April 27–May 3. ‘Edisana enyene Jehovah”: Exodus 35–40; Leviticus 1; 4; 16; 19,” Edi, Etiene Mi—Eke Ufɔkiduŋ ye Ufɔk Abasi: Akani Testament 2026 (2026)
April 27–May 3. ‘Edisana Enyene Jehovah,’” Edi, Etiene Mi: Akani Testament 2026
Rio de Janeiro Brazil Temple
April 27–May 3: ““Edisana enyene Jehovah”
Exodus 35–40; Leviticus 1; 4; 16; 19
Ke ekpɔŋde Egypt—ekpedi akpan-ŋkpɔ nte oro ekededi—ikenehede inam uduak emi Abasi ekenyenede ɔnɔ nditɔ Israel ikure. Kpa ke edikop inem uwem ke isɔŋ eŋwɔŋɔ ikidihe akpatre uduak emi Abasi ekenyenede ɔnɔ mmɔ. Emi kpɔt ekedi usuŋ isaŋ ndikisim se Abasi ekenehede oyom ɔnɔ ikɔt Esie ete: “Mbufo edi edisana: koro Ami Jehovah Abasi mbufo ndide edisana” (Leviticus 19:2). Didie ke Abasi akaduak ndinam ikɔt Esie esana ke mmɔ ema ekeduŋ ke ukat ke ata ediwak isua emana? Enye owuk mmɔ ete enam edisana ebiet ke wilderness—tabernacle. Enye ɔnɔ mmɔ ediomi ye ibet ndikpeme mme edinam mmɔ man ɔkpuhɔde esit mmɔ. Ndien Enye owuk ete enam uwa eke unam ndikpep mmɔ mbaŋa erisio-isop nnɔ idiɔkŋkpɔ mmɔ. Kpukpru emi ekedi ndimen mme ekikere, esit, ye uwem mmɔ nsɔk Andinyaŋa. Enye edi eti usuŋ ndika edisana, ɔnɔ nditɔ Israel ye eke nnyin. Kpukpru nnyin imibiat ubak ini ke ukat idiɔkŋkpɔ, ndien ekot kpukpru nnyin ete iyak idiɔkŋkpɔ inim ke edem ndien itiene Jesus Christ, emi ɔkɔŋwɔŋɔŋde ete, “Ami mmekeme ndinam mbufo esana” (Doctrine ye Covenants 60:7).
Ke edifiak nse ŋwed Leviticus, se“Leviticus” ke Bible Dictionary.
Mme Ekikere ke Edibɔ-ukpep ke Ufɔkiduŋ ye ke Ufɔk Abasi
Exodus 35–40; Leviticus 19
Jehovah oyom mi ete nkabare nsana.
Exodus 35–40 ediwut ukeme nditɔ Israel ke ndibɔp tabernacle, ebiet emi nsasana ediomi ediŋwamde mmɔ ekabare edi ndisana owo. Nte mbufo okotde mme ibuot-ŋwed emi, se yom mme ŋkpɔ emi Jehovah ɔkɔdɔhɔde ikɔt Esie ete enim ke tabernacle. Nso ke mme ŋkpɔ ada-ɔnɔ? Nso ke mmɔ ekere enɔ mbufo kabaŋa edikɔri ke edisana ndaha? Akpa-akpan kere-baŋa nte ŋkpɔ ɔwɔŋɔre ekikere mbufo ebine Andinyaŋa. Okpokoro ntem ekeme ediŋwam fi:
|
Ewe ŋkpɔ ke mbufo okut? |
Ns ŋkpɔ ke emi ada-ɔnɔ? |
|---|---|
Ewe ŋkpɔ ke mbufo okut? Ekebe ediomi (Exodus 37:1–9; 40:20–21) | Ns ŋkpɔ ke emi ada-ɔnɔ? (Se Exodus 25:20–22; Nadusuŋ enɔde Ŋwed Abasi, “Ekebe Ediomi”) |
Ewe ŋkpɔ ke mbufo okut? Altar eke incense (Exodus 40:26–27; se ŋko Exodus 30:1, 6–8) | Ns ŋkpɔ ke emi ada-ɔnɔ? (Se Revelation 8:3–4 |
Ewe ŋkpɔ ke mbufo okut? Eto-candle mme uwuk-utuenikaŋ (Exodus 37:17–24) | Ns ŋkpɔ ke emi ada-ɔnɔ? (Se Matthew 5:14–16; John 8:12) |
Ewe ŋkpɔ ke mbufo okut? Altar eke uwa (Exodus 38:1–7; se ŋko Exodus 27:1; 29:10–14) | Ns ŋkpɔ ke emi ada-ɔnɔ? (Se Nadusuŋ enɔde Ŋwed Abasi, “Uwa”) |
Ewe ŋkpɔ ke mbufo okut? Itie-eriyet (basin) ɔdɔŋɔde mmɔŋ (Exodus 30:17–21) | Ns ŋkpɔ ke emi ada-ɔnɔ? (Se 2 Chronicles 4:6; Isaiah 1:16; Jeremiah 33:8) |
Iŋ, ata edinehede ndu ke ndisana ebiet inamke nnyin isana. Leviticus 19 ediwut ewuhɔ ye ibet emi Jehovah ɔnɔde ndiŋwam nditɔ Israel ekɔri ke edisana. Nso ŋkpɔ ke mbufo okut ke ibet emi emi ekemede ediŋwam fi ndiyom edisana nto Jehovah? Nso ŋkpɔ ke mbufo okop inemesit ndi-nam man enehede anam ukpep emi?
