გამოსვლა 14–18

როდესაც კითხულობთ გამოსვლა 14:1–10-ს, წარმოიდგინეთ, რას გრძნობდნენ ისრაელიელები, როცა ფარაონის ჯარის მიახლოება დაინახეს. ალბათ ფიქრობთ, რომ გჭირდებათ სასწაული, რომელიც გადაგარჩენთ რთულ გამოწვევებთან დაპირისპირებაში. რას პოულობთ გამოსვლა 14:13–31-ში, რაც შთაგაგონებთ, ეძიოთ ღვთის ძალა თქვენს ცხოვრებაში? ისაუბრეთ იმაზე, თუ როგორ იხილეთ მისი ძალა წარსულში. რა ისწავლეთ მის შესახებ ამ გამოცდილებიდან?

გამოსვლა 15:1–19 არის სადიდებელი სიმღერა, რომელიც ისრაელიელებმა იმღერეს მას შემდეგ, რაც უფალმა წითელი ზღვა შუაზე გაყო. ამ სიმღერაში რომელი ფრაზები გგონიათ განსაკუთრებით მნიშვნელოვანი? შესაძლოა, არსებობს საგალობელი, რომლის შესრულებაც მოგინდებათ ხოლმე, როცა უფალი რაღაც საოცარს აკეთებს თქვენთვის, როგორიცაა „ისრაელის მხსნელო“ (საგალობლები, გვერდი 5). გახადეთ მისი შესრულება ან მოსმენა თქვენი თაყვანისცემის ნაწილად დღეს.

ასევე იხილეთ მოძღვრება და აღთქმები 8:2–3.

ისრაელის მოგზაურობის შესახებ კითხვამ შეიძლება გიბიძგოთ დაფიქრდეთ თქვენს ცხოვრებაში არსებულ საკითხებზე, რომლებიც მარას წყლებივით „მწარე“ გეჩვენებათ (იხილეთ გამოსვლა 15:23–27). როგორ გახადა უფალმა მწარე რამ თქვენს ცხოვრებაში ტკბილი? რა მნიშვნელობა ჰქონდა ამ გამოცდილებას თქვენს ცხოვრებაში?

თქვენ შეამჩნევთ ისრაელიელების მწარე გამოცდილების მეტ მაგალითებს გამოსვლა 16 -სა და 17-ში. მაცდურია მათი წუწუნის კრიტიკა, მაგრამ როცა კითხულობთ, დაფიქრდით, გაგიკეთებიათ თუ არა თავად ოდესმე იგივე. რას სწავლობთ ისრაელიელების გამოცდილებიდან, რაც დაგეხმარებათ, ნაკლები იწუწუნოთ და უფრო მეტად ენდოთ ღმერთს? რას გასწავლით ეს მუხლები ღმერთის შესახებ?

ასევე იხილეთ 1 ნეფი 2:11–12.

ვინაიდან ჩვენ ყველას გვჭირდება ჭამა, უფალი ხშირად ადარებს სულიერ საგნებს საკვებს. მოძებნეთ უფლის სულიერი გაკვეთილები ისრაელიელების გამოცდილებაში მანანასთან მიმართებით გამოსვლა 16-ში. მაგალითად, რას ხედავთ უფლის მითითებებში გამოსვლა 16:16, 19, 22–26-ში რაც თქვენს სულიერ საზრდოს ეხმიანება?

სხვა გაკვეთილების აღმოსაჩენად უფალს შეიძლება, სურდეს, რომ ისწავლოთ ამ სასწაულიდან და იმსჯელოთ ასეთ კითხვებზე:

• რას მაძლევს უფალი, რაც იმ ყოველდღიურ მანანას ჰგავს, რომელიც მან მისცა ისრაელიელებს?

• რა გავაკეთო, რაც მანანას შეგროვების მსგავსი იქნება?

შეგიძლიათ იპოვოთ დამატებითი შთაგონება შემდეგ ვიდეოებში: “Daily Bread: Pattern,” “Daily Bread: Experience,” and “Daily Bread: Change” (Gospel Library).

2:52

3:12

3:0

იფიქრეთ სხვა რამეზე, გარდა ჭამისა, რასაც აკეთებთ ყოველდღე. რატომ არის გარკვეული საქმეების კეთება აუცილებელი ყოველდღიურად, რათა ეფექტიანი იყოს? რას გააკეთებდით შთაგონებული ყოველდღიური სულიერი გამოცდილების მოსაძიებლად?

იხილეთ აგრეთვე დიტერ ფ. უხტდორფი, „ყოველდღიური აღდგენა“, ლიახონა, ნოემბერი, 2021, 77–79; „Daily Restoration“ (ვიდეო), სახარების ბიბლიოთეკა.

