Ma Primary—Irisiesie Mbofra ma Abrabɔ Mber Nyina wɔ Nyankopɔn N’Ahyɛmu Anamɔnkwan no do

Ma mbofra no mfonyin ahorow a ɔkyerɛ gyedzi wɔ Jesus Christ mu, nnuho, enuma, na pisi (hwɛ Gospel Art Book, nkanee 1, 111, 103, na 105). Kenkan anaa enye mbofra no nse gyedzi ho nsɛmpɔw a otsĩa anan no, na kã kyerɛ hɔn ma wonsuo hɔn mfonyin no mu wɔ sor ber a wɔkã dɛm fapem no anaa ayɛdze no. Boa mbofra no ma wɔntse mbrɛ fapem na ayɛdze horow no mu kor biara boa hɛn ma yɛbɛyɛ tse dɛ Ɔsor Egya na Jesus Christ ara yie ase.

Ibesi dɛn bɔboa mbofra no ma wɔatse ase dɛ gyedzi, nnuho, enuma, na pisi nnyɛ dza osi mber-kor ara pɛr, mbom onya nhyɛdo wɔ hɛn sunsum mu mpontu wɔ hɛn abrabɔ ber nyinara mu? Ibotum dze aba na dua kɛse bi no mfonyin akyerɛ hɔn (anaa adorɔw ndzɛmba yinom wɔ bɔɔd no do). Boa hɔn ma wɔndwen ndzɛmba horow a wɔboa aba ma onyin bɛyɛ dua kɛse, tse dɛ nsu, dɛtse, na ewia ne kan. Boa hɔn ma wonhu dɛ iyinom tse dɛ ndzɛmba a yɛyɛ a ɔma yenyin bɛn Nyankopɔn yie wɔ hɛn abrabɔ mu nyina—yɛroto hɛn gyedzi wɔ Jesus Christ mu mu, yerunu hɛnho dabiara, yɛdze hɛn enuma ahyɛmudzi no robɔ bra, yeridzi sacrament, na yeritsie Sunsum Krɔnkrɔn no.

Enye mbofra no nkyɛ asɛm a ɔfa hwiipow ho a ofi Elder Dale G. Renlund n’asɛm mu “How Can Repenting Help Me Feel Happy?” (Friend, Mumu 2017, 12–13, anaa Liahona, Mumu 2017, 70–71; hwɛ video no so “Repentance: A Joyful Choice” [Asɛmpa Nwoma Korabea]). Asɛmkã no rokɔ do no, to nsa frɛ mbofra no ma wɔndwen mbrɛ Elder Renlund n’atsenka bɛyɛ. Dɛn ntsi na yɛtse dɛwdzi nkã sɛ yenu hɛnho a? Enye mbofra no nkyɛ dɛwdzi na ɔdɔ atsenka a enya ber a ibisaa Ɔsor Egya dɛ Ɔmfa wo bɔn nkyɛ wo no.

4:36

Fa Agyenkwa no n’enuma na obi so n’enuma ho mfonyin kyerɛ (anaa hwɛ Gospel Art Book, nkanee 35 na 103 anaa nkanee 104). Bisa mbofra no ma wɔnkyɛ dza ɔson na dza ɔyɛ kor wɔ mfonyin ebien no mu. Hom mbɔ mu nkenkan Matthew 3:13–17 anaa “Chapter 10: Jesus Is Baptized” wɔ New Testament Stories mu, 26–29. Ma mbofra no ntsen hɔn nsatseaba wɔ ndzɛmba a ɔwɔ mfonyin no mu a wɔtse no wɔ nsɛm yinom mu no. Kã wo dɔ ma Agyenkwa no na wo pɛ dɛ ebɛka No do no ho asɛm kyerɛ mbofra no.

1:52

Hom ntsie anaa hom ntow enuma ho ndwom, tse dɛ “When Jesus Christ Was Baptized” (Children’s Songbook, 102). Ebɛnadze na yesũa fa enuma ho fi ndwom no mu? Kenkan 2 Nephi 31:9–10, na to nsa frɛ mbofra no ma wontsie siantsir a wonumaa Jesus Christ. Ma wɔndorɔw hɔnankasa hɔn mfonyin wɔ hɔn enuma da.

