Numbers 11–14; 20–24; 27

Ke Numbers 11:11–17, 24–29, se afanikɔŋ emi Moses okokutde ye ibɔrɔ emi Abasi ɔnɔde. Nso ŋkpɔ ke mbufo ekere ke Moses okoyom kini enye etiŋde ke enye aduak ete “ofuri ikɔt Jehovah ekpakam ekabare edi prophet”? (ufaŋ 29). Nte mbufo ekerede mbume emi, se yom mme ibɔrɔ ke etop President Russell M. Nelson eke “Revelation for the Church, Revelation for Our Lives” (Liahona, May 2018, 93–96).

Etiŋde ke nnyin kpukpru imikeme edib eriyarare, iwɔrɔke ke nnyin kpukpru imikeme edida nditɔ Abasi usuŋ ke nte Moses akadade. Edinam oro ke Numbers 12 anam emi aŋwaŋa. Ewe item ke mbufo okut ke ibuot-ŋwed emi? Nso ŋkpɔ ke mbufo okop nte Jehovah oyomde ete mbufo ɔdiɔŋɔ abaŋa eriyarare eke idem fo ye editiene prophet Esie?

Se ŋko 1 Nephi 10:17; Doctrine ye Covenants 28:1–7; Dallin H. Oaks, “Two Lines of Communication,” Liahona, Nov. 2010, 83–86.

Ubak owo edu ke mkpaidem ndikpep ke Moses, akwa adausuŋ emi akadade kiso Pharaoh onyuŋ anam ikpɔ utibe-ŋkpɔ ke odudu Jehovah, ŋko ekedi “ata suŋ-suŋ owo” (Numbers 12:3). “Nso ke edi-di suŋ-suŋ ɔwɔrɔ? Kere-baŋa ndikot edinam-aŋwaŋa eke Elder David A. Bednar ke “Meek and Lowly of Heart” (Liahona, May 2018, 30–33) or “Meek, Meekness” in Guide to the Scriptures (Gospel Library).

Nso ŋkpɔ ke mbufo ekpep oto uwutŋkpɔ nsuhɔre-idem eke Moses ke Exodus 18:13–25; Numbers 11:26–29; Numbers 12; Hebrews 11:24–27; ye Moses 1:10–11? Mbufo ŋko emekeme edikere nte Andinyaŋa okowutde nsuhɔre-idem (se Matthew 11:29; 27:11–14; Luke 22:41–42; John 13:4–5). Nso ŋkpɔ ke mme uwutŋkpɔ emi ekpep mbufo?

Nte mbufo okotde Numbers 13–14, domo edisin idem fo ke nde eke nditɔ Israel. Nsidi ntak emi mbufo ekerede ke mmɔ ekoyom “edifiak nnyɔŋ-ŋka Egypt”? (Numbers 14:3). Didie ke mbufo ediwut “spirit” eken emi Caleb ekenyenede? (Numbers 14:24). Nso “spiri”kp“spirit inem fi kabaŋa mbuɔtidem eke Caleb ye Joshua, ndien didie ke mbufo ekeme edida uwutŋkpɔ mmɔ nsin ke mme ndaha emi mbufo okutde?

Mme prophet eke Ŋwed Mormon ediɔŋɔ mbuk emi ekutde ke Numbers 21:4–9 enyuŋ efiɔk ufɔn ŋkpɔ-Abasi esie. Ekot ukpep-ŋkpɔ mmɔ kabaŋa mbuk emi ke 1 Nephi 17:40–41; Alma 33:18–22; and Helaman 8:13–15. Emi edi ubak mbume ndikere nte mbufo anamde:

• Nso ŋkpɔ ke urukikɔt okpoho ada ɔnɔ?

• Nso ŋkpɔ ke urukikɔt edidom-owo ada ɔnɔ?

• Nditɔ Israel ekena nte “[ese] urukikɔt okpoho” (Numbers 21:9) man edu uwem. Nsidi ntak emi mbufo ekerede nte ubak owo ekesinde edi-se? Akananam nte ukem mbiet ŋkpɔ oro etibe ɔnɔ fi?

• Nso ŋkpɔ ke mbufo okop inem ndinam man awak edinehede “nse Eyen Abasi ke mbuɔtidem” nyuŋ ndu uwem? (Helaman 8:15).

Ndikot mme itie-ŋwed emi ekeme editi fi abaŋa ini efen ke ŋwed Abasi kini akanade nte mbonowo ewuk enyin mmɔ ese Christ. Nte uwutŋkpɔ, da etop eke Numbers 21:4–9 domo ye Matthew 14:25–31 ye 1 Nephi 8:24–28 (se nkomme ndise ekedude ke utit ukpep-ŋkpɔ eke udua emi). Nso ŋkpɔ idomo ediduri fo mkpɔŋ Christ? Didie ke Enye ɔdiɔŋ mbonowo emi ekewukde enyin ese Enye?

