“Maachị 23–29. ‘E Chetawo M Ọgbụgba ndụ M’: Ọpụpụ 1-6,” Bianụ, Soro M—Maka Ebe Obibi na Nzukọ nsọ: Agba Ochie 2026 (2026)

“Maachị 23–29. ‘E Chetawo M Ọgbụgba ndụ M’,” Bianụ, Soro M: 2026

Mosis na Ọhịa Na-ere ọkụ, site n’aka Jerry Thompson

Maachị 23– 29: “E Chetawo M Ọgbụgba ndụ M”

Ọpụpụ 1– 6

Ọkpụkpọ oku ahụ ibi niime Ijipt zọpụtara ezi na ụlọ Jekọb. Mana mgbe narị kwuru narị afọ gasịrị, ụmụ ụmụ ha ka emere ohu ma kpagbuo ha site n’aka fero ọhụrụ onye “na-amaghị Josef” (Ọpụpụ 1:8). Ọ gaara adịrị ka ihe eke nye ndị mba Izrel iche ihe mere Chineke jiri kwe nke a ime ha, ndị ọgbụgba ndụ Ya. O chetere ọgbụgba ndụ Ya na ha gbara? Ha ka bụkwa ndị Ya? O nwere ike ịhụ ụdị ahụhụ ha naara ata?

E nwere ike nwee oge mgbe ọ dịịrị gị ka ịjụ otu ụdị ajụjụ ndị ahụ. I nwere ike na-eche, “Chineke Ọ maara ihe m na-agabiga? O nwere ike ịnụ arịrịọ m niile maka enyemaka?” Nnapụta nke Izrel site na Ijipt zatara ụdị ajụjụ ndị ahụ nke ọma: Chineke anaghị echefu ndị Ya. Ọ na-echeta ọgbụgba ndụ anyị na Ya ma ga-emezu ha n’oge na n’ụzọ nke onwe Ya. “Aga m agbapụta gị jiri ogwe aka agbatịrị agbatị,” ka Ọ mara ọkwa. “A bụ m Onyenwe anyị Chineke unu, nke na-akpọpụta unu site n’okpuru ibu arọ [unu] niile” (Ọpụpụ 6:6–7).

Maka nchịkọta nke akwụkwọ nke Ọpụpụ, lee “Ọpụpụ, akwụkwọ nke” niime Ọkọwa okwu Baịbụl.

Nchepụta niile maka Ọmụmụ ihe N’Ebe Obibi na na Nzukọ nsọ

Ọpụpụ 1–2

Chineke nwere ike isite na m rụọ ọrụ iji mezuo ebumnuuche Ya niile.

Gịnị na-amasị gị banyere ndịinyom akọwara niime Ọpụpụ 1–2? Kedụ otu ha siri nye aka mezuo atụmatụ nke Chineke maka ndị Ya? Gịnị ka mgbalị ha na-akuziri gị banyere ije ozi n’ọrụ nke Chineke?

Ọpụpụ 1–3

Jizọs Kraịst bụ Onye Nnapụta m.

Tupu gị amalite ịgụ Ọpụpụ, i nwere ike chee banyere ihe isi ike nke ị na-agabiga—otu ihe i nwere olile anya na Onyenwe anyị ga-anapụta gị site na ya. Kedụ mkpụrụokwu na nkebiokwu ndị dị niime Ọpụpụ 1-3 dakọtara nye ndọkpụ n’agha ime mmụọ ma ọ bụ ihe ndị ọzọ anyị na-ezute taa? Matakwa otu ụmụ Izrel siri chọọ nnapụta na otu Onyenwe anyị siri zaghachi (lee, ịma atụ, Ọpụpụ 2:23–25; 3:7–8). Kedụ otu Onyenwe anyị “na-esi agbadata ịnapụta” gị?

Gburugburu akwụkwọ Ọpụpụ, i nwekwara ike mata ụfọdụ myiri dị nʻetiti Mosis na Jizọs Kraịst (lee Ditronomi 18:18–19; 1 Nifaị 22:20–21). Ịma atụ, kedụ myiri ndị ị na-ahụ n’etiti Ọpụpụ 1:22; 2:1–10 na Matiu 2:13–16? Ma ọ bụ n’etiti Ọpụpụ 24:18 na Matiu 4:1–2? Kedụ ihe i chere Onyenwe anyị chọrọ ka gị ghọta banyere Onwe Ya na ike Ya?

Chọgharịa maka akara niile na-agba ama nke Jizọs Kraịst. “I nwere ike … chọta myiemetụ niile nye ndụ nke Onye Nzọpụta niime ndụ nke ndị amụma na ndịikom na ndịinyom ndị ọzọ kwesịrị ntụkwasị obi niime akwụkwọ nsọ. [Ime otu ahụ] na-ekpughe eziokwu niile banyere Onye Nzọpụta n’ebe ndị i nwere ike n’otu ụzọ leghara anya” (Lee Ikuzi ihe n’Ụzọ nke Onye Nzọpụta, 7; lee kwa Hosea 12:10).

ndịinyom na-adọpụta nkata na osimiri — Okwukwe N’ọnụ Mmiri, site n’aka Anne Marie Oborn

Ọpụpụ 3:1–6

E nwere m ike igosi nsọpụrụ nye ihe ndị dị nsọ na ebe ndị dị nsọ.

