Eksodus 19–20; 24; 31–34

Preseden Russell M. Nelson padahngki: “Nan Kadehde Mering, lepin lokaia en Ipru me aramas kesempwal kohsang kawehwehdier iei segullah, me wehwehki ‘en aramas dipwisou kesempwal,’ de ‘mehkot kesempwal.’… Pwe kitail en kasansalada sang ladu kan en Kauno me kitail iei sapwellime aramas kesempwal wia kaping ileile ieu” (Children of the Covenant,” Ensign, Mei 1995, 34). Ia mwomwen en Preseden Nelson kaweid kan sair mwomwen ahmw wehwehki.Eksodus 19:3–6? Ia mwomwen Kauno ah ketin kasalehiong uhk me E ketin kesempwalkin uhk?

Kauno mahsanihong Moses me seri en Israel kan anahne kaunopada mwohn arail kak “tuhweng Koht” (Eksodus 19:10–11, 17 oh kolokol ahmw w inou ong Ih (kilang Eksodus 19:5). Ia mwomwen ahmw pahn kaunopieng ekspihriens en palingehn kan, me iangahki kamadipw sarawi oh tiahk sarawi kan en tehnpas sarawi? Ia mwomwen ahmw kak sewese mehteikan en kaunopada? Dahme ke esehla duwen kaunopada sang Luk 6:12–13; Enos 1:2–6; Alma 17:2–3?

Ni mehn Israel kan arail kohpenehr ni tapin Nahna Sainai, irail rongadahr kepitien Koht ni Ah ketkihda Kosonned Eiseko (kilang Deuderonomi 4:12–13). Mepwukat, ni mehlel, kaidehn ihte sapwellimen Koht kosonned akan—mie me tohto kei nan pwuhk sarawi kan. Eri ni ahmw wadek Eksodus 20:1–17, pein idek rehmw dahme Koht kasalehkihda meh eisek wet. Iet ehu tehpel en karasaras ke kak doadoahngki ni ahmw medewe mwahu kesempwalpen Kosonned Eiseko nan ahmw mour.

• Ia mwomwen kolokol kosonned eisek pwukat sewese iuk en kolokol kosonned laud riau me Sises ketkihda nan Madiu 22:34–40?

• Soahng dah kan me ke kak en kasongosongki en kihong mwohn Koht? Soangen kapai da ke kilangehr sang kihong Koht mwohn mehkoaros?

• Ia mwomwen ahmw pahn sapeng mehmen me pahn inda me Kosonned Eiseko wiawidahr mahso oh sohte doadoahk rahnwet? Soangen karasaras dah sang ahmw mour me ke kak ehukihda en wia kisehn ahmw pasapeng? Ia mwomwen koul wet “How Gentle God’s Commands” (Hymns, nempe 125) kak sair duwen ahmw kawehwehda sapwellimen Koht kosonned akan ong mehteikan?

• Ia mwomwen Kauno ah kapwaiadahr inou mih nan Eksodus 20:6 nan ahmw mour?

Pil kilang “Kosonned Keiouo—Poakohng Kauno,” nan Teachings of Presidents of the Church: Ezra Taft Benson (2014), 37–45; Dallin H. Oaks, “No Other Gods,” Liahona, Nohpempe 2013, 72–75; Topics and Questions, “Commandments,” Laipreri en Rongamwahu.

Ni ahmw wadek Eksodus 24:3–8, medewe kosonned akan ke wiahngehr Koht. Menda en Israel inou sarawi iangahki kasarawi kei me weksang dahme Koht ketin anahne rahnwet, ke kak kilang soahng kei me duwepene. Ni karasepe, ire tikitik kan 4, 5, oh 8 kosoia ehu pehi, meiroang en mahn akan, oh nta. Dahme Mepwukat kak wia weliepen, oh ia mwomwen arail doke ahmw inou sarawi kan?

Song kihong pein kowe Nan dewen mehn Israel kan—ke mihmi nan welo, Moses kokilahr rahn 40, oh ehu uhpene ong mehn Kenan kan pwehki sapwen inouo me mih nan ahmw rahn kohkohdo kan (kilang Eksodus 32:1–8). Dahme ke leme me mehn Israel kan anahnehki ehu sansal kohl? Dahme kamarainihiuk duwen en Moses ah pekipek ong Kauno Nan Eksodus 33:11–17?

Ni dipen mehn Israel koa ah inenen laud, soai wet pil iangahki ehu padahk duwen sapwellimen Koht kupwurki kalahngan oh mahk. Dahme Eksodus 34:1–10 padahkihong uhk duwen Sounkomouro? (kilang Eksodus 32:30–32; Mosaia 14:4–8; 15:9; Doctrine and Covenants 45:3–5).

