Genesis 5; Moses 6

Napan ni ngam fil Moses 6:26–36, mang e pi’nen ni ngam fil morunga’agen e pi’nen nima buch bachaen e denen? Uw rogon nikam sap e pi’nem? Mang e pi’nen rok’ Enoch ni kar ayuwegen me gelnag e tiney? Urogon Got nike yibliy nag ngak’?

Fa’an nira yib ngom bo’or e magawon nifan e pi’nen nike fith Somoel ngom ni ngam rrin’, thamey nem ir yigo gur. Ma Enoch nike thamey binem napan nike pinning Yesus ngak’ ni nge mang e profet. Napan ni ngam bi’eg Moses 6:26–36, mu sap e fan rok’ Enoch nike thamey e magawon nge urogon fare Somoel nike pi athamgil ngak’.

Ulan fapi vers 37–47, rangam pir’eg e pi rogon fare Somoel nike ayuwegen Enoch nge pii’ gelngin ngak’ e rayog ni nge rrin’ e muruwel’ Rok’ (Mukum guy Moses 7:13). Rayog ni ngam ta’areb nag e pi’nen nike buch ngak’ Enoch ngak reb e pi profet ni kar lemang ni ire dariy rogon, woed ni Moses (muguy ko Exodus 4:10–16), Jeremiah (muguy ko Jeremiah 1:4–10), Nephi (muguy ko 2 Nephi 33:1–4), nge Moroni (muguy ko Ether 12:23–29). Mang e be lemnag Got me ba’adag ni ngam fil ko pi scripture ney morunga’agen e muruwel’ rok’ nike pii’ ngom?

Bo’or e pi apostle nge profet daba ni kar thameyed e pi’nen ni boed rogon Enoch napan ni kar weliyed urogon ni ngar thameyed napan ni kar thapeged e muruwel’ roraed. Bay susun ney, muguy ko fare testimony rok’ Elder Ulisses Soares ulan “Prophets Speak by the Power of the Holy Spirit” (Liahona, May 2018, 98–99).

Mang gabe fil ko pi profet nge apostle morunga’agen e thamey ko ti’nen ni dam cheeag. Bay e ngiyal’ rom ni kam thapeg e ayuw rok’ Tathapeg napan nike pinningem ni ngam rrin’ e pi’nen ni mo’omaw’? Mu lemnag ni ngam yoloey boch e pi’nen ni ra buch ngom napan gara bat’uf e ayuw rok’ Tathapeg. Urogon ni ngam fek tiney ni bay e mich rom ngak’ Yesus Kristus?

Mukum guy ko David A. Bednar, “Abide in Me, and I in You; Therefore Walk with Me,” Liahona, May 2023, 123–25; “I’ll Go Where You Want Me to Go,” Hymns, no. 270.

Bachane ni bay fare babiyor ku Moses, gadad manang Got nike michib ngak’ e fak ni ngar nanged urogon me thapeg e bayul ni ka’aram ko Adam nge Eva. Napan ni ngam fil Moses 6:48–68, mu pir’eg e pi’nen thingarda nanged nge rrin’ed ere ngad thapeged e bayul. Musap ko duwer rok’ Adam u verse 53. Bay bingyal’ nikam lemnag binem? Mang gaba fil nifan e fulweg rok’ Somoel u verses 53–65? Mang gabe lemnag morunga’agen e milwol rok’ Somoel u tawfe rok’ Adam? Mang e ni kam fil morunga’agen e tawfe ko milwol Rok’? Mang fan nike ta’areb nag e tawfe ko “gargeleg raed bayay”? (verse 59). Mang gara rrin’ ningam yul’yul’ e “gargeleg raed bayay” ufithik’ e yafos rom?

Tomuren nike fil ngak Adam e tin nib riyul’ morunga’age e gospel rok’ Yesus Kristus, ulan Moses 6:51–63, Somoel nike pinning ngak’ Adan ni thingari fil ngak e mfen nga m’on. Mu lemnag ni ngam yoloey fapi pi’nen nib riyul’. (Sana me ayuwegem ni ngam achigchig nag e thin nga buchuw e pi vers, woed ni verses 51–52, 53–57, 58–60, 61–63). Mangfan tiney nib riyul’ e ba gaa’fan nifan e mfen nga m’on daba’? Bay reb e pi’nen rayog ni ngam fil nifan e fonow rok’ Somoel ngak e galibthir ulan Mosiah 4:14–15 nge Doctrine and Covenants 68:25–28; 93:40–50?