I nwere ike iche otu oge mgbe ihe juputara obi gị site nʻihe dị egwu na ihe dị ịtụnaanya. Kedụ otu i siri kpaa agwa? Kedụ otu i ga-esi akọwa mmetụta niile metụrụ gị?

Buru nke ahụ n’obi, Ọpụpụ 3:1-6. Kedụ ihe na-emetụta gị banyere nhụmiihe mkpate mmụọ nke Mosis? Gịnị ka Mozis mere iji gosi nsọpụrụ nye Chineke? Kedụ njikọ ndị ị na-ahụ nʻetiti omume ya niile na nsọpụrụ maka ihe ndị dị nsọ?

Ị na-agụ amaokwu ndị a nwere ike kpatụrụ gị iche banyere ihe ndị dị nsọ na ebe ndị dị nsọ niime ndụ gị. Gịnị mere ha jiri dị nsọ nye gị? Kedụ otu i ga-esi akpasịrị ha agwa n’ụzọ dị iche site n’ihe ndị ama ama? Idu ntụgharị uche gị, i nwere ike rụtụ aka na nkeji akpọrọ “Ị Na-echeta Nkwa niile” n’ozi Okenye David A. Bednar “Ịkarị Nkwa niile Dị Ukwuu na ndị Dị oke ọnụ ahịa” (Liahona, Nov. 2017, 91–93). I nwekwara ike gụọ ma ọ bụ gee ntị nʻotu abụ na-akpate ịtụnaanya, dị ka “E Guzoro M Nnọọ N’ịtụnaanya” (Abụ, no. 93) ma tụgharịa uche ihe ọ bụ banyere ozi ọma na-atụ gị naanya.

N’ezie, ọbụna mgbe anyị nweworo nhụmiihe ime mmụọ ndị dị ịtụnaanya, e nwere ihe ize ndụ nke ịdịrị oke nkịtị banyere ihe ndị dị nsọ. Kedụ otu i si ezere nke a? Ebe a bụ ozi abụọ kwuru maka ihe nke a; họrọ otu, ma chọọ maka ahịrịokwu ndị na-enyere gị aka: Ulisses Soares, “Nʻịtụnaanya nke Kraịst na Ozi ọma Ya” (Liahona, Me 2022, 115–17); Gérald Caussé, “Ọ Ka Dịịrị Gị Ịtụnaanya?” Liahona, Me 2015, 98–100).

Lee kwa Ozizi na Ogbụgba ndụ niile 6:10–12; 63:64.

Ọpụpụ 3–4

Chineke na-enye ndị Ọ kpọrọ ịrụ ọrụ Ya ike.

Taa anyị maara Mosis dị ka nnukwu onye amụma na onye ndu. Mana Mosis ahụghị onwe ya otu ahụ mgbe Onyenwe anyị kpọrọ ya nʻoge mbụ. Dị ka ị na-agụ Ọpụpụ 3-4, depụta nchegbu niile nke Mosis na otu Onyenwe anyị zaghachiri nke ọbụla. Kedụ ihe ị na-achọta niime isiokwu ndị a nwere ike ịkpate mmụọ gị mgbe ọ dịrị gị ka izughị oke? Kedụ mgbe ị huworo Chineke na-enye gị na ndị ọzọ ike ịrụ ọrụ Ya?

Lee kwa “Nzukọ nsọ Na-enye Anyị Ohere niile iji Nyee Aka n’Ọrụ nke Chineke” niime “Otu Nzukọ nsọ” niime Isiokwu niile na Ajụjụ niile, Ọba akwụkwọ Ozi ọma.

Ọpụpụ 5–6

Ebumnuuche nke Onyenwe anyị ga-emezu n’oge nke Ya.

O nwere ike ịkụda mmụọ mgbe ezigbo mbọ anyị ime ihe dị mma adịghị ka ihe na-arụ ọrụ—mgbe anyị na-anwa ime uche nke Onyenwe anyị mana anyị anaghị ahụ resọọtụ anyị tụrụ anya ya. Ịmụta banyere nhụmiihe yiri nke Mosis nweteworo, gụọ Ọpụpụ 5:4-9, 20-23. Kedụ otu Onyenwe anyị siri nyere Mosis aka merie mmetụta ya niile nke nkụda mmụọ? (lee Ọpụpụ 6:1-13). Kedụ otu Onyenwe anyị siworo nyere gị aka nọgide nʻime uche Ya?

Lee kwa Jeffrey R. Holland, “Ị Na-echere Onyenwe anyị,” Liahona, Nov. 2020, 115–17.

Maka ihe ndị ọzọ, lee mbipụta niile nke ọnwa nke a nke Liahona na magazin niile Maka Ume nke Ndị Ntoroọbịa.

