Genesis 24–33

Napon nigbe be’eg Genesis 24, mudi’eriyem ko mongfan ni lemnag Abraham fare mabgol ku Isaac nifak ningri ga’fan. Mongfan ni mabgol e rib ga’fan ku Got?

Mang bafel’ngin Rebekah nigbe guy nibfel’ ngareb e mabgol fa tabinaew nib gel? (muguy ko verses 15–28, 57–61).

Mukum guy ko fapi Topics nge Questions, “Mabgol,” Gospel Library.

Ulanggin e yalen ku Isak nge Rebekah, bin ilal e pagal nifakrow era fek fare birthright, be yipfan nibayi fek nibo’or, nim mu’un ngongolen i t’ufeg e tabinaew ngay nibgel. Bay mu be’eg Genesis 25:29–34, mu lemnag ko mongfan ni adag Esau ninge thilyeg e birthright rok ko ggan ninge kay. Mange kamfil nifan ngom ko ren’ey? Sana rafel’ ningam ngongliy l’agrow e lists: (1) taw’ath nib manemus niba adag Got ninge pi’ ngom fa (2) tin nu fayleng ban’en nirayog ninge feke n’um kotin nib ga’fan. Ere rayog ningam be’eg ni, thilyeg e “birthright” ngab ban’en kobin som’om e list nge “pottage” ngab ban’en kopbin l’agrow. Urogon ningam tayen’um ko fare tathpeg nge fare taw’ath ko gospel Rok nib manemus?

Mukum guy Matthew 6:19–33; M. Russell Ballard, “Mutay u wun’um e tin rib ga’fan,” Liahona, May 2023, 105–7.

Napon nibe mol nibe teyey’ nga bugi malang, Jacob e lik’ay nag e yifos rok-nibe thil. Rib machalbog erenn’em nibuch me tunguy Jacob fidngan e riginn’em ni Bethal, fa “na’un ku Got,” nibe yoeg, “Ribay Samoel ko riginn’ey” (Genesis 28:16).

Bay mu be’eg e Genesis 28, masana baymu de’eriyem mange buch ko renn’ey nirib machalbog ngak Jacob. Mange be buch rok ko ngiyal’ nem? Urogon e thamtham rok? Rayog ningam gay e thin nge bugithin ulane verses 10–22 nibe pug’uran ngom fare na’un ku Samoel. Mange beyib ngan’um u marnge’gen Got, na’un Rok, nge fapi tha’ Rok?

U tomuren e renn’ey e ya’an e likay ku Jacob nikan achay; rayog ningam sap ngay u napon nigbe be’eg. Fa’an rangam ngongliy rebe drowing niffanam kore likay ney, mange garam rin’? Mange bay kore yat ney nib riyul’ ningam fek ya’an?

Fare tang ni “Nearer, My God, to Thee” (Hymns, no. 100) eb legfan ko n’en nibuch ku Jacob. Mange gabe guy nib ulul u thilin ere tangney nge Genesis 28:10–22? Urogon nibe aywegnem e temple ngam chuchgur ku Got? Musap nag e fulweg kore duwerney u lan fare mulwol ku President Russell M. Nelson’s “The Temple nge def rom nib thothup” (Liahona, Nov. 2021, 93–96). Mukum sap ko fare tha’ nge taw’ath ko na’un ku Samoel u lane General Handbook, 27.2 (Gospel Library). Urogon niyra fol kopi tha’ney me pi’ gelngin Got ngalane yafos rom?

Baymu be’eg Genesis 29:31–35 nge 30:1–24, musapnag yubugithin nibe weliy mernge’gen e murnguy rok Got ngak Rachel nge Leah. Mulemnag rogon ni Got e “sap [ko fapi] magawon rom” nge “lem” nigem (Genesis 29:32; 30:22).

Napon nisul Jacob nga Kanaan, makri “rus nge tamdag” ngarogon walagen ni, Esau, ko n’en nra rin’ ngak (Genesis 32:7). Baymu be’eg e Genesis 32–33, mulemnag e tha’ ko tabinaew roem—sana reb nib t’uf ningan golnag. Sana re yatney e bayi pi’ ngalanin’um ningam ayweg be’. Duwer ni arary rogon e rayog ninge pow’iye tabe’eg roem:

• Urogon ni fal’eg Jacob rogon u m’on ninge mada’nag Esau?

• Mange kamguy kofare mebil nitay Jacob ulane Genesis 32:9–12?

• Mange kamfil kofare min’agfan nitay Esau?

• Urogon nirayog ninge aywegdad fare Tathpeg i golnag e tha’ ko tabinaew rodad?

• Ningan weliy fare t’ufeg ku Rebekah, rayog ningam dag ku pifakam ere sasing niba’ray fa gosgos ko biney e week u napon nigbe be’eg fare yat u lane Genesis 24:10–21. Pifakam e sanayad ba adag ning ranoed u ya’an fare yat. Ren’ey e rayog ninge yan ngan weliy marnge’gen e t’ufeg nigur nge pifakam e kam guyem.

• Mulemnag ngamon’ed u ta’bang rebe tang ni marnge’gen e t’ufeg, ni woed, “Kindness Begins with Me” (Children’s Songbook, 145). Pifakam e rayog ningar motoyilgad kofare thin ni “t’ufeg” (fab thin ni ta’reb rogon ngay) miyad sakiy u napon nikar rung’aged. Urogon ningad daged e t’ufeg niwoed Rebekah?

• Mulemnag ngam fanay yaten “Jacob nge Esau” (ulanggine Bin kakrom e M’ag, 38–41) ninge ayweg pifakam ngar nangfaned fare yat u lane Genesis 25:21–34. Sana pifakam e rayog ningar lemniged ni de’riyrad Esau ko urogon niyadbe lemnag ko nge thilyeg fare birthright rok kofare pottage fadangay. Mange yadra yoeg ngak?

  

  2:5

• Mange tin nib ga’fan nib manemus ngoem nge pifakam? Sana rayog ninge gay pifakam e sasing fa bugi ban’en nibe ypi’fan e pin’ey. Urogon nimngad daged ku Samoel ni pin’ey e baga’fan ngodad?

• Baymu be’eged Genesis 28:10–22 u tabang, marayog ningam use nag batawo’ fab (sasing nibay u tungun ere thinney) ningan weliy ni urugon ma tha’ rodad e ta’reb rogon ngab tawo’. Sana pifakam e rayog ningar ya’an niged niyad beyan ngalang ko tawo’, marareb e step riy, muweliy bingiyal’ nikad micheged ningad folgad ku Got, niwoed nikad tawfe gad, minkay fare sacrament, fa niyan nga temple. Urogon ni fare tha’ rodad ere chugur nagdad ku Got?

• Ni ngan weliy e pi verse ney, muweliy ni tomuren bukun e duw nikeyan nib tagan e tafney, meyan Jacob ninge mada’nag Esau biyay. Mube’eged u t’abyang Genesis 32:6–11. Urogon ni thamiy Jacob? Mange rin’ ninge ninge ayuw? Dabbe’egged u ta’bang Genesis 33:1–4 magad pateg rogon ni fulweg Samoel fare mebil ku Jacob. Fa’an rayog ninge non Jacob nge Esau ngodad e dabo’, mange yow rayoeg ninge aywegdad u napon nibay e pi tugthin u lane tabinaew rodad?