Genesis 1–2; Moses 2–3; Abraham 4–5

Da’an dannged gubin raragon nikan sunmiy e fayleng, bafel’ ningan nang e n’en nike mel’eg Got ningadag u marnge’gen ere Sunmiy nem. Mange befil Got ngom ni marnge’gen u lane Genesis 1:1–25; Moses 2:1–25; nge Abraham 4:1–25? Mongfan niba adag ningam nang e pin’ey? Bay mulemnag e pin’ey, mukum lemnag e pin’en nikar filed ngom u marnge’gen e Chitamngiy nu Tharmiy, Yesus Kristus, fare fayleng, nge gur.

Ningam mon’ognag e study roem, mu be’eg eyu guruy ney unapon nigbay u fithik epine’en nike sunmiy Got fa gabe motoyil ko tang niwoed “All Creatures of Our God and King” (Hymns, no. 62). Rayog ningam gay fapi sasing ni ya’an epi n’en Nike sunmiy. Rayog ningam share nag epi sasing ney, nge mich roem ku be’.

Mukum guy ko Doctrine nge Covenants 101:32–34.

Baymu be’eg e Genesis 1:26–27; Moses 2:26–27; nge Abraham 4:26–27, mulemnag komange be yipfan ningan sunmiyey ni woed “ya’an” got fa “ta’reb ngay,” pumo’on nge bpin. Mongfan nib ga’fan ningan nang e tin nib riyul’ kore guruyney? Aray rogon, urogon nipin’ey nib riyul’ ebe gagiyognag rogon nigbe guyem, be’, nge Got? Urogon niyadra aywegnem u napon nibe tagan e thamtham roem ngom?

Nge aywegnem nga’um lemnag epi duwerney, muguy rogon ngam mu’nag rebe sentence niwoed e biney: “Nibchane gumnang nikan sunmiyeg niwoed ya’an Got, Makug mel’eg ninggu …” Review nag “dogur Roem eb macholbog” u lane Fan ko Gelngin epi Fel’yangren: Babyoren e Powi’iy ko Rogon ni Ngan Me’eleg (pages 22–29) e rapi’ e ayuw. Mu mel’eg ban’en ningam rin’ ninge dag ngak Got nigamnang ni dogur roem eb macholbog.

U lan fare kachido “God’s Greatest Creation” (Gospel Library), President Russell M. Nelson e yoeg ko testimony rok fare dogur ko girdii’. Bay muguy ere kachido ney, mag de’eriyem, “Urogon niba adag e Chitamngiy nu Tharmiy ning’ug lemnag e dogur roeg?” Urogon nib thil eren’ey ngaboech e mulwol nibay murung’ag roek boech e girdii?

2:51

Boech e girdii e sana bayiyoeg ni sunmiyyey niwoed ya’an Got ebe yipfan ni tafney rodad, thamtham, nge lanin’uy eke approved Nag made t’uf rodad (fa dabiyog) ningan mon’og. Mange gara yoeg ko binem? Mange kamnang ko Mosiah 3:19 nge Ether 12:27?

Mukum guy ko Russell M. Nelson, “Dogur roem: Eb Taw’ath ningam Cha’riy,” Liahona, Aug. 2019, 50–55.

“Adam nge Eva ekan chagliy row u lane mabgol ko ngiyal’ nge yaen nib manemus u daken gelngin [fare] priesthood” (Russell M. Nelson, “Lessons from Eve,” Ensign, Nov. 1987, 87). Mulemnag e ren’ey magbe be’eg e Genesis 1:27–28; 2:18–25; Moses 3:18, 21–25; nge Abraham 5:14–19. Urogon ningam taye mabgol nib thothup niwoed nike tay Got?

Mukum Guy ko 1 Corinthians 11:11; “Fare Tabinaew: Bugi Thin Nifan ko FatlengGospel Library.

