Genesis 18–23

Somoel eke ngongliy bogi michmicheg nrib ma’ang’ang nifan ngak e gidii’ nib yul’yul’, machane bochane gafgow nima yib ngodad mabay ud lemniged ko ba urogon mayog me buche pi michmicheg ney. Sana Abraham nge Sarah e kar thamiyew rogone biney. Mange kamfil ko tiney nike buch rorow? Rayog ni ngam tababnag etin ningam fil ningam sul ngam manu dakean fapi michmicheg ku Somoel nibay u lane Genesis 17:4, 15–22. Mang e rin’ Abraham nge Sarah? (muguy ko Joseph Smith Translation, Genesis 17:23 [ulan e Genesis 17:17, ko footnote b]; Genesis 18:9–12). Ba uw rogon ni ayuweg row Somoel nge gelnag e mich rorow ko fapi n’en nike michmicheg? (muguy ko Genesis 18:14).

Mang e kam pir’eg ulan e tiney e verse nra gelnag e mich rom? Mang boch ban’en—ulan e yafos rom fa lane yafos ku be’—nike gelnag e mich rom ma kamnang ni Somoel era rin’ ni wod rogon nike michmichegnag ko ngiyal’ niba’adag. ma krayog ni ngamu tafney nag rogon ninge par e mich rom mabgel ko ngiyal’ ni dabi yib e pi tawa’ath ney ko bineye yafos. Mang mulwol ekam pir’eg ko Hebrews 11:8–13 nge thin rok President Russell M. Nelson “Christ Is Risen; Faith in Him Will Move Mountains”? (Liahona, May 2021, 101–4).

Muguy ko Doctrine and Covenants 88:68.

Mange kamfil ko fare mornga’agen e mil ko denen ko n’en nikam be’eg ko mornga’agen Lot nge tabinaew rok? Woed e, mange ran’en nike gin owchem ngay ko fare n’en niyog me rin’ fare angel ni nge ayuweg Lot nge tabinaew nra milgad ko fare kirebnag? (muguy ko Genesis 19:12–17). Ba uw rogon nima ayuwegnem Somoel nge tabinaew nge mil nigem fa ayuwegnem ko tin nib kireb nibay u fayleng? Mu tafneynag rebe ngiyal’ ni gowod e keyib e lumel ngom ni ngam “[sap] nga tomur” (verse 26 machane ribt’uf ni ngam ul’ul’ ko sap nga m’on u fithik e mich ngak fare Tathapeg. Mang gabe Luke 9:3 nagfan ko rogone biney?

Ngkum guy ko Joseph Smith Translation, Genesis 19:9–15 (alan e appendix ko Bible).

Elder Jeffrey R. Holland ke fil:

“N’en ni kireb, ko le’ngin Lot e gathi kemus ni sap nga tomur; ya u gum’ircha’en e ba’adag ninge sul nga tomur. Ke m’ug ni aram rogon nike thumur nga wuru’ fapi binaew, machane kube tawreng nag e n’en nibayu Sodom nge Gomorrah nifan ngak. …

“Ma bayni le’ngin Lot e sap nga tomur nib sug e fanakikan u gum’ircha’en ni bachane n’en nike yoeg Somoel ni ngar rin’ed. … Gathi kemus ni bachane ke sap nga tomur; ya ke sap nga tomur ni riku ba’adag ninge sul. Ma bachane, be sulaen’ kotin nga tomur ban’en ma dani pagaen’ ko in ngam’on ban’en. Nike mu’, ni sana, irerame yani tomur ko denen rok.

“… Ri gu be wenig nag ngomed ni damu taga’ gad kotin nike thumur ban’en fa kotin fowap ban’en, ni demuturug rogon fani fel’an’um ko rogon e tin nikam rin’. Yatin nike thumur e fane ngan fil rogon ma gathi boachane ngan paru fithik. Ngad sapgad nga tomur ko tin nike ayuwegdad kad mon’oggad ma gathi awattngin. Ma napan e bayda filed e tin nibt’uf ningad filed kotin nike buch rodad, ma arame rayog ningad sapgad nga m’on meyib ko tafney rodad ni mich e gubin ngiyal’ mabsap kotin ngam’on ban’an. …

“… Tafney nag etin nike thumur, nib mu’un e denen nikam rin’, e dani fel’! Gathi arogon e gospel ku Yesus Kristus.

“Gubin e [gidii’] ko gubin e mfem, gube pogoran ngomed, ‘Dab mpaged talin e bpin rok Lot’ [Luke 17:32]. Tin nga m’on ban’en e fane mich. Tin nike michuwun’uy ngak nike thumur e dani n’uw napan ninge par urom. Mich e wod ninge pagaen’uy ngak Got nibay bogi ban’en nirib fel’ nibe ayuweg nifadad nge Kristus ni’ir e ‘fare Prist ni Th’abi Ga’’ (Hebrews 9:11)” (“The Best Is Yet to Be,” Ensign, Jan. 2010, 24, 26–27).

