Mme Ŋwed Mbuk ekedude ke Akani Testament

Ke ŋkpɔ-obot, etiŋ mme mbuk emi eto ata nde edida-nse. Ukem nte mimemke edida nse flawa, itiat, mme eto ito ebiet awakde akan ituŋ kiet kini kiet, ikimemke koro edinɔ mbuk-eset eyewut ekikere eke owo mme eboho mbonowo emi ewetde mbuk oro. Ekikere emi esine edibuana obio mme oruk eke andiwet ye ido ye ŋkpɔ-mbuɔtidem mmɔ. Edidiɔŋɔ emi ekeme ediŋwam nnyin ndifiɔk ete ke mme andiwet ye anditum ŋwed mbuk ekese nti mbuk kini ekpɔŋde mbon efen enim. Mmɔ ekenam ekikere emi mbon efen mikpikinam-ke. Ndien mmɔ edisim mme ubiere ɔkɔŋɔde ke mme mbuk ye ekikere emi. Nnyin ndien imikeme edikut isio-isio ekikere ke ofuri mme ŋwed eke Bible (ndien ke ubak-ini ke esit ukem ŋwed oro). Nte nnyin ifiɔkde mme ekikere emi awak, eyefɔn edieke nnyin ikemede ndifiɔk mme ŋwed mbuk-eset.

Ekikere kiet emi awakde ndidu nnɔ mme ŋwed mbuk eke Akani Testament edi ekikere eke nditɔ Israel, mbon ediomi eke Abasi. Mbuɔtidem mmɔ ke Jehovah ama aŋwam mmɔ ndikut ubɔk Esie ke uwem mm ye ke mbubehe eke idut mmɔ. Kini ŋwed mbuk eke iduŋ miyomkke edikut ŋkpɔ ke usuŋ ntem, ekikere ŋkpɔ Abasi emi edi ubak-ŋkpɔ emi anamde mme ŋwed mbuk eke Akani Testament enyene ata ufɔn ɔnɔ mme owo emi eyomde ndiwuk mbuɔtidem mmɔ ke Abasi.

Ŋwed mbuk-eset ɔtɔŋɔ ke ebiet emi ŋwed Deteronomy okurede, ye mme isua emi nditɔ Israel ekeyode ke wilderness ekperede edikure. Ŋwed Joshua owut nditɔ Israel ebeŋede-idem ediduk Canaan, isɔŋ eŋwɔŋɔ mm, ndien emen-owut nte mmɔ ekebɔde obio oro. Mme ŋwed emi etienede, Judges kesim 2 Chronicles, owut ifiɔk-ukpep eke Israel ke isɔŋ eŋwɔŋɔ, tɔŋɔde ke ini emi mmɔ ekeduŋde do tutu ini emi Assyria ye Babylon edikande mm. Mme ŋwed Ezra ye Nehemiah etiŋ abaŋa edifiak-nnyɔŋ eke ediwak eboho eke nditɔ Israel nka itak-idut mmɔ, Jerusalem, ke mme ediwak isua kiso. Akpatre, ŋwed Esther abuana mbuk eke nditɔ Israel eduŋde ke mbin-nsio ke idak ukara mbon Persia.

Ndien oro edi ebiet emi edibat Akani Testament etrede. Ubak mme andikot Bible ke akpa ini edu ke mkpaidem ndikut ete ke mmimɔ iminehede ikure edikot mbuk Akani Testament mbemiso mmɔ edikot awak ebe ubak ikpa-ŋwed esie. Ke ebede Esther, nnyin inyeneke ediwak etop aba kabaŋa mbuk-eset eke nditɔ Israel. Edi, mme ŋwed emi etienede—akpan-akpan ŋwed eke mmɔŋ prophet—ekem ye ini emi ekewutde mme ŋwed mbuk-eset oro. Uto ukwɔrɔ-ikɔ prophet Jeremiah, nte uwutŋkpɔ, akada itie kni ekewetde mme edinam ke 2 Ndidem 22–25 ye ukem-ukem mbuk ke 2 Chronicles 34–36). Ndidiɔŋɔ emi ekeme edisɔŋɔ usuŋ nte mbufo okotde obubuk ŋwed-eset ye ŋwed eke prophet.

