Genesis 6–11; Moses 8

Ra ngam sap e pi’nen ufithik’ e weliy morunga’agen e ran rok’ Noah ni woed rogon e ran rodad daba’? Woed, mu guy u Moses 8:15–24, 28. Mang e pi’nen ni ma buch bayay nge bayay?

Ta’areb e banen ni ta’abrogon ni ma sap ir Got ke pinning Noah nike mang e profet, nge Ir ba pinning e profet daba’. Rayog ni ngam yoloy ngadakaen e babyor e pi’nen nib riyul gara fil morunga’agen e pi profet ko Moses 8:13–30. Urogon Noah ir boed rogon e profet rodad daba’? Be riyul, fare profet daba’ dab kuruf e thin morunga’agen e Ran nike tharey fa pinning dad ni ngad toyed e barkow. Mang e pi’nen ni ke kuruf e thin ngodad? Nge mang irba pinning dad ni ngand rrin’ed? Me ayuweg ni nge fulweg e pi duwer ney, rangam bi’eg e guruy u lan Teachings of Presidents of the Church ni bay u Gospel Library, nib ga’ e yang ni “Invitations and Promised Blessings”. Sana rangam mel’eg ta’areb e kuruf e thin nge ta’areb e pinning gabe lemnag nib gaa’ ngom.

Elder Allen D. Haynie nike fil, “Chitimangiy nib machalbog nib sumunguy nike mel’eg e wo’en ni nge pii’ e tin riyul’ ngak e pifak ufithik’ e profet” (“A Living Prophet for the Latter Days,” Liahona, May 2023, 25). Mu lemnag ni ngam fil e milwol rok’ Elder Haynie, me pir’eg e fan ni bay e profet ir e pow ko t’uf rok’ e Chitamangiy ni bay u Tharmiy. Urogon e fol rom ko profet rok’ Somoel nima matangiyem ulan tin tomur e rran?

Kamu guy ko Topics nge Questions, “Prophets,” Gospel Library; “Why Do We Have Prophets?” (video), Gospel Library.

1:37

Boch e gidii’ me lemnag morunga’agen e justice rok’ Got napan nike pii’ e raen nike tharey me “thang owchen urngin e girdi’” (Genesis 6:7). Elder Neal A. Maxwell nike weliy napan e ngiyal’ nem, “tin nib kireb ni ke mang nib yo’or make gaythy nag e gelngin ko mel’eg ere ,ufithik’ e justice, reb e pi ya’el dabiyog ni ngar yib ura’” (We Will Prove Them Herewith [1982], 58). Rayog ni ngam lemnag urogon fare Raen nike Tharey nike mang e ngongol nib murunguy. Mang ni ngam sapgad ulan Genesis 6:5–13 me dag e murunguy nge adag rok’ Somoel ngak e gidii’en?

Ulan Genesis 9:8–17, mang e pow riy’ ko ragim? Mang e Joseph Smith Translation, Genesis 9:21–25 (ulan fare Bible appendix) me un ko e ganop rom? Rangam lemnag ni ngam yoloey e pi’nen (woed e pow, fa banen, fa reb e tiney) me Got nike pii’ ngom nima pug uran ngom ko m’ag rom. Mang e pi’ney nima fil ngom? Uw rogon ni rayag ni ngad ayuwegem ni ngam tay e wun’em?

Kam muguy ko Gerrit W. Gong, “Always Remember Him,” Liahona, May 2016, 108–11; “Reverently and Meekly Now,” Hymns, no. 185.

Fare yaat morunga’agen e gidii’ ku Babel ni kar toyed e wulyang mem pii’ e tin nib thil ko fare cheppen ku Enoch nge gidii’en ni kar toyed Zion, ni kam filed fa binem e wiik kafram. Gali ulungi gidii’ kar guyed rogon ni ngar yaen nga tharmiy machane udakaen e rogon nib thil. Urogon e gidii’ nu Zion ni kar thapeged tharmiy? (Muguy ko Moses 7:18–19, 53, 62–63, 69). Mang gabe fil ko Genesis 11:1–9 nge Helaman 6:26–28 morunga’agen e gidii’en ku Babel? Mang e be pil ngodad morunga’agen e ngongol rodad ni ngayag ni ngad suled Ngak? Mang e ayuw Got ni ke pii’ ngodad ni nge ayuwegdad me “yan i tun ko lang”? (Genesis 11:4; kum muguy ko John 3:16).

