Fare Tabinaew nu Isreal

Bangu dakene ted of Canaan, e par Jacob riy nibe rus ninge mada’nag facha’ ni walegen ni Esau. Bin tomur e ngiyal’ niguy Jacob Esau, e gonpon e riliw’ e duw nikeyan, me Esau e ba adag ninge li’. Jacob e par ninep nirib magaf laniyan’, mebe ning ba ayuw ngak Got. Nibchane mich, parriy, nge mudgliy roek Jacob, me fulweg Got lungune fapi mebil roek. Renep nem e thil fidngan Jacob ku Israel, bangochol nibe yipfan, ngafithik bugi ban’en, “me uniyan ngak Got” (Genesis 32:28, footnote b).

Fi’ireray e bin tomm’on yay ni fare ngachol ni Israel eke m’ug ulane Bible, maba ngachol nibeyan u fithik e babiyor ngu fithik e tin kakrom. Re ngochol nem e chiney e yibe yoeg ku pumm’on nibo’or. Israel e bay ragag nge l’agrow e pagal nifak, ma girdii’en e yima yoeg ni fare “tabinaew ko Israel,” ni “pifak yu Israel,” fa fapi “Israelites.”

Ulane chep nikakurom, pifak yu Israel e baga’ tha’enrad ngareb fare ulung ko fare ragag nge l’agrow i ulung ko Israel. Girdii’en rad e baga’fan ko tha’ rorad. Fare Apostle Paul e yoeg ni’ir ebay “kofare ulungen Benjamin” (Romans 11:1). Rebfan ni loeg Lehi fapi pagal nifak ngar suled nga Jerusalem ningar feked fapi plates nib brass yepi plates nem ebay “chepin e chitamngin riy” (1 Nephi 5:14). Lehi e pir’eg ni’ir ebay ko ulungen Joseph, me pifak e yadbe nangfan niyad ba ulul kofare tabinaew ko Israel er nimcheg norad kopi duw ni’iyib.

Ulanggin e Galasia e dabo’, bay murung’ag marnge’gen Israel ko yubugithin niwoed e biney “fare mukun ko Israel” Gadad ma tangnag marnge’gen fare “Tabiyul ko lsrael,” fare athpeg ko Israel nge Elders ko Israel.” Ko biney, gathigadad be weliy fa gadad be tangnag marnge’gen fargi tafen yu Israel nikakrom fa fare ulung ni kanoeg Israel ngorad. Ya, gadad be weliy e girdii’ nikan kunuyrad kopi nam u daken e fayleng ngalane galasia rok Yesus Kristus. Gadad be weliy epi girdii’ nibe athmagileg Got, niyad bening e taw’ath rok, miyad, nikan tawfe nagrad, ekar manged girdii’en nikar ngongliyed batha’. Ulan fare thin ku President Russell M. Nelson, ngan par ku Israel ebe yipfan “ningan pag Got nge gagiyognag e yafos rodad, … ngad paged Got ngari gel u lane yafos rodad.”

Mebil ko patriarchal Rom e yoeg nigab ulul ngareb fapi ulung ko tanbinaew rok Israel. Bang nib ga’fan ni marnge’gen chepin e tabinaew. Bayfan ko chiney nge ngam’on. Ngan mang choenggin fare tabinaew nu Israel ebe yipfan nibay batha’ u thilmew e Chitamngiy nu Tharmiy nge Yesus Kristus. Be yipfan nigur, niwoed Abraham, en dugliy ningemang “ba taw’ath ngak pifak Got (Genesis 12:2; Abraham 2:9–11). Be yipfan, kofare thin ku Peter, ni “gur bayangar nikan mel’eg, ba priesthood nib toelang, banam nib thothup, girdii’ nib thil; ni thingar mudaged i ta’fan e ’en nike pinngem u fithik e talmor kamub nga fithik e tomilang rok” (1 Peter 2:9). Be yipfan ni gur “ekam pag Got be gagiyog”—nigur be’ nima “athamgiliy Got” u napon nigbe tayfan fare tha’ num tay Ngak.