Genesis 37–41

Ke buch nibo’or ngiyal’, ni yo’or ni mangil e pag adow Joseph, machane fare Somoel e ridabi pag adow. Npan nigabe bi’eg fare yat rok Joseph, mag laminag e pi duwer nib’aray: Mang e i rin’ Joseph ni par nib chuchgur ngak fare Somoel? Urogon ni’i moey fare Somoel rok “ngak”? (muguy Genesis 39; 40:1–19; 41:9–45). Mang e kam fil ko mornga’agean fare yat rok Joseph nibe pug’uran ngom fare Somoel nibay u lane yofas rom?

Sana kagra fith mornga’agaen e duwer nib t’aborgon ko yofas rom. Mang e kam guy ma kam nang ni fare Somoel e dawri pagem u nap’on nigbe gafgow . Muleminag ko rogon ningam pi’ mornga’agaen boech e pin’ey nifan e tabinaw rom nge tabinaw ngam’on (muguy ko 1 Nephi 5:14).

Ma arogon, bay boech e magawon ngam’on. Mang e rayog ningam rin’ ko ngiyal’ ney ngeyog nidam palog ko fare Somoel? Mulaminag rogon nigabe yoleoy ba babiyor nifan ngom ngam’on nigabe pi’ e athamgil ngalanin’um ningam par nigab chuchgur Ngak ndemturug rogon. Masana gara uneg boech rogon nike yan Joseph riy fa thin roek Elder D. Todd Christofferson “Rogon e Tha’ Rodad Ngak Got” (Liahona, May 2022, 78–81).

Ngkum guy ko John 14:18; Romans 8:28; Alma 36:3; Doctrine and Covenants 121:7–8; “Abide with Me!,” Hymns, no. 166.

Joseph e bay ba tow’ath rok nima non fare Somoel ngak u lane lik’ay rok. Mang e kagra fil u Genesis 37:5–11; 40:5–8; 41:14–25, 37–38 ko mornga’agaen e thap nibe yib rok fare Somoel? Niwoed , mange kamnang u rogon e yi’iy ni’i yib ngak Joseph nib mom’aw i nangfan? (muguy ko Genesis 40:8; 41:16).

Laminag rogon urogon nibe dag fare Somoel gil’ilngun ngom. Mang e gabe rin’ ningam mithmith boech ko pi yi’iy nikan pi’ ngom? Mang e gabe rin’ boech ninge yog rogon e kanawo’ Rok ngom?’

F’anra kan pi’ e motochiyal ngak Joseph ndabi yib e m’owar ngak nga’i melethay iyan, ma mang e gabe laminag nra’i yoeg? Tay an’um kore bugithin ney u napon nigabe bi’eg u lane Genesis 39. Niba’ray rogon, mu laminag ko urogon nra i sap Joseph nga’:

• F’anra dariy be’ ni manang ko mang e gube rin’, ma dariy fan fa? (Muguy u verses 8–9).

• Gube gay rogon ninggu pag e m’owar, ma re lumel ney e dabi tal nibe yib (Muguy ko verse 10).

• Mang e rayog ninggu rin’ ni f’anra bay e lumel nib gel? (muguy ko verse 12).

Urogon nrayog ningam weliy ni fare motochiyal ko fare fal e rib ga’fan? (Muguy ko Fan ko Gelngin e Pin’in ni Fal’yangen:Babyoren e Powi’iy ko Rogon ni Ngan Me’eleg, 23–28).

Rogon nibe yan Joseph riy, e kut’aborgon, nrayan ngaboech e lumel nib thil boech. Rogon nike yan Joseph riy u lanen’um, mag fal’agin rogon ningam man riy ndam’un ko lumel. Ba’ray rogon, rayog ningam yoloey ngabut’ e lumel nibe yib ngom ko gubinyang gin nigabay riy mag gagiyag nag rogon ningam “mil” unapan nra yib e pi lumel nem ngom biyay.

Ba’ray boech e chep nib thothup nrayog ninge ayuweg nem ko pinen nigabe tanam nag. Mang boech bin’en nigabe fil ko urogon nibe ayuwegnem fare Tathapeg ndabi yib fare lumel ngom? Matthew 4:1–11; 1 Corinthians 10:13; 1 Nephi 15:23–24; 3 Nephi 18:17–18.

Napon nigabe fal’agin wo’en, mag laminag ko boech i ngiyal’ nga tomur ko rogon ni ’um ayuwegnem ngam pag e lumel. Urogon ni ayuwegnem fare Tathapeg? (muguy ko 2 Nephi 4:18–33).

