Ihster

Tohto ire kan nan Kadehde Mering kasalehda sapwellimen Sounkomouro misin oh Tomwpen meiroango. Tehpel en pahn kilelehdier ekei ire pwukat. Ni ahmw wadek ire pwukat, soangen mehn Ketemen dah me kohieng uhk duwen Sounkomouro?

Kokohp akan me padahngki duwen Sounkomouro inenen tohto oh sansal nan Pwuken Mormon. Medewe ia mwomwen ahmw pwoson ah kehlailkihda soangen iren pwuhk sarawi pwukat: 1 Nihpai 11:31–33, 2–Nihpai 25:13, Mosaia 3:2–11; Alma 7:10–13.

Soukohp en Imwin rahn akan doulahte wia kadehde kesempwal ong Sises Krais oh Sapwellime misin en tomwpen dihp. Ni ahmw rong kapokon lap nan wihk en Ihster wet, kilelehdi kadehdekan en Krais me ke pahn rong. Dahme irail padahkihong uhk duwen Ih?

Ansoun Ihster wia ehu ansou kaperen, pwehki e wia ansou en kasarawih sapwellimen Sounkomouro Tomwpen dihp oh Iasadaho. Ahpw, pil erein ansoun Ihster, tohto aramas me sohte ahniki pepehm en popohl pwehki kahrepe tohto kei. Dahme ke kak wia pwe ken kihpeseng sapwellimen Sounkomouro meleilei oh popohl Ihster wet?

Ehu madamadau iei en rapahkihda padahk kan nan pwuhk sarawi kan duwen meleilei oh popohl Sises Krais kin ketkihda, me duwe mepwukat: Melkahka kan 16:8–11; 30:2–5; Aiseia 12; 25:8 9; 40:28 31; Sohn 14:27; 16:33; Alma 26:11 22. Kilang ia mwomwen ahmw kak ehukihwei padahk pwukat ong mehteikan. Ni karasepe, mwein ke kak wiahda kard en Ihster kan pwehn ehukihda, me poahsoankihda padahk pwukat. Kin kapakapki duwen ihs me anahne en alehdi ahmw rahnmwahu en Ihster. Ke pil kak medewehda en ehukihwei ahmw padahk kan nan sohsel mihdia, wasa me tohto aramas kak kilang.

Koul en Sarawi kan duwen Krais oh Sapwellime Iasadaho, soangen “He is Risen” Koul en Sarawi kan, nempe–199), kak sewese kitail ahniki pepehm en meleilei oh popohl ni Ihster. Rapahki lokaia kan nan koul en sarawi kan me, Nan ahmw madamadau, kasalehda popohl en Ihster.

Pil kilang Jeffrey R. Holland, “Not as the World Giveth,” Liahona, Mei 2021, 35–38; Mark S. Palmer, “Our Sorrow Shall Be Turned into Joy,” Liahona, Mei 2021, 88–90.

Iet ehu akdipidi me kak sewese iuk kilang kapai tohtohkan me mie pwehki Sises Krais oh Sapwellime Tomwpen Dihp. Wadek iren pwuhk sarawi kan pah duwen dahme Sises Krais kin sewese kitail powehdi. Song kihpeseng ire pwukat Ong Nan katekohri pwukat: dihp, Mehla, kasongosong kan, oh luwet akan (ekei ire kan kak konehng mih nan katekohri tohtohsang ehute). Ni ahmw wadawad, soangen madamadau dah ke ahniki duwen sapwellimen Sounkomouro manaman?

• Aiseia 61:1.–3

• Esikiel 36:26-28

• Madiu 11:28–30

• Luk 1:46–55

• Rom 8:35–39

• Alma 7:10-13

• Alma 11:42–45

• Alma 58:11

• Moronai 10:32–33

• Doctrine and Covenants 19:15–19

• Moses 5:9–12

Ia mwomwen ahmw pahn kawehwehiong kempoakepahmw men me sohte wia Krisdien men dahme kahrehda Sises Krais kesempwal ong uhk? En Elder Ahmad S. Corbit padahk “Ke Ese Dahme Ngehi Ni Ahi Wia Krisdien men Kamehlelehki Krais?” (Liahona, Mei 2023, 119–21) kak sawas.

