“Mme Ekikere Ndinim ke Esit: Tabernacle ye Uwa,” Edi, Etiene Mi—Eke Ufɔkiduŋ ye Ufɔk Abasi: Akani Testament 2026 (2026)
“Tabernacle ye Uwa,” Edi, Etiene Mi: Akani Testament 2026
Mme Ekikere Ndinim ke Esit
Tabernacle ye Uwa
Nte nnyin ikotde Akani Testament, nnyin ke ubak-ini imikut mme anyan itie-ŋwed abaŋade mme ŋkpɔ emi ekenehede edi akpan-ŋkpɔ ɔnɔ Jehovah edi ke ndo-ndo ikibietke enyene ufɔn ɔnɔ nnyin mfin emi. Exodus 25–30; 35–40 and Leviticus 1–9; 16–17 edi mme uwutŋkpɔ. Mme ibuot-ŋwed emi owut mbuk tabernacle eke nditɔ Israel ke wilderness ye mme uwa unam emi edinamde do. Tabernacle ekedi temple emi ekamade-esaŋa, ebiet iduŋ Jehovah kotu ikɔt esie.
Temple nnyin ke eyo emi enyene ukem-mbiet ye tabernacle eke Israel, edi mmɔ inehekede ikem ye eke emede ewut ke Exodus. Ndien nnyin iwotke mme unam ke temple nnyin—Erisio-isop eke Andinyaŋa ama editre uwa unam ke mme tɔsin isua iba emi ekebede. Edi kesioho ukpuhɔre emi, odu akwa ufɔn mfin emi ke edikot mbaŋa mme ido ntuak-ibuot eke Israel eset, akpan-akpan edieke nnyin ikutde mmɔ nte ikɔt Abasi eke Ŋwed Mormon ekekutde—nte usuŋ “ndisɔŋɔ mbuɔtidem mmɔ ke Christ” (Alma 25:16). Ini emi nnyin ifiɔkde idiɔŋɔ eke tabernacle ye uwa unam, nnyin imikeme edinyene ifiɔk spirit emi edisɔŋɔde mbuɔtidem nnyin ke Christ ŋko.
Uwa Eyen-erɔŋ, otode Robert T. Barrett
Tabernacle Ɔsɔsɔŋɔ Mbuɔtidem Nnyin ke Jesus Christ
Ini emi Abasi ɔdɔhɔde Moses ete ɔbɔp tabernacle ke nna-ekɔŋ eke nditɔ Israel, Enye etiŋ ufɔn esie ete: “man nduŋ ke otu mmɔ” (Exodus 25:8). Ke esit tabernacle, ekebe ediomi akade ɔnɔ odudu Abasi—ekebe eto, efukde ye gold, esinede ewewet mbuk eke ediomi Abasi ye ikɔt Esie. Ekenim ekebe-ediomi ke nsana-ŋkan, ata-esit ubet, edade ikpehe ebaharede esio ke ofuri ebiet eke tabernacle oro. Ikpehe emi ekeme ediwut ubahare nnyin mkpɔŋ iso Abasi otode ke Iduɔ, ukem nte usuŋ nnyin edifiak mbine Enye—oto ke Andinyaŋa.
Ke ebede Moses, nnyin idiɔŋɔ owo kiet kpɔt emi ekemede ediduk ediduk “ata edisana ebiet oro” (Exodus 26:34)—akwa oku. Nte mme oku eken, enye enyene mdibem-iso nyet nyuŋ nduɔk-aran nyuŋ nsine nsasana ɔfɔŋ emi edide idiɔŋɔ itie-utom esie. Inikiet ke isua, ke usen ekotde Usen Erisio-isop, akwa oku eyenɔ uwa ke ibuot mbonowo mbemiso oduk tabernacle oro ikpɔŋ. Ke ikpehe, enye eyefɔp incense. Ufik nsuŋikaŋ emi ɔdɔkde aka heaven adade-ɔnɔ mme akam mbonowo ɔdɔkde ebine Abasi. Ekem akwa kou oro, emende iyip otode unam emi ewade, eyesaŋa ebe ke ikpehe ndien ekpere ebekpo Abasi, edide idiɔŋɔ ke ekebe ediomi.