Kyerɛkyerɛ mu dɛ ahyɛmu yɛ anohoba a ɔda obi na Ɔsor Egya ntamu. Ber a yesie hɛn anohoba horow a yɛdze bɔ Nyame no, Nyame bɔ hɛn anohoba dɛ Obehyira hɛn. Kyerɛw no wɔ bɔɔd do M’Anohoba a medze bɔ Nyame na Nyame N’Anohoba a Ɔdze bɔ Me. Hom mbɔ mu nkenkan Mosiah 18:10, 13 na Nkyerɛkyerɛ na Ahyɛmudzi 20:37, na boa mbofra no ma wɔnkyerɛw anohoba horow no nkorkor wɔ tsir a ɔfata ase (hwɛ Dallin H. Oaks, “Your Baptism Covenant,” Friend, Kwakwar 2021, 2–3 so). Kyɛ mbrɛ Ɔsor Egya esi aboa wo ber a ebɔ mbɔdzen dɛ ibesie w’enuma ahyɛmu no.

Fa ndzɛmba a Jesus Christ yɛe no somdwuma ber mu no ho mfonyin kyerɛ mbofra no (ama oeehu mfatoho binom no, hwɛ Gospel Art Book, nkanee 33–49). Ma mbofra no nkasa mfa dza Agyenkwa no reyɛ wɔ mfonyin kor biara mu. Kenkan Mosiah 18:8–10, 13, na to nsa frɛ mbofra no dɛ wontsie akwanhorow a wobotum esie enuma ahyɛmudzi no (san so hwɛ “My Baptismal Covenant,” Liahona, Dzifuu 2023, 10-11). Enuma ahyɛmudzi no besi dɛn botum enya nhyɛdo wɔ hɛn daa daa ndzeyɛɛ do? To nsa frɛ mbofra no ma wɔndorɔw hɔnankasa hɔn mfonyin a wɔroboa obi wɔ kwan a Jesus bɛyɛ do.

To nsa frɛ obi a ndaansa yi wonumaa no na wosii no pi no ma ɔmbra adzesũa bea na ɔmbɛkyɛ sɛ wosi wo pi a mbrɛ ɔtse. Bisa nyimpa yi ma ɔnkasa mfa ɔabɛyɛ Jesus Christ N’Asɔr a ɔwɔ hɔ Ma Nda a Odzi Ekyir Ahotseweefo n’asɔrba yi n’asekyerɛ nye dɛn ma no. Boa mbofra no ma wɔndwen akwan horow a wobesie hɔn enuma ahyɛmudzi no dɛ Asɔrmba. Kyɛ mbrɛ ereyɛ ndzɛmba yinom esi aboa wo ma atse dɛwdzi dɛ eyɛ Christ N’Asɔrba no ne nkã.

Fa nkorɔfo a wɔwɔ Mormon Esu ho no hɔn mfonyi kyerɛ (hwɛ Gospel Art Book, nkanee 76), na bisa mbofra no ma wɔnkã dza wohu no mfonyin no mu no ho asɛm. Kã Alma na no nkorɔfo a worunuma hɔn wɔ hɔ no hɔnho asɛm (hwɛ Mosiah 18:1–17; “Alma at the Waters of Mormon,” wɔ Book of Mormon Stories) mu. Bobɔ Mosiah 18:8–9 do na to nsa frɛ mbofra no ma wɔnyɛ ndzeyɛɛ a ɔbɔboa hɔn ma wɔakaa ndzɛmba a nna nkorɔfo yi wɔ ho pɛ dɛ wɔbɛyɛ dɛ Christ N’Asɔrmba. Kyɛ sũahu bi a ehu dɛ Asɔrmba rosom wɔ akwanhorow yinom do.

2:41

Kenkan Nkyerɛkyerɛ na Ahyɛmudzi 33:15, na bisa mbofra no ma wontsie akyɛdze soronko no a Ɔsor Egya dze ma hɛn ber a wonuma na wosi hɛn pi no. Ama wɔaaboa hɔn ma woesũa mbrɛ Sunsum Krɔnkrɔn akyɛdze no besi bɔboa hɔn ho nsɛm bi akã ho no, hom mbɔ mu mbobɔ John 14:26; Galatiafo 5:22–23; 2 Nephi 32:5; 3 Nephi 27:20 do. Ibotum asan so abobɔ, “A Special Gift,” (Liahona, Dzifuu 2023, 18–19) do.

