“Epreil 6–12. ‘Tamataman rahnwet, Rahn me Kumwail mweselsang Isip‘: Eksodus 7–13,“Kohdo, Idawehn Ie—Ong nan ihmw oh mwomwohdiso: Kadehde Mering 2026 (2026)
“Epreil 6–12. ‘Tamataman rahnwet, Rahn me Kumwail mweselsang Isip,’” Kohdo, Idawehn Ie—Ong nan Ihmw oh Mwomwohdiso: Kadehde Mering 2026
Mahlen en Moses oh Aaron nan mwoalen Parao, sang Robert T. Barrett
Epreil 6–12: “Tamataman rahnwet, Rahn me Kumwail mweselsang Isip”
Eksodus 7–13
Kalokolok mwurin kalokolok kauwelahr Isip, ahpw Parao kahngete mweidala mehn Israel kan. Oh Koht ketin doulahte kasalehda Sapwellime manaman oh kihong Parao paiamwahu en alehda me “iei ngehn me Kauno” oh “sohte emen koht mie nin sampah pwon duwehte ngehi” (Eksodus 7:5; 9:14). Moses oh men Israel kan mwein kilangehr ni pwuriamwei kasansaladahn sapwellimen Koht manaman me E wia pwehki irail. Mehlel kilel dououla pwukat kasalehda arail pwoson Koht oh kakehlekehda arial inengiong idawehn sapwellimen Koht soukohp. Mwuhr, mwurin kalokolok duwau saikinte kapitala mehn Israel kan, iei keinek en kalokoloko—mehlahn meseniho, me iangahki nein Parao meseniho—me show kaimwsakala kaliduo. This seems fitting, pwe nan irair en selidien pali ngehn, ni mehlel wiepe ehute ma kak kapit kitalla. Iei tohnmetei en Sises Krais, sapwelimen Kauno Mesenih —ntahn Simpwul mwakelekel sohte samin—me pahn komourkitaila.
Madamadau kan ong Kasukuhl Nan Ihmw oh Mwomwohdiso
Eksodus 7–11
I kak pilada en kamwuterekihla ahi mohngionget.
Ahmw koasoandi sohte uhwong sapwellimen Koht koasoandi me duwehte en Parao. Kitail koaros me ansou me atail mohngiong kan sohte mwuterek me e konehng. Dahme sansal ong uhk duwen en Parao pasapeng kan ong kalokolok kan nan Eksodus 7:14–25, 8:5–32; 9:1–26; 10:12–29; 12:29–33? Kilelehdi kasansal nan en Sosep Smith Kawehwe ong Eksodus 7:3, 13, 9.12.
Dahme “kekeluwak” wiahki kasalepen mwahu en en Parao mohngiongo? Medewe dahme ke esehlahrsang ire pwukat duwen ahniki mohngiong mwuterek ehu: 1 Nihpai 2:16; Mosaia 3:19; Alma 24:7–8; 62:41; Ether 12:27. Ni ahmw wadek duwen kahpwal akan me en Parao mohngiong kekeluwak waidahro kan, medewe mwahu iren ahmw mohngiong en. Soangen wekidekla dah ke pehm ke anahne wia?
Eksodus 12:1–42
Sises Krais kak kapitiehla pwehki Sapwellime Tomwpen Dihpo.