Ndidiɔŋɔ se mbufo ɔdiɔŋɔ abaŋa Jesus Christ ye utom Esie ke uduak eke Ete eke Enyɔŋ, ndi mbufo emekeme edikut nte tabernacle anyande nnyin owut Andinyaŋa? Ukem nte tabernacle, ye ekebe-ediomi ekedude ke esit, adade-ɔnɔ iso Abasi ke otu ikɔt Esie, Jesus Christ ekedi iso Abasi ke otu ikɔt Esie. Ukem nte akwa oku, Jesus Christ edi Etie-ubiɔŋ ke ufɔt nnyin ye Abasi Ete. Enye asaŋa ebe ke ikpehe ndinam mkpe-ubɔk nnɔ nnyin oto ke mfɔn-ma iyip eke nwaidem Esie.
Mbufo emekeme edimehe ye ubak ŋkpɔ eke tabernacle Israel, akpan-akpan edieke mbufo ama-ka temple man ɔkɔ-bɔ edinam ikɔ-Abasi fo. Temple edi ufɔk Jehovah—ebiet iduŋ Esie ke otu ikɔt Esie Ukem nte nsana-ŋkan ebiet ke tabernacle, ubet celestial eke temple ada-ɔnɔ iso Abasi. Man oduk, enyene ndibem-iso nyet nyuŋ nduɔk nnyin aran. Nnyin isine edisana ɔfɔŋ. Nnyin inam ediomi. Nnyin ibɔŋ-akam ke altar emi akam ɔdɔkde ebine Abasi. Ndin ke akpatre isaŋa-ibe ke ikpehe iduk ke iso Abasi.
Ndusuk ata akpan mbiet ke ufɔt mme temple eyo emi ye tabernacle eke eset edi ke mbiba, edieke enehede efiɔk, ɔsɔŋɔ mbuɔtidem nnyin ke Jesus Christ onyuŋ ɔyɔhɔ nnyin ye esit-ekɔm ke uwa ufak Esie. Abasi oyom ofuri nditɔ Esie eduk ke iso Esie; Enye oyom “obio-ubɔŋ eke mme oku” ye mme oku-iban (Exodus 19:6). Edi idiɔkŋkpɔ nnyin ebine nnyin osio ke edibɔ edidiɔŋ oro, koro “ndedehe ŋkpɔ ndomokiet ikanke idu ye Abasi” (1 Nephi 10:21). Ntre Abasi Ete ɔkɔnɔ Jesus Christ, “Akwa Oku nnyin eke nti ŋkpɔ ndidi” (Mme Hebrew 9:11). Enye abahade ikpehe ɔnɔ nnyin onyuŋ ɔnɔ ofuri nditɔ Abasi odudu ndisaŋa uko-uko nka ebekpo mfɔn, man otodo nnyin ikpebɔ mbɔm” (Hebrews 4:16).
Mfin emi, ufɔn temple awak akan ndibɔ edimenede nnɔ idem nnyin. Ke ima ikibɔ edinam ikɔ-Abasi eke nnyin inyuŋ inm ediomi ye Abasi, nnyin imikeme edida ke ebiet eke mbon-ntɔŋɔ-ubon nnyin inyuŋ ibɔ edinam ikɔ-Abasi ke inɔ mmɔ. Ke edinehede nse, nnyin imikabare ŋkpɔ nte akwa oku eke eset ye ke Akamba Akwa Oku iberede usuŋ ediduk iso Abasi inɔ mbon efen.
Nwaidem Ɔsɔŋɔ Mbuɔtidem ke Jesus Christ
Ema esɔŋɔ ekpep ukpep-ŋkpɔ erisio-isop ye mkpe-mbiere ke edinam ediwa unam eke eset, emi okodude ke anyan ini mbemiso ibet Moses edi. Adam ye Eve edinam uwa. Mmɔ ema ediɔŋɔ ke idiɔŋɔ uwa oro ada-ɔnɔ nwaidem eke Andinyaŋa. Ndien mmɔ ekekpep emi enɔ nditɔ mmɔ.