Ini emi okotde Akani Testament, ukem ye mbuk-esie ekededi, mbufo eyekot abaŋa mme owo enamde mme etiŋde ŋkpɔ nte, ke esede ke enyin eyo emi, ebietde esen kpa mme edifafina. Akpana nnyin ikere ke emi eyetibe—mme andiwet Akani Testament ema ekut ererimbot ke ekikere emi okodude, ke ubak usuŋ, emi ɔkpuhɔde ɔkpɔŋ eke nnyin. Obom, ebuana eke oruk, ye ubiɔŋ eke iban edi ubak ŋkpɔ emi andiwet ŋwed ke eset ekpekekutde isio-isio ekan se nnyin ikutde mfin emi.

Ntem nso ke nnyin ikpinam kini nnyin idikutde mme itie ke ŋwed Abasi emi ebitde nte afafina? Akpa, oro ekeme ediŋwam ndikere-mbaŋa itie-ŋwed kiet-kiet ke ediŋwaŋa ndaha. Didie ke oro ekem ye uduak erinyaŋa eke Abasi? Didie ke oro ekem ye se mbufo ɔdiɔŋɔ abaŋa uduot Abasi ye Jesus Christ? Didie ke oro ekem ye akpanikɔ emi ekeyarare ke ŋwed Abasi efen mme ye ukpep-ŋkpɔ eke mme odu-uwem prophet? Ndien didie ke oro ekem ye mme odu emi Spirit ɔdɔŋde ke esit ye ekikere fo.

Ke ubak ndaha, itie-ŋwed oro ekeme edi-di inehede ikem ye ŋkpɔ emi ekededi. Ubak-ini itie-ŋwed ekeme edi-di nte mbai mbre-eyighe emi mibietke nte oro enyene itie kotu mbai-ŋkpɔ emi mbufo ekebemde iso anam-obono. Edidomo ndikpak mbai ŋkpɔ oro man ekem idige eti usuŋ. Ndien editetre ŋko ke ofuri-ofuri mbre-eyighe oro ifɔnke. Edi, mbufo emekeme ndiyak eyighe oro nim ke esisit ini. Nte mbufo ekpepde awak ndien esin ediwak mbre-eyighe ɔtɔkiet, mbufo emekeme edinehede ŋkut nte mbai-mbai oro ekemde ɔtɔkiet.

Oro ŋko ekeme ndiŋwam editi ke ndidian ke ndidi esisit nnɔ akpan ekikere, mme mbuk itie-ŋwed Abasi ekeme edinyene ndudue eketode owo. Nte uwutŋkpɔ, ata ediwak isua emi ekebede, “odu ediwak ŋkpɔ emi aŋwaŋade ebyuŋ efɔnde emi [eke] esioŋode efep ke [Bible],” esinede ata akpanikɔ kabaŋa ikpɔ-ukpep-ŋkpɔ, edinam ikɔ-Abasi, ye ediomi (1 Nephi 13:28; se ŋko mme ufaŋ 26, 29, 40). Ke ukem ini oro, nnyin akpana iduak ndinyime ke mme ekikere nnyin ŋko esikure: kpukpru ini eyesuk odu mme ŋkpɔ emi nnyin minehede ifiɔk ye mbume emi nnyin mikemeke ndibɔr kaŋa.

Edi idahaemi, mbume eke owo mibɔrɔke ikpinaha nte omum nnyin osio ke nsɔŋurua ndiye-itiat eke nsinsi akpanikɔ emi ekutde ke Akani Testament—ekpedi ke ndiye-itiat emi ke ubak-ini ekpedibe ke isɔŋ itiat eke mfafina ifiɔk-ukpep ye ndiɔi mbumek emi ndiɔi owo ekenamde. Ndusuk ata nti ndiye-itiat emi edi mme mbuk ye itie-ŋwed emi etiŋde ikɔ-ntiense abaŋa ima Abasi—akpan-akpan mmɔ emi edade esit nnyin eka nwaidem Jesus Christ. Nte esede oto ituŋ ekededi, ndiye-itiat ntem ayama aŋwaŋa ukem mfin emi nte mmɔ ekenamde kini eem ko. Ndien koro mme mbuk emi etiŋ abaŋa mbon ediomi Abasi—irenowo ye iban emi ekenyenede mmemidem nte owo edi ndien ekema enyuŋ enam-ŋkpɔ enɔ Jehovah—ndiye-itiat akpanikɔ ɔyɔhɔ ke ŋwed mbuk-eset eke Akani Testament.