Nchepụta niile maka Ikuziri Ụmụntakịrị

Niihi Sọnde nke a bụ Sọnde nke ise nke ọnwa, a na-agba ndị nkuzi Praịmarị ume iji ihe omume ọmụmụ ihe ndị a dị niime “Appendix B: Ịkwado Ụmụntakịrị maka Oge ndụ nʻỤzọ Ọgbụgba ndụ nke Chineke.”

Ọpụpụ 1–2

Chineke nwere ike isite na m rụọ ọrụ iji mezuo ebumnuuche Ya niile.

Mosis nwere nnukwu ọrụ na-ịtọghapụ Izrel site n’agbụ. Mana ọ garaghị enwe ike imejuputa nke a ọ bụrụ na nne ya, nwanne ya nwanyị, ada Fero, na ndịinyon ndị ọzọ kwesịrị ntụkwasị obi echekwaghị ma lekọta ya. Nyere ụmụ gị aka mụta banyere ndịinyom ndị a niime Ọpụpụ 1:15–20; Ọpụpụ 2:2–10 (lee kwa Ọnụọgụgụ 26:59); na Ọpụpụ 2:16–21. I nwekwara ike jiri ihuakwụkwọ ihe omume nke izu ụka nke a na “Mosis Nwa ọhụrụ” (niime Akụkọ Agba Ochie niile, 61-63) ịkọ akụkọ ha niile. Kedụ otu ndịinyom ndị a si nye aka imezu atụmatụ nke Chineke? Kwuoronu ibe unu okwu banyere ndị ọzọ na-amasị unu ndị nyere aka nʻọrụ nke Chineke, gụnyere n’ụzọ ndị dị nta ma dị mfe. Kedụ otu anyị nwere ike i si soro ọmụmaatụ ha?

1:36
Baby Moses

Ọpụpụ 3:1–5

E nwere m ike iji nkwanye ugwu sọpụrụ ebe ndị dị nsọ.

Mgbe ị gụkọtasịrị Ọpụpụ 3:1-5 ọnụ, rịọ ụmụ gị ịchịkọta amaokwu ndị a n’okwu nke onwe ha (lee kwa “Mosis Onye amụma” niime Akụkọ nille nke Agba Ochie, 64-66). Kedụ otu Mosis si gosi nkwanye ugwu nihu Onyenwe anyị? Kedụ otu Onyenwe anyị siri chọọ ka anyị gosi nkwanye ugwu? I nwekwara ike rịọ ụmụ gị inyere gị aka chọta (ma ọ bụ see) foto nke ebe ndị dị nsọ ma ọ bụ ihe omume niile ebe anyị kwesịrị ịkwanye ugwu. Kedụ ihe anyị nwere ike ime iji mee ebe obibi anyị ebe dị nsọ?

1:26
Moses the Prophet
Gụkọtanụ ọnụ otu egwu banyere nkwanye ugwu, ụdị dị ka “Nkwanye ugwu Bụ Ịhụnaanya” (Akwụkwọ Ukwe Ụmụntakịrị, 31). Dị ka ị na-eme, ụmụ gị nwere ike chọta mkpụrụokwu ma ọ bụ nkebiokwu ndị ga-akọwa ihe ọ pụtara inye nkwanye ugwu. Ọ bụrụ na anyị na-akpọta otu enyi na nzukọ nsọ oge mbụ, kedụ otu anyị ga-esi akọwa ihe ọ pụtara inye nkwanye ugwu?

Mosis na Erọn na-agwa ndị ahụ okwu — Mosis na Erọn Na-agwa Ndị ahụ Okwu, site n’aka James J. Tissot

Ọpụpụ 3–4

Mgbe Onyenwe anyị gwara m ime ihe, Ọ ga-enyere m aka ime ya.

Ijiri nkọwapụta dị niime Ọpụpụ 3; 4:1–17, kwe ka ụmụ gị nʻotu nʻotu na-eme ka a ga-asị na ha bụ Mosis. O nwere ike bụrụ ihe na-enye obi ụtọ ịgụnye ihe mkpanaka ma ọ bụ prop ndị dị mfe, dị ka ihè tọọchị na osisi iji nọchite ọhịa na-ere ọkụ. Nyere ụmụ gị aka chọpụta otu Mosis siri chee banyere ọrụ nke Onyenwe anyị nyere ya (lee Ọpụpụ 3:11; 4:1, 10). Ikekwe unu nwere ike kesaara ibe unu oge ndị mgbe unu nwere ụdị mmetụta ndị yiri ya. Kedụ ndụmọdụ anyị ga-ekesara Mosis iji nyere ya aka? Gụọ banyere otu Onyenwe anyị siri gbaa Mosis ume niime Ọpụpụ 3:12; 4:2-9, 11-12. Gwa ụmụntakịrị otu Onye Nzọpụta siworo nyere gị aka mezuo ọkpụkpọ oku, soro mkpọtụrụ, ma ọ bụ mee ihe ọzọ nke rara gị ahụ.

Maka ihe ndị ọzọ, lee mbipụta nke ọnwa nke a nke magazin Friend. .

Ihu akwụkwọ ihe omume Prịamarị: E nwere m ike ịgbaghara — Nne Mosis, site n’aka Simeon Solomon