“January 19–25. Fare Mul ni ta’ Adam nge Eva: Genesis 3–4; Moses 4–5,” Moey, Ngam Lakeg—Fan ko Tabinaew nge Galasia: Bin Kakrom e M’ag 2026 (2026)

“January 19–25. Fare Mul ni ta’ Adam nge Eva,” Moey, Ngam Lakeg: 2026

Adam nge Eva, ke yib rok Douglas M. Fryer

January 19– 25: Fare Mul ni ta’ Adam nge Eva

Genesis 3–4; Moses 4–5

Som’on riy, mawod ni fare yat ko mul ni ta’ Adam nge Eva e wodni ban’an nirib kireb. Nin chuweg Adam nge Eva u dakean farengi Milay’ nu Eden nirib fel’ ya’an. Min pi’row nga fayleng nibsug amith riy, nge gafgow, nge yam’ Genesis 3:16–19). Min palog nagrow ngak e Chitamanginrow nu Tharmiy. Machane tin nin thogthog nag ngak fare Profet Joseph Smith nibay u lan fare babyor ku Moses e bing owchdad ko mornga’agen e re Mul ney.

Riyul’, ya farengi Milay’ ku Eden e rib fel’ ya’an. Machane Adam nge Eva e gathi kemus ni tib fel’ ya’an e farow. Ya bat’uf—ma kuwod nibt’uf rodad—e kanawo’ ko mon’og. Chuw ko farengi Milay’ ku Eden e kabang ko fare wo’en ni ngan sul riy ngak Got mayog e yafos ni wod Ir. Kabang ko biney e rayib e togopluw riy, mel’eg e tin ni gabadaag, fil rogon e kalngan’, nge rogone pagan’uy ngak fare Tathapeg, ni’ir e bay fare Bayul rok’ nra fekdad ko “fare falfalaen’ ko bayul rodad” (Moses 5:11). Ere napan e baymu be’eg morng’agen fare Mul ni ta’ Adam nge Eva, ma dabkum sap ko tin nike kireb riy ya ngamu sap ko tin nrayog ni nge buch riy—ni dabkum sap ko fare paradise ni chuw Adam nge Eva riy machane fare falfalaen’ niyib nibochane kar mel’egew ni ngar thapegew e biney.

Boech Rogon Nrayog ningan Mo’nognag e Machib u Tabinaew nge Galasia

Genesis 3; Moses 4

Fare Mul e kabanag ko fare wo’en e tonom ku Got.

Riyul’ ya n’en ni mel’eg Adam nge Eva e ke fek e gagow ni bo’or mit iyib nga fayleng. Machane dar yipfan ni kad dubuyed e biney nikar mel’egew. Napan e baymu be’eg e Genesis 3 nge Moses 4, masana baymu de’eriyem, ko mongfan nirib ga’fan are Mul ko wo’en e tonom ku Got?

Bachane Moses 5:9–12, mange tafney ang Adam nge Eva ko mornga’gen ere Mul ney? Ba urrogon nrayog ni ngamu fek e thin rorow ngalan yafos rom u lan e biney e fyaleng? Mange kum fil nibay u lan e 2 Nephi 2:19–25?

Ngkum guy ko Mosiah 3:19; Alma 12:21–37; nge Doctrine and Covenants 29:39–43.

Eva nibe kol ba arfaath — Chuw u Eden, ke yib rok Annie Henrie Nader

Genesis 3:1–7; Moses 4:22–31; 5:4–15

Yesus Kristus e ma pii’ e athap nge wo’en e bayul.

