“December 29–January 4. “Fare bin Somm’on e M’ag ku Yesus Kristus: Mornga’agen fare Bin Kakrom e M’ag,” Moey, Ngam Lakeg—Fan ko Tabinaew nge Galasia: Bin Kakrom e Mʼag 2026 (2026)

“Mornga’agen fare Bin Kakrom e M’ag,” Moey, Ngam Lakeg: Bin Kakrom e Mʼag 2026

December 29–January 4: Fare bin Somm’on e M’ag ku Yesus Kristus

Mornga’agen fare Bin Kakrom e M’ag

Napan nigara lemnag ifil fare bin Kakrom e M’ag e bineye duw, ma mange gabe thamiy? Falfalaen’um ngay? Marwar e tafney rom riy? Gabe rus? Tiney e thamtham e bogi ban’an ni yima thamiy. Fare bin Kakrom e M’ag e ireb e yoel nibayu fayleng nirib kakrom e thin riy, ma bochan e biney ma rayog ni yib e falfalaen’ ngom fa murus ngom. Tiney e yoel e ke yib ko bogi yalen ni kakrom ni gowoth e bogi ban’en nirib thil ko rogon e par rodad e chiney ma wod ni tini buch riy e rib thil ngodad. Machane aram rogon nibthil mornga’gen e gidii’ riy machane tin nibuch rorad ekuwod e nibchugur rogon kotin nibe buch rodad e chiney. Ma gadadbe guy nibay fare gospel riy nibe michegnag mornga’agen Yesus Kristus nge fare gospel Rok’. Kuwod choen Abraham, Sarah, Hannah, nge Daniel ni yafos rorad, e gowod, nirib thil rogon ko yafos rodad. Ni kuwodrad nibe yibe falfalaen’ nga chamcham ngalan e tabinaew rorad, fa bay bochingiyal’ nibgel e mich rorad fa yadbe mo’owar, makiyadbe mon’og fa ramulgad—nri kuwod gadad. Man’en nth’abi ga’fan, e yadbe ul’ul’ nage mich rorad, kalngan’ rorad, ma yadbe ngongliy fapi michmicheg, mabe buch bogi ban’an nib thothup u fithikrad, madar mulan’rad ko fare michmicheg nrayib fare Tathapeg. Ma napon e bayguyed rogon ni i muruwel Got ulan e yafos rorad, ma aram nrayog ni ngadadra guy ulan e yafos rodad, ma gadadra yoeg ni wod rogon e psalmist: “Thin rom e ba magal ni be pow’iyeg, ma tamilang ko kanawo’ rog. … Rib t’uf rog” (Psalm 119:105, 140).

Boech Rogon Nrayog ningan Mo’nognag e Machib u Tabinaew nge Galasia

Fare bin Kakrom e M’ag nibe michegnag mornga’agen Yesus Kristus.

Reb kanawo’en ningan pir’ege thin ulan fare bin Kakrom e M’ag ninge thothup nagdad e ngan sapnag fare ggan nma pi’ e yafos, ni’ir Yesus Kristus (muguy ko John 6:48). Woed e biney, ba uw rogon ni gabe guy fare Tathapeg ko mornga’agen e tinbaray?

Manna (Exodus 16:4, 11–15; John 6:35)
Fare saf nin miligachnag (Exodus 12:3–5; John 1:29)
Fare porchoyog ni wasey (Numbers 21:4–10; John 3:14)
Jonah (Jonah 1:4–17; Matthew 12:38–41)

Tiney nikan dag riy e mange be machibnag ni mornga’agen? Mang boch mornga’gen Yesus Kristus ulan e bin Kakrom e M’ag nikam mu’ i nang mornga’agen?

Ko biney e mulwol nipi’ Elder Dale G. Renlund “Jesus Christ Is the Treasure,” e “puguwon ngodad ni nga i par e tafney rodad nibay ngak Yesus Kristus” (Liahona, Nov. 2023, 98). Mbe’eg e biney e mulwol, magsap nag rogon e pin’en nrayog ni ngam rin’ ni ngam pir’eg Yesus Kristus nigathi kemus ko tin nibay ulan fare bin Kakrom e M’ag machane kotin nibay ulan e yafos rom.

Ngkum guy ko “Types or Symbols of Christ” u lan fare Kanawo’en e Chep nib thothup, “Jesus Christ,” Gospel Library; “Seek the Lord Early,” Children’s Songbook, 108.

Sap ko fapi pow ni ra micheg marunga’agen Yesus Kristus. Somoel e machib ngak Adam, “Gubin ban’an ma bayfan, ma gubin ban’an ekan sunmeg ni fal’agin babyoreg” (Moses 6:63). Demuturug ko go’gur rom ni gabe fil fa gabe machib nag, ya fa’anra ipar Yesus Kristus ni’ir e bay ko tafney rom ko ngiyal’ ni gabe fil fapi chep nib thothup erayog ni nge ga’nag e tu’ufeg nge mich rom ngak. (Muguy ko Machib nag u daken e Kanawo’ Rok’ fare Tathapeg, 7.)

