Senesis 42–50

Ke kilangadahr me duwepene kan nanpwungen en Sosep mour oh misin en tomwpen dihp en Sises Krais? Pwehn kilang ekei karasaras kan ong me duwepene pwukat, song koampehrih:

• Senesis 37:3 iangahki Madiu 3:17.

• Senesis 37:26–28 iangahki Madiu 26:14–16.

• Senesis 45:5–7 iangahki Luk 4:18.

• Senesis 47:12 iangahki Sohn 6:35.

Soangen pepehm da ke ahniki ong Sounkomouro oh Sapwellime misin ni ahmw wadek iren pwuhk pwukat?

Wadewadek duwen Sosep ah mahkohng rie pwukat kan ong soangen suwed kan irail wiahngehr kak kiheng uhk en medewe mehmen ansouwet me ke ahniki kahpwal en mahkong. Kalelapak pwukat kak sawas ni ahmw nantihong doadoahngki kosonned wet.

• Dahme e kakete apwaliki Sosep en mahkohng rie pwutak koa? (en pwurehng kilang dahme irail wiahiongehro, kilang Senesis 37). Soangen ekspihriens de lamalam dah me kak kihong Sosep kehlail en ahniki mahk? (kilang, ni karasepe, Senesis 45:1–15 de 50:15–21).

• Soangen kapai da me mie sang Sosep ah mahkong rie pwutak kan? Ni karasepe, koampehr ehupenehn kan nan en Seikop peneinei kan ni tepidahn soaio (kilang, ni karasepe, Senesis 37:3–11) ong ehupene kan ni imwio (kilang Senesis 45:9–15; 50:15–21). Ia mwomwen soahng kan ah kak imwila weksang ma Sosep sohte men mahk?

• Medewe ntingihdi Eden mehmen me anahne ahmw mahk—menda ma re peki ahmw mahk de soh. Dahme ke kak pwehn Luke sapwellimen Sounkomouro manaman en kamwahuihala ong nan irairo? Ma mahk mwomwen nohn apwal, song pwurehng kilang en Elder Gerrit W. Gong kaweid nan parakrahp wenou me kaimwsakala ah padahko “Happy and Forever” (Liahona, Nohpempe 2022, 85). Dahme ke diar me kihong uhk koapwoaroapwoar me ke kak mahk?

Pil kilang Doctrine and Covenants 64:9–11; “Forgiveness: My Burden Was Made Light” (kasdo), Laipreri en Rongamwahu.

8:24

En Seikop kapai kan ong kadaudoke kan sansal ong nan madamadau, ahpw irail sohte mengei en wehwehki. Ni kaping, rongamwahu kopwurpwurdo wet kin kihong kitail ekei sawas. Ansou ke wadek kapai me kohieng Sosep nan Senesis 49:22–26, pil wadek ire tikitik pwukat, oh kilang wehwehkan irail kihda: 1 Nihpai 15:12, 2 Nihpai 3:4–5; Jacob 2:25; Doctrine and Covenants 50:44.

Ni ahmw wadek duwen en Suda kapai nan Senesis 49:8–12, Tamataman me Sises Krais wia kadaudok en Suda. Dahme ke diar Nan ire pwukat me katamanohng uhk Sounkomouro? (pil kilang Kaudiahl 5:5–6, 9; 1 Nihpai 15:14–15; Doctrine and Covenants 45:59; 133:46–50).

Wadewadek kapai pwukat kak kamarainih iuk en pwurehng kilang noumw kapai en peitriarko–de, ma sohte noumw, en alehdi ehu. Soangen lokaia oh kahs dah me mih nan noumw kapaio me kin kataman ong uhk Sises Krais?

Pil kilang Randall K. Bennett, “Your Patriarchal Blessing—Inspired Direction from Heavenly Father,” Liahona, Mei 2023, 42–44.

