Moses 1; Abraham 3

“Fa’an fare Somoel me non ngomed daba,” President Russel M. Nelson nike fil, “bin somm’on e pi’nen thingari weily ngom ir e fan ngomed nib riyul’(“Choices for Eternity” [worldwide devotional for young adults, May 2022], Gospel Library). Me riyul’ faer Mo’oniyan’ me guy rogon ni nge balyang’dad nifan tiney. Musap e rogon Got nike pii’ e milwol rok’ ngak Moses ulan Moses 1:4, 6 nge milwol rok’ Mo’oniyan u Moses 1:12. Mang e be yog e pi verse ney marnga’agen e thilyeg uthilin Got nge Mo’oniyan?

President Nelson ma kun fil, “Rogon ni ngam lemnag morunga’agen mini’ i gur me thilyeg e rogon ningam mel’eg gubin e pinen romed” (“Choices for Eternity”). Mu lemnag ni ngam yoloey boch e pi’nen gara mel’eg bachane gur e bitir ku Got ni bin soom’on ko demtrug reb e pi’nen.

Mang bay reb e vers fa thin ulan Moses 1 nira weliy morunga’agen e rib gaa’fan rom nu tharmiy. Rayog ni ngam bi’eg boch reb e milwol rok’ President Nelson ulan e guruy ko “Fapi Mel’eg ko Manemus” ni kanoeg “Bin Somm’on: Mu nanged e tin nib riyul’ morunga’agen ngomed.” Mang gabe adag ni ngam rrin’ ere ngam ga’nag e ganop ni gur e bitir ku Got?

Mukum guy ko “I Am a Child of God,” Hymns (1985), no. 301; “Our True Identity” (video), Gospel Library; Topics and Questions, “Children of God,” Gospel Library.

3:39

Ni ma guyed ulan Moses 1 nib moem, tin nib thothup nib gel nike buch ngodad dabi yip’ fan dabiyog nike tal’ e lumel ngodad. Ba riyul, ta’areb e rogon rok’ Mo’oniyan ni nge lumel ngodad ni nge pi e maerwaer ngodad nifan pi’ney. Napan ni ngam bi’eg e fulweg rok’ Moses ngak Mo’oniyan ulan verses 12–26, mang gabe fil ere rayog ni ngam koel e mich rom ni kam thapeg. Mang ni ke ayuwegen Moses ni nge gelnag Mo’oniyan’?

Reb e fil nifan e tin nike buch ngak’ Moses melumel nag dad ko tin de riyul’ ko e tin nge gelngin nib riyul’ rok’ Got. Mu lemnag morunga’agen e pi’nen de riyul’ ko pi’nen nib riyul’, woed e gakiy ni de riyul’ fa doll. Uw rogon ni ngam nang e pi’nen ir de riyul’? Ere mu lemnag e pi’nen ni de riyul’ fare Mo’oniyan be pii’ ngom ni nge lumel nigem. Mang gabe fil ko Moses 1:13–18 morunga’agen e rogon ni ngam nanged nge dabi fek e pi’nen ni de riyul’? Urogon e Somoel nima ayuwegem? (Musap ko Moses 1:24–26).

Mukum guy ko Matthew 4:1–11; Gary E. Stevenson, “Deceive Me Not,” Liahona, Nov. 2019, 93–96; “I Am a Son of God” (video), Gospel Library.

6:31

Tomur nike thapeg e yi’iy ku Got morunga’agen e sunmiy rok’, Moses nike yoeg ngak’ Somoel: “Wenig mu weliy ngog … Mangfan nike buch tiney” (Moses 1:30). Mang ni gaba’adag morung’agen e fulweg rok’ Somoel ulan Moses 1:31–39? Mang e be thil uthilin dowef ni dab ki yim’ nge yafos ni gubinfen? (muguy ko Topics and Questions, “Eternal Life,” Gospel Library). Urogon Yesus Kristus me fulweg gali pi’nen? Abraham ya kubay e malik’ay, nike yoloey ulan Abraham 3. Mang e pi’nen niba guy ulan e pi vers 24–26 nima fulweg e duwer rok’ Moses.

