Come, Follow Me
Iren kaweid kapatapat B: Ohng Seri Kan—Kaunopohng Seri Kan mwomwen ahr pahn weweidki kupwuren Koht.

“Iren kaweid kapatapat B: Ohng Praimeri—Kaunopohng Seri Kan mwomwen ahr pahn weweidki kupwuren Koht,” Kohdo, Idahwen Ie—Ohng Tehnpas akan oh Imwen Sarawi Kan: Kadehdeh Mering 2026 (2026)

“Iren kaweid kapatapat B,” Kohdo, Idawehn Ie: Kadehdeh Mering 2026

Iren kaweid kapatapat B

Ohng Seri Kan—Kaunopohng seri kan mwomwen ahr pahn weweid ki kupwuren Koht

Sounpwung me rahn sarawi kan kin lel limau, Sounpadahk en Seri Kan pil anahne wekid arail mehn kaskuhl kan en Kohdo, Idawehn Ie ohng mehn kaskuhl en kelimau en rahn sarawi kan.

Kosonned oh Tiahk Sarawi kan en Rongamwahu en Sises Krais.

Rongamwahu en Sises Krais padahkihiong kitail mwomwen atail kak pwuralahng rehn Koht.

Sises padahkihiong irail mehn Amerika kan Sapwelime rongamwahu o. E Ketin mahsanih me kitail kak sohsoki wein Koht ma kitail pwoson, koluhla, pepdais, alehdi kisakis en ngehn sarawi, oh dadaurete lel ni imwi (kilang 3 Nihpahi 11:31–40; pil kilang Doctrine and Covenants 20:29). Ire tohrohr me sansal pahn kak seweseiuk padahkihiong seri kan me padahk pwukat oh tiahk sarawi pwukat pahn sewesei kitail en karaniala Sounkomouro.

Pwe ken wehwehkihla laud duwen rongamwahu en Krais, kilang 2 Nihpai 31.

Kemwekid Anahnepe kan

  • Kihieng seri kan kilel kan me kasalehda duwen pwoson Sises Krais, koluhla,pepdais, oh kasarawiala (kilang Gospel Art Book, nos. 1, 111, 103, oh 105). Wadek ohng irail kapahiu en ire Nan iren pwoson kan, oh padahkihiong irail en kasalehda neirail kilel kan ma padahko de tiahk sarawio wadawad da. Sewese seri kan en wehwehki iamwomwen Padahk oh tiahk sarawi pwukat ah pahn sewesei kitail duwehla Sahm Nanleng oh Sises Krais.

  • Iamwomwen omw kak sewesehki seri kan en wehwehki me pwoson, koluhla, pepdais, oh kasarawi sohte wia mehn ansoutehkis ahpw mehn sewese kakehlaka pali ngenitail erein atail mour. Ke kak kasalehiong irail kilel en weren tuhke oh tuhke laud ehu (de mahleniada mepwukat). Seweseirail en medewehda mehkan me kak sewese weren tuhkehu keirda oh wiahla lapalahn tuhke, me iei pihl, pwehl, oh lingen ketipin. Seweseirail en kak kilang me soahng pwukat rasehng dahme kitail kak wia pwe kitail en kak karaniala Koht—kakehlailiala atail pwoson Sises Krais, koluhla rahn koaros, momourki atail inou en pepdais, ale kamadipw sarawi, oh alehda Ngehn Sarawi.

  • Ehukihiong seri kan soai pen mehn kapos me Elder Dale G. Renlund padahngki “Iamwomwen Koluhla ah Kak Sewesei Ie Ien Ahneki Peren?” (Friend, Tihsempe. 2017, 12–13, de Liahona, Tihsempe. 2017, 70–71; pil kilang kasdohn “Repentance: A Joyful Choice” [Gospel Library]). Ohng wasa kesempwal kan me pahn sansalda nan soaio, lukehiong seri kan en medewe ia en Elder Renlund pepehm ansou koa. Dahme kahrehda kitail kin ahneki peren ma kitail kin koluhla? Ehukihong seri kan popohl oh limpoak me ke kehn ansou me ke kin peki rehn Sahm Nanleng en mahkehng uhk.

    4:36

    Repentance: A Joyful Choice

Pepdais

Sises Krais wiadahr karasaras ohng ie sang ni Eh pepdaisla.

