აღდგომა

ძველი აღთქმის მრავალი ამონარიდი მიუთითებს მხსნელის მსახურებასა და გამომსყიდველ მსხვერპლზე. ქვემოთ მოყვანილი ცხრილი ჩამოთვლის ამ ამონარიდებს. როდესაც კითხულობთ ამ მუხლებს, რა შთაბეჭდილება გექმნებათ მხსნელზე?

წინასწარმეტყველებები, რომლებიც ასწავლიან მხსნელის შესახებ, მორმონის წიგნში კიდევ უფრო უხვსიტყვიანი და ნათელია. დაფიქრდით, როგორ ძლიერდება თქვენი რწმენა ასეთი ამონარიდებით: 1 ნეფი 11:31–33; 2 ნეფი 25:13; მოსია 3:2–11; ალმა 7:10–13.

უკანასკნელ დღეთა წინასწარმეტყველები აგრძელებენ იესო ქრისტეს და მისი გამომსყიდველი მისიის განსაკუთრებულ დამოწმებას. როდესაც უსმენთ გენერალურ კონფერენციას ამ აღდგომის შაბათ-კვირას, მოინიშნეთ ქრისტეს დამოწმებები, რომელთა შესახებაც გესმით. რას გასწავლიან ისინი მის შესახებ?

აღდგომა სასიხარულო დღეა, რადგან ეს არის მხსნელის გამოსყიდვისა და აღდგომის აღნიშვნის დრო. და მაინც, ბევრია ადამიანი აღდგომის დროსაც, რომლებიც სხვადასხვა მიზეზის გამო არ გრძნობენ სიხარულს. რა შეგიძლიათ გააკეთოთ ამ აღდგომას მხსნელის მშვიდობისა და სიხარულის გასავრცელებლად?

ერთ-ერთი იდეაა წმინდა წერილებში იესო ქრისტეს მიერ შეთავაზებული მშვიდობისა და სიხარულის შესახებ გზავნილების პოვნა, მაგალითად: ფსალმუნები 15:8–11; 29:3–6; ესაია 12; 25:8–9; 40:28–31; იოანე 14:27; 16:33; ალმა 26:11–22. დაფიქრდით, როგორ გაუზიაროთ ეს შეტყობინებები სხვებს. მაგალითად, შეგიძლიათ ამ შეტყობინებების საფუძველზე შექმნათ სააღდგომო ბარათები გასაზიარებლად. ილოცეთ მათთვის, ვისაც სჭირდება თქვენი სააღდგომო მილოცვა. თქვენ ასევე შეგიძლიათ თქვენი შეტყობინებების გაზიარება სოციალურ მედიაში, სადაც ბევრ ადამიანს შეეძლება მათი ნახვა.

საგალობლები ქრისტესა და აღდგომის შესახებ, როგორიცაა „იგი აღსდგა“ (საგალობლები, გვერდი 55), ასევე დაგვეხმარება აღდგომის დროს მშვიდობისა და სიხარულის განცდაში. საგალობელში მოძებნეთ ფრაზები, რომლებიც, თქვენი აზრით, აღდგომის სიხარულს აღწერს.

იხილეთ აგრეთვე ჯეფრი რ. ჰოლანდი, „Not as the World Giveth“, Liahona, მაისი, 2021, 35–38; მარკ ს. პალმერი, „ჩვენი მწუხარება სიხარულად იქცევა“, ლიახონა, მაისი, 2021, 88–90.

აქ არის აქტივობა, რომელიც დაგეხმარებათ დაინახოთ მრავალი კურთხევა, რომელიც მოდის იესო ქრისტესა და მისი გამოსყიდვის მეშვეობით. წაიკითხეთ ქვემოთ მოცემული წმინდა წერილები იმის შესახებ, თუ რის დაძლევაში გვეხმარება იესო ქრისტე. სცადეთ დაალაგოთ ამონარიდები ამ კატეგორიებად: ცოდვა, სიკვდილი, განსაცდელები და სისუსტეები (ზოგიერთი ნაწილი შეიძლება ერთზე მეტ კატეგორიაში მოხვდეს). როცა კითხულობთ, რა შთაბეჭდილებები გექმნებათ მხსნელის ძალაზე?

• ესაია 61:1–3

• ეზეკიელი 36:26–28

• მათე 11:28-30

• ლუკა 1:46–55

• რომაელთა 8:35–39

• ალმა 7:10–13

• ალმა 11:42–45

• ალმა 58:11

• მორონი 10:32–33

• მოძღვრება და აღთქმები 19:15–19

• მოსე 5:9–12

როგორ აუხსნით მეგობარს, რომელიც არ არის ქრისტიანი, რატომ არის თქვენთვის მნიშვნელოვანი იესო ქრისტე? უხუცეს აჰმად ს. კორბიტის გზავნილი „იცით, რატომ მე, როგორც ქრისტიანს, მწამს ქრისტე?” (ლიახონა, მაისი, 2023, 119–21) დაგეხმარებათ.