Yaten Adam nge Eva eba yat ni mornga’agen e athap nge wo’en e bayul nima yib u dakean Yesus Kristus. Ra ngam guyfan, ma rayog ni ngamu tabab i gay mornga’agen fare Mul u lan e Genesis 3:1–7; Moses 4:22–31 mu mark nag e pin’en ni gabe patag mornga’agen. Pin’ey e ba urrogon nibe boch rom? Ngemu’ ma krayog ni ngamu sapnag ko Moses 5:4–15, rogon nikabang ko wo’en Got ninge bayuldad ko rogone pin’ey. Mangfan ni “falfalaen’” Adam nge Eva u tomuren niyib ba angel ngabi guy row? Mang e kamfil ko wo’en e tonom ko Chitamangiy nu Tharmiy?

Ngkum guy ko “Ni Bochan” (video), Gospel Library.

Genesis 3:16; Moses 4:22

Mange beyipfan ni Adam e “baga’ lungun” ngak Eva?

Bineye thin nibay ulan e chep nib thothup e bay bochingiyal’ ni dayma nangfan e n’en nibe yipfan ni pumo’on e kan justify nag ni fa’anra dani fel’ en’en nibe rin’ ngak le’engin. Ko tiney e ran nib gadad bayriy, fapi profet ku Somoel ekar machib niged ni figir nge le’ engar ayuwegew row ni tabrogon ni ngayog ni ngar rin’ew fapi muruwel rorow nib thothup u lan e tabinaew (muguy ko “The Family: A Proclamation to the World” [Gospel Library]). Elder Dale G. Renlund nge Sister Ruth Lybbert Renlund era weliyew ni figir nib mat’aw “era machib; ma kura gay rogon e man’agfan me guy e tin nike rin’ ni danifel’; mange macharag ko yoeg e thin nib fel’; ma yira adag ni nganib ngak ko tin nib t’uf; mara thamiy tomalngin e muruwel rok ninge ‘ayuweg me yororiy e tabinaew rok ko tinib t’uf; mara tayfan le’ngin nge tin nib thil rorow. … Mara tawa’ath nag e tabinaew rok” (The Melchizedek Priesthood: Understanding the Doctrine, Living the Principles [2018], 23).

Moses 4:1–4

Ra nggu mon’og ma bat’uf e togopluw nge mot’weg ni nggu mel’eg.

Woed rogon ni machib nag Elder Dale G. Renlund, “Maneg ko Chitamangindaed nu Tharmiy ni nge fanow nagdaed e gathi ke pag pifak ni ngar rrin’ed e tin nib mat’aw; ya pifak e ngar mel’eged ni ngar rrin’ed e tin nib mat’aw ni ngeyag ni ngar boded Ir” (“Choose You This Day,” Liahona, Nov. 2018, 104). Mangfan nirib ga’fan ngak e Chitamangiy nu Tharmiy ni kabang ko rogon wo’en ni ngad mel’eged e tinib mat’aw?

Napan e baymu be’eg e Moses 4:1–4, musapnag e n’en nirin’ e Chitamangiy nu Tharmiy nge Yesus Kristus ningar yororiyew mat’wom nigur rom e ngam—mel’eg e tinib mant’aw. Uw rogon ma rayog ni ngamu thapeg e re ayuw ney ko gelingin row? Krayog ni, ngamu fil mornga’gen e biney e section ko “Make inspired choices” u lan e Fan ko Gelngin e Pi’in ni Fal’yangren: Babyoren e Powi’iy ko Rogon ni Ngan Me’eleg (4–5).

Ma krayog ni ngamu be’eg e n’en ni machibnag Lehi ni mornga’agen e puf mat’awoyu lan e 2 Nephi 2:11–20, 25–30. Mangfan ni togopluw e kabang ko rogon e mel’eg mat’woy? Urrogon ni gara dag ngak Yesus Kristus nib falfalaen’um ngay nike pigem nigur rom e “ngam mel’eg e tin ni gabadaag”? (2 Nephi 2:27).

Ngkum guy ko Dallin H. Oaks, “Opposition in All Things,” Liahona, May 2016, 114–17; Topics and Questions, “Agency,” Gospel Library; “Choose the Right,” Hymns, no. 239.

