Senesis 37–41

Pak tohto, paiamwahu kin mwomwen soikala Sosep, ahpw Kauno sohte wia met. Ni ahmw wadek en Sosep soaio, medewe mwahu kalelapak kan duwehte mepwukat: Dahme Sosep wia pwe en karakaranihete Kauno? Ia mwomwen Kauno ah “ieiang Sosep”? (kilang Senesis 39; 40:1–19; 41:9–45). Dahme ke esehsang nan Soai en Sosepo me kak sewese iuk kasawihada kepitien Kauno nan ahmw mour?

Ke ka pil idek soangen peidek koahte duwen ahmw mour. Soangen kilel da ke kilangehr me Kauno sohte kin keseiukala nan ansoun kasongosong kan? Medewe ia mwomwen ahmw kak ehukihda ahmw ekspihriens kan ong tohn peneinei (kilang 1 Nihpai 5:14).

Ei, ke pahn ahniki ekei kasongosong nan rahn kohkohdo kan. Dahmek ke kak wia met pwehn tehk mwahu me kasongosong pwukat sohte waiukalahsang Kauno? Ntingihada ehu sinlikoun kangoang ong pein kowe nan rahn kohkohdo kan ken karakaranihete Ih sohte katepe dahme pwarada. Ke kak iangahki koahiek en kamarain kan sang en Sosep mour de sang en Elder D. Todd Christofferson padahk “Our Relationship with God” (Liahona, Mei 2022, 78–81).

Pil kilang Sohn 14:18; Rom 8:28; Alma 36:3; Doctrine and Covenants 121:7–8; “Abide with Me!,” Koul en Sarawi kan, nempe 166.

Sosep ahnikiher kisakis en kasawihada padahk kan sang Kauno sang ouraman kan. Dahme ke kak esehsang Senesis 37:5–11; 40:5–8; 41:14–25, 37–38 duwen alehdi oh wehwehki kaudiahl sang Kauno? Ni karasepe, dahme ke kak esehsang en Sosep karasaras ansou me Kaudiahl mwomwen apwal en wehwehki? (kilang Senesis 40:8; 41:16).

Medewe mwahu mwomwen Kauno ah wie kasakaslehiong uhk Sapwellime koasoandi. Dahme ke wihwia pwe ken kapwaiada Kaudiahl akan me E ketkihong uhkehr? Ia mwomwen ahmw raparapahki ekei kaweid sang Ih?

Ma Sosep pahn kihda kaweid ong duwen soikala kasongosong en wia dipen nenek, dahme ke leme e pahn nda? Medewe met ni ahmw wadek duwen ah ekspihrienso nan Senesis 39. Ni karasepe, medewe ia mwomwen Sosep ah kak sapeng soangen kapwunod pwukat:

• Ma sohte emen ese dahme I wihwia, dahme kesempwal? (kilang ire tikitik 8–9).

• I song en soikala, ahpw kasongosongo mwomwen sohte kak uhdi (kilang ire tikitik 10).

• Dahme I anahne wia ni ansou I mih nan irair ehu me kasongosongo inenen kehlail? (kilang ire 12).

Ia mwomwen ahmw pahn kawehwehda dahme kahrehda peikiong kosonned en mwakelekelo kesempwalki? (kilang Ong Kakehlepen me Pwulopwul: Mehn Kaweid ong Wiahda Pilipil kan,23–28).

En Sosep karasaraso, ei, kak doke ekei kasongosong kan. Ni en Sosep ah ekspihrienso e mih nan ahmw madamadau, wiahda ehu pilahn ong kanahieng oh soikala kasongosong. Ni karasepe, ke kak medewehda ehu kasongosong oh ntingihdirair kan me ken kaleke oh ia mwomwen ahmw pahn “tangasang” ansou me kasongosongo pwarada.

Iet ekei iren pwuhk sarawi kan me kak kamwahuihala ahmw pilahn. Dahme ke esehsang ehu ehu duwen Sounkomouro Madiu 4:1–11; 1 Korint 10:13; 1 Nihpai 15:23–24; 3 Nihpai 18:17–18.

Ni ahmw pahn wiahda ahmw koasoandi, e kak sawas en medewe ansou kan rahnteio me ke soikala de sohte alehda kasongosong ehu. Ia mwomwen Sounkomouro ah sewese iuk? (kilang 2 Nihpai 4).

