Joshua 1–8; 23–24

Kere se oro ekpedibiet-de ɔnɔ Joshua ke edidikot man ada-itie Moses. Ediɔŋɔ se Jehovah etiŋde ke Joshua 1:1–9 ndinɔ enye nsɔŋɔ-nda. Ekere ebaŋa mkpɔsɔŋ mfina emi mbufo okutde; nso ŋkpɔ ke mme ufaŋ-ŋwed emi ɔnɔ fi uko?

Enyiŋ oro Joshua (Yehoshua mme Yeshua ke Hebrew) ɔwɔrɔ “Jehovah eyenyaŋa.” Ndien enyiŋ oro Jesus edi oto Yeshua. Ntem nte mbufo okotde abaŋa Joshua, kere-baŋa ubiɔŋ-utom esie ke ndida nditɔ Israel usuŋ mbe Inyaŋ Jordan nyuŋ ŋkesim isɔŋ eŋwɔŋɔ. Didie ke utom esie ekebiet ke se Christ anamde ɔnɔ nnyin?

Nte Enye ɔkɔsɔŋɔke Joshua idem, Jehovah ɔkɔnɔ item ke Joshua 1:8 abaŋa ŋwed Abasi, mme “ikɔ ewuhɔ.” Ndikere kabaŋa udop ubiɔŋ-utom Joshua, nsidi ntak eke item emi ekpenehede edi akpan uŋwam?

Ini emi Jehovah okotde nnyin ete ikoot ŋwed Abasi, Enye esiwak edida mme ikɔ emi okponde ebe ata edikokot. Enye ŋko esiŋwɔŋɔ ndinɔ ikpɔ edidiɔŋ. Mme ŋkpɔ se ewet ke idak ekeme ediŋwam mbufo ndifiɔk mme ikoot emi ye mme edidiɔŋ emi ekeŋwɔŋɔde:

Didie ke Jehovah anam mme eŋwɔŋɔ emi ɔwɔrɔ-osu ke uwem mbufo? Idahaemi ekeme edidi eti ini ndiduŋɔde ido edikot ŋwed Abasi fo. Nso ŋkpɔ ke anam man ɔfɔn? Nso ŋkpɔ ke mbufo ekere ndinam man enyene ediwak nti ifiɔk-ukpep ye ikɔ Abasi?

Se ŋko “As I Search the Holy Scriptures,” Hymns, no. 277.

Mme Christian eke Obufa Testament ekut Rahab nte uwutŋkpɔ eke mbiba odudu mbuɔtidem ye utom (se Mme Hebrew 11:31; James 2:25). Nte mbufo okotde Joshua 2, kere-baŋa ubiɔŋ-utom mbuɔtidem ye utom eke Rahab ke ndinyaŋa idemesie, ufɔkemana esie, ye mbon-uyep eke Israel. Nso ŋkpɔ ke emi ekpep fi abaŋa nte mbuɔtidem fo ke Christ ye utom fo ekemede edisɔŋɔ fi ye mbon efen idem?

Jehovah anam utibe-ŋkpɔ ke otu ikɔt Esie nte Enye adade mmɔ aka isɔŋ eŋwɔŋɔ, ndien Enye ekeme ndinam ukem oro nnɔ fi. Se mi edi ubak mbume ndida fi usuŋ ke mbufo edikot Joshua 3–4:

• Nsidi ntak emi mbufo ekerede ke nditɔ ekeyom ndinam idem mmɔ asana mbemiso mmɔ edi-be Inyaŋ Jordan? (se Joshua 3:5).

• Efiɔk ete ke inyaŋ oro ekekpehe kpɔt ke ini “ikpat ukot mme oku … edebede ke mben mmɔŋ oro” (Joshua 3:13, 15). Nsidi ntak oro enyenede ufɔn?

• Ediwak ufɔn edinam efen ama eti-be ke InyaŋJordan—se 2 Ndidem 2:6–15; 5:1–14; ye Mark 1:9–11. Nso ebuana ke mbufo okut ke ufɔt mme edinmam emi?

• Didie ke Jehovah anam mme “utibede-ŋkpɔ” uwem mbufo? (Joshua 3:5). Didie ke mbufo ekeme edifiɔk—mme edidiɔŋɔ—utibe-ŋkpɔ oro awak ini? (nte uwutŋkpɔ, se Joshua 3:17).

Joshua 6–8 etiŋ abaŋa eŋwan ke mme isɔŋ Jericho ye Ai. Nte mbufo okotde ibuot-ŋwed emi, kere-baŋa nte mbufo aŋwanade ye idomo (nte uwutŋkpɔ, se Joshua 7:10–13). Nso ŋkpɔ ke mbufo ekpep abaŋa nte Abasi ekemede ediŋwam fi ye nso ŋkpɔ ke mbufo enyene edinam man ɔbɔ odudu Esie? Nte uwutŋkpɔ, nso ŋkpɔ inem fi kabaŋa mme item Jehovah ke ndimen Jericho?(se Joshua 6:1–5). Ndusuk mbuk ke Joshua 7 eyenɔ fi ifiɔk ndibiere edieke “odude ŋkpɔ nsobo kiet“ ke uwem fo emi mbufo anade nte osio efep (Joshua 7:13).