Se ŋko “Jesus, the Very Thought of Thee” (Hymns, no. 141).

Ini emi Balak, Edidem Moab, ekekopde ke nditɔ Israel ke edikpere, enye okot Balaam, erenowo emi efiɔkde ke edibeŋe eridiɔŋ ye isuŋi. Balak okoyom enye edisuŋi nditɔ Israel. Fiɔk nte Balak odomode ndikpek Balaam (se Numbers 22:5–7, 15–17), ndien kere baŋa mme idomo emi mbufo ekemede ndikut ke editre edinam uduak Abasi. Nso ŋkpɔ inem fi kabaŋa ibɔrɔ eke Balaam ke Numbers 22:18, 38; 23:8, 12, 26; 24:13? Ke mbɔm, Balaam ke akpatre ediduɔ oduk idomo oro onyuŋ abaiŋa Israel (se Numbers 31:16; Jude 1:11). Kere nte mbufo ekeme edinyene mbuɔtidem nnɔ Jehovah ke musehe odudu eketode mbon efen.

• Ebup nditɔ mbufo mme mmɔ eti ubak utibe-ŋkpɔ emi Jehovah akanamde ndiŋwam nditɔ Israel (se “The Plagues of Egypt” ye “The Passover” ke Mme Mbuk eke Akani Testament, 67–74). Ekem mbufo emekeme ndinam edi ibio-ibio ɔnɔ mmɔ Numbers 11:4–10, eyiride-etiŋ ke nditɔ Israel ema efre edidiɔŋ mmɔ ndien ke eseseme. Ewe edidiɔŋ ke nnyin ke ubak-ini isifre?

• Nte mbufo ɔkwɔde mme akpaŋde-utɔŋ ɔnɔ ikwɔ kiet abaŋade esit-ekɔm, utɔŋ nte “Bat mme Edidiɔŋ Fo” (Ikwɔ, no. 241), nditɔ mbufo ekeme ediduri mme ndise eke mme edidiɔŋ emi Jehovah ɔkɔnɔde mmɔ.

• Man iwut Numbers 12, mbufo emekeme edidɔhɔ nditɔ mbufo ke Jehovah ikinemke esit ye Aaron ye Miriam, eyeneka eren ye eyeneka ŋwan eke Moses. Kot mmɔ ete ekot Numbers 12:1–8 man ekut ntak. Kere-baŋa ndida ŋkpɔ Gospel Art Book ndiŋwam nditɔ mbufo ndikut mme uwutŋkpɔ eke mbonowo ke ŋwed Abasi emi ekponode prophet Jehovah enyuŋ ebɔ edidiɔŋ. Didie ke nnyin ibɔ edidiɔŋ kini nnyin itienede prophet Jehovah?

• Mbufo emekeme edida “Moses ye Urukikɔt Okpoho” ke Mbuk Akani Testament, 83–84, ndiŋwam nditɔ mbufo ekpep se ikitibede ke Numbers 21:6–9. Didie ke urukikɔt okpoho ebiet Jesus Christ? (se John 3:14–15). Nditɔ mbufo ekeme edikop inem ndinam urukikɔt kiet ke babru nyuŋ ŋwet ke idem esie ndimem ŋkpɔ emi mmɔ ekemede edinam man “ese Eyen Abasi ke mbuɔtidem” (Helaman 8:15).

  

  1:2

• Ikpɔ nditɔ-ŋwɔŋ ekeme edimek kiet kotu itie-ŋwed anditiene emi enyuŋ ebuana se oro adiande ɔnɔ ifiɔk mmɔ ke mbuk oro: 1 Nephi 17:41; Alma 33:18–20; Helaman 8:13–15; Doctrine ye Covenants 6:36.

• Enam Numbers 22:1–18 omuhɔ ɔnɔ nditɔ mbufo ke eyiride nte Balaam esinde ndisuŋi ikɔt Abasi, kpa ke Balak, edidem Moab, ɔkɔnɔde enye ukpono ye inyene. Ekem mbufo emekeme ndiŋwam nditɔ mbufo ndiduŋɔre mme ufaŋ-ŋwed nyom udim-ikɔ emi mmɔ ekerede ke owut ete ke Balaam okoyom editiene Abasi: Numbers 22:18; 23:26; 24:13. Ndusuk nditɔ mbufo ekemendida udim-ikɔ kiet emi mmɔ emade enyuŋ ewet oro ke card ndiŋwam mmɔ nditi man ekop-item enɔ Jehovah.