Mange beyoeg Genesis 1:28; Moses 2:28; nge Abraham 4:28 u marnge’gen motowdad kopi n’en nike sunmiy Got? Mange ke chagliy e Doctrine nge Covenants 59:16–21 nge 104:13–18 ko tin nigamnang?

Mukum Guy ko Gérald Caussé, “Our Earthly Stewardship,” Liahona, Nov. 2022, 57–59; Topics and Questions, “Environmental Stewardship and Conservation,” Gospel Library.

Got e ngongliy e modnom nib thothup, Me yoeg ngodad ningad ted nib thothup. Baymu be’eg e Genesis 2:2–3; Moses 3:2–3; nge Abraham 5:2–3, mulemnag komange rin’ e modnom mab “thothup” ngom.

Mukum guy ko Doctrine nge Covenants 59:9–13; “Fare modnom erib mangil” (video), Gospel Library.

0:50

• Urogon ningam fal’eg rogon i fil marnge’gen fare Sunmiy ninge adag pifakam? Rayog ningam fekrad ngawen ngam gayed epi n’en nikan sunmiy u ngiyal nikan Sunmiy. Pifakam e rayog ningar sapgad ko sasing ni ya’an epi n’en nike sunmiy Yesus (muguy ko “Fare Sunmiy ko Fayleng” u lane Fapi Yaat ko Bin Kakrom e M’ag, 8–12). Me gur nge pifakam e rayog ningam weliyed marnge’gen rogon nigmed be lemnag Yesus Kristus u tomuren nikam be’egged marnge’gen fare Sunmiy.

• Moen’ed u ta’bang rebe tang ni marnge’gen e fayleng rodad nib fel’ ya’an, ni woed “Chitmag nu Tharmiy eba Adag Geg” (Children’s Songbook, 228–29). Sana pifakam e rayog ningar chagliyed kofare tang boech ban’en nike sunmiy Got nibe aywegrad ngar thamiyed e adag Rok.

• Pifakam e rayog ningar nanged rogon e liyoer nge ta’fan e dogur rorad nge dogur ku be’ yakar nanged nigadad gubin makan sunmiydad u ya’an Got. Ni ngan aywegrad ngar nangedfan e ren’ey, mupag pifakam ngar guyed ya’arad ngatherek fa sasing u napon nigbe be’eg Moses 2:26–27 ngorad. Ma kurayog ningamdag ngorad fapifak e gamanman e “yadboed” ya’an e labthir rorad (muguy e sasing u lane online, aray rogon). Rayog ningan weliy nimongfan nib ga’fan ngom ninmgam nang nikan sunmiyem u ya’an e Chitmam nu Tharmiy.

  

• Gur nge pifakam e sana gimedra adag ningamdrowing niged ya’an ba dugur ko girdii’ min thethab ngemang puzzles. Bayi tay pifakam e puzzle rorad ngata’bang, rayog ning’ur weliyed rogon ningar dagem ko Chitmang rad nu Tharmiy niyad be ’oege magar ko dogur rorad.

• Baymu be’eg Moses 3:2–3, moeg ku pifakam ngar motoyilgad ko mange rin’ Got kobin medlup e rran. Mu’ayweg pifakam ngar piteged far drowing niged epi n’en nirayog ningar rin’ed ko Modnom ningar ted nib rran nib thothup mabthil ngaboech e rran. Muweliyed ngomed ko mongfan nib ga’fan ngomed ningan tay e rran ko Modnom nib thothup.

• Mu’ayweg pifakam ngaraned-u ya’an niybe weliy ngarebe fager rorad ni mongfan nikar mel’egged epi n’en ning’unrin’ ko Modnom nibe tay e Chitamnngiy nu Tharmiy nge Yesus. Moeg ningar fanayed Genesis 2:2–3 u lane welweliy rogon rorad. Urogon ni tay e modnom nib thothup ebe dag e adag rodad ku Chitmangdad nu Tharmiy nge Yesus Kristus?