Exodus 1–6

Ebɛnadze na ɔyɛ wo ahomka fa mbaa a wɔakã hɔn ho asɛm wɔ Exodus 1-2 mu no ho? Wosii dɛn boae ma Nyankopɔn ne nhyehyɛɛ ma No nkorɔfo no hyɛɛ mã? Ebɛnadze na hɔn mbɔdzembɔ kyerɛkyerɛ wo fa som wɔ Nyankopɔn n’edwuma mu ho?

Asaana ebɛhyɛ ase akenkan Exodus no, ibotum adwendwen nkõdzen bi a erefamu ho—biribi a ewɔ enyidado dɛ Ewuradze beyi wo efi mu. Ebɛn nkasafua na nsɛnsin wɔ Exodus 1–3 mu na ɔyɛ dɛ ɔsɛ sunsum mu ndɔmmumfa anaa ndzɛmba bi a yehyia no ndɛ? Hyɛ no nsew so mbrɛ Israelmba sii hwehwɛɛ ɔgye na mbrɛ Ewuradze sii buae (hwɛ, mfatoho, Exodus 2:23–25; 3:7–8). Ewuradze esi dɛn “esian dɛ obeyi” wo?

Exodus nwoma nyina mu no, ibotum asan so ahyɛ nsɛdo a ɔda Moses na Jesus Christ ntamu no nsew (hwɛ Deuteronomy 18:18–19; 1 Nephi 22:20–21). Mfatoho, ebɛn nsɛdo na ihu no wɔ Exodus 1:22; 2:1–10 na Matthew 2:13–16ntamu? Anaa ɔda Exodus 24:18 na Matthew 4:1–2ntamu? Ebɛnadze na etse nka dɛ Ewuradze pɛ dɛ etse ase fa Nankasa no ho na No tum ho?

Ibotum adwendwen mber bi ho a biribi yɛɛ ho ahobow na nwanwa? Eyɛɛ dɛn? Ibesi dɛn akã atsenka a inyae no ho asɛm?

Dɛm da w’adwen mu no, kenkan Exodus 3:1–6. Ebɛnadze na okenyan wo fa Moses ne nkenyan sũahu no ho? Ebɛnadze na Moses yɛe dze kyerɛɛ obu ma Nyankopɔn? Ebɛn nkitahodzi na ihu no wɔ ne ndzeyɛe na obu ma ndzɛmba krɔnkrɔn ntamu?

Erekenkan nyiyimu yinom botum ekenyan wo ma adwendwen ndzɛmba krɔnkrɔn na mbea mbea krɔnkrɔn a ɔwɔ w’abrabɔ mu ho. Edɛnadze ntsi na wɔyɛ krɔnkrɔn ma wo? Isi dɛn hwɛ hɔn wɔ soronko mu fi ndzɛmba a ɔnnyɛ nã ho? Ama aweɔn wo adwendwen no, ibotum ahwɛ ɔfã a wɔato no dzin “Remembering the Promises” wɔ Elder David A. Bednar n’asɛm “Exceeding Great and Precious Promises” mu no (Liahona, Ɔberɛfɛw 2017, 91–93). Ibotum so atow anaa etsie asɔr ndwom a okenyan ahobow, tse dɛ “I Stand All Amazed” (Asɔr Ndwom, nkanee 193) na dwendwen dza ɔfa asɛmpa no ho a ɔyɛ wo ahobow.

Nokwar, ber a yenya sunsum mu sũahu horow mpo no, esian no wɔ hɔ dɛ yɛbɛyɛ biara biara afa ndzɛmba krɔnkrɔn ho no. Isi dɛn kwetsir iyi? Nsɛm ebien nye yi a wɔkã iyi ho asɛm; yi kor, na hwehwɛ nsɛnkãe a ɔboa wo: Ulisses Soares, “In Awe of Christ and His Gospel” (Liahona, Esusow Aketseaba 2022, 115–17); Gérald Caussé, “Is It Still Wonderful to You?” (Liahona, Esusow Aketseaba 2015, 98–100).

Hwɛ Nkyerɛkyerɛ na Ahyɛmudzi 6:10–12; 63:64.

Ndɛ yenyim Moses dɛ nkɔnhyɛnyi na banodzinyi kɛse. Naaso Moses ennhu noho dɛm ber a Ewuradze frɛɛ no no. Ber a ekenkan Exodus 3–4 no, kyerɛw Moses ne haw no nkorkor na mbrɛ Ewuradze sii buaa kor biara. Ebɛnadze na ihu no wɔ nyiyimu yinom mu a obotum ekenyan wo sɛ etse nka dɛ etɔ sin a? Mber bɛn na ehu dɛ Nyankopɔn ama ɔwo anaa binom tum dɛ wɔnyɛ N’edwuma?