Jehovah e fithingan Yesus Kristus u lan fare Bin Kakrom e Mʼag.

President Dallin H. Oaks e machibnag: “Chitamangdad nike yoeg marunga’agen e Fak ni Ma’agirag Rok’, Yesus Kristus, ni’ir e Tathapeg nge Tabiyul rodad nge ke pii’ ngodad e motochiyl ni ngad “motoyil gaed ngak.’ Dakaen e fonow ney rayog gadad ma nanged gubin e pi thin rok’ ‘Got’ fa ‘Somoel’ ulan e pi babyor nib thothup irma pi thin rok’ Jehovah, e Somoel nib fas ko yam’, Yesus Kristus” (“The Teachings of Jesus Christ,” Liahona, May 2023, 102).

Napan ni gerege thin fapi Jews ngak Yesus ko mornga’agen, me ga’ar ngorad, “Gabay um’on ni yib, Abraham. Pi thin ney eri gin owchen e gidii’ ngay napon era rung’agaded ni yoeg Yesus, mara adaged ni ngar malang niged nibochan (muguy ko John 8:58–59). Rayog ni ngamu be’eg e Exodus Exodus 3:13–15; 6:3–5 ngam guy ko mongfan nikari dumomow e gidii’ ngak Yesus niboch e n’en nike yog.

Mangfan nirib ga’fan ni ngam nang ni Yesus Kristus e ir Jehovah?

Somoel e bo’or ban’en ni sulweg yarmen ni “bachan fapinʼen nib yoʼor nib tamilang ma rib gaʼfan” u dakean Joseph Smith.

U dakean e thogthog, medag Somoel ngak Nephi fare Bible ni bayiyib, meyog ngak ni “ bachan fapinʼen nib yoʼor nib tamilang ma rib gaʼfan ni kan” e yira l’uf riy Rayog ni ngamu be’eg e 1 Nephi 13:21–29, 38–42, mag sapnag roogn nike ngongliy rogon Somoel nira “dag fapinʼen nib tamilang ma thʼabi gaʼfan.” Gara sap ko 2 Nephi 3:12, ma urrogon nibe muruwel fare Bible nge fare Babyor ku Mormon utabaang?

Napan e baymu fil mornga’agen fare Bin Kakrom e M’ag u lan e biney e duw, ma kagra fil mornga’gen “boch e babyor” niguy Nephi. Tiney e bmu’un:

Fapi Babyor ku Moses, bangko fapi pilyegthin ni rin’ Joseph Smith ko fare Bible. Sulweg e tin nib riyul’ nge cheppen e tin ndariy ulan e babyor ko Genesis 1–6e chiney.
Fare Babyor ku Abraham, ndag ngak Joseph Smith napone be guy fapi thin ni Egyptian ni kakrom ni papyri (muguy ko fapi Topics nge Questions, “Babyor ku Abraham,” Gospel Library).
Yuyang ko fapi thin ni pilyeg Joseph Smith e thin riy, nibay boch riy nibe m’ug ko fapi footnote, appendix ko Bible, nge Kanawo’en i Fil fapi Chep Nib Thothup.

Tin ba’ray e boche chep nin fulweg u dakean Joseph Smith ni mornga’gen fapi chep ko Bin Kakrom e M’ag: Binaw ku Enok nu Zion (Moses 7:18–19), yi’iy ni guy Abraham ko mronga’agen e mo’olung nibuch u tharmiy (Abraham 3:22–28), nge rogon e machib ko Melchizedek (Joseph Smith Translation, Genesis 14:25–40). Mangfan ni pi chep ney e “fapinʼen nib yoʼor nib tamilang ma rib gaʼfan” ngog?

angel ni yibi m’ug ngak Adam nge Eva — Adam nge Eva niyow be pi’ e Miligach ni Mo’ruf, ke yib rok Keith Larson (detail)

Fare bin Kakrom e M’ag ebe ayuwegneg nggu nangfan fapi thaa’ ko michmicheg ngak Got.

Fare bin Kakrom e M’ag e bayat ni mornga’agen Got ni be gay rogon ni nge ayuwegdad ni ngad “manged girdi’ rog” u dakean e m’ag (Exodus 19:5). Bochan e biney, rebe kanawo’ ninge fal’ag rogoy i fil fare bin Kakrom e M’ag e ngan fil mronga’agen fapi michmicheg—nrib ga’ ni fapi micmicheg ni rib machalbog nike pi’ Got ngak fapi profet rok ni wod Abraham, Isak, Jacob, nge pifakrad. Bin kanawo’en nirib mangil ni ngan fil mornga’agen fapi michmicheg e bay ko mulwol ni pi’ President Russell M. Nelson ko “The Everlasting Covenant” (Liahona, October 2022, 4–11).