Akpatre ukpepŋkpɔŋ Joshua nnɔ nditɔ Israel ke Joshua 23–24 esine mme akpan ikpan, item, ye edidiɔŋ emi ekenwɔŋɔde ndinɔ. Ndusuk mbufo emekeme ndinam ibat ŋkpɔ emi mbufo okutde. Ndikere mbaŋa ofuri ŋkpɔ emi nditɔ Israel ekekutde, nsidi ntak emi mbufo ekerede ke Joshua ekemekde nditiŋ mme ŋkpɔ emi nnɔ mmɔ ke utit uwem esie? Nso ŋkpɔ ke mbufo okut emi ɔdɔŋde fi ete “eyire ye Jehovah”? (Joshua 23:8).

Se ŋko Dale G. Renlund, “Choose You This Day,” Liahona, Nov. 2018, 104–6.

• Se emi edi usuŋ kiet ndiŋwam nditɔ mbufo man “esɔŋ ubɔk enyuŋ esɔŋ esit” (Joshua 1:6) otode ke Jesus Christ. Kot mmɔ ndyom udim-ikɔ kiet emi efiakde-etiŋ ke Joshua 1:6, 9, ye 18, nyuɔŋ wet oro nim mme mum-kama ke ibuot. Ŋwam nditɔ fo ekere ebaŋa mme ndaha emi mmɔ ekemede ndiyom etop emi, ukem nte Joshua akanamde. Mbufo ŋko emekeme edifiak-nseubak mbuk emi ɔtɔkiet ke Joshua 1–4; 6 (se ŋko “Joshua the Prophet” ye “Rahab and the Spies” ke Mme Mbuk eke Akani Testament, 85–91). Didie ke mbonowo ke mbuk emi ekewut uko ye odudu ke Jehovah?

  

  2:59

  

  1:39

• Edikot Joshua 1:8 ekeme edinɔ nditɔ fo odudu ndikot ŋwed Abasi ke idem mmɔ. Ŋwam mmɔ ndikut mme ik ke ufaŋ-ŋwed emi emi ekpepde mmɔ usuŋ ye ufɔn eke nnyin ikpikotde ŋwed Abasi. Mmɔ ekeme ndise nyom ukem ŋkpɔ oro ke 1 Nephi 15:23–24; 2 Nephi 31:20; 32:3; Jacob 4:6; Helaman 3:29–30. Mbufo ŋko emekeme ediŋwam mmɔ enam enyuŋ enyene uduak edikot ŋwed Abasi.

• Mbufo emekeme ndida mbuk eke nditɔ Israel ekebede Inyaŋ Jordan River nte idiɔŋɔ uduɔk-mmɔŋ—ndiyak akani uwem eke wilderness nyuŋ ntɔŋɔ obufa uwem ke ediomi ye Abasi. Ntre nte mbufo ekotde Joshua 3–4 (mme “Joshua the Prophet” ɔtɔkiet ke Mme Mbuk eke Akani Testament, 85–89), mbufo ŋko emekeme ndise ndise Jesus nte ekeduɔkde enye mmɔŋ onyuŋ anam aŋwaŋa ke ekeduɔk Jesus mmɔŋ ke ukem inyaŋ eke nditɔ Israel ekesaŋade ebe. Mbufo ndien emekeme ndikwɔ ikwɔŋ kiet utɔŋ nte “Baptism” (Children’s Songbook, 100–101). Buana ye kiet eken ke edibɔ uduɔk-mmɔŋ ebiet nditɔŋɔ obufa uwem ke obio-ubɔŋ Jesus Christ.

  

  2:59

• Nso ŋkpɔ ke mbufo ekeme ndinam ndiŋwam nditɔ mbufo ekpep man emek nditiene Jesus Christ, nte Joshua okokotde nditɔ Israel ete enam? Mbufo emekeme edikot mmɔ ete:

  • Ekot ekpri udim-ikɔ kiet emum ke ibuot otode Joshua 24:15. Edomo ndinam oro enyene inem enɔ nditɔ mbufo. Ibat ikɔ emi mmɔ emumde ke ibuot ekeme edikɔŋɔ ke ndaha isua mmɔ.

  • Yom mbuk kabaŋa mbonowo emi emekde ndinam ŋkpɔ nnɔ Jesus Christ. Mmɔ ekeme ndise ke ŋwed-ndise eke Ufan , eke Gospel Art Book, mme Mme Mbuk eke Akani Testament ye mme ŋwed mbuk eke ŋwed Abasi efen.

  • Mme ndaha eke nam-ŋwut emi mmɔ ekemede edimek ntiene nyuŋ nam-ŋkpɔ nnɔ Andinyaŋa.