Hwɛ “The Church Gives Us Opportunities to Assist in God’s Work” wɔ “Church Organization” mu wɔ Topics and Questions mu, Asɛmpa Nwoma Korabea so.

Obotum ayɛ abagura sɛ hɛn nokwar mbɔdzembɔ dɛ yɛbɛyɛ papa yɛ dɛ ɔnnyɛ edwuma a—ber a yɛrobɔ mbɔdzen dɛ yɛbɛyɛ Ewuradze ne pɛ naaso yennhu nsunsuando a hɛn enyida kwan no. Ama esũa afa sũahu a Moses nyae a ɔnye no sɛ no, kenkan Exodus 5:4–9, 20–23. Ewuradze sii dɛn boaa Moses ma odzii n’abagura do konyim? (hwɛ Exodus 6:1-13). Ewuradze esi dɛn aboa wo ma awɔwdo wɔ ereyɛ Ne pɛ mu?

Hwɛ Jeffrey R. Holland, “Waiting on the Lord,’’ Liahona, Ɔberɛfɛw 2020, 115-17 so.

• Nna Moses wɔ asɛdze tsitsir dɛ ɔgye Israel fi nokwaasom mu. Mbom nkyɛ onnkotum ayɛ iyi ewie sɛ ne maame, n’akyerɛbaa, Pharaoh ne babasia, na mbaa anokwafo bi ammbɔ no ho ban na wɔannhwɛ no a. Boa wo mbofra ma wonsũa mbaa yinom ho asɛm wɔ Exodus 1:15–20; Exodus 2:2–10 mu (san so hwɛ Nkanee 26:59); na Exodus 2:16–21. Ibotum so dze dapɛn yi dwumadzi krataafa na “Baby Moses” (wɔ Old Testament Stories mu, 61–63) edzi dwuma dze akã hɔn nsɛm. Mbaa yinom sii dɛn boae ma Nyankopɔn ne nhyehyɛɛ no hyɛɛ mã? Hom nye homho ndzi nkɔmbɔ mfa nkorɔfo bi a hom enyi gye hɔn ho a wɔboa Nyankopɔn n’edwuma, a wɔ akwan nketsenketse mu na akwan ɔnnyɛ dzen mu kã ho. Yebesi dɛn botum edzi hɔn fasusu do?

  

  1:36

• Wɔabɔ mu akenkan Exodus 3:1–5 ekyir no, bisa wo mbofra ma wɔmbɔ nyiyimu yinom tɔw wɔ hɔnara hɔn nkasafua mu (san so hwɛ “Moses the Prophet” wɔ Old Testament Stories mu, 64–66). Moses sii dɛn kyerɛɛ obu wɔ Nyankopɔn n’enyim? Ewuradze pɛ dɛ yesi dɛn kyerɛ obu? Ibotum asan so ebisa wo mbofra no ma wɔaboa wo ma ahwehwɛ (anaa adorɔw) mbeambea krɔnkrɔn anaa dwumadzi horow ase a ɔwɔ dɛ yɛkyerɛ obu ho mfonyin. Ebɛnadze na yebotum yɛayɛ ma hɛn fie ayɛ bea krɔnkrɔn?

  

  1:26

• Hom mbɔ mu ntow ndwom a ɔfa obu ho, tse dɛ “Reverence Is Love” (Children’s Songbook, 31). Ɔwo na wo mbofra no botum ahwehwɛ nkasafua anaa nsɛnsin a ɔkyerɛkyerɛ dza obu n’ase kyerɛ mu. Sɛ enye nyɛnko bi reba asɔr wɔ ber a odzi kan a, ibesi dɛn bɛkyerɛkyerɛ dza obu n’ase kyerɛ mu?

• Edze asɛm no a ɔwɔ Exodus 3; 4:1–17 mu ridzi dwuma no, ma wo mbofra no mpetuw dɛ wɔyɛ Moses. Obotum ayɛ enyigye dɛ wɔdze ndzɛmba , tse dɛ tɔkye kandzea na ahaban dze egyina hɔ ama haban gyaframee. Boa wo mbofra no ma wɔnhwehwɛ atsenka a Moses nyae fa ewduma a Ewuradze dze maa no no ho (hwɛ Exodus 3:11; 4:1, 10). Bia hom botum nye homho nkorkor akyɛ mber bi a wonyaa atsenka bi tse dɛm. Ebɛn afotu na yɛnye Moses bɛkyɛ dze aboa no? Kenkan mbrɛ Ewuradze sii hyɛɛ Moses nkuran wɔ Exodus 3:12; 4:2–9, 11–12 mu. Kã kyerɛ wo mba no mbrɛ Ewuradze esi aboa wo ma ahyɛ wo ɔfrɛ mã, edzi nkenyan do, anaa ayɛ biribi so a nna ɔyɛ dzen ma wo no.