Ansaana adzesũadze no bɛhyɛ ase no, bisa mbofra no ɔwofo baako anaa mboree ma wɔnkyɛ mbrɛ woesi ehyira hɔn osian dɛ wɔwɔ Sunsum Krɔnkrɔn akyɛdze no ntsi. Osi dɛn na Ɔboa hɔn? Wosi dɛn tse Ne ndze?

Hom mbɔ mu ntow ndwom a ɔfa Sunsum Krɔnkrɔn no ho, tse dɛ “The Holy Ghost” (Children’s Songbook, 105). Boa mbofra no ma wɔntse dza ndwom no kyerɛkyerɛ hɛn fa mbrɛ Sunsum Krɔnkrɔn no botum aboa hɛn no ase.

Boa mbofra no ma wɔndwen akwan soronko ho a yebotum nye nyɛnko bi a ɔtse ekyirekyir akasa, tse dɛ yɛrekyerɛw krataa, yɛrekyerɛw email akɔ anaa yɛrekasa foon do. Kyerɛkyerɛ hɔn dɛ Ɔsor Egya botum akasa edua Sunsum Krɔnkrɔn no mu akyerɛ hɛn wɔ akwan ahorow mu. Fa President Dallin H. Oaks n’asɛm “How Does Heavenly Father Speak to Us?” no boa mbofra no ma wɔntse ase akwan soronko no a Sunsum Krɔnkrɔn no botum akasa akyerɛ hɛn adwen na hɛn akoma (Friend, Ebɔw 2020, 2–3, anaa Liahona, Ebɔw 2020, F2–F3).

Kyɛ mber bi a Sunsum Krɔnkrɔn no duaa w’adwen mu adwendwen anaa w’akoma mu atsenka do nye wo nyaa nkitahodzi no ho sũahu (hwɛ Nkyerɛkyerɛ na Ahyɛmudzi 6:22–23; 8:2–3; san so hwɛ Henry B. Eyring, “Open Your Heart to the Holy Ghost,” Friend, Dzifuu 2019, F2–F3). Gye dase kyerɛ mbofra no dɛ Sunsum Krɔnkrɔn no botum aboa hɔn wɔ gyinabew a ɔtsetse dɛm mu.

Boa mbofra no ma wonhu mber a wɔretse Sunsum no ne nkã—mfatoho, ber a wɔrotow Agyenkwa no ho ndwom anaa ber a wɔreyɛ ayamuyie ama binom no. Boa hɔn ma wonhu sunsum mu atsenka a Sunsum Krɔnkrɔn no dze ba, nkanka Ne nkenyan dɛ yɛ biribi. Dɛn ntsi na edwen dɛ Sunsum Krɔnkrɔn no ma hɛn atsenka yinom? Boa mbofra no ma wɔdwen ndzɛmba a ohia dɛ yɛyɛ ho ama yɛaatse Sunsum Krɔnkrɔn no dɛ ɔrekasa akyerɛ hɛn. Kã dza eyɛ dze tse Sunsum no pefee mu ara ho asɛm.

To nsa frɛ mbofra no ma wɔnkekã “Jesus Introduced the Sacrament to the Nephites mfonyin mu wɔ Scripture Stories Coloring Book: Book of Mormon mu (2019), 26. Bisa hɔn ma wɔntsen hɔn nsatseaba wɔ dza nkorɔfo no rodwen ho wɔ mfonyin no mu no. Kenkan 3 Nephi 18:1–12 anaa “Jesus Christ Teaches about the Sacrament and Prayer,” ne fã bi wɔ Book of Mormon Stories mu. Ebɛnadze na yebotum ayɛ dze akaa Jesus Christ sacrament ber no mu no?