Ihte mwohmw me mehn Israel kan kak pitisang keinek en kalokoloko, me sansalehr nan Eksodus 11:4–5, iei irail en idawehn kaweid kan me Kauno ketkihongehr Moses ni pwung nan Eksodus 12, ehu tiahk kahdaniki Pahsohpa. Pahsohpahu padahkihong kitail me sang kilel kan me duwehte Kauno ah kasaledekala mehn Israel kan sang kalidu nan Isip, E pi kak kasaledih kitailla sang kalidu en dihp. Pwe en kilangada kieleet nan Eksodus 12:1–42, ke kak doadoahngki ehu tard me duwehte met:
|
Kilel |
Wehwe kan me kak |
Sapwellimen Koht padahk ong ie |
|---|---|---|
Kilel Tepidahn sounpwung kan (ire tikitik 2, Kauno kehkehlikiong mehn Israel kan en doadoahngki kemwekid wet pwe en kilelehdi tepidahn neirail kalander). | Wehwe kan me kak Met pahn wia tepida kapw ehu ong Israel Irail pahn “ipwsapahl.” | |
Kilel Sihmpwulo (ire tikitik 3–5). | Wehwe kan me kak Kilang Sohn 1:29, 6:54, 1 Piter 1:19. | |
Kilel Ntahn Simpwulo ni wenihmw kan (ire tikitik 7,13, 23). | Wehwe kan me kak Kilang Mosaia 4:2; Kaudiahl 12:11. | |
Kilel Pilawa sohte dol ihs (ire tikitik 8, 15, 19–20). | Wehwe kan me kak Lepen, de ihs, kak wia kilelepen pingiping pwehki e kin keh ohla. Kilang Madiu 16: 6–12; Sohn 6:35. | |
Kilel Tehn Tuhke Katik (ire tikitik 8). | Wehwe kan me kak Mehn Ketemen ong katiken dihp oh kalidu. Kilang Eksodis 1:14; Moses 6:55 | |
Kilel Mwenge ni karuwaru, likoudahr pwe en mwesel (ire tikitik 11). | Wehwe kan me kak Ehu kilelen karuwaru en kohkohsang kalidu en dihp. Kilang Senesis 39:12; 2 Timoty 2:22. | |
Kilel Soun Kamwomwalahu (ire tikitik 13, 23). | Wehwe kan me kak Tehk Doctrine and Covenants 89:18–21. | |
Kilel Mehn Israel kan kasaledekla (ire tikitik 29–32). | Wehwe kan me kak Kilang 2 Nihpai 2:26; Doctrine and Covenants 138:15–19, 31. | |
Iahnge me ke diar nan kaweid kan oh kilel kan ong Pahsohpa me katamaniong uhk duwen Sises Krais oh Sapwellime Tomwpen Dihpo? Dahme kilel pwukat kasalehiong uhk duwen mwomwen alehdi kapai kan en Sapwellime Tomwpen Dihp?
Kohdo rehn Krais sang kilikilangada kilel kan me kadehdehki Ih. “Soahng koaros,” Kauno mahsaniher, “kepikipikidahr oh wiawidahr pwe en kadehdehkin ie” (Moses 6:63; pil kilang 2 Nihpai 11:4). Nan Eksodus 12, kilel kan me duwehte Simpwul, nta, pilawa sohte dol ihs, manaman kopwuriamwei kan, oh kepitipitla koaros idilahng Krais. “Ni ansou kitail pahn wehwehkihla ia mwomwen dipwisou pwukat ahr ehuong Sounkomouro, irail kak padahkihong kitail duwen Sapwellime manaman oh mwahu kan” (Teaching in the Savior’s Way, 7).
Mehn Ketemen Pei, sang Walter Rane
Eksodus 12:14–17, 24–27, 13:1–16
Kamadipw sarawi kin sewese ie tamataman ahi kasalediklahu sang Sises Krais.
Sounkomouro kehkehlikiong mehn Israel kan en wauneki Pahsohpahu ehu ehu sounpar pwe en sewese irail tamataman me E ketin kasaledahr irail lahr, pil lel mwurin ahr kaliduo ah wialahr mehn ketemen wereilahr ehu. Ni ahmw wadek Sapwellime kaweid kan nan Eksodus 12:14–17, 24–27; 13:1–16, medewe dahme ke wihwia pwe ken tamataman sapwellimen Koht kapai kan ong uhk. Ia mwomwen ahmw kak kolokolete ketemenpehu “erein amwail dih kan”? (kilang Eksodus 12:14, 26–27).
Ia duwepene kan me ke kilang nanpwungen kamadipw en Pahsohpa oh kamadipw sarawio? Dahme ke kak wia pwe en “tamataman ansou koaros” Sises Krais? (Moronai 4:3; 5:2).
Ke pil kak medewe mwahu soahng teikan Kauno kupwurki ken tamataman, kilang ni karasepe, Ilemen 5:6–12; Moronai 10:3; Doctrine and Covenants 3:3–5, 10; 18:10; 52:40.
Pil kilang Kevin W. Pearson, “Are You Still Willing?,” Liahona, Nohpempe 202, 67–69, “Always Remeber Him” (kasdo), Laipreri en Rongamwahu, “In Memory of the Crucified,” Koul en Sarawi kan, nempe 190.
Always Remember Him
Ong pil ekei, Kilang pwuken sounpwunget nan makasaihn en Liahona oh Ong Kakehlepen me Pwulopwul.
