“Pepuweri 2–8. ‘Kauno Kahdaniki Sapwellime Aramas akan Saion’: Moses 7,” Kohdo, Idawehn Ie—Ong Nan Ihmw oh Mwomwohdiso: Kadehde Mering 2026 (2026)
“Pepuweri 2–8. ‘Kauno Kahdaniki Sapwellime Aramas akan Saion’,” Kohdo, Idawehn Ie: 2026
Enok Kilangedi sapwellimen Sises Misin nan Mourwet, sang Jennifer Paget
Pepuweri 2–8: “Kauno Kahdaniki Sapwellime Aramas akan Saion”
Moses 7
Erein nan poadoapoad, aramas songehr alehdi dahme Enok oh nah aramas akan alehdier: kauwada ehu kousoan unsek wasa me sohte paisuwed oh mehkot suwed. Ni atail wia Sapwellime aramas, kitail ehukipene ineng wet. Kitail kahdaniki kakauwada Saion, oh e iangahki—kapatahiong apwahpwalih aramas ahniki anahn oh kalaude meleilei—wiahda inou sarawi kan, mihmipene ni mour pwung, oh wiahla ehu ong emen emen oh Ong Sises Krais, me wia Nanmwarki en Saion” (Moses 7:53). Ma sampah, ahmw wasahn kousoan, de ahmw peneinei kaidehn dahme ke mwahuki, e kak sawas ken idek, Ia mwomwen Enok oh nah aramas akan wiahier? Ia mwomwen arail wiahla “ehu mohngiong oh Nan mengihtik tohto kanMoses 7 kihong kitail duwen Saion, ehu me kesempwal ong Souleng en Imwin- rahn akan kakete met: Saion kaidehnte ehu kahnihmw—e wia Saion, me Kauno padahngkiher, iei “me ahniki mohngiong mwakelekel” (Doctrine and Covenants 97:21). Eri mwein ahl keiou mwahu en kauwada Saion iei en tepida mahs nan pein atail mohngiong kan oh imwatail kan.
ire kan ong kasukuhl Nan Ihmw oh Mwomwohdiso
Moses 7:16–21, 27, 53, 62–69
I kak sawas kauwada Saion.
Ansou me Soukohp Sosep Smith tepin esehda duwen Enok oh ah Kahnihmw en Sarawio, e ahnikihda kamarain. E “ese me rahno leldohr me Kaun pahn pwurehng kauwada Saion pohn sampah” (Souleng kan, 1:108–9), oh e tapihadahr ah doadoahk en erein mour en kauwada Saion. Wadewadek Moses 7 kak kamarainih iuk en doulahte nan doadoahko rahnwet.
Ke kak tepikihda sang tetehk mwahu kalelapak pwukat ”Dahkot Saion?” oh “Ia mwomwen ah weksang soahng koaros nan sampah?” Pil ntingihdi pasapeng kan me kodohng uhk ni ahmw onopiki Moses 7, ni mehlel ire tikitik kan 16–21, 27, 53, 62–69.
Ahmw pasapeng kan ong peidek pwukat kak kasalehda me miehte atail doadoahk kitail anahne wia pwe en kauwada Saion. Eri ia mwomwen atail pahn wia met? E kak sawas ken tamanda ansou kan ke ahniki pepehm me ke “ahniki mohngiong ehu oh lamalam ehu” ong emen (Moses 7:18). Mwein e wiawi nan ehu ward, peneinei, de pwihn ehu ni wasahn doadoahk de sukuhl. Dahme aramas akan wia pwe en wiahda ehupene ni pwung?
Iet pil ekei mehn sawas akan me ke kak kilang pwe en diar madamadau kan oh kamarain kan. Pilada ehu de tohtohsang me ke pahn onopiki, oh eri ntingihdi dahme ke ahniki kamarain en wia pwe en kauwada Saion.
-
Pilipai 2:1–4, 4 Nihpai 1:15–18; Doctrine and Covenant 97:21; 105:5.
-
Ulisses Soares, “Brothers and Sisters in Christ,” Liahona, Nohpempe 2023, 70–73.
-
D. Todd Christofferson, “One in Christ,” Liahona, Mei 2023, 77–80.
Koht ketin kupwuriki Sapwellime aramas en ahniki “ehu mohngiong oh ehu lamalam” (Moses 7:18).
Moses 7:53
Sises Krais iei “me Nanmwarki en Saion.”
Ia wehwehn Sises Krais en wia ahmw Nanmwarki? Kilang ekei en Sises Krais daidel kan nan ire wet. Dahme irail padahkihong uhk duwen Ih? Dahme ke leme met wehwehki en “pidelong nan kehlo oh [douda] sang [Ih]”?
Pil kilang “Come, O Thou King of Kings,” Hymns, nempe 59.
Moses 7:28–69
Koht kin ketin mwahiei—oh perenkihda—Sapwellime seri kan.
Ekei aramas kin kilang Koht me E wia aramas mihmi wasa doh ieu me sohte kin kahpwaliki dahme kin wiawi ong kitail. Enok ahnikihda ehu mwohmw en kilang Kauno nan kasansal me kileldier nan Moses 7. Dahme e esehla duwen Koht—oh dahme ke eselahr—nan ire kan 28–40? Dahme ke leme me Enok pwuriamweikihki ah kilang Koht ah ketin mwahiei? Dahme e kesempwalki ong uhk en ese me E kin wia?
Ni kasansalo ah doudoulahte, Enok pil iang sengiseng. Ahpw Koht pil ehukihong Ih kahrepe kan me en ahniki peren. Kilangada mepwukat nan Moses 7:41–69. Dahme ke esehla sang en Enok kasansalo me kak sewese iuk “pwokada ahmw mohngiong en, oh ahniki peren,” menda “me suwed kan” Nan ahmw mour (ire 44)?