Uneg e gidii’ ngay ni bo’or. Bo’or mit e activity ni yima fil ban’an riy nrayog ni nge rin’ be’ ni yigo ir rok, fa une tabinaew ngay, fa une klass ngay; u lan e ulung nib achichig; fa l’agruw ni’ ngay. Mu thithilyeg rogon ni ngam rin’ ni ngayo gni gubin mit e gidii’ me un ngay. Ko biney e activity, ma rayog ni ngamu pining be’ fa rebe ulung ni ngar be’eged e Moses 4 nge fare kanawo’en e Fan ko Gelngin e Pi’in ni Fal’yangren ma ku bayreb e ulung nib thil ni bayi be’eg fapi verse ko 2 Nephi 2. Nge mu’ ma rayog ni ngar weliyed e pin’en nikar filed ko gin nikar be’eged mornga’agen.

Moses 4:4–12; 5:13–33

Mo’oniyan’ e ma gayrogon ni nge “upnguy owcheg me sabanban nigeg.”

Napan e baymu be’eg e Moses 4:4–12; 5:13–33, musapnag rogon nibe gayrogon Mo’oniyan’ ninge lumelnag Adam nge Eva nga pifakamrow. Urrogon nibe lumel nagdad ko pin’ey niwod e daba’? Urrogon nima ayuwegem e Chitamangiy nu Tharmiy ningam thuurbiy e pi sabanban ku Mo’oniyan’?

Moses 4:13–16, 27

“I Gag, Somoel ni Got … e gu pi’ e mad ngorow.”

Tomuren nikar kew farke wa’amgnin nikan siyegnag, me gay rogon Adam nge Eva ni ngar mithegewrow ya dariy e mad rorow. Ma taboch riy, me pi’ Somoel e mad ngorad. Napan e baymu be’eg e Moses 4:13–16, 27, maga tafneynag etin ni ba’aray ban’an:

Mu lemnag ko mange beyipfan e chungamad u lan fapi chep nib thothup (muguy ko, ni wod e Revelation 7:9, 13–15; 2 Nephi 9:14; Doctrine and Covenants 109:22–26, 76). Mange kamfil ko n’en nike buch ku Adam nge Eva napon e dariy e mad rorow nge ngiyal’ nchuwegrow ko mad?
Fa’anra kan endow nigem u lan e tempel, mu lemnag e ran’en ni sana rayog Adam nge Eva ngom ko fan nirib ga’fan e garment rom ko tempel nge n’en nibe yipfan.

Mukum guy ko fapi “Maadne Tempel nib Thothup” (video), Gospel Library.

Moses 5:4–9, 16–26

Got era fanay e miligach rog ni fa’an gura pi’ u fithik e gumaen’ nge fol.

Napan e baymu fil e Moses 5:4–9, 16–26, mu lemnag fagli fak Adam nge Eva ni kanogi Kain nge Abel ngorow nge rogon e tafney rorow ko rogon niyima pi’ e miligach. Mongfan ni fanay Somoel e miligach ku Abel ma dani fanay e miligach ku Kain?

Mange befith Somoel ngom ni ngam pi’ ni miligach? Bay ban’en ko yungi verse ney nike thilyeg rogon e tafney rom ko rogon e gali miligach nem?

Ko boech reb, mu guy fare Liahona ko biney e pul nge Fan ko Gelngin e Pi’in ni Fal’yangren pi magazine.

Boech Rogon ningan Machibnag e Bitir

Genesis 3; Moses 4; 5:8–15

Yesus Kristus e bayuliydad ko fare Mul.