Riyul’ edan nang ko mongfan ni motochiyel nag Got ngak Abraham ninge pi’ Isak ni miligach, machane gadad manang ni biney e ba sikeng nifan ko mich rok ngak Got. Ma gadad manang “ni boed rogon Got nge Fak ni Maʼagirag Rokʼ.” (Jacob 4:5). Napon e baymu be’eg e Genesis 22:1–19, ma rayog ni ngam sapnag e pow fa ban’en nib chugur rogon ku Abraham ni pi’ Isak ninge mang mo’oruf nge Chitamangiy ni pi’ Yesus Kristus, ni’ir e Fak ningan miligach nag. Mu yoeloy etin ni baymu pir’eg ko chart niwod ya’an e biney:

Mang e kam guy ko pow ko fare bayul rok fare Tathapeg ni pi’ ni miligach nib ga’fan ngom? Me lemnag ngammoen’ rebe tang fa be’eg ethin ko rebe hymn nibe dag e t’ufeg rok e Chitamangiy nu Tharmiy ngodad, ni wod e “God Loved Us, So He Sent His Son,” Hymns, no. 187. Ma bay ni gara adag ni ngamu yoeloy e pin’en ni gabe thamiy ko mornga’agen e miligach nike pi’ e Chitamangiy nu Tharmiy nge Yesus Kristus ngom.

Fa’anra gaba’adag ni ngam fil boch mornga’agen e miligach nitay fare Tathapeg rodad, ma rayog ni ngam be’eg e mulwol nike yib ku President Jeffrey R. Holland “Behold the Lamb of God” (Liahona, May 2019, 44–46). Mangfan ni fare fak e Saf e ir rebe pow nibgel nibe yipfan fare Fak Got? Mang e ke machib nag President Holland nike gelnag e liyor rom ko fare tawa’ath nike pi’ e Chitamangiy nu Tharmiy?

Ngkum guy ko fare (video) “Akedah (The Binding)”, Gospel Library.

12:57

• Ra ngan fil mornga’agen Abraham nge Sarah ko rogon ni pagaen’ row ko fapi michmicheg rok Got, magur nge pifakam e rayog ni ngamu weliyed mornga’agen bangiyal’ nike t’uf ni ngar soen gad ko ban’an ni riyad ba’adag ni ngar thapeged. Ma krayog ni ngamu sapgad ko fare sassing ni ya’an Sarah nge Isak nibay ko m’on ko biney e outline min weliy mornga’agen fapi michmicheg ni michegnag Got ngak Abraham (ngkum guy ko “Abraham nge Sarah,” ulan Fapi Yaat ko Bin Kakrom e M’ag, 28–31). Mu ayuweg pifakam ngar tafney niged boch ban’en nike michmicheg Got ngodad ni fa’anra gadadra par ni gadadba yul’yul’. Mpi’ e athamgil ngorad ni ngar soen niged ma pagaen’rad ngak Got nra rin’ etin nike michmicheg nra rin’.

  

  2:20

• Ra ngam ayuweg pifakam ni ngar filed e tinnib ga’fan nibay ulan e Genesis 18:14, ma rayog ni ngamu yoeloy rareb fapi nibay kogin som’on ko fare sentence ko fare verse ngalan bange babyor. Nge mu’ mag athkuy fapi babyor, mag pining pifakam ni ngar yarmiyed rogon fapi thin. I Gur nge pifakam e rayog ni ngamu be’eg e Genesis 17:15–21; 21:1–7 ni ngam gayed rebe kanawo’ ko ban’en nike rin’ Somoel ni gowod e rib momaw’ ningan rin’. Mu weliy e mich rom ngak pifakam ni gamanang ni Somoel e rarin’ ni wod rogon nike michmicheg, ni demturug rogon koba momaw’ fa ban’uw napon fani buch.

• Mufith ngak pifakam ko bangiyal’ nike fithrad be’ ni ngar rin’ed ban’en niyad manang ni dani mat’aw. Uw rogon marayog ni ngad “milgad” ko tineye ban’en? Mufil e Genesis 19:15–26 mag weliy ni tabinaew ku Lot e ipar ko bangi binaew nirib sug e denen riy meyib rebe angel ngabi yoeg ngorad ningar chuwgad urom. Napan e baymu be’eg pifakam utabaang e verses 15–17, 26, magfith ngorad ko mange be yipfan ni ngan “mil” ko kireb ma “dab mu sapgad nga tomur” (verse 17).

• Muguy ya’an ko fapi sassing ni ya’an Abraham nge Isak nge fare Kuruthnag (muguy ko Gospel Art Book, nos. 9, 57) erayog ninge ayweg pifakam ngar guyed rogon en’en nib tarebrogon ko Genesis 22 nge rogon e miligach nitay fare Tathapeg (muguy ko Matthew 27:26–37). Mang e rayog ni ngad filed ko mornga’agen e Chitamangiy nu Tharmiy nge Yesus Kristus nibay ko mornga’agen e chep ku Abraham and Isak nge fare Kuruthnag? (Ngkum guy ko “Abraham nge Isak,” ulan Fapi Yaat ko Bin Kakrom e M’ag, 34–37.)

  

  2:0

• Rayog ni ngamu tafney nagreb e gosgos nrayog ninge rin’ pifakam ni yaedbe gayrogon ningar laked etin ni gabe yeog ngorad? Sana biney erayog ninge woliyrad ko rebe sassing ni ya’an fare Tathapeg nikam mithag. Biney e gosgos e rayog ninge tababnag e sabathin rodad ko mornga’agen e motochiyel nike pi’ e Chitamangiy nu Tharmiy ningad rin’ed ni ngayog ni ngad suled ngad pired biyay rok nge Yesus Kristus. Mu lem nag ngamon’ed e tang niwod e “Keep the Commandments” (Children’s Songbook, 146–47). Activity nibay ko fapi payg ko biney ewik e rayog ninge pi’ e ayuw ko biney.