Fare lik’ay rok Farao ni piliyeg Joseph e i pow’iyrad me tilaeg e uyngol nsusun nra yib ngorad (muguy ko Genesis 41:15–57). Mulaminag ko mang e thin nib thothup nibe athapeg fare Somoel ninge yog ngom. Urogon nigabe thamiy ko rogon niba’adag ningam fal’agin rogom ko gafgow ngam’on?

Muguy rok David A. Bednar, “Gadra Dag Ngorad ko Rogon,” Liahona, Nov. 2020, 8–11.

• Kan bi’eg e chamcham ni’i buch u lane tabinaw ku Joseph ma kad ninged rogon ningad t’ufegned e tabinaw rodad. Fa’anra ngam weliy mornga’agaen e yat ko Joseph nge pi walagen ko Genesis 37, ma rayog ningam murwel ko sasing ko giney fa u lane “Lik’ay rok Joseph” (ulan Fapi Yaat ko Bin Kakrom e M’ag, 47–51). Mag pow’iy pifakam ngar weliyed mornga’agaen ere yat ney. Sana gara yoeg ko bitir roem ningar lamniged niwoed niyad bay u lan fare tabinaw ku Joseph Mang e yadra yoeg miyad mang boech choenggin e pich’an niyadma pi’ e gapas? Ba’ray rogon, mang e be yip’fan ningan “non nib gapas rogon” u lane tabinaw? (verse 4). Urogon ni Yesus Kristus e ir e cha’an nima pi’ e gapas u lane tabinaw rok Got?

  

  2:17

• Naponra gafgow pifakmed, ma rib t’uf ningar ninged ni fare Somoel rorad e ra i par rorad, niwoed rogon ni par Rok Joseph. Makurayog mingam pow’iyed e bitir ngar yoloeyed ko babiyor ko urngin bin’en ni gafgow Joseph riy (muguy u Genesis 37:23–28; 39:20; fa “Lik’ay ku Joseph nib Athamgil” nge “Joseph u lan u Egypt,” ulan Fapi Yaat ko Bin Kakrom e M’ag, 47–51, 52–56). Gubin e gafgow nira ranoed riy, moeg ko bitir ngan un i yoeg, “Fare Somoel e i moey rok Joseph” (Genesis 39:2).

  

  2:17

  

  2:50

• Masana rayog ninge sapnag e pi bitir u Genesis 39:1–3, 20–23 ko gubin e thin nibe yoeg “Fare Somoel e i moey rok Joseph” nge boech e thin nib chuchgur ngay. Mag pag rad ngar weliyed ko mang e be yipfan e buguney e thin. Urogon magadra nang ni fare Somoel e bay rodad? Moeg ngomed ko urogon ni’um thamiyed Got nibay romed ko napon nibe mom’aw e yofas.

• Ba’ray rogon binen nira ayuweg e bitir roemed ngar laked wo’en Joseph ni mil rok fare pin ku Potifor: Mu tay l’agrow i magnet nga ta’bang reb nibe yipfan Yesus Kristus nge reb nibe yipfan mo’oniyan’. Mufek buchi wasay, niwoed e clip ko babiyor, nibe yipfandad. Magdag ko bitir ko rogon nib thil rogon fare magnet nib gel gengin nibe pow’iy fare wasay nge gechgech fa chuchgur ngay. Urogon e yofas ko Joseph Genesis 39:7–12 nibe yipfan e tin riyul bugibin’en? Mang e rayog ningad rin’ed ngad paloggad ko denen magad chuchgur ngak Yesus? Fare video “Lumel era Mathmath u napon Nigadra Sapnag Yesus ko Gubin e Laem Rodad” (Gospel Library) nge tang nwoed “Rib T’uf e Gubin e Awa Rog” (Hymns, no. 98) era pi’ boech fan e ayuw.

  

  2:58

  Mufanay e musik. “Tang niwoed e tang ko bitir e ayuwegrad ngar thamiyed e adag ku Got, fare kan thothup, miyad fil e tin riyul’ ko gospel. Fare lingan, ya’an lingan, nge rogon nib achig lingan era ayuweg e bitir ngar tafinayed e gospal nib riyul’ ko duw nibe yib i yib. Bay’um un ko bitir ko tang, mu ayuwegrad ngar pateged miyad nangfan e pi chep niybe fil ko tang” (Machib ko Rogon Wo’en fare Tathapeg, 32).

• Ayuweg pifakam ngar lamiged e lumel nra’iyib ngorad ngam’on. Mag ayuwegrad ngar ranoed u rogon-ningar “milgad” ko lumel nra yib ngorad.