Bisa mbofra no ma wɔnkã ndzɛmba binom a ɔwɔ dɛ aber nyina wɔkaa dɛ wɔbɛyɛ, tse dɛ wɔbɛkyekyer hɔn shoe lace anaa wɔbɔhohor hɔn nsaho ana woedzidzi. Ebɛnadze ntsi na ohia dɛ yɛbɛkaa ndzɛmba yinom? Kenkan Moroni 4:3 kyerɛ mbofra no, na to nsa frɛ hɔn dɛ wontsie dza yɛbɔ ho anohoba dɛ yɛbɛkaa no aber nyina ber a yedzi sacrament no. Ebɛnadze ntsi na ohia dɛ yɛbɛkaa Jesus Christ? Boa mbofra no ma wɔntse mbrɛ sacrament paanoo na nsu no si boa hɛn ma yɛkaa dza Jesus Christ ayɛ ama hɛn no ase (hwɛ Moroni 4:3; 5:2).

Kyerɛw no wɔ bɔɔd no do “Mobɔ anohoba dɛ …” Kenkan sacrament mpaabɔ no kyerɛ mbofra no (hwɛ Nkyerɛkyerɛ na Ahyɛmudzi 20:77, 79 Sɛ wɔtse anohoba bi a yɛbɔ ma Nyankopɔn a, gyina kakra na boa hɔn ma wonwie asɛntɔw no wɔ bɔɔd no do a wɔdze anohoba a wɔtsee no kã ho.

Yɛdze Jesus Christ ne dzin ato hɛn do n’asekyerɛ nye dɛn? Ama wɔaaboa mbofra no ma woeyi asɛmbisa yi ano no, kyɛ biribi a yɛdze hɛn edzin to do no ho mfatoho. Ebɛnadze ntsi na yɛdze hɛn edzin to ndzɛmba yinom do? Ebɛnadze ntsi na Jesus Christ bɛpɛ dɛ Ɔdze Ne dzin bɔto hɛn do? Hwɛ dɛ ebɛkyɛ nkyerɛkyerɛmu yi a ofi President Russell M. Nelson hɔ: “Yɛdze hɛn ndzeyɛɛ na nsɛnkã—repaa mu kã na yɛregye dase kyerɛ nkaafo no—dɛ Jesus nye Christ no, kã yɛrefa Agyenkwa no Ne dzin ato hɛn do ho” (“The Correct Name of the Church,’’ Liahona, Ɔberɛfɛw 2018, 88).

Boa mbofra no ma wɔnhyɛ nhyira a wonya osian asɔfodzi no ntsi nsew. Ama wɔaaboa hɔn ma woenya adwenkyerɛ binom no, ibotum dze video no “Blessings of the Priesthood” (Asɛmpa Nwoma Korabea) no akyerɛ. Hwɛ dɛ ebɛkyerɛw nhyira yinom nkorkor wɔ bɔɔd no do. Ebɛnadze ntsi na nhyira yinom hia hɛn no? Gye dase dɛ nhyira yinom ba hɛn do osian Jesus Christ na N’asɔfodzi tum no ntsi.

3:5

Boa mbofra no ma wɔnhwehwɛ mfonyin ahorow a ɔkyerɛ mbrɛ Nyankopɔn si dze No tum dzi dwuma dze hyira hɛn. Mfatoho, wobotum ahwehwɛ wiadze yi a Ɔbɔe maa hɛn no mfonyin, ayarsa ho mfatoho, na ayɛdze krɔnkrɔn horow a Ɔdze ama hɛn no (hwɛ Gospel Art Book, nkanee 3, 46, 104, 105, 107, 120). Kyɛ siantsir a asɔfodzi no na nhyira horow a ɔdze ba no yɛ wo enyisɔ. Boa mbofra no ma wɔndwendwen sũahu horow ho ber a wɔdze Nyame N’asɔfodzi tum no hyiraa hɔn no.

Akwan etsitsir no mu kor a yenya Nyame No tum mu nhyira wɔ hɛn abrabɔ mu nye dza odua asɔfodzi ayɛdze mu (hwɛ Nkyerɛkyerɛ na Ahyɛmudzi 84:20). Ama wɔaaboa mbofra no woesũa nokwar yi no, ibotum akyerɛw kyerɛwsɛm a odzi do no nkorkor wɔ bɔɔd no do: 3 Nephi 11:21–26, 33 (enuma); Moroni 2 (pisi); Moroni 4–5 (sacrament). Mbofra no mu kor biara botum asan mu eyi nsɛnsin yinom mu kor na ɔahwehwɛ ayɛdze a ɔkã ho asɛm no. To nsa frɛ mbofra no ma wɔnkyɛ mbrɛ wɔregye asɔfodzi ayɛdze horow esi ehyira hɔn dɛ ankorankor.

