Easter

Nsɛnsin pii wɔ Ahyɛmu Dadaw no mu a ɔkyerɛ kɔ Agyenkwa no no somdwuma na werdam afɔrbɔ no ho. Nhyehyɛɛ a ɔwɔ ase no kyerɛ nsɛnsin yinom bi. Ber a ekenkan nyiyimu yinom no, ebɛn nkenyan na inya fa Agyenkwa no?

Nkɔnhyɛsɛm horow a wɔkyerɛkyerɛ Agyenkwa no no ho asɛm no mpo dɔɔso na wɔda edzi pefee wɔ Mormon Nwoma no mu. Hwɛ mbrɛ nsɛnsin tse dɛ iyinom woesi ahyɛ wo gyedzi dzen: 1 Nephi 11:31–33; 2 Nephi 25:13; Mosiah 3:2–11; Alma 7:10–13.

Nda a odzi ekyir nkɔnhyɛfo kɔ do gye Jesus Christ na No werdam somdwuma no ho dase soronko. Ber a itsie wiadze mfɛndzanan ehyiadzi mu nsɛm Easter yi dapɛn n’ewiei no, hyɛ Christ no ho dase a ebɛtse no nsew. Ebɛnadze na wɔkyerɛkyerɛ wo fa No ho?

Easter yɛ dɛwdzi ber, osiandɛ ɔyɛ mber a yɛhyɛ Agyenkwa no Werdambɔ na Wusoɛr ho fa. Na mbom, Easter ber no mpo, nkorɔfo pii wɔ hɔ a wɔnntse dɛwdzi ne nka osian siantsir ahorow bi ntsi. Ebɛnadze na ibotum ayɛ dze akyɛ Agyenkwa no n’asomdwee na dɛwdzi Easter ber yi?

Adwenkyerɛ kor nye ebɔhwehwɛ nsɛm wɔ kyerɛwsɛm no mu a ɔfa asomdwee na dɛwdzi a Jesus Christ dze ma no ho, tse dɛ iyinom: Ndwom 16:8–11; 30:2–5; Isaiah 12; 25:8–9; 40:28–31; John 14:27; 16:33; Alma 26:11–22. Hwɛ mbrɛ ibesi botum nye binom akyɛ nsɛm yinom. Mfatoho, bia ibotum ayɛ Easter nkrataa fɛɛfɛw a ogyina nsɛm yinom do na akyɛ. Mpaabɔ mu hwɛ hɔn a wohia dɛ wonya wo Easter nkyia no. Ibotum so esi gyinae dze akyɛ wo nsɛm no wɔ social media do, a nyimpa pii botum ehu.

Asɔr ndwom a ɔfa Christ na no Wusoɛr no ho, tse dɛ “He Is Risen!” (Asɔr Ndwom, nkanee 199), botum so aboa hɛn ma yɛatse asomdwee, na dɛwdzi nka wɔ Easter ber mu. Hwehwɛ nkasasin wɔ asɔr ndwom no mu a wɔ wo adwenkyerɛ mu no ɔkyerɛ Easter dɛwdzi no.

Hwɛ Jeffrey R. Holland, “Not as the World Giveth,” Liahona, Esusow Aketseaba 2021, 35–38; Mark S. Palmer, “Our Sorrow Shall Be Turned into Joy,” Liahona, Esusow Aketseaba 2021, 88–90.

Dwumadzi bi nye yi a obotum aboa wo ma ehu nhyira pii a ɔnam Jesus Christ na No Werdambɔ do dze ba. Kenkan kyerɛwsɛm no a ɔwɔ ase a ɔfa dza Jesus Christ boa hɛn ma yedzi do nkonyim ho. Bɔ mbɔdzen dɛ ebɛkyekyɛ nsɛnsin no egu ekuwekuw yinom mu: bɔn, owu, nsɔhwɛ, na mberɛwyɛ, (nsɛnsin binom botum ahyɛ nhyehyɛɛ bɔbor kor mu). Ber a ekenkan no, ebɛn nkenyan na inya fa Agyenkwa no tum ho?

• Isaiah 61:1–3

• Ezekiel 11:26–28

• Matthew 11:28–30

• Luke 1:46–55

• Romefo 8:35–39

• Alma 7:10–13

• Alma 11:42–45

• Alma 58:11

• Moroni 10:32–33

• Nkyerɛkyerɛ na Ahyɛmudzi 19:15–19

• Moses 5:9–12

Ibesi dɛn akyerɛkyerɛ mu akyerɛ nyɛnko bi a ɔnnyɛ Christianyi siantsir kor a Jesus Christ hia ma wo? Elder Ahmad S. Corbitt n’asɛm “Do You Know Why I as a Christian Believe in Christ?” (Liahona, Esusow Aketseaba 2023, 119–21) botum aboa.

