გამოსვლა 1–6

რა ახდენს შთაბეჭდილებას იმ ქალების შესახებ, რომლებიც აღწერილი არიან გამოსვლა 1–2-ში? როგორ დაეხმარნენ ისინი, შეესრულებინათ ღვთის გეგმა თავისი ხალხის დასახმარებლად? რას გასწავლით მათი ძალისხმევა ღვთის საქმეში სამსახურის შესახებ?

სანამ „გამოსვლის“ კითხვას დაიწყებდეთ, შეიძლება იმ გაჭირვებაზე დაფიქრდეთ, რომელსაც გადიხართ — და საიდანაც გაქვთ იმედი, რომ უფალი გიხსნით. რომელი სიტყვები და ფრაზები ჟღერს გამოსვლა 1–3-ში სულიერი ტყვეობის ან სხვა რამის მსგავსი, რასაც დღეს ვაწყდებით? ასევე ყურადღება მიაქციეთ, თუ როგორ ეძებდნენ ისრაელის შვილები ხსნას და როგორ უპასუხა უფალმა (იხილეთ, მაგალითად, გამოსვლა 2:23–25; 3:7–8). როგორ „[ჩამოვიდა უფალი, რათა გიხსნათ]“?

გამოსვლის წიგნში შეიძლება ასევე შეამჩნიოთ ზოგიერთი მსგავსება მოსესა და იესო ქრისტეს შორის (იხილეთ მეორე რჯული 18:18–19; 1 ნეფი 22:20–21). მაგალითად, რა მსგავსებას ხედავთ გამოსვლა 1:22-ს; 2:1–10-სა და მათე 2:13–16-ს შორის? ან გამოსვლა 24:18-სა და მათე 4:1–2-ს შორის? როგორ ფიქრობთ, რა სურს უფალს, რომ გაიგოთ საკუთარი თავისა და მისი ძალის შესახებ?

შეგიძლიათ, გაიხსენოთ დრო, როცა რაღაცამ მოწიწებითა და გაოცებით აღგავსოთ? როგორი რეაქცია გქონდათ? როგორ აღწერდით იმ ემოციებს, რაც განიცადეთ?

ამის გათვალისწინებით წაიკითხეთ გამოსვლა 3:1–6. რა შთაბეჭდილებას ახდენს თქვენზე მოსეს შთამაგონებელი გამოცდილება? რა გააკეთა მოსემ ღვთისადმი პატივისცემის გამოსახატავად? რა კავშირს ხედავთ მის ქმედებებსა და წმინდა საგნების პატივისცემას შორის?

შეიძლება, ამ მუხლების წაკითხვამ გიბიძგოთ, დაფიქრდეთ წმინდა საგნებისა და წმინდა ადგილების შესახებ თქვენს ცხოვრებაში. რატომ არიან ისინი თქვენთვის წმინდა? როგორია თქვენი დამოკიდებულება მათდამი ჩვეულებრივი საგნებისგან განსხვავებით? შეგიძლიათ, თქვენი ფიქრი მიმართოთ ნაწილისკენ „აღთქმების ხსოვნა“ უხუცეს დევიდ ა. ბედნარის გზავნილში „უაღრესად დიდი და ძვირფასი აღთქმანი“ (ლიახონა, ნოემბერი, 2017, 91–93). თქვენ ასევე შეგიძლიათ იგალობოთ ან მოუსმინოთ საგალობელს, რომელიც შთააგონებს მოწიწებას, მაგალითად „რა ამაღლებული ვარ“ (საგალობლები, გვერდი 22) და დაფიქრდით, რა არის სახარება, რა გაოცებთ მასში.

რა თქმა უნდა, მაშინაც კი, როცა მშვენიერი სულიერი გამოცდილება გვაქვს, არსებობს საშიშროება, გავხდეთ ზედმეტად დაუდევარი წმინდა საგნების მიმართ. როგორ ავირიდოთ ეს? აქ არის ორი წერილი, რომელიც ეხება ამ საკითხს; აირჩიეთ ერთი და მოძებნეთ გამონათქვამები, რომლებიც დაგეხმარებათ: ულისეს სოარესი, „ქრისტესი და მისი სახარების წინაშე მოწიწება“ (ლიახონა, მაისი, 2022, 115–17); ჯერალდ კაუსე, „თქვენთვის ეს ისევ მშვენიერია?“ (ლიახონა, მაისი, 2015, 98–100).

ასევე იხილეთ მოძღვრება და აღთქმები 6:10–12; 63:64.

დღეს ჩვენ ვიცნობთ მოსეს, როგორც დიდ წინასწარმეტყველსა და წინამძღოლს. მაგრამ მოსე საკუთარ თავს ასე არ ხედავდა, როცა უფალმა პირველად მოიხმო იგი. როდესაც კითხულობთ გამოსვლა 3–4-ს, ჩამოთვალეთ მოსეს საზრუნავი და როგორ უპასუხა უფალმა თითოეულზე. რას იპოვით ამ თავებში, რამაც შეიძლება გაგამხნეოთ, როდესაც თავს არასრულფასოვნად გრძნობთ? როდის ნახეთ, ღმერთი როგორ გაძლევთ თქვენ ან სხვებს თავისი საქმის შესასრულებლად ძალმოსილებას?

იხ. აგრეთვე “The Church Gives Us Opportunities to Assist in God’s Work” in “Church Organization” in Topics and Questions, Gospel Library.

შეიძლება იმედგაცრუებული ვიყოთ, როდესაც ჩვენი გულწრფელი მცდელობა სიკეთის გასაკეთებლად არ მუშაობს — როცა ვცდილობთ, შევასრულოთ უფლის ნება, მაგრამ ვერ ვხედავთ იმ შედეგებს, რომლებსაც ველოდით. მოსეს მსგავსი გამოცდილების გასაცნობად წაიკითხეთ გამოსვლა 5:4–9, 20–23. როგორ დაეხმარა უფალი მოსეს იმედგაცრუების გრძნობების დაძლევაში? (იხილეთ გამოსვლა 6:1–13). როგორ დაგეხმარათ უფალი შემართებით შეასრულოთ მისი ნება?

ასევე იხილეთ ჯეფრი რ. ჰოლანდი, „უფლის მოიმედენი“, ლიახონა, ნოემბერი, 2020, 115–17.

• მოსემ დიდი როლი ითამაშა ისრაელის მონობისგან განთავისუფლებაში. მაგრამ ის ამას ვერ შეძლებდა, დედა, მისი და, ფარაონის ქალიშვილი და სხვა ერთგული ქალები რომ არ დახმარებოდნენ და არ ეზრუნათ მასზე. დაეხმარეთ თქვენს შვილებს, გაიგონ ამ ქალების შესახებ გამოსვლა 1:15–20-სა და გამოსვლა 2:2–10 -ში (ასევე იხილეთ რიცხვნი 26:59); და გამოსვლა 2:16–21. თქვენ ასევე შეგიძლიათ ამ კვირის ღონისძიებების გვერდი გამოიყენოთ “Baby Moses” (in Old Testament Stories, 61–63) მათი ისტორიების მოსათხრობად. როგორ დაეხმარნენ ეს ქალები ღმერთს გეგმის შესრულებაში? ისაუბრეთ ერთმანეთთან სხვა ადამიანებზე, რომლებითაც აღფრთოვანებული ხართ, რომლებიც ეხმარებიან ღვთის საქმეს, მათ შორის მცირე და მარტივი გზებით. როგორ მივყვეთ მათ მაგალითს?

  

  1:36

• გამოსვლა 3:1–5 -ის ერთად წაკითხვის შემდეგ, სთხოვეთ თქვენს შვილებს, შეაჯამონ ეს მუხლები საკუთარი სიტყვებით (იხ. “Moses the Prophet” in Old Testament Stories, 64–66). როგორ გამოავლინა მოსემ პატივისცემა უფლის წინაშე? როგორ სურს უფალს, რომ ჩვენ გამოვხატოთ პატივისცემა? თქვენ ასევე შეგიძლიათ, თქვენს შვილებს სთხოვოთ, დაგეხმარონ იპოვოთ (ან დახატოთ) წმინდა ადგილებისა თუ აქტივობების სურათები, სადაც პატივისცემა უნდა გამოვავლინოთ. რა შეგვიძლია გავაკეთოთ, რომ ჩვენი სახლი წმინდა ადგილად ვაქციოთ?

  

  1:26

• იმღერეთ ერთად სიმღერა მოწიწების შესახებ, მაგ: “Reverence Is Love” (Children’s Songbook, 31). სანამ ამას აკეთებთ, თქვენს შვილებს შეუძლიათ, იპოვონ სიტყვები ან ფრაზები, რომლებიც ხსნიან, რას ნიშნავს მოწიწება. მეგობარს, პირველად რომ მივიყვანთ ეკლესიაში, როგორ ავუხსნათ, რას ნიშნავს მოწიწება?

• გამოსვლა 3; 4:1–17-იდან ამბის გამოყენებით, ნება მიეცით თქვენს შვილებს, მორიგეობით შეასრულონ მოსეს როლი. შეიძლება სახალისო იყოს საგნების ან მარტივი რეკვიზიტების შეტანა, როგორებიცაა: ფანარი და მცენარე, რომლებიც გამოსახავენ ცეცხლმოკიდებულ ბუჩქს. დაეხმარეთ თქვენს შვილებს გაარკვიონ, რას გრძნობდა მოსე იმ დავალების შესახებ, რომელიც მას უფალმა მისცა (იხილეთ გამოსვლა 3:11; 4:1, 10). იქნებ გაუზიაროთ ერთმანეთს ის შემთხვევები, როცა მსგავსი გრძნობები გქონდათ. რას ურჩევდით მოსეს, რათა დახმარებოდით? წაიკითხეთ იმის შესახებ, თუ როგორ გაამხნევა უფალმა მოსე გამოსვლა 3:12; 4:2–9, 11–12-ში. უთხარით ბავშვებს, როგორ დაგეხმარათ მხსნელი მოწოდების შესრულებაში, როგორ მიჰყევით მითითებებს ან გააკეთეთ სხვა რამ, რაც თქვენთვის რთული იყო.