• Bo’or e bitir ni ba’adag e yaat’ ko Noah nge fare Barkow Mpi’ e kanawo’ ngoraed e bitir e rogon ni ngar weliyed e n’en ni kar filed. Me ayuwegem, rangam dag fapi sasing ulan e babiyor ney, “Noah and His Family” ulan Old Testament Stories (22–25), nge bin dalip e vers u “Follow the Prophet” (Children’s Songbook, 110–11). Bitir rom me gabe adag ni ngar rrin’ed e gosgos ko pi yang ko yaat ney—ni woed, rayog ni ngar susun nag ni be fal’eg e barkow fa ranoed u buut ni woed e gamanman ni ngar yaen ngalan e barkow.

• Napan ni ngam nongad u ta’abang morunga’agen Noah, mu ayuweg e fakam ni ngam guyed e tawa’ath ni bay e profet rok’ Got udakaen e feylang daba’. Mu ayuweg e fakam be pir’eg e pi’nen ni ke machib nag Noah ulan Moses 8:16–24 ni ba ta’abrogon e pi’nen e profet rok’ Somoel me machib nag daba’. Uw rogon ni ngaed thapeged e tawa’ath napan gadad be folgad e machib ney?

• Sana e fakam me ba’adag ni ngar yoloey e ragim napan ni ngam weliy e pow riy’ (muguy ko Joseph Smith Translation, Genesis 9:21–25 [ulan fare Bible appendix]). Mang e Got ni ba’adag Noah nge tabinaw rok’ ni ngar lemnag napan ni ngar guyed e ragim?

• Rayog ni ngam dag e fakam e pi’nen nima pug uran ngom morunga’agen e pi’nen nib ga’fan ni ke buch u yafos rom, woed e ring ko mabgol, sasing, fa babyor ni journal. Mu pii’ e rogon ngak e bitir e rayog ni ngar weliy e tin nike buch ngoraed. Binem me sunmiy e rogon ni ngam sabathin gad morunga’agen e pi’nen nima pug uran dad e m’ag rodad, woed fare sacrament, nima pug uran dad e m’ag rodad ko tawfe ni ngad leaked Yesus Kristus (muguy ko Doctrine and Covenants 20:75–79).

• Sana ra mang a falfalaen’ napan ni ngam toyed e wulyang ko pi block fa reb e pi’nen ko fakam. Napan ni ngam rrin’ed, mu weliy e gidii’ ku Babel kar lemnag rayog ni ngar ranoed nga tharmiy fa’an ni kar toyed e wulyang nib th’abi tolang. Me rayog ni ngam guyed e sasing ko Tathapeg nge fith ngak’ e fakam urogon Ir nike fal’eg e rogon ni ngad dared nga tharmiy. Me tomur rayog ni ngam sabathing gad morunga’agen boech ban’en nrayag ni ngam rrin’ed ni ngam leaked ngak fare Tathapeg.

• Nge ku arragon e bi’eged ko yaat nifan fare wulyang ko Babel ulan Genesis 11:1–9, gur nge fakam rayog ni ngam bi’eged Helaman 6:28. Ulan e vers ney, mangfan e gidii’en ku Babel ni kar toyed e wulyang? Mangfan ir kireb me toy e wulyang ni ngam dared nga tharmiy? Tomuren rayog ni ngam sapgad e 2 Nephi 31:20–21 nge Helaman 3:28 ere rayog ni ngam pir’eged e rogon nib fel’rogon ni ngad dared nga tharmiy. Mang e pi’nen rayog ni ngam mog ngak e gidii’ ku Babel?