Boa mbofra no ma wɔntse ase dɛ wobenya tum efi Nyankopɔn hɔ sɛ wonuma hɔn na wosie hɔn enuma ahyɛmu no a. Bisa mbofra no mbrɛ tum yi besi aboa hɔn.

Enye mbofra no nkenkan Mark 3:14–15, na kyerɛ hɔn dza osii hɔ a wɔakã ho asɛm no ho mfonyin (tse dɛ Gospel Art Book, nkanee 38). Bisa mbofra no sɛ woehu obi a wɔnye no risi hɔ ama no ɔfrɛ bi anaa wɔhyɛɛ no sɔfo wɔ asɔfodzi dzibew bi mu a (anaa kã wo sũahu a enya ho nsɛm kyerɛ hɔn). Osi dɛn na ɔno nye dza Agyenkwa no nye N’Asomafo no yɛe no sɛ? Boa mbofra no ma wɔnkyerɛw ɔfrɛ horow no nkorkor, anaa asɔfodzi dzibew ahorow a wobotum dze ama Asɔrmba, tse dɛ kyerɛkyerɛnyi anaa kuw baanodzinyi. Ɔfrɛ na dzibew kor biara ne nkyɛn no, ibotum akyerɛw dza obi a ɔwɔ dɛm ɔfrɛ anaa dzibew no wɔ tumdzi dɛ ɔdze yɛ. Kã kyerɛ mbofra no mbrɛ obi a ɔwɔ asɔfodzi nsaafee no kwankyerɛ ase eyi wo esi hɔ no, aboa wo ma asom.

Ma mbofra no ndwen biribi ho a ihia ho saafee, tse dɛ kaar anaa abow. Ebɛnadze na ɔbɛba sɛ nnyi saafee no a? Hom mbɔ mu nkenkan Nkyerɛkyerɛ na Ahyɛmudzi 65:2, na kyɛ wo dasee wɔ asɔfodzi nsaafee ne hia a ohia ho. Hom botum so ahwɛ “Where Are the Keys?” video no. (Asɛmpa Nwoma Korabea) na hwɛhwɛ dza Elder Gary E. Stevenson kyerɛkyerɛ fa asɔfodzi nsaafee ho.

2:51

Fa temple kor anaa no mboree no mfonyin kyerɛ. Bisa mbofra no dza ɔma temple yɛ bea soronko no. Kyerɛ mu dɛ wɔ temple kor biara ho no nkyerɛwee yi wɔ ho: “Krɔnkrɔn ma Ewuradze—Ewuradze ne Fie.” Bisa mbofra no dza wɔdwen ho a “Krɔnkrɔn ma Ewuradze” n’asekyerɛ botum ayɛ. Ebɛnadze ntsi na wɔfrɛ temple no Ewuradze ne fie? Ebɛnadze na iyi kyerɛkyerɛ hɛn fa temple ho? Sɛ mbofra no hɔn mu bi akɔ temple a, hɔn so botum akyɛ mbrɛ hɔn atsenka yɛe ber a wɔwɔ hɔ no. Sɛ akɔ temple a, kyɛ mbrɛ w’atsenka yɛe dɛ Ewuradze wɔ hɔ, na kasa fa siantsir a temple no yɛ krɔnkrɔn bea ma wo no ho.

Hom mbɔ mu nkenkan Nkyerɛkyerɛ na Ahyɛmudzi 97:15–17. Bisa mbofra no ma wɔnhwehwɛ dza Ewuradze enyi da kwan wɔ nkorɔfo a wɔhɛn Ne fi krɔnkrɔn mu no ho. Dɛn ntsi na ohia dɛ yɛfata ansaana yɛahɛn Ne fie mu no? Kasa kyerɛ mbofra no fa temple recommend ho, na mbrɛ wobesi agye bi, fa kã nkɔmbɔdzi yi ho. Ibotum ato nsa afrɛ bishop na n’apamfo mu kuwba ma ɔnye hɔn akyɛ mbrɛ temple recommend kokoamu mpɛnsapɛnsamu tse na nsɛmbisa a wobisa no.