Rangam ayuweg pifakam ningar nangfaned mornga’agen fare Mul ni ta’ Adam nge Eva, marayog ni ngamu fek ya’an fapi sassing ku “Adam nge Eva” (ni bay ulan Fapi Yaat ko Bin Kakrom e M’ag, 13–16) min the’eb ya’an. Rayog ningar yarmiyed ya’an fapi sassing utabang kongiyal’ ni gabe weliy e n’en nibuch ku Adam nge Eva. Napan e gabe rin’ ebiney, mu weliy fan nirib ga’fan, nikabang ko wo’en e Chitamangiy nu Tharmiy, ninge chuw Adam nge Eva ulan farengi Milay’ ku Eden.
Rayog ninge thamiy pifakam e falfal’aen niboch fare Bayul ku Yesus Kristus ni fa’anyadra nangfan rogon nigel nibochan fare Mul. Napan e bay mu be’eged utabaang e Moses 4:25; 6:48; Romans 5:12; 2 Nephi 2:22–23, mag ayuweg pifakam ni ngar ul’ulgad ko bin ba’aray e thin ni: “Bochan fare Mul, Ra …” Ma napan, ni baymu be’eg e Moses 5:8–11, 14–15; 6:59; Alma 11:42utabaang, rayog ni ngar ul’ul’gad ko biney ba’aray e thin: “Bochan Yesus Kristus, Ra …” Magmed weliy ngomd e pin’en ni gamedbe pining e magar riy ngak Yesus Kristus.

Moses 4:1–4

Rayog ni nggu mel’eg tin nib mat’aw.

Mu pi’reb e machib ko rogon nifil mornga’gen mot’way nigur rom e ngam duugliy: mag pining pifakam ni ngar achiyed ya’an fare activity ko biney e wik nibay ko fare payg, machane kemus ni taareb ram’en ningam pi’ ningar fanayed ngay. Mangfan ni sana bamangil nra be’ ma ir rok ninge mel’eg nifan ngak? Ma krayog ni ngam be’eged utabaang e Moses 4:1–4 magmed weliy fan nibadaag Got nira bagdad mabay mat’won ni’ir rok e nge mel’eg etin nib mat’aw fatin nib kireb. Urrogon nima ayuwegdad e Chitamangiy nu Tharmiy nge Yesus Kristus ko mel’eg e tin nib fel’ ban’an?
Mu ayweg pifakam ningar lemniged miyad yoeloy ya’an ban’an ko rogon i mel’eg e tin nib mangil nradag ni ngar laked Yesus Kristus. Fa krayog ni ngamu yon’ed e tang utabaang ko mornga’agen e mel’eg tin nib fel, ni wod e “Choose the Right Way” (Children’s Songbook, 160–61). Rayog ni ngamu weliyed utabaang bangiyal’ nikam mel’eged e tin nib fel’ nge rogon nimu thamiyed u tomuren e biney.

Adam nge Eva — Fare Mul, ke yib rok Robert T. Barrett

Moses 5:4, 8

Rayog ni nggu meybil ngak Chitamangiy nu Tharmiy.

Napan nit’uf ninge chuw Edam nge Eva u dakean farengi Milay’ nu Eden, ma aram ni dabkiyog ni ngar pirew ko gin nibay e Chitamangiy nu Tharmiy riy. Mu be’eg e Moses 5:4, 8 nibe un pifakam ngay, mag ayuwegrad ni ngar gayed e pin’en ni i rin’ Adam nge Eva ni ngayog ni ngar thamiyew nibe chugur nagrow ngak. Mang boech ban’an nrayog ni ngad doged ngak e Chitamangiy nu Tharmiy ko ngiyal’ ni gadadbe meybil?

Ko boech reb, mu guy fare Pi Tafagar magazine ko biney e pul.

Adam nge Eva ni yowbe pi’ ni miligiach ba saf u dakean e altar — Nibe Yipfan fare Miligach ko fare Fak ni Ma’agirag Rok’ e en Chitamangiy, ke yib rok Mike Malm (muguy ko Moses 5:5–9)

Activity payg ko Primary: Fare Mul ni ta’ Adam nge Eva — Nibe Yipfan fare Miligach ko fare Fak ni Ma’agirag Rok’ e en Chitamangiy, ke yib rok Mike Malm (muguy ko Moses 5:5–9)