Genesis 12–17; Abraham 1–2

“Gadad gubin magdad berin’ epi n’en nikad guyed nibe rin’ e pi tabinaew nge yalen rodad,” Elder Neil L. Andersen e yoeg, “ma arme chiney e gumnang nibay bang u fithikdad ni rabogdad mabe gagiyog nag nge sunmiy. … Ma aram, pi finey rodad e nipi’ e yafos ngay miybeguy u fithik e melmel’eg rodad ngu fithik ngolendad” (“Educate Your Desires, Elder Andersen Counsels,” ChurchofJesusChrist.org). Mulemnag ragon nirin’ Abraham 1:1–19 e n’en nibeyoeg Elder Andersen. Duwer niwoed e biney e sana rapi’ e ayuw:

• Mange athpeg Abraham? Urogon ni n’en nibe athpeg ebe m’ug ko ngongol rok? Urogon nirin’ Got epi n’en nibe athpeg?

• Mange gabe athpeg? Urogon nibe m’ug ko ngongol rom? Urogon nibe rin’ Got e tin nagbe athpeg?

• Mang bathin nibay kore verse ney nifan ko girdii’ ni choenggin e tabinaew rorad e danir athpeg e tin nib mangil?

Ben’en ni ri’i athpeg Abraham nge Sarah—e ngar fakayew e bitir—e bukun e duw nikeyan mada’ nibuch muguy ko Genesis 15:1–6). Mange gabe fil ko Hebrews 11:8–13 u marnge’gen ere gafgowney ni mad’eg Abraham nge Sarah? Urogon nibe aywegem fare Tathpeg ngam “fanay” fapi michmich Roek, nirkab “palog nga urel”?

Mukum guy ko “Deliverance of Abraham” (video), Gospel Library.

1:38

Mongfan nib ga’fan ngom ningam nang marnge’gen fare tha’ ni ngongliy Got ngak Abraham? Nibchane Got e ba adag ningki ngongliy ere tha’ nem ngom. Ke micheg ni re tha’ ney e kure ulul iyan ku pifak Abraham, fa “awoch” ma “urngin nira feke ere gospel ney eyra … uneg ko fapi awoch” (muguy ko Abraham 2:10–11). Reb niybe yioeg, fare tha’ ebe ulul ngom—u napon nikan tawfe nigem makub piloe’ u napon nibay mu ngongliy fapi tha’ u lane temple (muguy ko Galatians 3:26–29; Doctrine nge Covenants 132:30–32).

Aramfan, ni sana ngam fil e Abraham 2:6–11 mag yoeloey ngabut ko rimang, e, micheg Got ku Abraham nge Sarah (muguy ko Genesis 12:1–3; 13:15–16; 15:1–6; 17:1–8, 15–22). Urogon ngom epi taw’ath ney?

Boech epi micheg ney eb manemus rogon. Urogon ni michmich niwoed bangi binaew ni fanay fa pifakay nibo’or ekan muruwliy u fithkey? muguy ko Doctrine and Covenants 131:1–4; 132:20–24, 28–32).

Kopi taw’ath nikan micheg, Got e yoeg kmu Abraham ninge mang “be rebe taw’ath” (Genesis 12:2; emphasis added). Mange gabe lemnag nibe yipfan? Urogon nigra mang rebe taw’ath? (muguy ko Abraham 2:11).

Fa’anra nganfil marnge’gen e tha’ Elder Dale G. Renlund e weliy e n’ew u lan fare lul’ ko Amazon, ma President Emily Belle Freeman weliy marnge’gen e yan u ba kanawo’ nibsug e malang triy mab m’ing tungun’ey (muguy ko “Mufek Gelngin Got u fithik e Tha’,” Liahona, May 2023, 35–37; “Yan u fithik e Tha’ ngak Kristus,” Liahona, Nov. 2023, 76–79). Mugay ko ta’reb fa yow l’agrow e gali thin ney nigbe gay komang ere ayweg fare duwer “Mongfan niba adag Got ninggu ngongliy e tha’ Ngak?”

Mukum guy e Topics nge fapi Duwer, “Tha’en Abraham,” Gospel Library; “Bugithin ningam tafney nigen riy: Fare Tha’,” u lane ren’ey.