Idiɔŋɔ ediwa unam ekeme ndidi ata asaŋa-asaŋa akpan-ŋkpɔ ke Usen Erisio-isop ke Isarel eke eset (“Yom Kippur” ke Hebrew). Ekemen ufɔn edinam usɔrɔ inikiet ke isua emi ewut ke Leviticus 16:30ete: “Koro ke usen emi ke enye (oku) edisio isop inɔ mbufo, man anam mbufo esana, onyuŋ ofimede kpukpru mme idiɔk ido mbufo efep, anam esana k e iso Jehovah.” Emi ediyak iso Abasi ediud ke otu mme owo. Ekenam erisio-isop emi ekure oto ke mme nsio-nsio oruk usɔrɔ. Ke usɔrɔ kiet, ekewot ebot kiet nte uwa-enɔ ke idiɔkŋkpɔ eke mbonowo, ndien akwa oku ada iyip oro oduk ata edisana ebiet. Edikem, akwa oku enim ubɔk esie ke idem odu-uwem ebot onyuŋ ayarare idiɔkŋkpɔ eke nditɔ Israel—owutde idiɔŋɔ ediyak idiɔkŋkpɔ oro ndori ke ebot oro. Ekem ema ebin ebot oro esio ke otu nditɔ Israel.
Ke ubono-ŋkpɔ emi, ebot oro ada-ɔnɔ Jesus Christ, adade itie eke mbon emi enamde idiɔkŋkpɔ. Inaha eyak idiɔkŋkpɔ odu ke iso Abasi. Edi utu ke esoso-bo mme edibin anam-idiɔk nsio, Abasi edinɔ usuŋ efen eyewot mme edibin ebot kiet esio ke nde oro. “Ndien ebot oro eyebiom kpukpru mme ukwaŋ-ŋkpɔ mmɔ emi ododrode enye ke idem” (Leviticus 16:22).
Ubono-ŋkpɔ emi owut usuŋ emi Abasi ɔkɔnɔde ndida nnyin mfiak nka iso Esie—Jesus Christ ye Erisio-isop Esie. Andinyaŋa aka “da mfuhɔ nnyin, onyuŋ obiom ukut nnyin,” kpa “idiɔk ido nnyin kpukpru” (Isaiah 53:4, 6). Enye akada ke itie nnyin, ɔnɔ uwem Esie man ekpe isop idiɔkŋkpɔ, ndien ekem edikan mkpa oto ke Eriset Esie. Nwaidem Jesus Christ ekedi “akamba ye akpatre uwa; iŋ, idighe uwa eke owo, inyuŋ idighe eke unam” edi ana edi “anana utit ye nsinsi uwa” (Alma 34:10). Enye ekedi ibɔrɔ ofuri ŋkpɔ emi mme uwa eset akadade owut.
Ke ntak emi, ke nwaidem Esie ama okokure, Enye ete, “Mbufo idinɔhɔ mi uwa ediduɔk iyip aba; iŋ, mme uwa mbufo … ndiyomke aba. … Ndien mbufo edi-nɔ mi uwa mbuŋɔ esit ye edinuaha spirit” (3 Nephi 9:19–20).
Ntre ini emi mbufo okutde itie-ŋwed ke Akani Testament abaŋade nwaidem ye tabernacle (mme, edikem, temple)—ndien mbufo eyekut ediwak mmɔ—eti ke akpan ufɔn ke kpukpru oro edi ndisɔŋɔ mbuɔtidem fo ke Messiah, Jesus Christ. Yire se mbufo okotde nyuŋ kpep ye ntuak-ibuot fo ke ufɔk Esie. Eyak esit mbufo ye ekikere mbufo ɔwɔŋɔre ebine Enye. Ekere se Enye akanamde ndifiak nda mbufo nka iso Abasi—ye se mbufo edinam man etiene Enye.