Se ŋko Henry B. Eyring, “Edisana ye Uduak Inemesit,” Liahona, Nov. 2019, 100–103; “The Tabernacle” (video), Gospel Library.
The Tabernacle
Ekwɔ nsasana ikwɔ. Ikwɔ enyene akwa odudu ndikot odudu Spirit onyuŋ ɔbɔp mbuɔtidem ke Jesus Christ. Mme etop emi esinede ke ikwɔ esiwak edisɔŋɔ ukpep-ŋkpɔ emi odude ke ŋwed Abasi. Nte uwutŋkpɔ, ndikwɔ ikwɔ nte “More Holiness Give Me” (Hymns, no. 131) ekeme edisɔŋɔ ubak etop emi ekpepde ke Leviticus 19. Oro ŋko ekeme ediŋwam fi ekere abaŋa se oro ɔwɔrɔ ke edikabare nsana nte Andinyaŋa onyuŋ ekere nte Enye aŋwamde fi ke ndikɔri ke edisana.
Exodus 35:4–35; 36:1–7
Jehovah oyom mi ete nnɔ enɔ mi ke unyime esit.
Ekeme editiŋ ete ke isua ke ema ekekpɔŋ Egypt, ke ebuana nditɔ Israel ye Jehovah ikinyeneke iwuk. Ndien edi, nte mbufo okotde Exodus 35:4–35 ye 36:1–7, se nte nditɔ Israel ekenamde ye mbet eke edikibɔp tabernacle. Nso ŋkpɔ ke mbufo ekpep oto nditɔ Israel emi ekemede ndinam fi enehede anam-ŋkpɔ ɔnɔ Jehovah?
Ekeme-ndidi Enye idibupke fi iyom ɔsɔŋurua ukwak, linen, mme eto inɔ tebernaclr oro. Nso ŋkpɔ ke Jehovah ɔkɔnɔ fi, ndien nso ŋkpɔ ke Enye oyom fi ete ɔnɔ? Ewe ini ke “esit fo ekedemede [fi] ete abuana ke utom oro”?
Se ŋko Ibuot-ikɔ ye Mbume, “Uwa,” Gospel Library.
Nditɔ Israel ekenɔ mme enɔ eke tabernacle ke “unyime esit” (Exodus 35:5). Men-ŋwut otode Corbert Gauthier, © Lifeway Collection/licensed from goodsalt.com
Exodus 40:12–14
Ema esinam mme edinm ikɔ-Abasi ke eset.
Exodus 40:12–14 etiŋ abaŋa mme edinam ikɔ-Abasi eke eset emi enamde ŋko ke eyo nnyin emi ke ufɔk Jehovah. Se emi ubak ndadiana ufaŋ-ŋwed emi ekemede ediŋwam mbufo ndikpep mbaŋa edinam ikɔ-Abasi emi etide-ntiense abaŋa Jesus Christ.
-
Eriyet: Psalm 51:2; Ezekiel 36:25–27
-
Edisine ke edisana garment: Isaiah 61:10; Matthew 22:11–14; Eriyarare 19:7–8
-
Uyet-aran: Luke 4:18–19; Acts 10:38
Leviticus 1:1–9; 4; 16
Otode ke nwaidem eke Jesus Christ, ami mmekeme ndibɔ erifen.
Ediwak ke ŋwed Leviticus ekeme ndise esen-esen ɔnɔ—nnyin uwa eke unam, ubono-ŋkpɔ ɔdɔŋɔde iyip ye mmɔŋ, ye ewuhɔ akarade mkpri ŋkpɔ eke uwem. Edi ubono-ŋkpɔ ye ewuhɔ emi ekedi ndida nam ukpep-ŋkpɔ emi efiɔkde— erikabare-esit, edisana, ye Erisio-isop eke Andinyaŋa. Man okut mme ukpep emi nte mbufo okotde Leviticus 1:1–9; 4; 16, kere-baŋa mme mbume ntem:
-
Ewe ikɔ mme udim-ikɔ ke mbufo okut emi etide fi abaŋa Jesus Christ ye uwa ufak Esie?
-
Nso ŋkpɔ ke ami mkpep nto mme uwa emi kabaŋa nwaidem eke Andinyaŋa?