Menda eh sohte sansal ansou e wie lelehngo, Sosep mwuhr kak kilengla mwuri nan ah kasongosong nan Isip oh kilangada me “Koht ahpw Ketin Kawekiong ni Mehkot Mwahu” (Senesis 50:20). Ma ke kak mwamwaitih Sosep ni ah mihmi nan pwoahro de nan imweteng, ia mwomwen ahmw pahn kaloalamwahuih? Ia mwomwen Senesis 50:19–21 kak sewese iuk nan ahmw ansoun kasongosong kan?

Pil kilang Doctrine and Covenants 122; “Pahson Tengeteng,” Koul en Sarawi kan, nempe 6.

Ni ahmw wadek Senesis 50:24–25 oh en Sosep Smith Kawehwe, Senesis 50:24–38 (Nan appendiks en Paipel). Medewe mwahu dahme e kesempwalki ong Sosep en ese duwen Moses oh Sosep Smith pahr epwiki kei mwowe. Ia mwomwen Sosep Smith ah kapwaiada en Sosep Kaudiahl kan duwen Ih? (kilang Doctrine and Covenants 1:17–23; 20:7–12, 39:11, 135:3).

• E kak kaperen ong noumw seri kan irail en mwomwehda sohngada soaiepen Sosep ah kapwurepene ah peneinei (kilang Senesis 42–44). De irail kak doadoahngki “Sosep oh Lehko” (nan Soai kan Nan Kadehde Mering, 57–60) de kilel kan Nan audlain wet pwehn kasukuhlihki seri kan soai wet. Iet ekei kalelapak kan me kak sewese noumw seri kan esehla sang soaio:

  • Dahme Sosep wia pwehn kasalehda limpoak ong ah peneinei? (kilang Senesis 45:4–15).

  • Dahme ke pehmiki me Sosep mahk kihong rie pwutak kan?

  • Dahme ke leme rien Sosep pwutak ko pehmadahr ansou irail diarada me Sosep mahkong irail ehr? Ihs nan ahmw mour me anahne en alehdi mahk? Ia mwomwen ahmw kak kasalehda limpoak oh mahk?

  

  2:26

• Komwi oh noumw seri kan kak men ehukihda ehu ekspihriens en arail mahkong emen de ansou emen mahkong irail. Kumwail kak uhd koulki ehu koul soangen “Love One Another” (Children’s Songbook, 136) de “Help Me, Dear Father” (Children’s Songbook, 99).

• Kowe oh noumw seri kan kak kilang kilelen en Seikop ah Kapkapaiada Nah Pwutak kan ni imwin audlain wet oh koasoaia dahme wihwiawi (kilang Senesis 48:8–9). Ma mie anahnepe, kawehwehda me Seikop, en Sosep pahpahu, men kihong ah peneinei kapai kan en prihsduhd. Mwein ke kak ehukiong emen emen ma mie ekspihriens ke ahnekiher ni ahmw alehdi sawas sang Koht sang ehu kapai en prihsduhd. Ia ekei kahrepe kan kitail kak peki ehu kapai en prihsduhd?

• Ia mwomwen ahmw kak sewese noumw seri kan kilang Sounkomouro nan soaiepen Sosep ah kapitala ah peneinei sang lehk lapalapo. Song wiahda ehu tard me ahniki koalum riau me kileledi ie Sosep oh Sises Krais. Sewese noumw seri kan rapahki Iren pwuhk sarawi peliali pwukat oh audehda tardo ong soahng kan me Sosep oh Sises ahnikipene: Senesis 37:3 oh Madiu 3:17; Senesis 37:26–28 oh Madiu 26:14–16; Senesis 45:5–7 oh Luk 4:18; oh Senesis 47:12 oh Sohn 6:35.

• Idek rehn noumw seri kan ia wehwehn en kapitala de kamourala emen. Ma emen irail ahnekiher ehu ekspihriens ong ah kapitasang keper, luke irail en ehukihda. {Ia mwomwen Sosep ah kapitala rie pwutak kan? (kilang Senesis 42:1–3; 45:5–7). Mwuhr kumwail kak kilang ehu kilel en Sounkomouro oh indahng noumw seri kan en koasoaia duwen mwomwen Sises ah kn kapitkitailla.