Kilang Jeffrey R. Holland, “The Grandeur of God,” Liahona, Nohpempe 2003, 70–73.
Moses 7:59–67
Sises Krais pahn sapahldo ni imwin rahn akan.
En Enok kaudiahlo, mehlel dahme kileldier nan Moses 7:59–67, iei ehu keioun kokohp en Ketdo Sapahl en Sounkomouro nan poadoapoad. Dahme ke tamataman duwen mwohmw me ire pwukat kosoiahki imwin rahn akan? Ni karasepe, medewe ia mwomwen ahmw pepehm me kokohp akan sang ire tikitik 62 wie pweipweidahr. Dahme lepin mahsen pwukat padahngkiheng uhk duwen sapwellimen Koht doadoahk nan imwin rahn akan?
Pil kilang Henry B. Eyring, “Pirien en Lih akan nan Saion,” Liahona, Nohpempe 202, 67–69.
Ong pil ekei, kilang pwuken nan sounpwunget ong makasihn en Liahona oh Ong Kakehlepen me Pwulopwul.
madamadau kan ong Kasukuhlih Seri kan
Moses 7:18–21, 62–63, 68–69
Koht ketin kupwuriki kitail en “ahniki ehu mohngiong oh ehu lamalam.”
-
En sewese noumw seri kan esehla duwen Enok oh Saion, ke kak doadoahngki “Enoch the Prophet” nan Soai kan nan Kadehde Mering (19–21) de Keriau en ire tikitik en “Follow the Prophet” (Children’s Songbook, 110–11). Mwuhr ke kak ndahng noumw seri kan en sewese iuk pwurehng soaiehda soaio ni pein arail lokaia. Kilel kan en Enok nan audlain wet mwein kak sawas.
-
Iet ehu mwohmw en sewese noumw seri kan en wehwehki ia wehwehn en ahniki “ehu mohngiong oh ehu lamalam” (Moses 7:18): Wiahda ehu mohngiong tehn doaropwe oh sisetehdi pisetik, itarehng emen emen seri en mie ehu nah. Mweidohng irail en ntingihdi Ni arail pahn wia, ke kak kosoia duwen soahng kan ke pereniki me pid emen emen seri.
-
Sewese noumw seri kan en wadek pak depe lepin lokaia “Saion” pahn pwarada nan Moese 7:18–21, 62–63, 68–69. Ehu ehu ansou irail diar lepin lokaiahu, sewese irail esehla dahme irehu kosoiahki Saion (pil kilang Mehn Kaweid ong Pwuhk Sarawi kan, “Saion,” Laipreri en Rongamwahu). Ia mwomwen atail kak duwehla aramas akan me sansaladahr nan ire pwukat?
Kangoange en emen pein onopiki pwuhk sarawi kan. Ma ke kaskasukuhlih ahmw peneinei nan imwamwail de ehu kilahs ni Rahn Sarawi, ehu mwohmw keiou mwahu me ke kak sewese mehteikan wiahda arail pwoson tengeteng rehn SIses Krais iei en sewese irail ahnla rapahki pein arail ekspihriens ong pwuhk sarawi kan. Ehukihda ekspihriens kan ke aiahniki Ong pwuhk sarawi kan, oh kangoange peneinei de tohn kilahs en ehukihda arail ekspihriens kan. Ansou kitail rong duwen wadewadek pwuhk sarawi kan ah wia kapai ong mehteikan, kitail kin pak tohto ahnikihda kamarain en rapahki soangen kapai pwukat sang Kauno. (Kilang Teaching in the Savior’s Way, 25.)
Moses 7:32–33
Sahm Nanleng ketin kupwuriki I en pilada en idawehn Ih.
-
Pwe en kapehse Moses 7:32–33 ong noumw seri kan, ke kak kosoiahng irail duwen pilipil ehu me irail wiadahr ansou keren. Mwuhr ke kak wadekpene ire koa pwe en diarada dahme Sahm Nanleng kupwuriki kitail en pilada. Soangen pilipil dah kitail kak wiahda me pahn kasalehda me kitail pilada Ih? Noumw seri kan kak emen emen mwomwehda ehu pilipil pwukat ah mehteikoa song indahda dahme kamwomwehdahu wia kasalepen?
Moses 7:59–67
Sises pahn ketdo sapahl ong sampah.
-
Nan Moses 7:59, Enok idek rehn Kauno peidek ieu Luke noumw seri kan en rapahkihda, oh ndahng irail en rapahkihda pasapengo nan ire tikitik 60. Ke kak pil kosoiahieng irail duwen ansou ehu me irail kaskasik aramas emen en pwurodo nimwarailo. Idek rehrail mwomwen arail pepehm oh dahme irail wia pwe irail en onopada. Ia mwomwen atail pahn onopehng sapahldo en Sises?
-
Kak kasalehda kilel en ansou kan me Sounkomouro pwarehng aramas akan (soangen Gospel Art Book, nempe 60 , 82, 83, oh 84). Dahme aramas akan wihwia nan kilel kan? Ia mwomwen aramas koa ahr pepehm ni arail tuhwengedi Siseso? Kumwail kak koulki ehu koul duwen Ketdo Keriau en Sounkomouro, soangen When He Comes Again” (Children’s Songbook, 82–83), oh idek rehn seri kan dahme irail leme pahn mwomwen ansou Sises pahn pwurehng ketdo. Mweidohng seri kan en ehukihda ia arail pepehm ma irail kilangedi Sises ansou E pahn sapahldohu.
Ong pil ekei, kilang pwuken nan sounpwunget ong makasihn en Kempoakepah.