Eksodus 1–6

Dahme ke pwungkihda duwen lihakan kasansaladahr nan Eksodus 1–2? Ia mwomwen arail sawas kapwaiada sapwellimen Koht pilahn Ong Sapwellime aramas akan? Dahme arail nananti kin kasukuhlih iuk duwen papah Nan sapwellimen Koht doadoahk?

Mwohn ahmw tepida wadek Eksodus, ke kak medewe mwomwen kahpwal ehu ke mihmi loale—mehkot ke men Kauno en ketkihsang uhk loale. Mehnia lepin lokaia kan oh mahsen kan nan Eksodus 1–3 ngilen duwehte selidien palingehn de soahng teikan kitail sohpai rahnwet? Pil kilang mwomwen seri kan e Israel ahr rapahki saledek oh mwomwen Kauno ah sapeng (kilang, ni karasepe, Eksodus 2:23–25; 3:7–8). Ia mwomwen Kauno ah “kohdidohng kapitasang” uhk?

Nan pwuhk en Eksodus, ke kak kilang ekei duwepene kan nanpwungen Moses oh Sies Krais (kilang Deuderonomi 18:18–19, 1 Nihpai 22:20–21). Ni karasepe, ia duwepene kan ke kilang nanpwungen Eksodus 1:22; 2:1–10 oh Madiu 2:13–16? De nanpwungen Eksodus 24:18 oh Madiu 4:1–2? Dahme ke pepehm Kauno kupwuriki ken wehwehki duwen Pein Ih oh Sapwellime manaman?

Ke ka tamanda ehu ansou me ke auduaudkihda pepehm en kaping oh pwuriamwei? Ia mwomwen ahmw Ia mwomwen ahmw pahn kawehwehda pepehm kan ke ahnekiher?

Ni soahngo nan ahmw madamadau, wadek Eksodus 3:1–6. Dahme kaperenih iuk duwen en Moses ekspihriens en kamaraino? Dahme Moses wia pwe en kasalehda wahu ong Koht? Ia ehupene ke kilang nanpwungen ah wihwia kan oh wahu ong mehkot sarawi kan?

Wadewadek ire pwukat kak kihong uhk en medewe soahng sarawi kan oh wasa sarawi kan nan ahmw mour. Dahme irail sarawihki ong uhk? Ia mwein ahmw kin apwalih irail weksang soahng teikan? En kaweid ahmw madamadau, ke kak kilang seksin me daidelki “Remembering the Promises” nan en Elder David A. Bednar padahk “Exceeding Great and Precious Promises” ( Ke kak pil koul de rong ehu koul en sarawi me kin wiahda wahu, soangen “Meid Kapwuriamwei” Koul en Sarawi kan, nempe 22) oh medewe dahieu me pid rongamwahuo me kopwuriamwei ong uhk.

Ei, pil ansou kitail ahnekiher ekspihriens en palingehn kaselel kan, mie keperpe en nohnla mwamwahliki mehkot sarawi kan. Ia mwomwen ahmw kin soikala met? Iet padahk riau me doke kahpwal wet, pilada ehu, oh kilangada lokaia kan me kak sewese iuk: Ulisses Soares, “In Awe of Christ and His Gospel” (Liahona, Mei 2022, 115–17) (Liahona, Mei 2015, 98–100).

Pil tehk Doctrine and Covenants 6:10–12, 63.64.

Rahnwet kitail ese Moses ni ah wia Ahpw Moses sohte kilang pein Ih ni soangen mwohmwohte ansou me Kauno keioun malipehu. Ni ahmw wadek Eksodus 3–4, kilelehdi en Moses kapwunod kan oh mwomwen Kauno ah pasapengiong ehu ehu. Dahme ke diar nan iralaud pwukat me kak kamarainih iuk ansou ke ahniki pepehm en sohitar? Ansou da ke kilangehr Koht ah ketin kakehlaka iukadahr de mehteikan en wia Sapwellime doadoahk?

