Genesis 24–33

Ber a erekenkan Genesis 24 no, bisa woho siantsir a Abraham hun ne ba Isaac n’awar dɛ ohia dodow? Ebɛnadze ntsi na awar hia ma Nyankopɔn?

Ebɛn su na ihu wɔ Rebekah mu a ɔbɛma awar na ebusua ayɛ dzen? (hwɛ tsitsir ara nyiyimu 15–28, 57-61).

Hwɛ Topics and Questions [Nsɛntsir na Nsɛmbisa], “Marriage [Awar],” Asɛmpa Nwoma Korabea so.

Isaac na Rebekah hɔn kusum mu no, babanyin panyin no nna onya mpanyindze no, a n’ase kyerɛ dɛ egyapadze kɛsenara, a asodzi horow kɛsenara kã ho dɛ ɔbɔhwɛ ebusua no. Ber a ekenkan Genesis 25:29–34 no, dwendwen siantsir a bia a nna Esau ayɛ krado dɛ obegyaa ne panyindze mu dze asesa edziban. Ebɛn adzesũadze na ihu ma woho wɔ asɛm yi mu? Obotum aboa dɛ ebɛyɛ nhyehyɛɛ ebien: (1) onnyiewiei nhyira a Nyankopɔn pɛ dɛ ɔdze ma wo na (2) wiadze ndzɛmba a bia wɔbɛdan wo enyi. Nkyii ibotum akenkan asɛnsin no a, edze adze bi fi nhyehyɛɛ a odzi kan no mu hyɛ “panyindze” ananmu na adze bi fi dza otsia ebien no mu hyɛ “edziban” ananmu. Ibesi dɛn betsim wɔ Agyenkwa no na N’asɛmpa ho onnyiewiei nhyira no do?

San so hwɛ Matthew 6:19–33; M. Russell Ballard, “Remember What Matters Most,” Liahona, Esusow Aketseaba 2023, 105–7.

Mber a nna ɔda mboba sundze do no, Jacob nyaa abrabɔ mu nsesa adaaso. Nna ɔyɛ sũahu krɔnkrɔn ara ma Jacob too bea no dzin Bethel, anaa “Nyankopɔn fie,” a ɔpaa mu kãa dɛ, “Ampaara, Ewuradze wɔ ha” (Genesis 28:16).

Ber a ekenkan Genesis 28no, ibotum ebisa woho dɛ ebɛnadze na ɔmaa sũahu yi yɛɛ krɔnkrɔn maa Jacob? Nna ebɛnadze na ɔrefa mu dɛm mber no? Ebɛn atsenkã na bia nna ɔtse? Ibotum asan so ahwehwɛ nkasafua anaa nsɛnsin wɔ nyiyimu 10–22 mu a ɔbɔ wo Ewuradze fie ho nkaa. Ebɛn nkenyan na inya fa Nyankopɔn, ne fie, na N’ahyɛmudzi horow ho?

N’apɔwdo n’apɔwdo yi n’ewiei no nsaano mfonyin bi wɔ hɔ a ɔkyerɛ Jacob n’adaasõ no; ibotum ahwɛ ber a ekenkan. Sɛ ɔwɔ dɛ ɔwoara eyɛ wo adorɔw a ɔkyerɛ n’adaasõ no a, nkyɛ ebɛnadze na ebɛyɛ? Ebɛn nokwar horow fi asɛm no mu na ebɔbɔ mbɔdzen ada no edzi?

Asɔr ndwom “Nearer My God to Thee” (Asɔr Ndwom, nkanee 100) no gyina Jacob no sũahu no do. Ebɛn nkitahodzi na ihu no wɔ ndwom yi na Genesis 28:10–22 ntamu? Temple no si dɛn boa wo ma etse nkã dɛ ebɛn Nyankopɔn yie? Hwɛ dɛ ebɔhwehwɛ asɛmbisa yi ne nyiano wɔ President Russell M. Nelson n’asɛm “The Temple and Your Spiritual Foundation mu,” (Liahona, Ɔberɛfɛw 2021, 93–96). Bia ebɛpɛ dɛ esan so hwehwɛ Ewuradze ne fie ahyɛmudzi horow na nhyira horow mu wɔ General Handbookmu, 27.2 (Asɛmpa nwoma Korabea). Irisie ahyɛmudzi horow yinom si dɛn dze Nyankopɔn no tum ba w’abrabɔ mu?

Ber a ekenkan Genesis 29:31–35 na 30:1–24 no, hwehwɛ nkasafua a ɔkã Nyankopɔn n’ehumbɔbɔr ma Rachel na Leah ho asɛm. Dwendwen mbrɛ Nyankopɔn esi “ahwɛ [w’]mandzehu” na “[ɔa]kaa” wo (Genesis 29:32; 30:22).