Bisa mbofra no ma wɔmboa wo ma bobɔ ahyɛmu a yɛnye Nyame dzi ber a wonuma hɛn no na ber a yedzi sacrament no do (hwɛ Mosiah 18:10, 13; Nkyerɛkyerɛ na Ahyɛmudzi 20:77, 79). Fa temple mfonyin kyerɛ, na kyerɛkyerɛ mu dɛ Ɔsor Egya wɔ nhyira binom so a Ɔpɛ dɛ Ɔdze ma hɛn wɔ temple mu.

Dorɔw abobow a ogya kɔ anamɔnkwan bi do. Bisa mbofra no siantsir a wɔdwen dɛ ɔyɛ mboa dɛ wonya anamɔnkwan a wɔbɛnantsew do. Hom mbɔ mu nkenkan 2 Nephi 31:17–20, bea a Nephi dze enuma ahyɛmu no toto abobow ho na ɔto nsa frɛ hɛn dɛ yɛnkɔ do nnantsew anamɔnkwan no do enuma ekyir no. Ahyɛmu horow binom so wɔ hɔ a yedzi wɔ enuma ekyir, a ahyɛmudzi a wɔyɛ no temple no kã ho. Kyerɛkyerɛmu dɛ President Nelson afrɛ anamɔnkwan yi “ahyɛmu anamɔnkwan” no.

Kã mber bi a obi yɛɛ biribi maa wo a nna nnkotum ayɛ ama woho ho asɛm. To nsa frɛ mbofra no ma wɔnkyɛ sũahu a ɔtsetse dɛm. Kyerɛkyerɛ mu dɛ sɛ yɛkɔ temple a, yebotum agye ayɛdze krɔnkrɔn tse dɛ enuma ama binom a woewu. Yesi dɛn na yɛyɛ tse dɛ Jesus ber a yerɛyɛ edwuma ama ewufo no? Ebɛnadze na Ɔayɛ ama hɛn a nna yennkotum ayɛ ama hɛnho?

To nsa frɛ mbabun no hɔn mu kor anaa no mboree a woenuma hɔn ama hɔn ewuakɔr ma wɔnkyɛ hɔn sũahu no. Bisa hɔn dɛ nna wɔwɔ temple no mu no tse dɛn. Hyɛ hɔn nkuran ma wɔnkyɛ hɔn atsenkã ber a wɔreyɛ edwuma yi ama hɔn ewuakɔr.

Dorɔw dua wɔ bɔɔd no do, a ndwow na nkorbata kã ho. Ma mbofra no ndwen ho mbrɛ ebusua si tse dɛ dua. Kyerɛw ndwow no do Ewuakɔr, kyerɛw nkorbata no do Mbasantsen, na kyerɛw dua tsen no do Ɔwo. Hom mbɔ mu nkenkan asɛntɔw yi a ofi Nkyerɛkyerɛ na Ahyɛmudzi 128:18 mu: “Osiandɛ sɛ yɛnnkã [hɛn ewuakɔr] ho a, wonnkotum edzi mu, nna sɛ hɔn so wɔnnkã hɛn ho a, yennkotum edzi mu.” Bisa nsɛmbisa a ɔtse dɛ mbrɛ odzi do yi: Ebɛnadze ntsi na yehia hɛn ewuakɔr? Ebɛnadze ntsi na hɛn ewuakɔr hia hɛn? Hɛn awofo, nananom, na ewuakɔr binom esi dɛn aboa hɛn? To nsa frɛ mbofra no ma wɔnhwehwɛ asɛnsin wɔ Nkyerɛkyerɛ na Ahyɛmudzi 128:18 ne nkaa no mu a ɔkã mbrɛ yebesi bɔboa hɛn ewuakɔr ho asɛm.

Hwɛ dɛ enye abofra biara n’awofo bɛyɛ edwuma ahwehwɛ ewuakɔr bi a ohia ayɛdze wɔ temple mu ne dzin (hwɛ FamilySearch.org).