Hwɛ Reyna I. Aburto, “The Grave Has No Victory,” Liahona, Esusow Aketseba 2021, 85–87; Topics and Questions, “Atonement of Jesus Christ,” “Resurrection,” Asɛmpa Nwoma Korabea so.

Ebɛnadze na isũa fi nyiyimu a odzi do no fa akatua a Jesus Christ tuae ma wo nkwagye ho: Isaiah 53:3–5; Mosiah 3:7; Nkyerɛkyerɛ na Ahyɛmudzi 19:16–19? Ebɛn akatua na Ɔsor Egya tuae? (hwɛ John 3:16).

• Easter dapɛn no yɛ mber papa dɛ ekyerɛkyerɛ wo mbofra no fa dza Agyenkwa no yɛe maa hɛn wɔ Gethsemane na wɔ mbeamudua no do ho asɛm. Ibotum dze mfonyin a ɔwɔ ase no akyerɛ hɔn dze ahyɛ ase na ama hɔn kwan ma wɔakã dza oirisi wɔ mfonyin no mu ho asɛm. Ber a wo mbofra no rohwɛ mfonyin no, ibotum akenkan nyiyimu a ɔrekã dza orisisi yinom ho asɛm (hwɛ Matthew 26:36–46; 27:35–50; Luke 22:39–46; John 19:16–30). Wo mbofra no botum akyerɛ ndzɛmba a ɔwɔ mfonyin no mu a wɔtse no wɔ nyiyimu yinom mu no.

• Osian Jesus Christ n’afɔrbɔ ma hɛn no ntsi woesi dɛn ehyira hɛn? Boa wo mbofra no ma wɔnhwehwɛ nkasafua na nsɛnsin a woyi nsɛmbisa yi ano wɔ Isaiah 53:4–12; Alma 7:11–13; na Nkyerɛkyerɛ na Ahyɛmudzi 19:16–19 mu. Hom akenkan kyerɛwsɛm yinom ekyir no, hom nye homho nkyɛ atsenka a wonya no wɔ Agyenkwa no ho.

• Ibotum dze dapɛn yi no dwumadzi krataafa no anaa mfonyin bi so wɔ n’apɔwdo n’apɔwdo yi mu no edzi dwuma dze akã Wusoɛr no ho asɛm akyerɛ wo mbofra no (san so hwɛ “Jesus Is Risen,” wɔ New Testament Stories mu, 139–44). Nkyii ma wo mbofra no nsan nkã asɛm no nkyerɛ wo.

• Hwɛ mbrɛ ibesi bɔboa wo mbofra no ma woenya dɛwdzi wɔ Christ mu Easter ber yi. Mfatoho, hom botum abɔ mu atow Easter asɔr ndwom a wɔpɛ tse dɛ “Christ the Lord Is Risen Today” (Asɔr Ndwom, nkanee 200) anaa “Gethsemane” (Asɛmpa Nwoma Korabea). Ebenya ndwom bi a ɔfa Wusoɛr no ho a, ibotum ahwɛ topical index wɔ Hymns na Children’s Songbook mu. Ɔwo na wo mbofra botum akyɛ siantsir kor a hom pɛ ndwom yinom na atsenkã a hom nya sɛ hom tow ndwom yinom a. Ebɛnadze na ndwom yinom no kyerɛkyerɛ hɛn fa Ɔsor Egya na Jesus Christ ho?

• Asɛmpa Nwoma Korabea wɔ Easter videos mboano a wo mbofra hɔn enyi botum agye ho. Bia ibotum ama woeyi kor na wɔahwɛ. Bisa hɔn dza wosũa fa Jesus Christ ho wɔ video no mu ho asɛm. Ibotum asan so ebisa hɔn ma wɔabɔ video no mu asɛm no tɔw wɔ asɛntɔw kor mu.

• Ber a enye wo mbofra no bɔ mu hwɛ wiadze mfɛndzanan ehyiadzi Easter dapɛn n’ewiei no, boa hɔn ma wonhu mber a Agyenkwa no n’adasefo etsitsir no gye Wusoɛr no ho dase. Bia hom botum ayɛ no ho agordze—to nsa frɛ hɔn ma wɔnsoɛr ngyina ber biara a wɔbɛtse nkasafua tse dɛ Easter anaa Werdambɔ anaa Wusoɛr. Hom nye homho nkyɛ siantsir kor a hom enyi sɔ nkɔnhyɛfo atseasefo hɔn dasee fa Agyenkwa no ho.