Senesis 12–17, Abraham 1–2

“Kitail koaros ---- sang atail peneinei kan [oh] atail tiahk,” Elder Neil L. Andersen padahngki, “ahpw I kamehlele mie ehu wasa loaletail me kitail ni mwohmw kesempwal ehu oh pein kitail kin kolokol oh wiahda. … Ni imwilahu, ineng en loaletail kan kin miehda oh re kin sansaladahr nan atail Pilipil kan oh nan atail wihwia kan” (“Educate Your Desires, Elder Counsels,” ChurchofJesusChrist.org). Medewe mwomwen Abraham 1:1–19 ah kasalehda dahme Elder Andersen padahngkiher. Soangen kalelapak pwukat kak sawas.

• Dahme Eipraam inengiong? Ia mwomwen ah ineng kan ah sansal nan ah wihwia kan? Ia mwomwen Koht ah ketin utungada ah inengkan?

• Ia ahmw inengkan? Ia mwomwen ahr sansal nan ahmw wihwia kan? Ia mwomwen Koht ah kin ketin utung uhkada?

• Ia padahk me ire pwukat ahniki ong aramas me tohn arail peneinei kan sohte mwahuki mehkot pwung?

Ehu en Eipraam oh Sara ara anahn keiou laud—en nainiki seri—sohte pweida erein sounpar tohto (kilang Senesis 15:1–6). Dahme ke esehla sang Ipru 11:8–13 duwen mwomwen Eipraam oh Sara sohpaier kasongosong wet? Ia mwomwen Sounkomouro ah sewese iuk “alehda ” Sapwellime inou kan, menda ma re “dohsang uhk”?

Pil kilang “Deliverance of Abraham” (kasdo), Laipreri en Rongamwahu

1:38

Dahme e kesempwalki ken ese duwen inou me Koht ketin wiahieng ehr Eipraam? Pwehki Koht kupwuriki wiahda inou sarawi me duwehte ong uhk. E inoukihdi me inou sarawi wet pahn doulahte nan peneinei en Eipraam kan, de “kadaudoke,” oh me “wen tohto me pahn alehda Rongamwahu wet pahn … kahdaniki kadaudekomw” (kilang Abraham 2:10–11). Ni ehu lokaia, inouo doudoulahte nan loalomwen—ansou ke pepdaislahr oh ni mehlel ansou ke wiahda inou sarawi kan nan tehnpas sarawi (kilang Kalesia 3:26–29, Doctrine and Covenants 132:30–32).

Ong kahrepe wo, ke kak men onopiki Abraham 2:6–11 oh wiahda ehu lisd en dahme, mehlel, Koht ketin inoukihongehr Eipraam oh Sara (pil kilang Senesis 12:1–3, 13:15–16; 15:1–6; 17:1–8). Ia mwomwen kapai pwukat ah doke iuk?

Ekei inou pwukat mie inou poatoapoat me e duwehte. Ia mwomwen inu kan ah duwehte sapwen sohso de ehu kadaudok kalaimwun pweidahr poatoapoat? (kilang Doctrine and Covenants 131:1–4; 132:20–24, 28–32).

Palahsang ininouki kapai kan, Koht mahsanihong Eipraalm en Senesis 12:2; kesempwalpe kapatapatieng). Dahme ke leme e wehwehki? Ia mwomwen ahmw pahn wia kapai ehu? (kilang Abraham 2:11).

En kasukuhliki duwen inou sarawi kan, Elder Dale G. Renlund kosiahier duwen ilok laud akan nan Pillap Amazon, oh Preseden Emily Belle Freeman kosoia duwen alu pohn ahl takain ehu ni nehu ah tipw (kilang “Accessing God’s Power through Covenants,” Liahona, Mei 2023, 35–37, “Walking in Covenant Relationship with Christ,” Liahona, Nohpempe 2023, 76–79). Kilang ehu de koaros padahk pwukat ong sendens kan me sawas sapengala peidek wet “Dahme Koht ketin kupwurikihki I en wiahda inou sarawi kan ong Ih?“

Pil kilang Topics and Questions, “Abrahamic Covenant,” Laipreri en Rongamwahu, “Iren Ketemen: Inou Sarawi,” nan mehn sawas wet.