Madamadau kan ong Kasukuhlih Seri kan
Eksodus 7–11
Kauno ahniki manaman pohn soahng koaros.
-
Kalokolok kan me kasansaladahr nan Eksodus 7–11 kasalehiongehr mehn Isip oh Israel kan me Kauno sapwellimaniki manaman laud. Kauno pahn sewese noumw seri kan erein arail mour ansou irail ahniki pwoson nan Sapwellime manaman. En sewese irail kasukuhlsang Soai wet, ke kak kihong emen emen seri ehu doaropwe me sisetepeseng wiahla meh 10, oh Luke irail en mahlinihda kilel en kalokolok kan me kasansaladahr nan ire pwukat: Eksodus 7:17–18, 8:1–4; 8:16–17; 8:20–22; 9:1–6; 9:8–9; 9:22–23; 10:, 10:21 22, 11:4 7 (pil kilang “The Plagues of Egypt” nan Soai kan nan Kadehde Mering, 67–69). Wadek pene Eksodus 7:5 oh 9:14 kawehwehda dahme Kauno ketkihdoki kalokolok kan.
2:3The Plagues of Egypt
-
Ehukihong noumw seri kan mwomwen Kauno ah kasalehiong uhkehr “sohte emen Koht mie pohn sampah duwehte [ngehi]” (Eksodus 9:14). Mweidohng irail en ehukihda ia mwomwen arail ese me Kauno me manaman.
Eksodus 8:28–32, 9:7
Kauno kak sewese Ie ahniki mohngiong mwuterek ehu.
-
Pwe en sewese noumw seri kan kak kilang ia wehwehn en ahniki mohngiong mwuterek, e kak mwahu en kasalehiong irail ehu dipwisou mekekeluwak, me duwehte ehu takai, oh ehu me mwuterek de kak alehda pihl, soangen spoant. Ke pil kak wideki pihl pohn dipwisou pwukat pwe en kasalehda wen mengein mohngiong mwuterek ehu kin alehdi mahsen en Kauno. Kumwail kak uhd wadekpene ekei ire kan me kasalehda duwen Parao ah sapengalahr kalokolok kan me Kauno kadaredohr kan (kilang Eksodus 8:28–32; 9:7) Mehnia rehn dipwisou kan me keiou wia kasalepen en Parao mohngiong de lamalam? Ia wehwehn en ahniki mohngiong mwuterek ehu? (kilang Mosaia 3:19).
-
Kowe oh noumw seri kan kak wiahda ehu lisd en ekei wihwia me kak sansaladahr ansou kitail ahniki mohngiong kekeluwak ehu (ni karasepe, doadoahngki lokaia me sohte kadek de sohte men ehuki). Ia mwomwen atail pahn kasalehiong Kauno kitail men ahniki mohngiong mwuterek?
Eksodus 12:1–13
Kamadipw sarawi kak sewese Ie tamataman Sises.
-
Pahsohpahu kasukuhlkiher mehn Israel kan en kilengla mwowe ong Sounkomouro oh Sapwellime tohnmetei ong kitail. Ni amwail kilikilangpene Eksodus 12:1–13, sewese noumw seri kan kilang ehupene kan nanpwungen mengihtik kan en Pahsohpahu oh sapwellimen Sises Krais Tomwpen Dihp (pil kilang “Pahsohpaho” nan Soai kan nan Kadehde Mering, 70–74). Ni karasepe, ia mwomwen Sises ah duwehte sihpw me kasansaladahr nan iralaud 5?
2:54The Passover
-
Rahnwet, kitail kin ale kamadipw sarawi pwe en tamataman sapwellimen Sises Krais tohnmetei. Ke kak kasalehiong noumw seri kan ehu kilel en kamadipw sarawio oh koasoaia duwen tiahk sarawi wet ah kin sewese kitail tamataman Sises Krais. Ke kak sewese noumw seri kan rapahkihda lepin lokaia “tamataman” Nan kapakap en kamadipw sarawi kan (kilang Moronai 4–5). De koulkipene ehu koulen sarawi me kumwail mwahuki duwen kamadipw sarawi, oh sewese noumw seri kan kilang pepehm en meleilei irail ahniki ansou irail medewe duwen Sounkomouro. Ia mwomwen atail pahn rapahki pepehmo ni ansou kitail alehda kamadipw sarawi?
Ong pil ekei, kilang pwuken sounpwunget ong makasihn en Kempoakepah.