-
Didie ke ami mbiet mbonowo emi ekenamde uwa emi?
Jehovah iyomke mme uwa unam aba. Edi uwa osuk edi-di akpan ukpep-ŋkpɔ eke ikɔ-Abasi. Man ekpep abaŋa mme oruk uwa emi Jehovah oyomde, kot 3 Nephi 9:19–20; Doctrine ye Covenants 64:34. Didie ke mbufo ɔnɔ mme oruk uwa ntem? Nso ŋkpɔ ke Moses 5:7 ekpep fi abaŋa nte mbufo ekepsede mme uwa fo?
Se ŋko “Thoughts to Keep in Mind: The Tabernacle and Sacrifice.”
Mme Ekikere nnɔ Edikpep Nditɔ-ŋwɔŋ
Exodus 35:20–29; 36:1
Abasi ama ɔnɔ mi mme enɔ ndiŋwam ke utom Esie.
-
Ke utit ŋkpɔ-ukpep-ŋkpɔ emi odu ndise tebernacle eke nditɔ Israel ke wilderness. Ekeme-ndidi mbufo omoyom ndi-se ndise oro ye nditɔ mbufo onyuŋ obup mmɔ ewe ŋkpɔ-utom ke ekpekeyom man eda ebɔp tabernacle oro. Ekem mbufo emekeme edikot Exodus 35:20–29 ɔtɔkiet man ekut nte ekenɔde mme ŋkpɔ emi. Didie ke Jehovah okot nnyin ete itip isin ke edibɔp obio-ubɔŋ Esie?
-
Kere-baŋa edikot ye mmɔ Exodus 36:1 man ekut se Jehovah ɔkɔnɔde Bezaleel ye Aholiab ndiŋwam mbɔp tabernacle oro. Ekem mbufo emekeme edineme ye nditɔ mbufo kabaŋa se mbufo ekere ke Jehovah ɔkɔnɔ mmɔ ndiŋwam mbɔp obio-ubɔŋ Esie. Didie ke nnyin ida mme ŋkpɔ emi idiɔŋ mbon efen?
Rome Italy Temple
Exodus 40:17–34
Ami mmekeme edikop odudu Jehovah ke ndisana ebiet.
-
Exodus 40:17–34 abat mme ŋkpɔ emi okodude ke tabernacle eke nditɔ Israel. Mbufo ye nditɔ mbufo emekeme ndikut mmɔ ke mme ufaŋ-ŋwed emi ye ke mme ndise eke tabernacle ke utit ŋkpɔ-ukpep emi. Etiŋ ebaŋa nte nde tabaernacle kiet-kiet ekemede edikpep mbaŋa Andinyaŋa mme Ete eke Enyɔŋ. Nte uwutŋkpɔ, ekebe ikɔ-ntiense ekeme editi nnyin abaŋa ibet Abasi, altar ekeme editi nnyin abaŋa nwaidem eke Jesus Christ, ye ŋkpɔ efen.
-
Ewe ndisana ebiet ke nnyin inyene mfin emi ndiŋwam nnyin ndidu mkpere Jesus Christ? Nte ubak-ŋkpɔ eke nneme emi, mbufo emekeme edi-se ɔtɔkiet ndise-vidio “Mme Temples” (Gospel Library). Mbufo ŋko emekeme edikwɔ kiet nte “Ndisana Ebiet” (Gospel Library). Buana ye kiet eken se mbufo ekerede abaŋa nsasana ebiet nte temple.
What Is a Temple?
Leviticus 1:1–4
Otode ke nwaidem eke Jesus Christ, ami mmekeme ndibɔ erifen.
-
Mme uwan unam etiŋde-ewut ke Akani Testament ekedi ndikpep nditɔ Israel mbaŋa erifen-nnɔ eketode Jesus Christ Kere-baŋa edikot mbaŋa nte mme uwa emi ekemede ndinam ukem oro nnɔ nditɔ mbufo. Mbufo emekeme ediduri mme ndise eke Jesus Christ ke Gethsemane ye ke ɔkɔŋɔŋɔde ke cross (se Gospel Art Book, nos. 56, 57) nte mbufo okotde ye nditɔ mbufo Leviticus 1:1–4. Ŋwam mmɔ ndikut mme ikɔ mme udim-ikɔ emi etide mmɔ abaŋa nwaidem eke Jesus Christ.
-
Mbufo ŋko emekeme edikot 3 Nephi 9:19–20 ɔtɔkiet ndikut se eketemede nnyin ndiwa ke nde ediwa mme unam. Nso ŋkpɔ ke ɔwɔrɔ ndida mbuŋɔ esit ye edinuaha spirit nnɔ Jehovah? Se Guide to the Scriptures, “Mbuŋɔ Esit” (Gospel Library) bɔ uŋwam ke edibɔrɔ mbume emi.
Ke oyomde awak, se ŋwed-ndise ɔfiɔŋ emi eke Ufan .