Mendahte eh sohte dipen Sises, E ketin pepdaisla pwehn wia kasalepen peik ohng Sahm Nanleng (kilang 2 Nihpai 31:6–10).

Pwe ken kak esehla mwahu duwen doadoahk en pepdais, kilang Doctrine and Covenants 20:37; Topics and Questions, “Doadoahk en Pepdais,” Gospel Library.

Ire Tohrohr Kan

  • Kasalehda kilelen en Sounkomouro pepdais oh kilelen en emen aramas pepdais (de kilang Gospel Art Book, nempe. 35 de pil nempe. 103 de nempe. 104). Mweidohng seri kan en kosoiahda dahme wekpeseng oh duwepene nan kilel riau pwukat. Wadek pene Madiu 3:13–17 de “Irelaud 10: Sises Ketin Pepdaislahr” nan Soai Kan en Nan Kadehde Kapw, 26–29. Mweidohng seri kan en idiada mehkan me sansal nan kilel pwukat me re rong sang soai pwukat. Kosoiahiong seri kan duwen omw limpoak ohng Sounkomouro oh ahmw inengiong Idawehn Ih.

    1:52

    Chapter 10: Jesus Is Baptized

  • Rong de kouliki koul me pid pepdais, me iei “When Jesus Christ Was Baptized” (Pwuken Koul Ohng Seri Kan, 102). Dahme koul wet padahkihiong kitail duwen pepdais? Wadek 2 Nhpai 31:9–10, oh lukehiong seri kan en rong dahme kahrehda Sises Krais pepdaisla. Lukehiong irail en mahleniada kilel en pein irail rahn me re pepdaislahu.

I kak pilada ien wiahda ei inou ohng Koht oh pepdaisla.

Kaunopada ohng pepdais kesempwal sang kaunop ohng soangen kemwekid teikan. E wehwehki kaunop en wiahda inou sarawi oh kolokol inouo erein omw mour. Medewe iamwomwen omw kak sewese seri kan en wehwehki inou kan me re pahn wiahiong Sahm Nanleng ansou me re pahn pepdaisla, me iangahki inou kan me E ketin wiahiong irail oh inou kan me re pahn wiahiong Ih.

Ire Tohrohr Kan

  • Kawehwehda me inou sarawi wia inou ehu nan pwungen aramas emen oh Sahm Nanleng. Ni atail pahn nanantihiong kolokol atail inou kan ohng Koht, Koht inoukihiong kitail me E pahn ketin kapai kitailda. Ntingihiong pohn wasahn nting Ahi Inou Kan Ohng Koht oh En Koht Inou Kan Ohng Ie. Wadek pene Mosaia 18:10, 13 oh Doctrine and Covenants 20:37, oh sewesehki seri kan en ntingiedi inou kan me re diarada nan ehu ehu oaralap (pil kilang Dallin H. Oaks, “Your Baptism Covenant,” Friend, Pepweri. 2021, 2–3). Kosoiahda iamwomwen Sahm Nanleng ah kapaiukada ni ahmw kin nannantihiong kapwaiada ahmw inou en pepdais kan.

  • Kasalehiong seri kan kilel en mehkan me Sises Krais wia ni ah ketket phn sampah (karasepe, kilang Gospel Art Book, nos. 33–49). Mweidohng seri kan en kosoiahda duwen dahme Sises wihwia nan ehu ehu kilel. Wadek Mosaia 18:8–10, 13, oh lukehiong seri kan en rong soangen wiepe kan me re kak wia pwe ren kolokol arail inou en pepdais kan (pil kilang “My Baptismal Covenant,” Liahona, Ahkos. 2023, 10–11). Iamwomwen inou en pepdais ah pahn sewese atail wiewiah kan en nan ehu ehu rahn? Lukehiong seri kan en mahleniada kilel en pein irail arail sewesewese aramas emen ni mwomwen me Sises kin wia.

Kasarawihla

Ni ahi pepdaisla oh kasarawihla, I kin wiahla tohn Mwomwohdiso en Sises Krais en Souleng en Imwin Rahn Akan.

wiahla towe en Mwomwohdiso en Sises Krais en Souleng en Imwin Rahn Akan kin wahdo kapai kan , me iangahki ansou mwahu ohng Seri Kan en kak patehng sapwelimen Koht doadoahk.