Pil kilang “Mwomwohdisoh Kin Kiheng Kitail Ansou Mwahu en Sawas Nan Sapwellimen Koht Doadoahk” nan “Church Organization” Nan Topics and Questions, Laipreri en Rongamwahu, Laipreri en Rongamwahu.

E kak kansensuwed ansou atail doadoahk mehlel kan en wia mwahu sohte mwomwen mie katepe—ansou kitail songosong wia kupwuren Kauno ahpw sohte kilang imwilah me kitail kasikehr. En esehla duwen ehu ekspihriens me duwehte me Moses ahnekiher, wadek Eksodus 5:4–9, 20–23. Ia mwomwen Kauno ah sewese Moses powehdi ah pepehm kan en perehdi? (kilang Eksodus 6:1–13). Ia mwomwen Kauno ah ketin sewese iuk poadidiong wia Kupwure?

Pil kilang Jeffrey r. Holland, “Waiting on the Lord,” Liahona, Nohpempe 2020, 115–17.

• Moses ahnikiher ehu pwukoah laud nan kapitala Israel sang kalidu. Ahpw e pahn sohte kak kapwaiada met ma ah nohnohu, riei serepeino, nein Parao serepeino, oh ekei lih pwoson kan sohte sewese oh apwalihada. Sewese noumw seri kan esehla duwen lih pwukat nan Eksodus 1:15–20; Eksodus 2:2–10 (pil kilang Nempe kan 26:59), oh Eksodus 2:16–21. Ke pil kak doadoahngki akdipidi peit en wihet oh “Baby Moses” (nan Soai kan Nan Kadehde Mering, 61–63) pwe en soaiehda arail soai kan. Ia mwomwen lih pwukat ahr sawas kapwaiada sapwellimen Koht pilahn? Kosoiapene duwen ekei aramas ke pwungki me kin sawas nan sapwellimen Koht doadoahk, iangahki ni mwohmw tikitik oh mengei kan. Ia mwomwen atail kak Idawehn arail karasaras?

  

  1:36

• Mwurin wadewadek Eksodus 3:1–5 pene, ndahng noumw seri kan en oaralapihedi ire pwukat nan pein arail lokaia kan (pil kilang “Moses Soukohpo” nan Soai kan Nan Kadehde Mering, 64–66). Ia mwomwen Moses kasalehda wahu nan wasa Kauno ketiket Ie? Ia mwomwen Kauno kupwuriki kitail en kasalehda wahu? Ke kak ndahng noumw seri kan en sewese iuk rapahkihda (de malinihda) kilel kan en wasa sarawi kan de akdipidi kan wasa kitail anahne ahniki wahu. Dahme kitail kak wia pwe en wiahda nan imwatail ehu wasa sarawi?

  

  1:26

• Koulkipene ehu koul duwen wahu, soangen “Reverence is Love” Children’s Songbook, 31). Ni ahmw pahn wia, noumw seri kan kak diar lepin lokaia kan de mahsen kan me kasalehda ia wehwehn en ahniki wahu. Ma ke pahn wahdo kempoakepahmw emen ong sarawi keioun ansou, ia mwomwen atail pahn kawehwe mwomwen en ahniki wahu?

• Doadoahngki soaio nan Eksodus 3; 4:1–17, mweidohng noumw seri kan en emen emen mwomwehda wia Moses. E kak kaperen en iangahki dipwisou kan de mehkot mengei, me duwehte ehu dengki oh ehu tuhke poad en wia weliepen tuhke Mpwumwpwulo. Sewese noumw seri kan rapahkihda en Moses pepehm duwen pwukoah Kauno ketkihong Ih (kilang Eksodus 3:11; 4:1 ). Mwein ke kak ehukihong emen emen ansou kan ke ahnekiher pepehm kan me duwehte. Ia kaweid ke pahn ehukihong Moses pwe en sewese Ih? Wadek duwen mwomwen Kauno ah kangoange Moses nan Eksodus 3:12; 4:2–9, 11–12. Indahng seri kan mwomwen Sounkomouro ah seweseiukadahr kapwaiada ehu pwukoah, Idawehn ehu kapehm, de wia ehu mehkot me apwal ong uhk.