Jenesis 24– 33

Mgbe ị na-agụ Jenesis 24, jụọ onwe gị ihe kpatara Ebraham jiri hụta ọlụlụ di na nwunye nke nwa ya nwoke Aịzik ịdị oke mkpa. Gịnị mere ọlụlụ di na nwunye si dị oke mkpa nye Chineke?

Kedụ njirimara ndị ị na-ahụ niime Ribeka nke ga-enyeaka mee ka alụmdi na ezi na ụlọ sie ike? (lee kacha nke amaokwu ndịa 15–28, 57–61).

Lee kwa Isiokwu niile na Ajụjụ niile, “Ọlụlụ di na nwunye,” Ọba akwụkwọ maka Ozi ọma.

N’omenaala nke Aịzik na Ribeka, nwa nwoke kacha okenye na-anata oke nna ahụ, nke pụtara ihe nketa kacha, ya na oke na ọrụ kacha nke ilekọta ezi na ụlọ ahụ. Dị ka ị na-agụ Jenesis 25:29–34, tụgharịa uche ihe mere Esau jiworo dị njikere ịhapụ oke nna ya na mgbanwe maka nri. Kedụ ihe mmụta ndị ị na-achọta maka onwe gị niime nkọwapụta nke a? O nwere ike inye aka idepụta ihe abụọ: (1) ngọzi ebighị ebi niile Chineke na-achọ inye gị na (2) ihe nke ụwa ndị nwere ike imegharị gị anya. Mgbe ahụ i nwere ike gụọ edereede ahụ, idochi “oke nna” jiri ihe sitere na ndepụta nke mbụ na “nri agwọrọ agwọ” jiri ihe sitere na nke abụọ. Kedụ otu ị ga-esi elekwasị anya n’Onye Nzọpụta na ngọzi ebighị ebi niile nke Ozi ọma Ya?

Lee kwa Matiu 6:19–33; M. Russell Ballard, “Cheta Ihe ndị Kacha Dị mkpa,” Liahona, Me 2023, 105–7.

Mgbe o dinara na pilo nke okwute, Jekọb rọrọ nrọ na-agbanwe ndụ. Ọ bụ ụdị nhụmiihe dị nsọ na Jekọb kpọrọ ebe ahụ Betel, ma ọ bụ “ụlọ nke Chineke,” na-ekwupụta, “N’ezie Onyenwe anyị nọ n’ebe a” (Jenesis 28:16).

Dị ka ị na-agụ Jenesis 28, i nwere ike jụọ onwe gị ihe mere nhụmiihe nke a si dịrị nsọ nye Jekọb. Kedụ ihe ọ nọ na-agabiga n’oge ahụ? Kedụ otu o nwere ike na-eche n’obi ya? I nwekwara ike chọọ mkpụrụokwu na nkebiokwu ndị dị niime amaokwu ndịa 10-22 na-echetere gị maka ụlọ nke Onyenwe anyị. Kedụ mmetụta ndị ị natara banyere Chineke, ụlọ Ya, na ọgbụgba ndụ Ya niile?

Na ngwụcha ndepụta nke a bụ eserese e tere agba na-egosipụta nrọ Jekọb; i nwere ike rụtụ ya aka dị ka ị na-agụ. Ọ bụrụ na ọ dịịrị gị imepụta ngosipụta nka nrọ ya nke gị, gịnị ka i ga-eme? Kedụ eziokwu ndị sitere na akụkọ ahụ ka ị ga-anwa igosi?

Abụ ahụ “Nso nso, Chineke M, nye Gị” (Abụ, no. 100) dabeere na nhụmiihe nke Jekọb. Kedụ njikọ ndị ị na-ahụ n’etiti egwu nke a na Jenesis 28:10–22? Kedụ otu tempụl nke a si enyere gị aka dịkwuo nso nye Chineke? Tụlee ịchọ azịza niile nye ajụjụ nke a dị niime ozi nke Onyeisi Russell M. Nelson “Tempụl na Ntọala Ime Mmụọ Gị” (Liahona, Nov. 2021, 93–96). I nwekwara ike na-achọ inyochagharị ọgbụgba ndụ niile na ngọzi niile nke ụlọ nke Onyenwe anyị niime Akwụkwọ Ntuziaka Izugbe, 27.2 (Ọba akwụkwọ Ozi ọma). Kedụ otu idebe ọgbụgba ndụ ndị a si ewete ike nke Chineke niime ndụ gị?

Dị ka ị na-agụ Jenesis 29:31–35 na 30:1–24, chọọ maka mkpụrụokwu ndị na-akọwa ebere nke Chineke nye Rachel na Leah. Tụgharịa uche otu Chineke siworo “lekwasị anya na mkpagbu [gị]” ma “cheta” gị (Jenesis 29:32; 30:22).