Ire Tohrohr Kan

  • Lukehiong emen me ahpwte pepdaisla oh kasarawiala en kohdo towehda kasukuhl oh kosoiahda arail pepehm ansou me re kasarawihlahu. Pekihda rehn aramas menet en kosoiahda kesempwal pen wiahla towe en Mwomwohdiso en Sises Krais en Soung en Imwin Rahn Akan ohng ih. Sewese seri kan en medewehda wiepehkan kan me kkkre kak wia pwe ren kak kapwaiada arail inou en pepdais kan nin duwen towe mehlel en Mwomwohdisoht. Kosoiahda iamwomwen mepwukat ah seweseiuk en ahneki popohl oh peren nin duwen omw wia towe mehlel en Mwomwohdisohn Krais wet.

  • Kasalehda kilelen aramas akan ahr mihmi ni Pillap en Mormon (kilang Gospel Art Book, nempe. 76), oh padahkihiong seri kan en kawehwehda dahme re kilang nan kilel wet. Soiahda soai pen Alma oh nah aramas akan ahr pepdaisla wasahu (kilang Mosaia 18:1–17; “Alma ni Pillap en Mormon,” nan Book of Mormon Stories). Wadek Mosaia 18:8–9 oh lukehiong seri kan en wia mwekid kan me pahn seweseirail en tamataman mehkan me aramasakoa wia ni ahr wia towe mehlel en Mwomwohdisohn Krais. Kosoiahda ansou kan me ke kilang tohn Mwomwohdisoh papah nin soangen mwohmw pwukat.

    2:41

    Alma at the Waters of Mormon

Ansou me I kasarawihla, I alehda kisakis en Ngehn Sarawi.

Ansou me kitail pepdaisla oh kasarawihla, Sahm Nanleng inoukihiong kitail me “sapwelime Ngheno pahn ieiang kitail ansou koaros” (Doctrine and Covenants 20:77). Kisakis kesempwal wet me sang rehn Koht kahdanki kisakis en Ngehn Sarawi.

Pwe ken wehwehkihla mwahu duwen kisakis en Ngehn Sarawi, kilang Gary E. Stevenson, “Promptings of the Spirit,” Liahona, Nohpempe. 2023, 42–45; Topics and Questions, “Kisakis en Ngehn Sarawi,” Gospel Library.

Ire Tohrohr Kan

  • Wadek Doctrine and Covenants 33:15, oh padahkihiong seri kan en rong duwen kisakis kesempwal me Sahm Nanleng ketkihong kitail ansou me kitail kin pepdais oh kasarawihla. Pwehn sewese seri kan esehla mwahu iamwomwen kisakis en Ngehn Sarawi ah pahn seweseirail, wadek pene Sohn 14:26; Kalesia 5:22–23; 2 Nihpai 32:5; 3 Nihpai 27:20. Kumwail pil kak wadek ireh kan en “A Special Gift” (Liahona, Ahkos. 2023, 18–19).

  • Mwohn kasukuhl ah pahn tehp, pekida rehn nohno oh papahn emen seri en kosoiahda iamwomwen kisakis en Ngehn Sarawi ah kapai irailda. Iamwomwen Ah kin seweseirail? Iamwomwen arail kin rong ngilen?

  • Kouliki pene koul me pid Ngehn Sarawi, me iei “The Holy Ghost” (Pwuken Koul Ohng Seri Kan, 105). Sewese seri kan ren wehwehki mehnia koul me padahkihiong kitail iamwomwen Ngehn Sarawio ah kak sewesei kitail.

Ngehn Sarawio kak mahseniong ie ni soangen mwohmw kei.

Seri kak me kak kehnda ngilen Ngehno pahn kak onopada en alehdi pein ahr kaudiahl me pahn kak kaweid irail erein arail mour. Seweseirail en wehwehki me mie soangen wiepehkan kei me Ngehn Sarawio kak lokaiahng kitail.

Ire Tohrohr Kan

  • Sewese seri kan en mendewehda wiepehkan kan me kitail kak lokaiahkihiong kempoakepahtail me doh kan, me rasehng ntingiada kisin likou, kadar email, de delepwohn. Padahkihiong iral me Sahm Nanleng kak mahseniong kitail nin soangen mwohmw kei sang Ngehn Sarawio. Doadoahngki en President Dallin H. Oaks padahk “Iamwomwen Sahm Nanleng ah kin mahseniong kitail?” pwehn sewese seri kan wehwehki soangen wiepeh kan me Ngehn Sarawio kin mahseniong atail mehn madamadau oh mohngiong kan (Friend, Mahs. 2020, 2–3, or Liahona, Mahs. 2020, F2–F3).