იხილეთ აგრეთვე რეინა ი. აბურტო, „საფლავმა ვერ გაიმარჯვა“, ლიახონა, მაისი, 2021, 85–87; თემები და კითხვები, „Atonement of Jesus Christ“, „Resurrection“, სახარების ბიბლიოთეკა.

რას სწავლობთ შემდეგი მუხლებიდან იმის შესახებ, თუ რა ფასი გადაიხადა იესო ქრისტემ თქვენს გადასარჩენად: ესაია 53:3–5; მოსია 3:7; მოძღვრება და აღთქმები 19:16–19? რა ფასი გადაიხადა ზეციერმა მამამ? (იხილეთ იოანე 3:16).

• აღდგომის კვირა კარგი დროა, ასწავლოთ თქვენს შვილებს იმის შესახებ, თუ რა გააკეთა მხსნელმა ჩვენთვის გეთსიმანიასა და ჯვარზე. თქვენ შეგიძლიათ, მათთვის ქვემოთ მოცემული სურათების ჩვენებით დაიწყოთ და ნება მისცეთ მათ, ისაუბრონ იმაზე, თუ რა ხდება სურათებში. სანამ თქვენი შვილები ათვალიერებენ სურათებს, შეგიძლიათ წაიკითხოთ მუხლები, რომლებიც აღწერს ამ მოვლენებს (იხილეთ მათე 26:36–46; 27:35–50; ლუკა 22:39–46; იოანე 19:16–30). თქვენს შვილებს შეუძლიათ მიუთითონ დეტალები სურათებში, რომლებიც მათ ესმით ამ მუხლებიდან.

• როგორ ვართ კურთხეული იესოს მიერ ჩვენთვის გაღებული მსხვერპლით? დაეხმარეთ თქვენს შვილებს, მოძებნონ სიტყვები და ფრაზები, რომლებიც პასუხობს ამ კითხვას ესაია 53:4–12; ალმა 7:11–13; და მოძღვრება და აღთქმები 19:16–19-ში. გაუზიარეთ ერთმანეთს, რას გრძნობთ მხსნელის მიმართ ამ წმინდა წერილების წაკითხვის შემდეგ.

• თქვენ შეგიძლიათ ამ კვირის აქტივობების გვერდი ან სხვა სურათები გამოიყენოთ ამ სქემაში, რათა მოუთხროთ თქვენს შვილებს აღდგომის ამბავი (იხ. აგრეთვე “Jesus Is Risen,” in New Testament Stories, 139–44). შემდეგ ნება მიეცით თქვენს შვილებს, თვითონ გიამბონ ეს ამბავი.

• დაფიქრდით, როგორ დაეხმარებით თქვენს შვილებს ამ აღდგომას, რომ იპოვონ სიხარული ქრისტეში. მაგალითად, შეგიძლიათ, ერთად იგალობოთ სასურველი სააღდგომო საგალობლები, მაგ:such as “Christ the Lord Is Risen Today” (Hymns, no. 200) or “Gethsemane” (Gospel Library). სხვა სიმღერები შეგიძლიათ იპოვოთ აქ: the topical index of Hymns and Children’s Songbook. შეგეძლიათ თქვენ და თქვენმა შვილებმა ერთმანეთს გაუზიაროთ, რატომ მოგწონთ ეს საგალობლები და როგორ გრძნობთ თავს მათი გალობისას. რას გვასწავლიან ეს საგალობლები ზეციერი მამისა და იესო ქრისტეს შესახებ?

• სახარების ბიბლიოთეკაში არის კოლექცია: Easter videos რომელიც შეიძლება მოეწონოთ თქვენს შვილებს. შეგიძლიათ შვილებს აარჩევინოთ რომელიმე ვიდეო საყურებლად. ჰკითხეთ მათ, რა ისწავლეს იესო ქრისტეს შესახებ ამ ვიდეოდან. შეგიძლიათ აგრეთვე სთხოვოთ მათ, ერთ წინადადებით გადმოსცენ ამ ვიდეოს შინაარსი.

• როდესაც თქვენ და თქვენი შვილები ამ აღდგომის შაბათ-კვირას ერთად უყურებთ გენერალურ კონფერენციას, დაეხმარეთ მათ შენიშნონ, როდესაც მხსნელის სპეციალური მოწმეები მოწმობენ აღდგომის შესახებ. შესაძლოა, თქვენ ეს თამაშადაც აქციოთ — შესთავაზეთ მათ, წამოდგნენ ყოველ ჯერზე, როცა ისმენენ ისეთ სიტყვებს, როგორებიცაა აღდგომის დღესასწაული, გამოსყიდვა ან აღდგომა. გაუზიარეთ ერთმანეთს, რატომ ხართ მადლიერი მხსნელის შესახებ ცოცხალი წინასწარმეტყველების დამოწმებებისთვის.