Napan gara bi’eg morunga’agen e “babiyor ko puguran” e tabinow ko Adam nge Eva ni kar cha’ariyed me pii’ athamgil ngak’ e tabinaw rom ni ngam fal’eg e babiyor ko puguran rom. Mang gabe lemnag fare Somoel ni ba’adag ni ngam yoloey ulan e babiyor nem? Rayog ni ngam thapeg e pi’nen ko babiyor ko puguran rom u FamilySearch.org.

Mukum guy ko Dieter F. Uchtdorf, “Jesus Christ Is the Strength of Parents,” Liahona, May 2023, 55–59; “Parenting: Touching the Hearts of Our Youth,” “But Why?” (videos), Gospel Library.

• Napan Enoch ni ke thapeg e pinning me machib nag e gospel, nike magaf an’uy ni ra tal. Machane Got nike ayuwegen. Ngam bi’eg u ta’abang u Moses 6:26–34 (mukum guy ko “Enoch the Prophet” in Old Testament Stories, 19–21). Mangfan Enoch ke lemnag ma dabiyog ni nge machib e gospel? (Muguy ko Moses 6:31). Urogon Got nike ayuwegen Enoch? (see Moses 6:32–34; 7:13).

• Fakam ni ra ba’adagdad ni ngar weliy fa gosgos me daged e ayuw rok’ Got ngak’ e gidii’ ni ngar rrin’ed e tin nib mo’omaw’—woed ni, Noah, David, Ammon, fa Samuel fare Lamanite (see Gospel Art Book, nos. 7, 19, 78, 81). Rayog ni ngam weliy morunga’agen e pi’nen ni ke buch ngom nge pii’ e rogon ngak e fakam noi ngar noned urogon Got ma ayuwegraed ni ngar rrin’ed e tin nib mo’omaw’.

• Got nike fil ngak Adam e pi’nen thingari rrin’ e rayog ni nge sul Ngak’—michaen’ ngak’ Yesus Kristus, kalngaen’, tawfe, nge thapeg e tawa’ath rok’ fare Kan Thothup. Mu ayuweg e fakam pir’eged fapi’ kenggin e yalen ney ulan Moses 6:52, 57. Me tomur rayog ni ngam yoloey e talk nib achigchig morunga’agen ta’areb e kenggin e yalen nem. Urngin e talk ney ni bay e scripture ko Moses 6, pi’nen ni ke buch ngom, nge mich rom. Mu pii’ e rayog roraed ni ngar weliy e talk roraed ngoraed

• Rayog ni ngam dag fapi sasing morunga’agen bin tomur e kenggin e yalen ko gospel (muguy ko fourth article of faith). Mu facheag binem ni yad be yip’ nga sasing ku Yesus Kristus. Napan ni ngam bi’eg Moses 6:52, fakam rayog ni ngar sakiy ngalang chuchgur ngak’ e sasing nib mat’aw napan ni ngar rung’an e thin ko sasing nem.

• Sana e fakam e ba’adagdad ni ngar yon’ed e pi tang me filed kenggin ko yalen ulan Moses 6:52, woed ni “Faith,” “When I Am Baptized,” and “The Holy Ghost” (Children’s Songbook, 96–97, 103, 105). Mu ayuwegraed me pir’eged fapi’ kenggin e yalen ney ulan Moses 6:52.

• Rogon ni ngam pii’ athamgil ngak’ e fakam ni ngar ba’adag e muruwel’ rorow e galibthir nifan e machib ko gospel, mu lemnag ni ngam fith ngak’ e bitir ni nge bi’eg Moses 6:58 nge pir’eg fare motochiyl’ Got nike pii’ ngak’ e galibthir. Me tomuren rangam dag e sasing ko Adam nge Eve yow ba fil ngak e bitir rorow (woed e sasing u tomur e babiyor ney) nge pii’ e rayog roraed e bitir ni ngar weliyed e pi’nen ni ngar guyed ulan e sasing nem. Fakam e rayog ni ngar yoloey e sasing ko tabinaw roraed ni ngar bi’eged fapi scripture u ta’abong, meybil u ta’abong, fa gosgos u ta’abong.