Come, Follow Me
Iren Kaweid Kapatapat C: Ohng Seri Kan—Iren kaweid ohng uwen ansou oh en Seri kan ahr Padahk nan Sarawi en Kamadipw Sarawi

“Iren Kaweid Kapatapat C: Ohng Seri Kan—Iren kaweid ohng uwen ansou oh en Seri kan ahr Padahk nan Sarawi en Kamadipw Sarawi,” Kohdo, Idawehn Ie—Ohng Tenpesomwi oh Wasahn Kaudok Kan: Kadehdeh Mering 2026 (2026)

“Iren Kaweid Kapatapat C,” Kohdo, Idawehn Ie: Kadehdeh Mering 2026 2026

seri kan kokoul

Iren Kaweid Kapatapat C

Ohng Seri Kan—Iren kaweid ohng Ansoun Koul oh en Seri kan ahr Padahk nan Sarawi en Kamadipw Sarawi

Koul en sarawi, wia ehu dipwsoun doadoahk manaman me pahn sewese seri kan en esehla sapwellimen Sahm Nanleng pilahn en komour oh poahsoanpen me mehlel kan en rongamwahu en Sises Krais. Ansou me seri kan kin koulki padahk kan en rongamwahuo, Ngehn Sarawi kin kadehdehki duwen ahr mehlel. Mahsen en koul pwukat pahn mihmi nan ahr madamadau oh mohngiong kan erein arail mour.

Rapahki kaweid en Ngehno pwehn seweseiuk padahngki rongamwahuo sang koul en sarawi kan. Kadehdehki me mehlel kan me ke kin koulki. Sewese seri kan en kilangada koul kan me kosokosoia mehkan me re kin esehla de lelohng ni imwarail kan de nan kaskuhl en Praimeri kan.

Iren kaweid kan ohng Padahk kan en Sarawihn Kamadipw Sarawi.

Pahn kaweid pen Bishop, seri kan pahn padahk nan sarawi en kamadipw sarawi sounpwung siluh mwohn Imwin pahr. Sounsawas en Praimeri kan oh soun kaweid koul, pahn doadoahk ohng sounsawas en Nan bishopric me kin tetehk Primary kan oh koasoanehdi mwomwen doadoahk sarawi wet.

En seri kan padahk kan pahn kohsang dahme re esehla rehn ahr peneinei sang nan Kadehdeh Mering oh nan Praimeri, me iangahki koul en Praimeri kan me re koulki nan pahro. Ni omw pahn koasoanehdi wiepen padahk pwukat, medewehda wiepehkan me pahn sewese tohn sarawi kan en medewe mwahu Sounkomouro oh Sapwellime mahsen kan.

Wasa me naineki seri malaulau kak wiahda wiepe me peneinei kan kak patehng neirail seri kan padahk. Emen sounsawas en bishopric kak kaimwsengkihla kisin padahk mwotomwot.

Kataman iren kaweid pwukat, ni omwi pahn kaukaunop irekidien padahk kan:

  • Dehr mweideng kaskuhl en padahk pwukat en kohsang ansou en kaskuhl ohng Praimeri de peneinei kan.

  • Kasdo, kapwatiki likou en sipai, oh doadoahngki mehn kapesehn nanwehweh kan sohte mweimwei doadoahk ansou en sarawihn kamadipw sarawi.

Kilang General Handbook: Serving in The Church of Jesus Christ of Latter-day Saints, 12.2.1.2, Gospel Library.

seri kan kokoul

Iren kaweid ohng Ansoun Koul

Minit 5 (Presidensi en Praimeri): Kapakap en ritingada, iren pwuhk sarawi de iren pwoson akan, oh ehu padahk

minit 20 (soun kaweid koul): Ansou en koul

Presidensi en Praimeri oh soun kaweid koul kan kin pilada koul kan nan ehu ehu sounpwong kan me pahn kawehwehda mwahu padahk kan en rongamwahu me seri kan kaskaskuhlki nan arail pwihn en kaskuhl kan oh imwarail kan. Koul kan me pid padahk pwukat sansal nan wasahn kaweid wet.

Ni omw pahn kasukuhlihki seri kan koul Kan, lukeirail en kosoiahda mehkan me re esehlahr duwen soai oh padahk kan me koulo koskosoia. Lukehiong seri kan en kosoiahda arail madamadau oh iren pepehm kan duwen me mehlel kan me sansal nan koul Kan.

Pwuken Koul Ohng Seri kan wia mehn doadoahk mengei ohng koul en Praimeri kan. Koul en sarawi kan me sang nan pwuken koul en sarawi kan oh koul kan me sansal nan Friend pil mweimwei en doadoahk. Kumwail pil kak doadoahngki koul kan sang nan Melkahka Kan—Ohng Tehnpesomwi oh Imwen Sarawi Kan. Koul teikan anahne mweimweida sang rehn bishopric (kilang General Handbook, 12.3.4).

Koul Ohng Ansoun Koul

Senueri

  • “My Heavenly Father Loves Me,” Pwuken Koul Ohng Seri Kan, 228–29

  • “I Will Follow God’s Plan,” Pwuken Koul Ohng Seri Kan, 164–65

Pepweri

  • “Follow the Prophet,” Pwuken Koul Ohng Seri Kan, 110–11

  • “A Child’s Prayer,” Pwuken Koul Ohng Seri Kan, 12–13

Mahs

  • “Kindness Begins with Me,” Pwuken Koul Ohng Seri Kan, 145

  • “I Anahne Komwi Ansou Koros,” Melkahka, nempe. 98

Epreil

  • “Ketsemeni,” Gospel Library

  • “Keep the Commandments,” Pwuken Koul Ohng Seri Kan, 146

Mei

  • “Holy Places,” Gospel Library

  • “As I Search the Holy Scriptures,” Melkahka, nempe. 277

Suhn

  • “I Will Be Valiant,” Pwuken Koul Ohng Seri Kan, 162

  • “Love One Another,” Pwuken Koul Ohng Seri Kan, 136

Sulai

  • “Search, Ponder, and Pray,” Pwuken Koul Ohng Seri Kan, 109

  • “I Pray in Faith,” Pwuken Koul Ohng Seri Kan, 14

Oahkos

  • “Dare to Do Right,” Pwuken Koul Ohng Seri Kan, 158

  • “I Feel My Savior’s Love,” Pwuken Koul Ohng Seri Kan, 74–75

Septempe

  • “Teach Me to Walk in the Light,” Pwuken Koul Ohng Seri Kan, 177

  • “Love Is Spoken Here,” Pwuken Koul Ohng Seri Kan, 190–91

Oaktohpe

  • “Seek the Lord Early,” Pwuken Koul Ohng Seri Kan, 108

  • “I Lived in Heaven,” Pwuken Koul Ohng Seri Kan, 4

Nohpempe

  • “Families Can Be Together Forever,” Pwuken Koul Ohng Seri Kan, 188

  • “Choose the Right,” Melkahka, nempe. 239

Tihsempe

  • “We’ll Bring the World His Truth,” Pwuken Koul Ohng Seri Kan, 172–73

  • “The Hearts of the Children,” Pwuken Koul Ohng Seri Kan, 92–93

Doadoahngki Koul oh Padahngki Rongamwahuo

Ansou en koul wiawihda pwehn sewese seri kan esehla me mehlel kan duwen rongamwahuo. Wiepe pwukat pahn sewesehkin uhk wiepeh kan pwe ken kak padahngki poahsoan kan en rongamwahuo me dierek nan koul en sarawi kan oh koul en Praimeri kan.

Wadek pwuhk sarawi kan me pid me pwukat. Pali tohntohn Koul me mih nan Pwuken Koul Ohng Seri Kan oh pwuken koul en sarawi kan, kin kosokosoia iren pwuhk sarawi kan me sansal wasawet. Sewesehki seri kan en wadek ekei ire pwukat, oh kosoiahda iamwomwen iren pwuhk sarawi koa ahr duwehte koulo. Ke pil kak ntingiedi ekei iren pwuhk sarawi oh lukehiong seri kan en kilangada menia koul de ire me kohsang nan koulo.