  • Kosoiahda ehu ansou me Ngehn Sarawio mahseniong uhk, nan omw madamadau de pepehm en nan omw mohngiong (kilang Doctrine and Covenants 6:22–23; 8:2–3; pil kilang Henry B. Eyring, “Ritingadahng Ngehn Sarawio Omw Mohngiong,” Liahona, Ahkos. 2019, F2–F3). Kadehdehiong seri kan me Ngehn Sarawio kak seweseirail nin soangen mwohmwohte.

  • Sewese seri kan en medewehda ansou kan me re kehng Ngehno—karasepe, ansou me re kokoulki duwen Sounkomouro de ansou me re wia mehkot mwahu ohng mehteikan. Seweseirail en ese kehnda pepehm pwukat me sang rehn Ngehn Sarawio, ahpw mehlel ansou me E kapehmihkinrail en wia mehkot. Ke medewe dahme kahrehda Ngehn Sarawio kin ketkihong kitail soangen pepehm pwukat? Seweseki seri kan en medewehda mehkan me kitail anahne wia pwe kitail en kak rong mahsen en Ngehn Sarawio ohng kitail. Kosoiahda dahme ke kin wia pwe ken kak rong mwahu Ngehno.

Kamadipw Sarawi

Ni ansou mei kin ale kamadipw sarawi, I kin kataman tohnmetei en Sounkomouro oh inou mei wiahiong Ih.

Ansou me kitail kin ale kamadipw sarawi, kitail kin inoukihda me kitail pahn tamataman Sounkomouro ansou koaros, alehda Mware, oh kapwaiada Sapwelime kosonned akan.

Pwe ken kak esehla mwahu, kilang Madiu 26:26–30; 3 Nihpai 18:1–12; Doctrine and Covenants 20:77, 79.

Ire Tohrohr Kan

  • Lukehiong seri kan en koalorihala “Sises Ketkihiong Mehn Nihpai Kan Kamadipw Sarawi” nan Pwuken Koalor en Pwuhk Sarawi en: Pwuken Mormon (2019), 26. Padahkihiong irail en kosoiahda dahme aramas kan medemedewe nan kilelo. Wadekohng seri kan ekis en 3 Nihpai 18:1–12 de “Sises Ketkihda Kamadipw Sarawi,” nan Pwuken Soai en Pwuken Mormon Kan. Dahme kitail kin wia pwehn kataman Sises Krais ansoun kamadipw Sarawi?

  • Ndahiong seri kan en kosoiahda soahng kan me re anahne katakataman, me rasehng pirehdi selin ahr shut Kan de omwiomw mwohn mwonge. Dahme e kesempwaliki en katakataman mepwukat? Wadek Moronai 4:3 ohng seri kan, oh lukehiong irail en rong dahme kitail inoukihda en katakataman ansou me kitail ale kamadipw sarawi. Dahme e kesempwaliki en tamataman Sises Krais? Sewese seri kan en wehwehki iamwomwen pilawa oh pihl en kamadipw sarawio ah kin sewesei kitail en tamataman dahme Sises wiahiong kitail (kitail Moronai 4:3; 5:2).

  • Ntingiada pohn wasahn nting “I inoukihda ien …” Wadek ohng seri kan kapakap en kamadipw sarawio (kilang Doctrine and Covenants 20:77, 79). Ansou me re rong inou kan me kitail wiahiong Koht, uhdi oh seweseirail kanekehla nting me ke ntingiadahu ki inou me re rongo.

  • Ia wehwehn kitail en alehda mwaren Sises Krais? Pwehn sewese seri kan sapeng kalelapak wet, kosoiahda ehu karasepen mehkot me kitail kin Kihiong edetail kan powe. Ia kahrepen atail kin Kihiong edetail pohn mehkot? Ia kahrepen Sises Krais ah kupwurki kitail en alehda Mware? Ke pil kak ehukihiong irail kawehweh me sang President Russell M. Nelson: “alehda mwaren Sounkomouro iei en padahngki oh kadehdehiong meteikan—sang ni atail wiewia oh lokaia—me Sises iei Ih me Krais” (“Udahn Eden Mwomwohdisoht,” Liahona, Nopempe. 2018, 88).