Napan e baymu be’eg, mudi’eriyem: Mongfan nirib ga’fan e pi michmicheg ney nggog? Mitimang e “tu’ufeg nge murnguy” e gura thapeg rok Got ni fa’an gura ayuweg fapi m’ag nikug ngongliy ngak? Napan e baymu be’eg fare bin Kakrom e M’ag ko biney e duw, magsap ko rogon e pin’en nibe gay rogon Got ni nge fil ngom ko mornga’agne thaa’ ko michmicheg rom ngak.

Ngkum guy ko Jeremiah 31:31–34.

Ko boech reb, mu guy fare Liahona ko biney e pul nge Fan ko Gelngin e Pi’in ni Fal’yangren pi magazine.

Rogon ningan Machibnag e Bitir

Rayog ni nggu fil mornga’agen Yesus Kristus u lan fare bin Kakrom e M’ag.

Thin nge yalen e bin Kakrom e M’ag e bayni ba momaw’ rogon ninge nangfan pifakam, machane rayog ni ngamu ayuwegrad ningar guyed e pow ku Yesus Kristus ko lan fapi yat. Ma krayog ni ngamu sapgad pifakam ko tin ba’aray e sassing ni ya’an nibayu tanggin, Profet Isaiah ni Weliy Mornga’agen Kristus ni yira Gargeleg um’on nibuch. Rayog ni nge dag pifakam mornga’agen e tin ni yadbe guy. Piningrad ni ngar sapgad, kotin ni bay ni, mornga’agen Yesus napon e kab madway. Mag be’eg ngorad fapi thin ni yoloey Isaiah ni mornga’agen fare Tathapeg nin gargeleg ni bay u lan e Isaiah 7:14; 9:6. Mu weliy ngak pifakam rogon ni gabadag ni ngam sapnag mornga’agen fare Tathapeg u lan fare Bin Kakrom e M’ag ko biney e duw.

Isaiah ni yoloey mornga’agen Kristus nin Gargeleg (Profet Isaiah ni Weliy Mornga’agen Kristus ni yira Gargeleg um’on nibuch ), ke yib rok Harry Anderson
I Gur nge pifakam erayog ni ngamu be’eg e Psalm 23 fa Isaiah 53:3–9 magmed gaye thin nibe pugwon Yesus Kristus ngomed. Mange be machib nag e pi thin ney ngodad ni mornga’gen e yafos rok’ nge Bayul rok’?

Chitamangiy nu Tharmiy e ba’adag ni nge ngongliy e m’ag nggog.

Fapi m’ag e ribga’ mornga’agen u lan fare Bin Kakrom e Mʼag. Rangam weliy mornga’agen e biney ngak pifakam, ma rayog ni ngamu weliy ngorad mornga’agen fapi michmicheg ko tabinaew rorad fa pi tafagar rorad ngefan nirib ga’fan ni ngar ayuweged e pi michmicheg ney. Rayog ni ngamu yaliyed ya’an e sassing ko tawfe magmed weliy mornga’agen e michmicheg riy, fa m’ag, nikad ngongliyed ngak Got ko napon nikad tawfe gad (muguy ko Mosiah 18:10, 13). Ma krayog ni ngamu dag ya’an e sassing ko tempel mag weliy e tin ni gabadag ko mornga’agen e m’ag nikam ngongliy urom.
Activity ko biney e wik e rayog ni nge pi’ e falfalaen’ ngak pifakam ko mornga’agen e m’ag ni yad ma michmicheg ngak e Chitamangiy nu Tharmiy. Rayog ningmoen’ rebe tang nikanoeg, niwod e “When I Am Baptized” (Children’s Songbook, 103).

Jehovah e fithingan Yesus Kristus u lan fare Bin Kakrom e Mʼag.

Bay be’ ni manang pifakam ni bayreb e ngochol nib thil ni yima pining ngak? Woed e galabthir nge sensey nib thil fithingrad u tomurwel, fa tabinaew, fa ulan e galasia. Mu weliyed mornga’gen e pi ngochol ney; ngemu’ magmed be’eg utabaang e Exodus 6:3 mag pining pifkam ningar sap niged fithinga Yesus Kristus u m’on nin gargeleg (muguy ko Joseph Smith Translation ko footnotec).

Ko boech reb, mu guy fare Pi Tafagar magazine ko biney e pul.

gidii’ nibe ragbug ko rifrif ku Kristus — Moey ngak Yesus, ke yib rok Michael Malm

Activity payg ko Primary: Chitamangiy nu Tharmiy e ba’adag ni nge ngongliy e m’ag nggog — Moey ngak Yesus, ke yib rok Michael Malm