Dabda nanged bo’or morunga’agen e yafos u m’on ko yafos u fayleng. Machane bo’or e ganop rodad morunga’agen e pi’nen ba yib nifan e malik’ay rok’ Abraham u Abraham 3:22–28. Napan ni ngam bi’eg fapi vers ney, mu yoloey e tin nib riyul’ gara pir’eg—me tay e bu’un e tin nib riyul’ morunga’agen nigeg nge Yesus Kristus. Mangfan e pi’nem ir ba gaa’fan nifan ngom? Urogon tiney nira thilyeg e yafos rom?

Muguy ko Topics nge Questions, “Premortal Life,” Gospel Library.

• Tomur gamed ra bi’eg e milwol rok Got ngak’ Mosese ulan Moses 1:4, mu lemnag gara dag e ya’an rorad e bitir ulan e mirror nge yoeg ngoraed e milwol ni woed rogon: “I gag e bitir ku Got.” Rayog ni ngar pii’ ngak’ ta’abrogon e milwol ngoraed: “Gor e bitir ku Got.” Sana gara pir’eg e sasing ko boech e gidii’ nib thil nge pinning e fakam ni ngaryip ngak nge yoeg, “Cha’nem ir e bitir ku Got.” Mu non ngomed mangfan bay e falfalaen’ romed ni ngam nanged gamed e bitir ku Got. Urogon e ganop ney me thilyeg e rogon ni ngam chugul ngom nge reb e bea’?

• Gur nge fakam rayog ni ngam tata’areb nag e milwol rok’ Got ngak Moses ulan Moses 1:4 ko milwol rok’ Mo’oniyan ulan verse 12. Urogon ni ngam ayuweg e fakam ni ngar nanged e milwol rok’ Got nge milwol rok’ Mo’oniyan?

• Napan ni ngam bi’eg Moses 1:6 ngak’ e fakam, rayog ni ngam non ngoraed morunga’agen fare “muruwel’” ni bay Got ngak’ Moses. Mu lemnag ni ngam use nag fare Gospel Art Book, nos. 13–16, fa Old Testament Stories, pages 64–84, me ayuweg e fakam ni ngam nanged fan mang nike rrin’ Moses udakaen ayuw rok’ Chitamangiy ni bay u Tharmiy Mang ir e muruwel’ ni bay Got nifan dad? (Mu guy ko, nifan e susus, Doctrine and Covenants 11:20).

• Napan ni ngam fil ko Moses 1:12–26 ngak’ e fakam, mu ayuwegraed ni ngard nanged urogon Moses nike siyeg Mo’oniyan (muguy ko verses 13, 15, 18, 20–22, 26). Sana fakam rayog ni ngar gosgos ni ngar daged e pi’nen yad ra rrin’ed ni ngar siyeg e lumel (woed meybil, chel nga but’, fa fith ko ayuw)

• Thapeg e ganop nifan ko e yafos u m’on ko yafos u fayleng nira pii’ athamgil ngak’ e fakam ni ngar mel’eg e pi’nen ufithik’ e ganop nib manimus. Rogon rayog ni ngam ayuwegraed ni ngar fil gad, gara yoeg boch e pi thin ni ngar pir’eged ulan Abraham 3:22–28, woed “umon nike sunmiy e fayleng,”ya’el,” “sunmiy e fayleng,” nge “sikeng.” Mang e be fil fapi vers ney morunga’agen e fan rok’ Chitamangiy ni bay u Tharmiy nike pii’ ngodad nga fayleng?

• Bay e tang woed “I Will Follow God’s Plan” (Children’s Songbook, 164–65) rayog ni nge gelnag e machib ulan Abraham 3. Sana rayog ni ngam pinning e fakam ni ngam yoloey e sasing ko tang ney.

• Mu ayuweg e fakam ni ngar lemnag bochi pi’nen ni ra buch ngoraed ni ngam mel’eg fa’anra thingari fol e fonow rok’ Got (muguy ko Abraham 3:25; Mukum guy ko For the Strength of Youth: A Guide for Making Choices). Pi ngoraed e rogon ni ngar guyed rogon e fulweg nifan e pi’nen nira buch ngoraed. Urogon e Tathapeg me ayuwegdad napan ni ngad mel’eg e tin de mat’aw?