Senesis 18–23

Kauno ketin wiadahr inou kaselel kan ong me pwoson akan, ahpw ekei pak irair kan Nan atail mour kak kahrehiong atail medewe ia mwomwen inou pwukat ah kak pweida. Eipraam oh Sara mweinte ahniki soangen pepehmo. Dahme ke esehsang ara ekspihriens kan? E kak sawas ken tapihkihda ahmw onop sang pwurehng kilang dahme Kauno inoukiher nan Senesis 17:4, 15–22. Ia mwomwen Eipraam oh Sara ara sapeng? (kilang En Soses Smith Kawehwe, Senesis 17:23 [nan Senesis 17:17, footnote b]; Senesis 18:9 12). Ia mwomwen Kauno ah sapeng irail pwe en sewese irail ahniki pwoson laud nan Sapwellime inou kan? (kilang Senesis 18:14).

Dahme ke diar nan ire pwukat me kak kakehlaka ahmw pwoson? Ia ekei ekspihriens kan—nan ahmw mour de emen tohrohr—me kakehlakadahr ahmw pwoson me Kauno pahn kapwaiada Sapwellime inou kan nan pein Sapwellime ansou oh mwohmw? Ke pil kak medewe mwahu mwomwen ahmw kak kolokolete ahmw pwoson ansou me kapai me inoupe miehier sohte alahldi nan mourwet. Soangen kaweid da ke diar nan Ipru 11:8–13 oh en Preseden Russell M. Nelson padahk “Krais Ketin Iasadahr; Pwoson Ih Pahn Kamwakidada Nahna kan”? (Liahona, Mei 2021, 101–4).

Pil tehk Doctrine and Covenants 88:68.

Soangen lesen da ke esehla duwen tangasang mesuwed ni ahmw wadek duwen Lohd oh ah peneinei? Ni karasepe, dahme ke pereniki duwen dahme tohnleng indahier oh wiahier pwe en sewese Lohd oh ah peneinei tangasang kamwomwalahu? (kilang Senesis 19:12–17). Ia mwomwen Kauno Ah kin sewese kowe oh ahmw peneinei tangasang de rapahkihda perehre sang kaweid suwed akan nan sampah? Medewe irair akan me ke ahnikiher songosong en “[kilengla] mwuri” (ire tikitik 26) nan ahmw kak kilikilengla mwowe ni ahmw ahniki pwoson Sounkomouro. Dahme Luk 9:62 kapatahieng ahmw wehwehki madamadau wet?

Pil kilang En Sosep Smith Kawehwe, Senesis 19:9–15 (nan Paipel apendiks).

Elder Jeffrey R. Holland padahngki:

Ni sansal, dahme sapwung rehn en Lohd ah pwoudo iei me kaidehnte e kilikilengla mwuri; nan ah mohngiong e mentenoh pwurala mwuri. E mwomwen me pil mwohn ah daulihalahr kelen kahnihmwo, e tepier loaloaleidiki soahng kan me Sodom oh Komora kihongehr.…

“E kakete me en Lohd pwoudo kilengila mwuri ni ah insensuwed pahn Kauno pwehki dahme E ketin kupwuriki en pwilikihdi oh kohkohsang.… Eri kaidehnte e kilenglahr mwuri, e kilenglahr mwuri ni ineng kehlail. Ni mwotomwot, ah tengedieng mour en mahso laudsang ah koapwoaroapwoarki mour me kohkohdo. Mwo, ni sansal, wia kisehn dipehu.

“… I peki ni ngidingid rehmwail en dehr tengediong rahn akan me samwalahr de inangih ni sohte katepe aio kan, menda mwahuen aio pwukoahki wiahier. Mahso iei kitail en kasukuhlsang ahpw kaidehn mihmi loale. Kitail kin kilengila mwuri pwe en koledi diperen atail ekspihriens maramarain kan ah kaidehn pehs ko. Oh ansou kitail eselahr dahme kitail anahne esehla oh wahdo me keiou mwahu kitail ekspihriens ehr, eri kitail en kilengila mwowe oh tamataman me pwoson ansou koaros kin idilahng rahn kohkohdo kan. …

“… Medemedewehte mour en mahso, iangahki sapwung nekier kan, inenen sapwung! Met kaidehn rongamwahu en Sises Krais.…

“Ong koaros [aramas] en dih koaros, I likweriong kumwail, ‘Kumwailtamataman en Lohd eh pwoudo’ [Luk 17:32]. Pwoson iei ong rahn kohkohdo kan. Pwoson kin keirkihda soahng kan me wiawi mahso ahpw sohte kin men mihmihla mwo. Pwoson likih me Koht sapwellimaniki soahng kaselel kan ong emen emen kitail oh me Krais ni mehlel wia ‘Samworo Lapalap en kapai koaros me pahn kohdo’ (Ipru 9:11)” (“The Best is Yet to Be,” Ensign, Senuweri 2010, 24, 26–27).