Mu finey nigbe yoeg Melchizedek ngak be’ ni da’ninang Melchizedek. Mange garyoeg? Musapnag boech e idea ko Pilyeg ku Joseph Smith, Genesis 14:26–27, 33–38 (u lane Bible appendix); Alma 13:13–19; Doctrine nge Covenants 107:1–4. Mang boech rarogon Kristus nikam pir’eg u marnge’gen Melchizedek? Yafos ku Melchizedek ni’umfil urogon nike aw ngarogon nigbe guw fare Melchizedek Priesthood?

Mange kamfil u rogon e tafney ku Abraham ko fla’ab ko Genesis 14:18–24 nge Pilyeg ku Joseph Smith, Genesis 14:36–40 (u lane Bible appendix)? Ba rogon, musap ko mange yoeg kofare pilung nu Sodom u lane Genesis 14:23. Gabefol kofare motochiyal ko tithing ere Urogon nike thilyeg rogon nigbe sap ko salpiy?

Baymu be’eg e Genesis 16, mulemnag bingyal’ nikam thamiy ni danur tareb nigem ko gidii’ nibfel’ rogon, ni wod rogon Hagar. Ngnam nang ni “Ishmael” ebe yipfan “Got murung’ag lamanmad.” Urogon nibe dag Got ngom nike rung’ag lamam?

Mukum Guy ko “Secret Prayer,” Hymns, no. 144.

• Gur nge pifakam e Bayme be’egged e Abraham 1:18 nge 2:8, moeg ngorad ngar motoyilgad ngafidngan bang i doewngiy nibayni noeg u lane verse ney. Sana rayog ningam tay rebe gosgos ninge ning rebe bitir oewchen mag koel pa’ magyan nag i yan ngabang. Mag weliy rogon niybe thamiy ni fa’anra Yesus Kristus eke koek pa’dad nge pow’iydad fa yiroriy dad.

• Pifakam e sana yad ba adag ning ranoed u ya’an fare yat u lane Genesis 13:5–12, nigar susun niged niyad Abraham, Lot, nge girdii’en e gamanman. Urogon nigadad rarin’ niwoed nike rin’ Abraham ningad fal’eg e gapas ko tabinaeew rodad nge pi fager rodad? Mmanu ya’an e fulweg rorad.

• Mudag ngak pifakam ba taray i yan’, fapi t’uf u lanelang ni nep, fa fare sasing u tungun e ren’ey. Ren’ey era aywegrad ngarnanged fapi n’em ni micheg Got u lane Genesis 13:16; 15:1–6. Muweliy rogon nikam fil ninge pagan’um kofapi michmich rok Got, u napon nibayni m’ug nidabiyog i muruwliy.

• Ra ngam fil ku pifakam marnge’gen fapi tha’, moeg ngorad ngaroegned ngom bingyal’ nikar fal’egged rebe michmich fa be’ nike micheg ban’en ngorad. Fa’an rapi’ e ayuw, magpi’ boech e rogon—niwoed fapi tha’ nikam fal’eg ngak Got u napon e tawfe fa temple. Urogon ni fapi tha’ rom ebe aw nga tha’en mew Got? Mumel’eg in fapi thin ko Genesis 15:1–6; 17:1–8; Abraham 2:9–11 mag weliy boech fapi taw’ath ni micheg Got ngak Abraham nge Sarah.

• Ngan ayweg pifakam ngar fal’eged rograd ngar ngongliyed rebe tha’ ngak Got u napon nibay ni tawfe nagrad, marayog ningam murwel ngaboech fapi ideas ko actuivity u lane appendix A or appendix B.

• Napon ni yani par e yafos ku Abraham ngafithik e oloboch, me pining Got. Napon ni immoey Hagar u daken e ted ni yigo’ ir, me nang nike rung’ag Got lungun. Muweliy ku pifakam e gali yat ney: “Abraham nge Sarah” nge “Hagar”u lan fapi yat ko Bin Kakrom e M’ag, 28–31, 32–33. Mange gadad be fil u marnge’gen Got kop yat ney? Ere rayog ningam weliyed ngomed napon nikam thamiyed nike rung’ag Got lammed. Ba tang niwoed “Ba Mebil ko Bitir” (Children’s Songbook, 12–13) e rapi’ gelngin kenggin ere yalenney.

2:20

1:23