Dị ka Jekọb lọghachiri na Kenan, ọ “tụrụ oké egwu ma nwee obi erughị ala” banyere otu nwanne ya nwoke, Esau, ga-esi anabata ya (Jenesis 32:7). Dị ka ị na-agụ Jenesis 32–33, tụgharịa uche maka mmekọrịta nke ezi na ụlọ nke onwe ha—elemaanya kacha nke nwere mkpa ọgwụgwọ. Ikekwe akụkọ nke a nwere ike kpateemmụọ gị ịkpọtụrụ mmadụ. Ajụjụ ndị dị ka ndị a nwere ike duo ọgụgụ gị:

• Kedụ otu Jekọb siri kwadoo izute Esau?

• Kedụ ihe pụtara ihè nye gị banyere ekpere nke Jekọb achọtara niime Jenesis 32:9–12?

• Kedụ ihe ị na-amụta banyere mgbaghara site na ọmụmaatụ nke Esau?

• Kedụ otu Onye Nzọpụta si enyere anyị aka gwọọ mmekọrịta ezi na ụlọ?

• Ime ọmụmaatụ dị mmasị nke obi ọma nke Ribeka pụta ìhè, i nwere ike gosi ụmụ gị foto dị n’okpuru ma ọ bụ ihu akwụkwọ ihe omume nke izu ụka nke a dị ka ị na-achịkọta akụkọ nke a dị niime Jenesis 24:10–21. Ụmụ gị nwere ike nwee obi ụtọ igosipụta akụkọ ahụ. I nwere ike duo otu mkparịta ụka banyere omume niile nke obi ọma gị na ụmụ gị hụworo.

• Tulee ịgụkọta otu egwu ọnụ banyere obi ọma, dị ka “Obi ọma Na-amalite na M” (Akwụkwọ Ukwe Ụmụntakịrị, 145). Ụmụ gị nwere ike gee ntị maka mkpụrụokwu “obi ọma” (ma ọ bụ mkpụrụokwu yiri ya) ma guzoro mgbe ha nụrụ ya. Kedụ otu anyị nwere ike iji nwee obi ọma dị ka Ribeka?

• Tụlee ojiji “Jekọb na Esau” (niime Akụkọ niile nke Agba Ochie, 38–41) iji nyere ụmụ gị aka ghọta akụkọ dị niime Jenesis 25:21–34. Ikekwe ụmụ gị nwere ike chee na Esau rịọrọ maka ndụmọdụ ha banyere ma ọ ga-ere oke nna ya maka nri agwọrọ agwọ. Kedụ ihe ha ga-agwa ya?

  

  2:5

• Kedụ ihe ndị dị mkpa ebighị ebi nye gị na ụmụ gị? Ikekwe ụmụ gị nwere ike chọta foto niile ma ọ bụ ihe ndị eji nʻaka nke nọchitere ihe ndị a. Kedụ otu anyị ga-esi egosi Onyenwe anyị na ihe ndị a dị mkpa nye anyị?

• Dị ka unu na-agụkọta Jenesis 28:10–22 ọnụ, i nwere ike jiri ubube ma ọ bụ ebe nzọụkwụ (ma ọ bụ foto dị ka nke ahụ nọ na ngwụcha ndepụta nke a) iji kwuo okwu banyere otu ọgbụgba ndụ anyị si dị ka ubube. Ikekwe ụmụ gị nwere ike mee ka aga asị ha na-arị elu ubube, ma na nzọụkwụ ọbụla, kwuo banyere oge niile mgbe anyị kwere nkwa irubere Chineke isi, dị ka mgbe anyị mere baptizim, rie oriri nsọ, ma ọ bụ gaa na tempụl. Kedụ otu ọgbụgba ndụ anyị si akpọta anyị nso nso ruo na Chineke?

• Idubata amaokwu ndị a, i nwere ike kọwaa na mgbe ọtụtụ afọ nke mmetụta ndị siri ike gasịrị, Jekọb nọ na-aga izute Esau ọzọ. Gụkọta Jenesis 32:6–11ọnụ. Kedụ otu o si metụta Jekọb? Kedụ ihe o mere iji nwete enyemaka? Gụkọta Jenesis 33:1–4 ọnụ iji chọpụta otu Onyenwe anyị siri zaa ekpere nke Jekọb. Ọ bụrụ na Jekọb na Esau nwere ike ịgwa anyị okwu taa, gịnị ka ha nwere ike ikwu iji nyere anyị aka mgbe enwere esemokwu niime ezi na ụlọ anyị?