Manaman en Prihsduhd, Mweimwei, oh Kih Kan

Koht kin Ketin kapaiada Sapwelime seri kan sang ni manaman en prihsduhd.

Sapwelime Koht seri koaros—lih oh ohl, me pwulopwul oh mah—kin ale manaman en Koht ni ahr kin kapwaiada inou kan me re wiahiong Ih. Kitail kin wiahda inou pwukat ansou me kitail kin ale tiahk sarawi en Prihsduhd me rasehng pepdais (kilang General Handbook: Serving in The Church of Jesus Christ of Latter-day Saints, 3.5, 3.6, Gospel Library). Pwehn esehla mwahu, kilang Russell M. Nelson, “Spiritual Treasures,” Liahona, Nohpempe. 2019, 76–79; “Priesthood Principles,” irelaud 3 nan General Handbook.

Ire Tohrohr Kan

  • Sewese seri kan en kak kilangada kapai kan me re alehdi pwehki prihsduhd. Pwehn kihieng irail ekei iren madamadau, ke kak kasalehiong irail kasdohn “Kapai Kan en Prihsduhd” (Gospel Library) Ntingiada kapai pwukat pohn wasahn nting. Ia kesempwal pen kapai pwukat ohng kitail? Kadehdeh me kapai pwukat kohdo sang rehn Sises Krais oh Sapwelime manaman en prihsduhdo.

    3:5

    Blessings of the Priesthood

  • Sewese seri kan en rapahkida kilel kan me kasalehda iamwomwen Koht ah kin doadoahngki Sapwelime manaman pwehn kapai kitailda. Karasepe, re kak rapahkida kilel en sampah me E ketin kapiadahng kitail, karasepeh kan en kamwahuiala me soumwahu kan, oh tiahk sarawi kan me E ketkihong kitail (kilang Gospel Art Book, nos. 3, 46, 104, 105, 107, 120). Kosoiadah dahme kahrehda ke kapingkihki Prihsduhd oh kapai kan me e wahdo. Sewese seri kan en medewehda ansou kan me re alehdi kapai sang manaman en prihsduhd en Koht.

  • Ehu wiepen kitail en ale kapai en manaman en Koht nan atail mour iei sang tiahk sarawi kan en prihsduhd (kilang Doctrine and Covenants 84:20). Pwehn sewese seri kan en esehla me mehlelo, ke kak ntingiada iren pwuhk sarawi pwukat: 3 Nihpai 11:21–26, 33 (doadoahk en pepdais); Moronai 2 (kasarawihla); Moronai 4–5 (kamadipw sarawi). Seri kan kak pilada ehu ire oh kilangada tihak sarawi kan me e kasalehda. Lukehiong seri kan ren kosoiahda iamwomwen arail alehdi pein arail kapai sang ahr ale oh wia tiahk sarawi en prihsduhd pwukat.

  • Sewesehki seri kan en wehwehki me re kak ale manaman sang Koht ansou me re pepdais oh kapwaiada arail inou en pepdais kan. Kalelapak rehn seri kan iamwomwen manaman wet ah pahn seweseirail.

Sapwelimen Koht doadoahk iei en kaweid kitail sang ni kih en prihsduhd kan oh en pweida sang ni mweimwei en prihsduhd.

Ansou me aramas emen kin alehda ah pwukoah de en sawas ohng Sapwelimen Koht doadoahk, re kak pahkihda pwukoah doadoahk en manaman oh mweimwei en prihsduhd. Pwehn kapatahieng, ohl en Mwomwohdiso me warehng kak kasarawihieng prihsduhd oh ale mweimwei en ohpis en prihsduhd. Doadoahk en prihsduhd nan Mwomwohdisoht kin wiawi pahn kaweid pen soun papah kan me kolokol kih kan en prihsduhd, me rasehng stake president, bishop, oh president kan en quorum. Kih kan en prihsduhd iei mweimwei me kohieng irail en kak kaweid wiepen doadoahngki prihsduhd ong Sapwellimen Koht doadoahk.