Ber a Jacob sanee kɔr Canaan no, “n’akoma tuu kɛsenara na no ho hiahiaa no” fa mbrɛ no nuabanyin, Esau, besi bɛgye no ho (Genesis 32:7). Ber a ekenkan Genesis 32–33 no, dwendwen woara w’ebusua nkitahodzi ho—bia nkanka dza ohia ayarsa. Bia asɛm yi botum ekenyan wo ma ahwehwɛ obi. Nsɛmbisa a ɔtse dɛ iyinom botum ama w’akenkan akwankyerɛ:

• Ebɛn ahosiesie na Jacob yɛe dze hyiaa Esau?

• Ebɛnadze na ɔda edzi ma wo fa Jacob ne mpaabɔ a yehu wɔ Genesis 32:9–12mu ho?

• Ebɛnadze na isũa fa bɔnfakyɛ ho fi Esau ne fasusu mu?

• Agyenkwa no besi dɛn botum aboa hɛn ma yɛasa ebusua nkitahodzi yarba?

• Ama etsĩ Rebekah n’ayamuyie fasusu a ɔyɛ ahomka mu no, ibotum dze mfonyin no a ɔwɔ ase anaa dapɛn yi ne dwumadzi krataafa akyerɛ wo mbofra ber a ebɔ asɛm a ɔwɔ Genesis 24:10–21 mu no tɔw. Wo mbofra no enyi botum agye dɛ wɔreyɛ asɛm no ne ɔyɛkyerɛ. Iyi botum egya akɔ nkɔmbɔdzi a ɔfa ayamuyie ndzeyɛe ho a ɔwo na wo mbofra ehu.

• Susu dɛ wɔbɔbɔmu atow ayamuyie ho ndwom tse dɛ “Kindness Begins with Me” (Children’s Songbook, 145). .Wo mbofra no botum etsie nsɛmfua “ayamuyie” (anaa asɛmfua biara a ɔtse dɛm) na sɛ wɔtse a wɔasor egyina hɔ. Yebesi dɛ botum ayɛ ayamuyie tse dɛ Rebekah?

• Susu dɛ edze “Jacob and Esau” (wɔ Old Testament Stories mu, 38–41) bedzi dwuma dze aboa wo mbofra no ma wɔatse asɛm no ase wɔ Genesis 25:21–34 mu. Bia wo mbofra no botum esusu dɛ Esau ebisa hɔn afotu fa sɛ ɔmfa ne mpanyindze nsesã edziban ho a. Ebɛn asɛm na wɔbɛkã akyerɛ no?

  

  2:5

• Ebɛn ndzɛmba na ohia afebɔɔ ma ɔwo na wo mbofra? Bia wo mbofra no botum ahwehwɛ mfonyin anaa ndzɛmba a ogyina hɔ ma ndzɛmba yinom. Yebesi dɛn botum akyerɛ Ewuradze dɛ ndzɛmba yinom hia ma hɛn?

• Ber a wɔbɔ mu kenkan Genesis 28:10–22 no, ibotum dze atwer anaa (mfonyin bi a ɔtse dɛ ma ɔwɔ n’apɔwdo n’apɔwdo yi n’ewiei no) dze akasa afa mbrɛ osi ma hɛn ahyɛmudzi horow tse dɛ atwer ho. Bia wo mbofra no botum epetuw dɛ wɔrofow atwer, na anamɔn kor biara a wobotu no, kasa fa mber a yɛbɔ anohoba dɛ yɛbɛyɛ setsie ama Nyankopɔn, tse dɛ mber a wonuma hɛn, yedzi sacrament no, anaa yɛkɔ temple ho. Hɛn ahyɛmudzi horow si dɛn dze hɛn bɛn Nyankopɔn yie?

• Ibobue nyiyimu yinom enyi no, ibotum akyerɛkyerɛ mu dɛ ayawdzi mfe pii ekyir no, nna Jacob rikehyia Esau bio. Hom mbɔ mu nkenkan Genesis 32:6-11. Ebɛn atsenkã na Jacob nyae? Ebɛnadze na ɔyɛe dze nyaa mboa? Hom mbɔ mu nkenkan Genesis 33:1–4 mfa nhwehwɛ mbrɛ Ewuradze sii yi Jacob ne mpaabɔ ano. Sɛ Jacob na Esau rutum akasa akyerɛ hɛn ndɛ a, ebɛn asɛm na wobotum akã dze aboa hɛn sɛ wentwiwentwi wɔ hɛn ebusua mu a?