5:27

იფიქრეთ მხსნელზე, როცა კითხულობთ გამოსვლა 17:1–7-ს. როგორ არის შენთვის იესო ქრისტე კლდესავით? (იხილეთ ფსალმუნი 61:7-8; ჰელამანი 5:12). როგორ ჰგავს ის წყალს? (იხილეთ იოანე 4:10–14; 1 კორინთელთა 10:1–4; 1 ნეფი 11:25).

შეიძლება იყოს მომენტები თქვენს ცხოვრებაში, როცა თქვენს თავს მოსესთან აკავშირებთ — როცა სხვები თქვენზე არიან დამოკიდებული, მაგრამ თქვენი „ხელები [არის დამძიმებული]“ (გამოსვლა 17:12). სხვა დროს, თქვენ შეიძლება უფრო ჰგავდეთ აარონს, ხურს და ითროს, რომლებიც მხარს უჭერდნენ მოსეს. დააყენეთ საკუთარი თავი თითოეული ამ ადამიანის ადგილას, როცა კითხულობთ გამოსვლა 17:8–16-სა და 18:13–26-ს და ნახეთ, რას გასწავლით უფალი თავისი საქმის შესახებ.

აგრეთვე იხილეთ მოსია 4:27; 18:8–9.

• როცა უფალმა წითელი ზღვა გააპო, მოსემ და ისრაელიელებმა დაინახეს, რამდენად ძლიერია იგი. ნება მიეცით თქვენს შვილებს დაგეხმარონ, მოიფიქრონ სახალისო გზა გამოსვლა 14:5–22 -იდან (იხ. აგრეთვე “The Passover” in Old Testament Stories, 70–74) მოთხრობის გასამეორებლად. იქნებ სკამები ან საბნები დააწყოთ და წითელი ზღვის მსგავსად „გაყოთ“. შემდეგ თქვენ შეგიძლიათ გაუზიაროთ ერთმანეთს, თუ როგორ დაინახეთ ღვთის ძალა თქვენს ცხოვრებაში.

  

  2:54

• რას მატებს მოძღვრება და აღთქმები 8:2–3 გამოსვლა 14-ის ამბის ჩვენეულ გაგებას? შეგიძლიათ მოუყვეთ თქვენს შვილებს იმ გამოცდილების შესახებ, როდესაც სულიწმინდამ გითხრათ რაღაც თქვენს გონებაში ან გულში და მოიწვიეთ ისინი ისაუბრონ თავიანთ გამოცდილებაზე. თქვენ ასევე შეგიძლიათ იმღეროთ სიმღერა სულიწმიდის შესახებ, მაგ: “Let the Holy Spirit Guide” (Hymns, no. 143).

• შესაძლოა, თქვენ და თქვენმა შვილებმა დალიოთ რამე ტკბილი და მწარე გამოსვლა 15:22–25 -ის ერთად შესწავლისას. როგორ აქცია მხსნელმა ჩვენი ცხოვრების „მწარე“ გამოცდილება „ტკბილად“?

• როდესაც თქვენ და თქვენი შვილები კითხულობთ გამოსვლა 15:23–25; 16:14–15; 17:1–6-ს სთხოვეთ, დაგეხმარონ იპოვოთ საგნები, რომლებიც თითოეული ამბის მოყოლაში დაგეხმარებათ, როგორიცაა ტოტი (მარას წყლის სამკურნალოდ), ჭურჭელი ან ქოთანი (მანანით გასავსებად) და კლდე (ხორების წყლისთვის). რას გვახსენებს ეს ისტორიები იმის შესახებ, თუ რას აკეთებს იესო ქრისტე ჩვენთვის? როგორც თქვენი დისკუსიის ნაწილი, შეგიძლიათ, წაიკითხოთ მათე 7:24–27; იოანე 4:10–14; 6:29–35, 48–51; ჰელამანი 5:12; მოძღვრება და აღთქმები 20:77, 79.

• როდესაც კითხულობთ გამოსვლა 17:8–16-ს, შეგიძლიათ, სთხოვოთ ბავშვს, რომ ხელები ჰაერში მაღლა დაიჭიროს. როდესაც ბავშვი დაიღლება, სხვა ბავშვებს შეუძლიათ დახმარება, როგორც აარონი და ხური დაეხმარნენ მოსეს. რას გვასწავლის ეს ამბავი იმის შესახებ, თუ როგორ შეგვიძლია დავეხმაროთ ღვთის სასუფეველს წარმატების მიღწევაში? თქვენ ასევე შეგიძლიათ წაიკითხოთ გამოსვლა 18:13–26 და ისაუბროთ იმ ადამიანების მძიმე პასუხისმგებლობებზე, რომლებიც თქვენს მეურვეობაში მსახურობენ. რა შეგვიძლია გავაკეთოთ დღეს ჩვენი ეკლესიის ხელმძღვანელების დასახმარებლად, აარონისა და ხურის მსგავსად, რომლებიც დაეხმარნენ წინასწარმეტყველ მოსეს?