Pil kilang Reyna I. Aburto, “The Grave Has No Victory,” Liahona, Mei 2021, 85–87, Topics and Questions, “Atonement of Jesus Christ,” “Resurreection,” Laipreri en Rongamwahu.

Dahme ke esehla sang ire pwukat duwen pweipwei me Sises Krais pwainlahr ong komourpemw. Aiseia 53:3–5; Mosaia 3:7; Doctrine and Covenants 19:16–19? Ia pweipwei me Sahm Nanleng pwain en? (kilang Sohn 3:16).

• Wihk en Ihster iei ansou mwahu en padahkihong noumw seri kan duwen dahme Sounkomouro wiahier ong kitail nan Kedesemeni oh pohn lohpwuo. Ke kak tepikihda ni ahmw kasalehiong irail kilel kan pah oh mweidohng irail en kosoia dahme wihwiawi nan kilel kan. Ni noumw seri kan ahr kilikilang kilel kan, ke kak wadek ire tikitik kan ke kosoia kemwekid pwukat (kilang Madiu 26:36–46; 27:35–50; Luk 22:39–46; Sohn 19:16–30). Noumw seri kan kak idihada mengihtik kan nan kilel kan me irail rongadahr nan iren pwuhk sarawi kan.

• Ia mwomwen atail kapaida pwehki en Sises tohnmetei ong kitail? Sewese noumw seri kan rapahki lepin lokaia kan oh mahsen kan me sapeng peidek mih nan Aiseia 53:4–12; Alma 7:11–13; oh Doctrine and Covenants 19:16–19. Ehukipene ia amwail pepehm duwen Sounkomouro mwurin wadewadek iren pwuhk sarawi pwukat.

• Ke kak doadoahngki akdipidi peit en wihket de ekei kilel kan Nan audlain wet pwe ken ndahng noumw seri kan soai en Iasadaho (pil kilang “Jesus Is Risen,” nan Soai kan nan Kadehde Kapw, 139–44). Mwuhr mweidohng noumw seri kan en uhd kosoiahiong uhk soaio.

• Medewe ia mwomwen ahmw pahn sewese noumw seri kan diar popohl rehn Krais nan Ihster wet. Ni karasepe, kumwail kak koulkipene ehu koulen Ihster kumwail mwahuki, soangen “Christ the Lord is Risen Today” (Koulen Sarawi kan; nempe 200) de “Gethsemane” (Laipreri en Rongamwahu). Pwe en diar ekei koul kan duwen Iasadaho, ke kak kilang nan topical indeks en Hymns oh Children’s Songbook. Kowe oh noumw seri kan kak ehukipene dahme ke mwahukihki koul pwukat oh ia ahmw pepehm ahmw kin koulki. Dahme koul pwukat padahkihong kitail duwen Sahm Nanleng oh Sises Krais?

• Nan Laipreri en Rongamwahu wet mie koleksin en kasdohu Ihster kan me noumw seri kan kak pereniki. Mwein ke kak mweidohng irail en pilada ehu me re pahn kilang. Idek rehtail dahme irail esehla duwen Sises Krais sang nan kasdohu. Ke kak ndahng irail en oaralapihedipadahk en kasdohu nan ehu sendens.

• Ni kowe oh omw seri kan kilangpene kapokon lap nan wihkend en Ihster wet, sewese irail en kilang ansouo me sapwellimen Sounkomouro sounkadehde kesempwal kan pahn wia arail kadehde ong Iasadaho. Ke kak wiahda ehu kamwadong—luke irail en kesihkerda ansou koaros irail rong lokaia kan soangen Ihster de Tomwpen Dihp de Iasadaho. Ehukihong mehteikan dahme ke kapingkihki en soukohp momour akan arail kadehde kan.