabahaye.

• Mu kuriburira Kubara 12, mushobora kubwira abana banyu ko Nyagasani atari yishimiye Aroni na Miriyamu, abavandimwe ba Mose. Mubasabe gusoma Kubara 12:1–8 kugira ngo bamenye impamvu. Mutekereze gukoresha Gospel Art Book kugira ngo mufashe abana banyu kubona ingero z’abantu mu byanditswe bitagatifu bubashye umuhanuzi wa Nyagasani maze bagahabwa umugisha. Mbese ni gute duhabwa umugisha iyo dukurikiye umuhanuzi wa Nyagasani?

• Mshobora gukoresha “Moses and the Brass Serpent” muri Old Testament Stories, 83–84, kugira ngo mufashe abana banyu kumenya ibyabaye mu Kubara 21:6–9. Mbese ni gute inzoka y’umuringa imeze nka Yesu Kristo? (reba Yohana 3:14–15). Abana banyu bashobora gushimishwa nogukora inzoka mu gipapuro maze bakacyandikaho ibintu byoroheje bakora ngo “barangamire Umwana w’Imana mu kwizera” (Helamani 8:15).

  

  1:2

• Abana bakuru bashobora guhitamo kimwe muri ibi byanditswe bitagatifu maze bagasangiza icyo byongera ku gusobanukirwa kwabo kw’iyi nkuru: 1 Nefi 17:41; Aluma 33:18–20; Helamani 8:13–15; Inyigisho n’Ibihango 6:36.

• Mushyirire mu mu magambo make abana banyu Kubara 22:1–18 mwibanda k’uko Balamu yanze kuvuma abantu b’Imana, ndetse n’ubwo Balaki, umwami w’Abamowabu, yamwemerara icyubahiro n’ubukire. Noneho mushobora gufasha abana banyu gushakisha imirongo ikurikira bagashakamo imirongo bumva ko yerekana ko Balamu yashakaga gukurikira Imana: Kubara 22:18; 23:26; 24:13. Ahari abana baanyu bashobora guhitamo umurongo umwe bakunze maze bakawandika ku ikarita kugira ngo mujye mubafasha kwibuka kumvira Nyagasani.