Preseden Russell M. Nelson kawehwehda: “Ni ei pwulopwul, I kin onopiki doadoahk en ekei aramas me kin wiahda neirail lis en dahme re kak wia oh sohte kak wia nan Rahn en Sapad. Ehu ansouo me i esehda sang nan pwuhk sarawi me dahme I kin wia oh mwomwei nan Rahn Sarawi wia kilelehu nan pwungen ngehi oh Sahm Nanleng [kilang Eksodus 31:13; Esekiel 20:12, 20]. Ni ansou me i wehwekila, I sohla anahne wiahda nei lisd en dahme i kak wia oh sohte kak wia. Ni ansou me i pahn kin wiahda ai pilipil en koasondih kan en kemwekid kan en rahn en Sapad, I kin peidek rehn pein ngehi, ‘Ia kilel me I men kihong Koht en?’ Peidek wet sewesehda ei pilipil kan duwen rahn en Sapad sansal mwahula“ (“The Sabbath Is a Delight,” Liahona, Mei 2015, 130). Medewe soangen kilel da ke men kihong Koht ong omw wauneki rahn en Sapad.

Ansou Moses pwuredihsang pohn nahnaho, e wahdo kosonnedo me ntingohngehr pohn pelien takai kei. Mwurin ah diaradahr me mehn Israel kan kauwelahr ahr inou sarawio, Moses kauwehla pelien takai koa (kilang Eksodus 31:18; 32:19). Mwuhr, Koht ahpw kehkehlikiong Moses en wiahda pil ehu pelien takai oh wahda kapwurelahng pohn nahnaho. (kilang Eksodus 34:1 4). En Sosep Smith Kawehwe Eksodus 34:1 2 (Nan Paipel appendiks) kasalehda me keioun takai riapalio iangahki tiahk sarawi kan ong sapwellimen Koht “koasoandi sarawio,” de Prihsduhd en Melkisedeko. Keriau en sedo iangahki “kosonned en pali uduk kan.” Met wia kosonned tikitik ehu me wiawidahr sang “prihsduhd tikitiko” (kilang Doctrine and Covenants 84:17–27), me wiawihda pwe en kaunopehng mehn Israel kan ong kosonned laudo oh Prihsduhd laudo pwe irail en kak pidelong wasa Kauno ketiket Ie.

• Ia mwomwen ahmw pahn wiahda kasukuhlpen Kosonned Eiseko en kaperen ong noumw seri kan? Ni ahmw wadekpene Eksodus 20:3–17, mweidohng noumw seri kan en sewese iuk rapahkihda de mahlinihda ehu kilel me wia weliepen ehu ehu Kosonned Eiseko. Mwuhr noumw seri kan kak mie en emen ansou en pilada ehu kilel oh kosoia ia mwomwen arail kak momourki kosonnedo. Ehukipene nanpwungamwail duwen mwomwen momourki kosonnedo kin wahdo peren.

• Ke kak koulki ehu koul soangen “Keep the Commandments” (Children’s Songbook, 146–147). Sewese noumw seri kan rapahkihda lepin lokaia kan nan koulo me padahkihong irail dahme Koht mwahukihki kitail en kolokol Sapwellime kosonned akan.

• Sewese noumw seri kan en esehla kahs wet “Kumwail wauneki samamwail oh inamwail kan” (Eksodus 20:12). Mwein ke pahn me kawehwe me en “wauneki” mehmen kak wehwehki en kasalehda wahu ong irail de kihong irail peren. Dahme Sises ketin wia pwe en wauneki ah nohnohn sampah oh Seme Nanleng? (kilang Luk 2:48–51; Sohn 19:26–27). Mwein noumw seri kan kak emen emen kamwomwada dahme irail kak wia pwe irail en wauneki arail pahpa nohno kan, ah seri teikan en song indahda dahme irail wihwia.

• Noumw seri kan kak pereniki kilikilang karasepen kilel kan—me duwehte kilel en pohn ahl akan de kilel kan ni ehu Ihmw laud. Ia kahrepe kan en kilel kan? Noumw seri kan kak rapahkihda lepin lokaia “kilel” nan Eksodus 31:13, 16–17. Dahme Kauno ketin mahsanih me wia kilel ehu nanpwungen kitail oh Ih? Ehukipene nanpwungamwail ekei mwohmw akan me kowe oh ahmw peneinei kin song en kasalehda duwen amwail poakohng Kauno ni Rahn en Sapad.

• Medewe doadoahngki “Moses on Mount Sinai” (nan Soai kan Nan Kadehde Mering, 77–82) pwe en sewese noumw seri kan esehla soaio nan Eksodus 32:1–8, 19–24. Dahme e sapwungki ong mehn Israel kan en kaudekiong sansal ehu kaidehn Koht?

  

  2:55

• E kak kaperen en wiahda ehu ahl nan tahto (de rapahkihda ehu me karanih imwomwen) pwe en kasalehda lokaia pwukat sang Eksodus 32:8: “Irail wetsangehr nan ahl me I kilelehiong irail re en idawehn.” Ni ahmw mih pohn ahlo, noumw seri kan kak kosoia duwen kasongosong kan kitail kin sohpai pwe kitail en sohpeisang Koht. Dahme kin sewesei kitail en mihmihte pohn sapwellimen Koht ahlo—oh pwuralahng ma kitail pwupwisangehr? (kilang Eksodus 34:6–7).