Medewe me ke melahn kapehse Melkisedek ong mehmen me sohte ese. Dahme ke pahn inda? Rapahki madamadau kan nan En Soses Smith Kawehwe, Senesis 14:26–27, 33–38 (nan Paipel apendiks); Alma 13:13–19; Doctrine and Covenants 107:1–4. Soangen mwohmw en Krais dahkei ke diar nan kasansal pwukat duwen Melkisedek? Ia mwomwen onopiki duwen en Melkisedek mour wekidala mwomwen ahmw kilang Prihsduhd en Melkisedek?

Dahme ke esehla duwen en Eipraam lamalam ong kepwehpwe sang Senesis 14:18–24 oh En Sosep Smith Kawehwe, Senesis 14:36–40 (nan Paipel apendiks)? Ni karasepe, tehk ah pasapeng ong nanmwarki en Sodom nan Senesis 14:23. Ia mwomwen ahmw kapwaiada kosonned en daiding wekidalahr ahmw kilang mwohni?

Ni ahmw wadek Senesis 16, ke kak medewe ehu ansou me ke pehmehr ke sohte alehdi epwel mwahu, me duwehte Akar. Kilelehdi me “Ishmael” wehwehki “Koht kin ketin karonge.” Ia mwomwen Koht ah kasalehiong uhk me E ketin karonge iuk?

Pi kilang “Secret Prayer,” Koul en Sarawi kan, nempe 144.

• Ni kowe oh noumw seri kan wadek Abraham 1:18 oh 2:8, ke kak luke irail en rong ong ehu kisehn palinwar me pahn mih nan koaros ire kan. Mwein kumwail kak wia ehu madong me emen seri pahn meirpene oh ke pahn kol pehu oh kahrehla wasahkis. Mwuhr kumwail kak kosoia duwen mwomwen pepehm en ahniki Sises Krais kahrei kitail de pereperei kitail.

• Noumw seri kan kak pereniki kamwomwada soaio sang Senesis 13:5–12, songosong wiahda Eipraam, Lohd, oh soun epwel mahn akan. Ia mwomwen atail kak Idawehn en Eipraam karasaras en wia sounkameleilei ong atail peneinei de kempoakepahtail kan? Song kamwomwada arail pasapeng kan.

• Song kasalehiong noumw seri kan ehu koandeiner me pihl mih loale, usu kan nan Nihpwong, de kilel me mih imwilahn audlain wet. Met kak sewese irail wehwehki sapwellimen Koht inou kan nan Senesis 13:16; 15:1–6. Kosoia duwen ahmw eselahr en likih sapwellimen Koht inou kan, pil ansou me re mwomwen sohte kak wiawi.

• En padahkihong noumw seri kan duwen inou sarawi kan, ndahng irail en kosoia wei duwen ehu ansou me irail wiahda ehu inou de emen wiahda ehu inou ong irail. Ma e pahn sawas, ehukihda pein ahmw karasaras kan—me iangahki inou sarawi kan ke wiadahr ong Koht ni ahmw pepdais de nan tehnpas sarawi. Ia mwomwen ahmw inou sarawi kan ah sairehr ahmw ehuong Koht? Pilada ekei lokaia kan sang Senesis 15:1–6; 17:1–8; Abraham 2:9–11 en ehukihwei ekei kapai kan Koht ketin inoukihongehr Eipraam oh Sara.

• En sewese noumw seri kan kaunopehng wiahda inou sarawi ong Koht ni arail pepdaisla, ke kak doadoahngki ekei madamadau en akdipidi kan me mih nan apendiks A de apendiks B.

• Ansou en Eipraam ah mour miher nan kahpwal, e likweriong Koht. Ansou Akar kelehpwlahr nan welo, e esehda me Koht ketin karonge ih. Song ehukihong noumw seri kan soai riau wet. “Abrahan abd Sarah” oh “Akar” nan Soai kan nan Kadehde Mering, 28–31, 32–33. Dahme kitail esehla duwen Koht sang soai pwukat? Mwuhr ke kak ehukihwei ong emen emen ekspihriens kan me ke ahniki pepehm me Koht karonge iuk. Ehu koul soangen “A Child’s Prayer” (Children’s Songbook, 12–13) kak kakehlaka mehlel wet.

2:20

1:23