Ire Tohrohr Kan

  • Wadek ohng seri kan Mark 3:14–15, oh kasalehiong irail kilel en kawehwehpen mwekid kan me wiawi (me sansal nan Gospel Art Book, nempe. 38). Kalelapak rehn seri kak ma mie pak me re kilang aramas emen ah kasarawihiong ohpis en prihsduhd (de Kosoiahiong irail dahme ke esehier). Iamwomwen met ah duwehte dahme Sounkomouro oh Sapwelime Wahnpoaron koa wia? Sewese seri kan en ntingiedi pohn wasahn ntingo pwukoah de pwukoahn prihsduhd kan me kak kohieng tohn Mwomwohdisoht, me iei Sounpadahk de soun katakatanga pwihn ehu. Ke pil kak ntingidieng limwahn pwukoahn dahme aramas me ahneki pwukoahn mweimweieng en wia. Kosoiahiong seri kan iamwomwen ale kasarawihla sang rehn me kolokol kih kan en prihsduhd ah seweseiuk nan omw doadoahk en papah.

  • Lukehiong seri kan en medewehda mehkot me kitail kin anahne doadoahngki kih, me duwehte sdohsa de wenihmw. Dahme pahn wiawi me sohte noumw kih? Wadek pene Doctrine and Covenants 65:2, oh wia amwail Kadehdeh duwen kesempwal pen kolokol kih kan en prihsduhd. Kumwail pil kak kilang kasdohn “Ia Kih Kau?” (Gospel Library) oh kilang dahme Elder Gary E. Stevenson padahngki duwen kih en prihsduhd pwukat.

    2:51

    Where Are the Keys?

Tehnpas Sarawi oh Pilahn En Komour

Tehnpas sarawi iei tehnpas en Kauno.

Tehnpas sarawi wia kisehn Sapwelimen Sahm Nanleng pilahn ohng Sapwelime seri kan. Nan tehnpas sarawi, kitail kin wiahiong Ih inou sarawi kan, alehda inou en prihsduhd, ale kaudiahl, wia tiahk sarawi kan ohng peneinei me melahr akan, oh katengteng ohng atail peneinei kohkohlahte. Mepwukat koaros kak wia pwehki Sises Krais oh Sapwelime tomwo.

Ia mwomwen omw kak sewese seri kan me ke kin padahk ohng en kak ese me sarawi Kan en tehnpesen KAuno oh kaunopada pein irail en kak warohng wia tiahk sarawi kan en nan tehnpas sarawi? Wadek iren kaweid pwukat sang: Russell M. Nelson, “The Temple and Your Spiritual Foundation,” Liahona, Nohpempe. 2021, 93–96; “Dahme Karehda Souleng en Imwin Rahn Akan kin kawadahki Tehnpas Sarawi,” temples.ChurchofJesusChrist.org.

pwihn pwulopwul ni tehnpas sarawio

Tehnpas Sarawi Kan wia kisehn pilahn en Sahm Nanleng ohng Sapwelime seri kan.

Ire Tohrohr Kan

  • Kasalehda ehu kilel en tehnpas sarawi kan. Kalelapak rehn seri Kan dahme tehnpas sarawi kesempwal ki. Kasalehiong irail me mehkot ntinhgdong pohn ehu ehu tehnpas sarawi me mahsanih:“Holiness to the Lord—The House of the Lord.” Kalelapak rehn seri kan dahme re medewe me “Holiness to the Lord” wehwehki. Dahme kahrehda tehnpas sarawi kadankihki tehnpesen Kauno? Dahme met padahkihiong kitail duwen tehnpas sarawi? Ma mie emen rehn seri koa me kolahr Nan tehnpas sarawi, re kak kosoiahda dahme kehn ansou me re mihmi mwo. Ma ke kolahr Nan tehnpas sarawi, kosoiahda iamwomwen omw kehn me Kauno ketket mwo, oh kosoiahda duwen kesempwal pen tehnpas sarawi ohng Uhk.

  • Wadek pene Doctrine and Covenants 97:15–17. Pekihda rehn seri kan en kilangada dahme Kauno kasik sang irail akan me kolahr nan Tehnpese. Dahme kitail anahne pwe kitail en kak Warohng pedelongo nan Tehnpese? Pil kosoiahiong seri Kan duwen temple reccomend, oh iamwomwen aramas ah kak alehdi. Ke kak luke emen bishopric en kosoiahiong irail mwomwen kansenoh en ale temple recommend oh kalelapak kan me kin wiawi.

Kitail kin wiahiong Koht atail inou sarawi, Nan tehnpas sarawi.

President Russell M. Nelson padahngki, “Sises Krais lukei kitail en wiahda inou sarawi kan me pahn kapwrei kitail lahng rehn Samatail oh Inatail Nanleng oh rehn atail peneinei” (“Kohdo, Idawehn Ie,” Liahona, Mei 2019, 91). Sewese seri kan en wehwehki me pepdais, kasarawi, oh inou oh katengteng pene nan tehnpas sarawi wia kisehn elen inou sarawio.

Ire Tohrohr Kan

  • Pekihda rehn seri kan en seweseiuk wadek inou kan me kitail wiahiong Koht ansou me kitail pepdaisla oh ansou me kitail kin ale kamadipw saarawio (kilang Mosaia 18:10, 13; Doctrine and Covenants 20:77, 79). Kasalehda ehu kilelen tehnpas sarawi, oh kawehwehda me Sahm Nanleng sapwelimanki tohtohn kapai me E kupwurki kitail en ale sang nan tehnpas sarawi.

  • Mahleniada ahl me kolahng wenihmw ieu. Kalelapak rehn seri kan dahme e kesempwalki en mie ahl me kitail en alu powe. Wadek pene 2 Nihpai 31:17–20, wasa me Nihpai karasahiong inou en pepdais ohng wenihmw ieu oh lukei kitail en weweidki ahlo mwurin pepdais. Mie ekei inou me kin wiawihda mwurin pepdais, me iangahki inou kan me kin wiawihda nan tehnpas sarawi. Kawehwehda me President Nelson kahdanki ahl wet “elen inouo.”

Kitail kak wia doadoahk en pepdais oh kasarawi ohng me melahr akan nan tehnpas sarawi.

Rongamwahu en Sises Krais kahrehda Sapwelimen Koht seri koaros arail kak pwurala Reh, menda ma re sohte ese rongamwahu wer irail mehla. Kitail kak wia doadoahk en pepdais oh kasarawi ohng irail nan tehnpas sarawi.

Ire Tohrohr Kan

  • Kosoiahda ehu ansou me aramas wiahiong uhk mehkot me ke sohte kak pein wia. Lukehiong seri kan en kosoiahda ansou kan me re iang lelohng soahng wet. Kawehwehda me ni ansou me kitail kohla nan tehnpas sarawi, kitail kak wia tiahk sarawi kan me duwehte pepdaiski me melahr akan. Iamwomwen atail wia doadoahk ohng me mehlahr akan ah kasalehda me kitail ideidawehn Sises? Dahme E ketin wiahiong kitail ehr me kitail sohte kak pein wia?

  • Luke Emen de ekei me pwulopwul kan me kolahr oh wia pepdais en me melahr akan ohng ahr peneinei en kosoiahda dahme re kehn de lelohng. Kalelapak rehrail iamwomwen nan tehnpas sarawi. Koangoangoah kin irail en kosoiahda arail pepehm ansou me re wia doadoahk wet ohng ahr peneinei me melahr akan.

  • Mahleniada tuhke iangahki kalowe oh rahn kan. Pekihda rehn seri kan en medewe iamwomwen peneinei ah duwehte tuhkehu. Ntingiheng ahd en ehu ehu kalowe kanPeneinei Me Melahr Akan, ntingiheng ahd ni ehu ehu rah kan Kadaudok Kan, oh ntingihiong ni paliweren tuhkehu Kowe. Wadek pene ire wet me sang nan Doctrine and Covenants 128:18: “Pwe kitail sohte kak unsekla ma sohte irail [atail peneinei me melahr akan], re pil sohte kak unsekla ma sohte kitail.” Peidengki kalelapak pwukat: “Dahme kitail anahnehki kadaudoketail me melahr akan? Dahme re anahnekin kitail? Ia mwomwen atail nohno pahpa, nohno pahpa kahlap, oh peneinei me melahr akan ahr sewesei kitail?” Lukehiong seri kan en rapahki nanDoctrine and Covenants 128:18 ohng ire kan me kawehwehda iamwomwen atail kak sewese atail peneinei me melahr kan.

  • Doadoahk ohng en seri kan nohno pahpa oh rapahkida eden emen arail peneinei me melahr me anahne wia doadoahk sarawi en nan tehnpas sarawi (kilang FamilySearch.org).