Genesis 42–50

Ana ehu asɛfo biara wɔ Joseph n’abrabɔ na Jesus Christ no werdam somdwuma ntamu ho? Ibohu nsɛdo yinom mfatoho bi no, bɔ mbɔdzen dɛ ebɛyɛ ntotoho:

• Genesis 37:3 nye Matthew 3:17.

• Genesis 37:26–28 nye Matthew 26:14–16.

• Genesis 45:5–7 nye Luke 4:18.

• Genesis 47:12 nye John 6:35.

Ebɛn nkenyan na ewɔ no fa Agyenkwa na No somdwuma ho ber a ekenkan nsɛm yinom no?

Erekenkan Joseph dze no nuambanyin hɔn bɔn rekyɛ hɔn wɔ ndzɛmba bɔn a wɔdze yɛɛ no ho asɛm no botum ekenyan wo ma adwendwen obi a sesei ereper dɛ edze no bɔn bɛkyɛ no ho. Nsɛmbisa a odzi do yinom botum aboa wo ber a eper dɛ edze fapem yi bedzi dwuma no:

• Ebɛnadze ntsi na nkyɛ ɔbɛyɛ dzen ama Joseph dɛ ɔdze no nuambanyin hɔn bɔn bɛkyɛ hɔn? (Ebɔhwehwɛ dza wɔdze yɛɛ no mu no, hwɛ Genesis 37). Ebɛn sũahu horow anaa suban na otumii maa Joseph ahoɔdzen ma ɔdze kyɛe? (hwɛ, mfatoho, Genesis 45:1–15 anaa 50:15–21).

• Ebɛn nhyira na ofii Joseph no nuambanyin hɔn bɔn a ɔdze kyɛɛ hɔn mu bae? Mfatoho, fa nkitahodzi a ɔwɔ Jacob n’ebusua mu fi asɛm yi n’ahyɛse no toto (hwɛ, mfatoho, Genesis 37:3–11) nkitahodzi a ɔwɔ n’ewiei no ho (hwɛ Genesis 45:9–15; 50:15–21). Nkyɛ ndzɛmba besi dɛn botum adan sɛ Joseph ennya pɛ dɛ ɔdze bɔn bɛkyɛ a?

• Hwɛ dɛ ebɛkyerɛw obi a obehia wo bɔnfakyɛ ne dzin ato hɔ—sɛ wɔaserɛ bɔnfakyɛ anaa wɔnnserɛe o. Ebɛnadze na ibotum ayɛ dze ato nsa afrɛ Agyenkwa n’ayarsa tum no wɔ dɛm gyinabew no mu? Sɛ ɔyɛ wo dɛ bɔnfakyɛ yɛ dzen dodow a, hwɛ dɛ ebɔhwehwɛ Elder Gerrit W. Gong n’afotu mu wɔ ne ɔkasapɛn esia a odzi ewiei wɔ n’asɛm “Happy and Forever” mu no (Liahona, Ɔberɛfɛw 2022, 85) Ebɛnadze na ihu a ɔma wo enyidado dɛ ibotum dze bɔn akyɛ?

San so hwɛ Nkyerɛkyerɛ na Ahyɛmudzi 64:9–11; “Forgiveness: My Burden Was Made Light” (video), Asɛmpa Nwoma Korabea.

8:24

Jacob ne nhyira ma n’asefo wɔ mfonyin a ɔda edzi pefee wɔ mu, naaso ɔyɛ dzen dɛ wɔbɛtse ase. Ndaase mu ara, asɛmpa a wɔdze asan ananmu no ma hɛn mboa bi. Sɛ ekenkan nhyira a wɔdze maa Joseph wɔ Genesis 49:22–26 mu no a, kenkan nyiyimu a odzi do yi so, na hwɛ nhumu a wɔdze ma: 1 Nephi 15:12; 2 Nephi 3:4–5; Jacob 2:25; Nkyerɛkyerɛ na Ahyɛmudzi 50:44.

Ber a ekenkan Judah ne nhyira ho asɛm wɔ Genesis 49:8–12 mu no, kae dɛ Jesus Christ yɛ Judah n’asenyi. Ebɛnadze na ihu no wɔ nyiyimu yinom mu a ɔkaa wo fa Agyenkwa no ho? (san so hwɛ Nyikyerɛ 5:5–6, 9; 1 Nephi 15:14–15; Nkyerɛkyerɛ na Ahyɛmudzi 45:59; 133:46–50).

Erekenkan nhyira horow yinom botum ekenyan wo ma ahwehwɛ wo patriarch nhyira mu—anaa, sɛ nnyi bi a, akɛgye bi. Ebɛn nkasafua na nsɛnsin na ɔwɔ wo nhyira no mu a ɔdan w’adwendwen kɔ Jesus Christ do?

Hwɛ Randell K. Bennet, “Your Patriarchal Blessing—Inspired Direction from Heavenly Father” Liahona, Esusow Aketseaba 2023, 42–44 so.