Menda kitail sohte ese kahrepe koaros me Koht kehkehlik kihong Eipraam en meiroangki Aisek, kitail ese e wia des ieu ong ah pwoson Koht. Kitail pil ese e wia “iei karasepen Koht oh Sapwellime Iehroso” (Seikop 4:5). Ni ahmw wadek Senesis 22:1–19, ke kak rapahki kilel kan de me duwepene kan nanpwungen en Eipraam meiroangki Aisek oh en Sahmo meiroangki Sapwellime iehros, Sises Krais. Song ntingihedi dahme ke diar nan ehu tard duwe met:

Ia kilel kan de me duwehte kan ong sapwellimen Sounkomouro tomwpen tohnmeteio me ke diar me keiou me mie wehwe? Song koul de wadek lokaiahn koul en sarawi me kasalehda sapwellimen Sahm Nanleng limpoak ong kitail, soangen “God Loved Us, So He Sent His Son,” Koul en Sarawi kan, nempe 187. Ke pil kak ntingihedi ahmw pepehm kan duwen Sahm Nanleng oh Sises Krais oh ara tohnmetei ong uhk.

Ma ke men onopiki pil ekei duwen en Sounkomouro tohnmeteio, song wadek en Preseden Jeffrey R. Holland padahk “Behold the Lamb of God” (Liahona, Mei 2019, 44–46). Dahme simpwul wiahki ehu kilel manaman ong sapwellimen Koht pwutako? Dahme Preseden Holland padahngki me kin kalaude ahmw wahu ong sapwellimen Sahm Nanleng kisakiso?

Pil kilang “Akedah (The Binding)” (kasdo), Laipreri en Rongamwahu

12:57

• En esehla duwen en Eipraam oh Sara ara koapwoaroapwoarki sapwellimen Koht inou kan, kowe oh noumw seri kan kak kosoia duwen ansou ehu me irail anahne awih mehkot me re inenen mwahuki. Kumwail kak eri kilang kilel en Sara ih Aisek ni tepidahn audlain wet oh kosoia duwen inou Koht ketin wiahngehr Ih oh Eipraam (pil kilang “Abraham and Sarah,” nan Soai kan nan Kadehde Mering, 28–31). Sewese noumw seri kan medewehda soahng kan me Koht ketin inoukihong kitailehr ma kitail ahniki pwoson. Kangoange irail en ahniki kanengamah oh koapwoaroapwoarki me Koht pahn kolokol Sapwellime inou kan.

  

  2:20

• Pwe en sewese noumw seri kan esehla mehlel kesempwalo nan Senesis 18:14, ke kak ntingihdi ehu ehu lepin lokaia sang keiou en sendens en irehu pohn ehu tehn doaropwe tohrohr. Mwuhr doaloa pene doaropwe kan, oh luke noumw seri kan en kairakahdi lepin lokaia kan ni pwung. Kowe oh omw seri kan kak uhd wadek Senesis 17:15–21; 21:1–7 pwe en rapahkihda ehu karasaras en mehkot me Kauno ketin wia me mwomwen sohte kak wiawi. Ehukihong noumw seri kan ahmw pwoson me Kauno pahn kapwaiada Sapwellime inou kan, menda ma e mwomwen sohte kak wiawi de wiawihki ehu ansou reirei.

• Idek rehn noumw seri kan duwen irair kan me mehmen kak lukei irail en wia mehkot irail ese sohte pwung. Ia mwomwen atail pahn “tangasang” irair pwukat? Oaralapihedi Senesis 19:15–26 sang ni kawehwe me en Lohd peneinei kin mihmi nan Kahnihmw sakanakan ehu oh tohnleng kei kaparkin irail en mweselsang mwo. Ni kowe oh noumw seri kan amwail wadekpene ire tikitik kan 15 17, 26, idek rehtail ia wehwe ong kitail rahnwet en “tangasang” mesuwed oh “dehpa sohpeila pohn souwomwen” (ire tikitik 17).

• Ni ahmw doadoahngki kilel en Eipraam oh Aisek oh Kalohpwuhlahu (kilang Gospel Art Book, nempe 9, 57) kak sewese noumw seri kan koampehr ehng soaio nan Senesis 22 Ong sapwellimen Sounkomouro tohnmeteio (kilang Madiu 27:26 37). Dahme kitail kak esehla duwen Sahm Nanleng oh Sises Krais sang nan soai kan en Eipraam ih Aisek oh duwen Kalohpwuhlaho? Pil kilang “Eipraam oh Aisek,” nan Soai kan Nan Kadehde Mering, 34–37.)

  

  2:0

• Ke kak medewehda ehu kamwadong mengei me ke kak wiahng noumw seri kan me anahne irail en idawehn kaweid kan? Mwein kaweid kan kak kahluwa iraillahng ehu kilelen Sounkomouro me rukuruk. Kamwadongo kak tapihada ehu koasoakoasiapene duwen soahng kan me Sahm Nanleng kehkehlingkiher kitail en wia pwe kitail en kak pwurehng kousoanla Reh oh Sises Krais. Medewe koulki ehu koul soangen “Keep the Commandments” (Children;s Songbook, 146–47). Akdipidi peit en wihket pil kak sawas.