Audehda wasa me sohte audepe kan. Ntingiedi ehu iren koul pohn wasahn nting kan oh ekei mahsen kesempwal me sohte sansal. Oh peki rehn seri kan en koulki koulo, karonge mahsen kan oh audehda wasa me sohte audepe kan. Ehu ehu wasa me sohte audepe, kosoiapene mehnia oaralap en rongamwahu oh me kumwail esehla sang nan lepin lokaia me sohte sansal kan.

seri kan wie kokoul

Kadehdeh. Ehukihiong seri kan omw kadehde duwen me mehlel kan en rongamwahuo me dierek nan koul en Praimeri kan. Sewesehki Seri Kan en wehwehki me Koul wia ehu wiepeh me re kak kasalekihda arail kadehdeh oh kehn Ngen sarawio.

Kesihnenda nin duwen soun kadehdeh men. Lukehiong seri kan en wad emen kesihnenda oh kosoiahda mehkan me re esehla sang nan koul me re kokoulkio de Ia arail pepehm duwen dahme sansal nan koulo. Kalelapak rehrail dahme re pehm ansou me re koulki koulo, oh seweseirail en kak kehnda kaweid en Ngehn Sarawio.

Doadoahngki kilel kan. Pekihda rehn seri kan en seweseiuk rapahkida oh wiahda kilel kan me pahn dokdoke lepin lokaia de mahsen kesempwal kan en koulo. Lukehiong irail en kosoiahda iamwomwen kilel o ah kawehwehda koulo oh dahme koul padpadahngki. Karasepe, me ke kaskaskuhlih kin irail koul me mahsanih “When He Comes Again” (Pwuken Koul Ohng Seri Kan, 82–83), ke kak pwilikihdi kilel kan wasa kan nan perehn me kin kasalehda kesempwal en mahsen kan en koulo (me rasehng tohnleng, snow, oh usu). Peki rehn seri kan en kihpene kilel kan oh kol railda nin duwen pwungen keireklahn kilel koa ni amwail pahn koulki pene koulo.

Doadoahngki dipwisou oh karasaraski nan amwail padahk. Ke pil kak doadoahngki dipwsou pwehn sawas kawehwehda koulo. Karasepe, ansou me kumwail kokoulki koul “My Heavenly Father Loves Me” (Children’s Songbook, 228–29), ke kak kasalehiong seri kan kilel en menpihr, kotou, de wahn rohs kan. Met kak elehiong kumwail en kosoiapene iamwomwen atail kak diarada kilel kan me pahn kasalehiong kitail me limpoak en Sahm Nanleng kapel kitail.

Mweidohng emen emen en kosoiahda soahng kan me wiawihong arail mour. Sewese seri kan en kilangada mahsen en rongamwahu kan me sansal nan koulo me wiawihiong arail mour. Karasepe, mwohn amwail pahn koulki “I Love to See the Temple” (Pwuken Koul Ohng Seri Kan, 95), ke kak pekihda rehn seri kan kawada pehrail kan ma re kilangehr tehnpas sarawi. Ni ahr pahn kokoul, lukeirail en medewe dahme re pehm ansou me re kin kilang tehnpas sarawio.

Peidengki kalelapak kan. Soangen kalelapak tohto ke kak wia ansou me kumwail kokoulki koul kan. Karasepe, ke kak kalelapak rehn seri kan dahme re esehsang ehu ehu iren koul kan. Ke pil kak ndahiong irail en medewe pasapeng en kalelapak kan me Koul kan kin sapengala. Met kak elehiong kumwail en kosoiapene me mehlel kan me sansal sang nan koulo.

Doadoahngki wiepen peh mengei kan. Lukehiong seri kan en medewehda soangen wiepen peh da me re kak wia pwehn seweseirail tamataman mahsen en padahk me sansal nan koul o. Karasepe, ni amwail pahn koulki “Search, Ponder, and Pray” (Pwuken Koul Ohng Seri Kan, 109), ke kak padahkihiong seri kan en idih meserail kan ni ahr pahn kokoulki duwen onopiki pwuhk sarawi kan, doahke moangerail kan ansou me re koulki duwen madamadau, oh kihpene pehrail kan ni ahr koulki duwen kapakap.