Nkyɛ ɔnnda edzi mpo ber a nna orudua mu no, ewiei no, Joseph tumii buu no kɔn ekyir wɔ n’abɛbrɛsɛ wɔ Egypt hɔ na ohun dɛ “Nyankopɔn dze ɔdween dɛ oye” (Genesis 50:20). Sɛ itumii kɛseraa Joseph ber a nna ɔhyɛ mona no mu anaa ɔwɔ efiadze no a, nkyɛ ibesi dɛn akyekye no werɛ? Genesis 50:19–21 besi dɛn botum aboa wo wɔ wo nsɔhwɛ ber mu?

Hwɛ Nkyerɛkyerɛ na Ahyɛmudzi 122; “Fapem a Ɔyɛ Dzen,” Asɔr na Mbofra Ndwom, nkanee 4 so.

Ber a ekenkan Genesis 50:24–25 na Joseph Smith Nkyerɛasee, Genesis 50:24–38 (wɔ Joseph Smith Nkyerɛasee n’abɔekyir mu no), dwendwen siantsir a nna ohia ma Joseph dɛ odzi kan hu Moses na Joseph Smith hɔn ho nsɛm mfe ɔha mfe ɔha pii. Joseph Smith sii dɛn hyɛɛ Joseph no nkɔnhyɛsɛm horow a ɔfa no ho no mã? (hwɛ Nkyerɛkyerɛ na Ahyɛmudzi 1:17–23; 20:7–12; 39:11; 135:3).

• Obotum ayɛ enyigye ama wo mbofra dɛ wɔbɛsan ayɛ Joseph a ɔnye n’ebusua reka abɔ mu ho ɔyɛkyerɛ no (hwɛ Genesis 42–44). Anaa wobotum dze “Joseph and the Famine [Joseph na Ɔkɔm no]” (wɔ Old Testament Stories mu, 57–60) edzi dwuma anaa mfonyin a ɔwɔ n’apɔwdo n’apɔwdo yi mu no akyerɛkyerɛ hɔnho nkorkor. Nsɛmbisa bi nye yi a obotum aboa wo mbofra ma woesũa efi asɛm no mu:

  • Ebɛnadze na Joseph yɛe dze kyerɛɛ ɔdɔ maa n’ebusua? (Hwɛ Genesis 45:4–15).

  • Ebɛnadze ntsi na ehwɛ a Joseph dze no nuambanyin hɔn bɔn kyɛɛ hɔn?

  • Edwendwen ho a ebɛn nka na Joseph no nuambanyin no tsee mber a wohun dɛ Joseph dze hɔn bɔn akyɛ hɔn? Woana na ɔwɔ w’abrabɔ mu a ohia bɔnfakyɛ? Ibesi dɛn botum akyerɛ ɔdɔ na bɔnfakyɛ?

  

  2:26

• Ɔwo anaa wo mbofra no bɛpɛ dɛ wɔbɛkyɛ sũahu bi a wɔdze obi ne bɔn kyɛɛ no anaa obi dze hɔn bɔn kyɛɛ hɔn. Nkyii hom botum atow ndwom bi tse dɛ “Love One Another” (Children’s Songbook, 136) anaa “Help Me, Dear Father” (Children’s Songbook, 99).

• Ɔwo na wo mbofra botum ahwɛ Jacob a orihyira ne mbambanyin no no mfonyin wɔ n’apɔwdo n’apɔwdo yi n’ewiei na wɔapɛnsapɛnsa dza orisi mu (hwɛ Genesis 48:8–9). Sɛ obehia a, kyerɛkyerɛ mu dɛ nna Jacob, Joseph n’egya, pɛ dɛ ɔdze asɔfodzi nhyira horow no ma n’ebusua. Bia hom botum nye hom ho akyɛ sũahu horow biara a woenya efi Nyankopɔn hɔ a ɔnam asɔfodzi nhyira do. Ebɛn siantsir bi ntsi na yebotum ebisa asɔfodzi nhyira?

• Ibesi dɛn botum aboa wo mbofra no ma woehu Agyenkwa no wɔ asɛm yi mu a ɔfa Joseph a ɔregye n’ebusua efi ɔkɔm mu ho? Hwɛ dɛ ebɛyɛ nhyehyɛɛ ebien a wɔahyɛ hɔn nsew dɛ Joseph na Jesus Christ. Boa wo mbofra no ma wɔnhwehwɛ kyerɛwsɛm ebien ebien a odzi do mu na fa ndzɛmba a Joseph na Jesus wɔ no pɛr hyehyɛ mu: Genesis 37:3 na Matthew 3:17; Genesis 37:26–28 na Matthew 26:14–16; Genesis 45:5–7 na Luke 4:18; na Genesis 47:12 na John 6:35.

• Bisa wo mbofra no ebɛgye obi dza n’ase kyerɛ. Sɛ hɔn mu biara enya sũahu dɛ wɔgye no fi esian mu a, to nsa frɛ hɔn ma wɔnkyɛ. Joseph sii dɛn gyee no nuambanyin? (hwɛ Genesis 42:1–3; 45:5–7). Nkyii wobotum so abɔ mu ahwɛ Agyenkwa no no mfonyin na ebisa wo mbofra no ma wɔakasa afa mbrɛ Jesus si gye hɛn ho asɛm.