En Sosep kawehwe en Parao ouramano elehiong kaweid eripit oh sansal kei ong pitisang ehu lehk (kilang Senesis 41:15–57). Medewe soangen padahk en palingehn kan me Kauno kak ahniki ong uhk nan soai wet. Ia ahmw pepehm me E ketin kupwuriki ken kaunopehng kahpwal akan nan rahn kohkohdo kan?

Pil kilang David A. Bednar, “We Will Prove Them Herewith,” Liahona, Nohpempe 2020, 8–11.

• Wadewadek duwen pepehm suwed kan Nan en Sosep peneineio kak tapihada ehu koasoaipene duwen mwomwen atail anahne apwalih tohn peneinei kan. En soaiehda en soai en Sosep oh rie pwutak kan sang Senesis 37, ke kak doadoahngki kilel kan Nan audlain wet de nan Joseph’s Inspired Dreams” (nan Soai kan nan Kadehde Mering, 47–51). Mweidohng noumw seri kan enehuki mengihtik kan irail ese duwen soaio. Ke kak ndahng noumw seri kan en medewe me irail mih nan en Sosep peneinei. Dahme irail pahn nda de wia pwe en wia sounkameleilei men nan peneineio? Ni karasepe, ia wehwehn en “lokaia mwahu” Nan ahmw peneinei? (ire tikitik 4). Ia mwomwen Sises Krais ah wia sounkameleilei men nan sapwellimen Koht peneinei?

  

  2:17

• Ni ansou noumw seri kan lelehng ansoun kahpwal akan, irail anahne ese me Kauno pahn ieiang irail, duwehte Ah ketin ieiang Sosep. Ke kak sewese noumw seri kan wiahda ehu lisd en soahng apwal kan me wiawiongehr Sosep (kilang Senesis 37:23–28; 39:20; de “Joseph’s Inspired Dreams” oh Joseph in Egypt,” nan Soai kan nan Kadehde Mering, 47–51, 52–56). Mwurin ehu ehu kahpwal irail diarada, luke noumw seri kan en kapwurehiong, “Kauno eri Ketin Ieiang Sosep” (Senesis 39:2).

  

  2:17

  

  2:50

• Ekei seri kak kasawih Senesis 39:1–3, 20–23 soahng koaros nan mahseno “Kauno Eri kin Ketin Ieiang Sosep” oh me duwehte kan. Mweidohng irail en ehukihwei dahme re leme lokaia wet wehwehki. Ia mwomwen atail ese me Kauno ieiang kitail? Ehukipene nanpwungamwa ia mwomwen ahmw pehm me Koht ketin ieiang uhk erein ansou apwal ehu.

• Iet ehu lesen en dipwisou me kak sewese noumw seri kan Idawehn en Sosep karasaras en tangasang en Podipar eh pwoud: Doadoahngki maknet riau me pahn wia weliepen Sises Krais oh Sehdan. Doadoahngki ehu sin mete tikitik, soangen ehu mehn kateng doaropwe, pwe en wia weliepatail. Mwuhr mweidohng noumw seri kan en kilang mwomwen mwekid en maknet pohn mehkot me mete ah kehlail ansou irail pahn kamwakidalahng dipwisouo karanihala. Ia mwomwen en Sosep ekspihriens nan Senesis 39:7–12 kasalehda me mehlelo? Dahme kitail kak wia pwe en keilahsang dihp oh karanihala Sises? Kasdo “Temptation Fades asWe Seek Christ in Every Thought” Laipreri en Rongamwahu) oh ehu koul soangen “I Anahne Komwi” (Koul en Sarawi kan, nempe 12) kak sewese ehupene en koasoai wet.

  

  2:58

  Doadoahngki Koul “Koul en Sarawi kan oh koul kesempwal teikan kak sewese seri kan pehm sapwellimen Koht limpoak, pehm Ngehno, oh esehla mehlel akan en rongamwahu wet. Ngilen koul kan, mwekid en koul kan, oh lokaia duwepene kan kak sewese seri kan tamataman mehlel kan en rongamwahu erein sounpar kei kohkohdo. Ni ahmw iang seri kan koul, sewese irail diarada oh wehwehki padahk kan me mih nan koul kan” (Teaching in the Savior’s Way, 32).

• Sewese noumw seri kan medewehda soangen kasongosong kan irail kak sohpai. Mweidohng irail en kamwomwehda ia mwomwen arail kak “tangasang” soangen kasongosong pwukat.