Come, Follow Me
Abɔekyir D: Ma Aaron Asɔfodzi Quorum horow, na Young Women Class horow—Nhyiamu Nhyehyɛɛ Nhwɛdo

“Abɔekyir D: Ma Aaron Asɔfodzi Quorum horow, na Young Women Class horow—Nhyiamu Nhyehyɛɛ Nhwɛdo,” Bra, Bɛka Mo Do—Dze Ma Fie na Asɔr: Ahyɛmu Dadaw 2026 (2026)

“Abɔekyir D,” Bra, Bɛka Mo Do: Ahyɛmu Dadaw 2026

Abɔekyir D

Ma Aaron Asɔfodzi Quorum horow, na Young Women Class horow—Nhyiamu Nhyehyɛɛ Nhwɛdo

Nhyiamu da:

Nhyiamu Nhyehyɛɛ Guato (class anaa quorum president na n’apamfo ba)

Mbuei

Asɔr Ndwom (sɛ wɔpɛ a):

Mpaabɔ:

Hom nsi do nkã Young Women Theme anaa Aaron Asɔfodzi Quorum Theme no.

Wɔmbɔ mu mfa apam.

Nyimpa a ɔdze nhyiamu nhyehyɛɛ to gua no dzi kan no, class no anaa quorum no fa sima 5 kɔ sima 10 bɔ mu fa apam wɔ hɔn asodzi wɔ Nyankopɔn no nkwagye na nkwagye ntowdo edwuma ho. Iyi ma kwan ma class no anaa quorum president na n’apamfo no kwan ma wodzi ndzɛmba a wɔpɛnsampɛnsa mu wɔ president na n’apamfo nhyiamu anaa ward mbabun abaguafo nhyiamu horow no ekyir.

Nyimpa a ɔdze nhyiamu nhyehyɛɛ to gua no botum dze nsɛmbisa yinom kor anaa no mboree edzi dwuma:

Edze asɛmpa no robɔ bra

  • Ebɛn sũahu na yeenya no ndaansa yi mu a wɔahyɛ hɛn dasegye wɔ Jesus Christ na N’asɛmpa no mu no dzen?

  • Ebɛnadze na yɛreyɛ dze atwe hɛn abɛn Agyenkwa no ara yie? Yerisi dɛn abɔ mbɔdzen ayɛ tse dɛ Ɔno ara yie?

  • Yeesi dɛn atse Ewuradze n’akwankyerɛ wɔ hɛn abrabɔ mu?

Wɔrohwɛ nkorɔfo a wɔwɔ hia mu no do

  • Woana na yɛatse akwankyerɛ atsenka dɛ yɛmboa no anaa yɛnsom no? Ebɛn edwuma ahorow na yɛagye dɛ yɛbɔboa obi a ɔwɔ hia mu?

  • Ebɛn taferbanyinmbɔmu horow na hɛn class anaa quorum mba rihyia? Yebesi dɛn ama hɛnho abamba wɔ ndzɛmba a yerudua mu no ho?

  • Ndaansa yi ana obi etu aba hɛn ward mu anaa ɔabɔdom Asɔr no a? Yebesi dɛn botum aboa hɔn ma woenya atsenka dɛ wɔayɛ hɔn etuu?

Wɔroto nsa frɛ obiara ma wɔagye asɛmpa no

  • Ebɛnadze na yebotum ayɛ dze aboa binom ma wɔatse Nyankopɔn no dɔ ho nkã?

  • Ebɛn dwumadzi horow na ɔreba a yebotum ato nsa afrɛ hɛn anyɛnkofo ma wɔaba?

  • Ebɛn nhyehyɛɛ a wɔdze bɛkyɛ asɛmpa no na wɔapɛnsampɛnsa mu wɔ ward mbabun abaguafo nhyiamu? Hɛn class anaa quorum besi dɛn dze hɛn ho ahyɛ mu?

Wɔrekã ebusua ebusua abɔ mu daapem

  • Ebɛn akwan binom na yebotum nye ebusua mu mba a nananom na cousinfo kã ho benya nkitahodzi yie?

  • Ebɛnadze na yɛreyɛ dze ahwehwɛ ewuakɔr a wohia temple ayɛdze horow no edzin? Ebɛnadze na yɛbɛyɛ dze aboa binom ma wɔahwehwɛ hɔn ewuakɔr?

  • Yebesi dɛn dze hɛnho ahyɛ temple edwuma mu yie—dɛ ankorankor na dɛ classfo anaa quorumfo.

Hom mbɔ mu nsũa adze

Baanodzinyi panyin anaa quorum anaa class kuwba na odzi dapɛn yi nkyerɛkyerɛ wɔ Bra, Bɛka Mo Do akenkan mu no enyim. Wɔdze adzesũa adwenkyerɛ horow a ɔwɔ Bra, Bɛka Mo Do—Dze Ma Fie na Asɔr mu dzi dwuma. Adzesũa adwenkyerɛ a ɔwɔ dɛm seminary sɛnkyerɛdze sɛnkyerɛdze yi nye seminary dze no nam na ohia papaapa ma mbabun no. Naaso, wobotum dze adzesũa adwenkyerɛ biara edzi dwuma. Nhyiamu n’afã yi ɔtaa dzi bɛyɛ sima 35 kesi sima 40.

Mponee

Nyimpa a ɔdze nhyiamu nhyehyɛɛ to gua no:

  • Gye ne dasee wɔ fapem horow a wɔakyerɛkyerɛ no ho.

  • Ɔpɛnsampɛnsa mbrɛ adzesũafo no anaa quorumfo no dze dza woesũa no bedzi dwuma no mu—dɛ wɔyɛ kuw anaa ankorankor.

Mpaabɔ: