“February 2–8. ‘Somoel e ma Pining Fidingan e Gidii’ Rok ni Zion’: Moses 7,” Moey, Ngam Lakeg—Fan ko Tabinaw nge Galasia: Bin Kakrom e M’ag 2026 (2026)
“February 2–8. ‘Somoel e ma Pining Fidingan e Gidii’ Rok ni Zion’,” Moey, Ngam Lakeg: 2026
Enoch ni guy engiyal’ nikanog e Meridian of Time ngay, ke yib rok Jennifer Paget
February 2– 8: “Somoel e ma Pining Fidingan e Gidii’ Rok ni Zion”
Moses 7
Kab kakrom iyib, ma bo’or e gidii’ nima gay rogon ninge par niwod rogon e par ku Enoch nge gidii’ rok: ngan par ni dariye gafgow nge cham ufithikey. Gadad ni gidii’en Got, e kagadad ma gay rogone biney. Ma gadadma yoeg fidingan ebiney ni toey tigil’ yu Zion, nib mu’un e—ayuweg e gidii’ ngay nib gafgow nge ognag e gapas—ngongliy e m’ag, par u tabaang niyibe rin’ e mat’aw, tareebnagdad nga ta’abang nge ngak Yesus Kristus, “ni’ir e fare Pining nu Zion” (Moses 7:53). Fa’anra fayleng, nge binaew rom, fa tabinaew rom e dawri rin’ niwod rogone biney, ma bayni gara fith, Ba uw rogon ni rin’ Enoch nge gidii’ rok e biney? Uw rogon ni “taareb gum’irchca’enrad nge tafney rorad” (Moses 7:18) ni demuturug rogon e pi togopluw nibayu thilrad? Ko gubin ban’en nibay ko Moses 7 ko mornga’agen yu Zion, bin th’abi fel’ nifan ngak e Gidii’en Got ko Tin Tomur e Rran eba’aray: Zion e gathi kemus bangi binaew—ya bang nibe yan u rogon e Kan Thothup nge tin nibay ulan gum’ircha’ey. Wod rogon ni machib nag Somoel, Zion e, “rogon fani polo’ e tin nibay ulan gum’ircha’ey” (Doctrine and Covenants 97:21). Ere sana kanawo’en nibfel’ ningan toey tigil’ yu Zion e nge tabab ulan gum’ircha’endad nge lan fapi tabinaew rodad.
Boech Rogon Nrayog ningan Mo’nognag e Machib u Tabinaew nge Galasia
Moses 7:16–21, 27, 53, 62–69
Rayog ni nggu pi’ e ayuw ko toey tigil’ e Zion.
Yin som’on ni fil Profet Joseph Smith mornga’agen Enoch nge fare binaew rok’ nirib Thothup, eri yib boche thogthog ngak. Ke “nang ni kabi tow ko fare ran ni Somoel e bayki yarmiy rogon Zion biyay u dakean e fayleng” (Saints, 1:108–9), ma arame tababi pi’ e ayuw ko toey tigil’ e Zion. Be’eg e Moses 7 erayog ninge pi’ e athamgil ngom ngam ul’ul’ ko biney e muruwel e doba’.
Bayni gara fith boeche duwer niwod e “Mang e Zion?” nge “Ba uw rogon nib thil ko tin nibayu fayleng ban’en?” Rayog ni ngamu yoloey e pin’en nibay iyib ngom ko napon e ngiyal’ ni gabe fil e Moses 7, nrib ga’ ni tin ba’aray e verses 16–21, 27, 53, 62–69.
Fulweg ni gara thapeg ko pi duwer ney ebay nira tomilang nag ngom nire muruwel ney e rikab bo’or ban’an ningan rin’ riy ningan toey tigil’ e Zion. Urogon ni rayog ngad thapeged e thothup? Biney era ayuwegnem ni fa’an gara tafney nag bangiyal’ nikam thamiy nib “taareb gum’irchca’em nge tafney rom” ngak be’ (Moses 7:18). Sana biney e buch ulan e ward rom, fa lane tabinaew rom, fa lane ulung ko tomurwel fa sukul rom. Mange rin’ e gidii’ me ngongliy rebe ulung nib yul’yul’ e gidii’ riy?
Ba’aray boche ayuw nra pi’ boche tafney nge lem ngom. Mel’eg tareb fa boch ningam fil, nge mu’ mag yoloey ngabut’ etin nikan thogthog nag ngom ko rogon ningam pi’ e ayuw ko toey tigil’ e Zion.
-
Filippi 2:1–4; 4 Nephi 1:15–18; Doctrine and Covenants 97:21; 105:5.
-
Ulisses Soares, “Brothers and Sisters in Christ,” Liahona, Nov. 2023, 70–73.
-
D. Todd Christofferson, “One in Christ,” Liahona, May 2023, 77–80.
Ba’adag Got ni gidii’ rok e nge “taareb gum’irchca’enrad nge tafney rorad” (Moses 7:18).
Moses 7:53
Yesus Kristus e ire “fare Pilung nu Zion.”
Mange be yipfan ngom ni Yesus Kristus e ir e Pilung rom? Kum guy boch fithingan Yesus Kristus nib thil kore verse ney. Mange yadbe fil ngom ko mornga’agen? Mange gabe tafney nag nibe yipfan ni nganib “ngalan fare garog min [palaethir] iyan [ngak]”?
Nkgum guy ko “Come, O Thou King of Kings,” Hymns, no. 59.
Moses 7:28–69
Got e ma yor nag—ma kuma falfalaen’—ngak pifak.
Boche gidii’ e maguy ni Got e wod be’ nib palog ma darma thamiy e tin nima buch rodad. Enoch e guy nib thil rogone biney nima rin’ Got u dakean ba yi’iy nin thogthog nag ngak nikan yoeloy mornga’agen ngalan e Moses 7. Mang e kefil ni mornga’gaen Got—nge mange kam fil—ulane verses 28–40? Mangfan ni gin owchen Enoch ngay napan niguy Got nibe yoeg? Mangfan nirib ga’fan ni ngam nang ko mang ebe rin’?
Napan ni kube ul’ul’ fare lik’ay ku Enoch, maki un ko yoer. Machane maki pi’ Got ngak fan ni nge falfalaen’. Musap nag mornga’agen ulan e Moses 7:41–69. Mang e rayog ni ngamu fil ko lik’ay ku Enoch nra “pi’ e faflalaen’ ngomk,” ni demturug rogon etin nib “momaw’” nibe yib ngalane yafos rom (verse 44)?
Ngkum guy ko Jeffrey R. Holland, “The Grandeur of God,” Liahona, Nov. 2003, 70–73.
Moses 7:59–67
Ra sul biyay Yesus Kristus ko tin ntomur e rran.
Lik’ay ku Enoch, ni’ir ekan yoloey mornga’agen ko Moses 7:59–67, e ireb e yin som’on nin thapeg e prophecies ni mornga’gaen fare bin L’agruw e Wub rok fare Tathapeg. Mange kamguy ni gaba’adag ko rogon nikan weliy mornga’agen etin ntomur e rran? Woed ni, mu lemnag ko mange gabe tafney nag ngay ko fapi prophecy nibay ko verse 62 nike buch. Mange befil e pi thin ney ngom ko mornga’agen e muruwel ku Got ko tin ntomur e rran?
Ngkum guy ko Henry B. Eyring, “Sisters in Zion,” Liahona, Nov. 2020, 67–69.
Ko boech reb, mu guy fare Liahona ko biney e pul nge Fan ko Gelngin e Pi’in ni Fal’yangren pi magazine.
Boech Rogon ningan Machibnag e Bitir
Moses 7:18–21, 62–63, 68–69
Ba’adag Got ni gadad gubin mange “taareb gum’irchca’endad nge tafney rodad.”
-
Ra ngam ayuweg pifakam ni ngar filed mornga’gen Enoch nge Zion, marayog ni ngamu guy ko “Enoch ni Profet” ulan Fapi Yaat ko Bin Kakrom e M’ag (19–21) fa bin l’agruw e verse ko “Follow the Prophet” (Children’s Songbook, 110–11). Nge mu’ magfith ngak pifakam ni ngar weliyed mornga’gen fare yat ko rogon ni rayog rorad. Fapi sassing ni ya’an Enoch ko biney e outline e rayog ninge ayuwegney.
-
Ba’aray reb kanawo’en nrayog ningam ayuweg pifakam ngar nanged fan en’en nibe yipfan e “taareb gum’irchca’endad nge tafney rodad” (Moses 7:18): Fal’ag ya’an rebe hart mag the’eb niba achichigyang nrareb fapi bitir min pi’reb ngak. Ra bogyad me yoloey fidingan nga dakean farengi babyor miyad muruwel utabaang ni ngar puthuyed fare hart nga tabaang. Napan e yadbe rin’ e biney, marayog ni ngamu weliy ban’en ni gaba’adag ni mornga’agen reb fapi bitir.
-
Mu ayuweg pifakam ni ngar the’egned urngin e thin nibe m’ug ni kanog e “Zion” ngay ulan e Moses 7:18–21, 62–63, 68–69. Urngin yay ni yadra pir’eg fare bugithin, mu ayuwegrad ngar gayed ko mange beyog fare verse ni mornga’agen e Zion (muguy ko fapi Kanawo’en e Fil Fapi Chep nib thothup, “Zion,” Gospel Library). Ba uw rogon marayog ni ngad boded e pi gidii’ ney nikan weliy mornga’agen ulan e pi verse ney?
Athamgiliy e fil e chep nib thothup. Demuturug ko gabe sensey nag e tabinaew rom fa rebe klass ko Sunday, rebe kanawo’en nrib mangil ni gara rin’ ninge ayuweg e gidii’ nge gelnag e mich rorad ngak Yesus Kristus e ngam ayuwegrad ni ngar guyed rogon ni nga i buch bogi ban’en nib thothup rorad nib mu’un e be’eg fapi chep nib thothup ngay. Mu weliy etin nibe buch rom kotin ni gabe be’eg ko fapi chep nib thothup, mag pi’ e athamgil ngak e tabinaew rom fa gathon e klass rom ni ngar weliyed etin nibe buch rorad. Napan e bayda rung’aged ni be’eg fapi chep nib thothup ebe tawa’ath nag e gidii’, mara pi’ e athamgil ngodad ni ngad sap niged epi tawa’ath ney nima yib rok Somoel. (Muguy ko Machib nag u daken e Kanawo’ Rok’ fare Tathapeg, 25.)
Moses 7:32–33
Chitamangiy nu Tharmiy e ba’adag ni nggu me’l’eg ni nggu laek.
-
Ra ngam weliy e Moses 7:32–33 ngak pifakam, ma rayog ni ngamu weliy ngorad ban’en nikar mel’eged. Nge mu’ magmed be’eg fapi verse utabang magmed gay epin’en ni ba’adag e Chitamangiy nu Tharmiy ni ngad mel’eged. Mang boch ban’en ni gadadra rin’ medag ni gadad be mel’eg? Sana rayog ninge yan pifakam u ya’an e pin’ey ni ngan mel’eg matin nikaby e ngar susun niged ko mange be yipfan.
Moses 7:59–67
Rasul Yesus nga fayleng.
-
Ulan e Moses 7:59, me fith Enoch ba duwer ngak Somoel. Mfith ngak pifakam ni ngar gayed, mag fith ngorad ni ngar pataged e fulweg kore duwer ney nibay ulan e verse 60. Ma krayog ni ngamu weliy ngorad bangiyal’ ni ur soen niged be’ ninge sul nga tabinaew. Mag fith ngorad ko mange kar thamiyed nge n’en nra rin’ed ko ngiyal’ niyad be soegnag. Uw rogon ni ngad fal’aged rogdad ko sul nibayi tay Yesus?
-
Mudag e sassing ni ya’an fare Tathapeg ko bangiyal’ ni yibe m’ug ngak e gidii’ (woed e Gospel Art Book, nos. 60, 82, 83, nge 84). Mang e ebe rin’ e gidii’ nibay ya’an ko fare sassing? Mang e gabe tafney nag ko rogon ni thamiy e gidii’ ko napon nra mada’ niged Yesus? Rayog ni ngam moen’ed rebe tang ni mornga’agen fare bin L’agruw e Wub rok fare Tathapeg, ni wod e “When He Comes Again” (Children’s Songbook, 82–83), nge mu’ magfith ngak fapi bitir ko mang e yad be tafney nag napan ni bayki sul Yesus biyay. Mpag fapi bitir ngar weliyed e pin’en niyadra thamiy napon e bayra guyed Yesus nisul biyay.
Maku boech, musap ko babiyor ko biney e pul ko fare Pi Tafager magazine.