Genesis 42–50

Kam nang bugi ban’en ni tareb rogon u thilin e yafos rok Joseph nge fare bayul ku Yesus Kristus? Ra nagmguy rarogon e pin’ey nik ta’reb rogon, muguynrogon i ta’reb nag:

• Genesis 37:3 nibay ku Matthew 3:17.

• Genesis 37:26–28 nibay ku Matthew 26:14–16.

• Genesis 45:5–7 nibay ku Luke 4:18.

• Genesis 47:12 nibay ku John 6:35.

Mange gabe lemnag u marnge’gen Fare Samoel nge murwel rok u nap’on nigbe be’eg e pi thin ney?

Gabe bi’eg marnga’gen Joseph nibe n’agfan e pi kireb nitay piwolegen ngak e sana be pug’uran ngom be’ nigbe magawon i n’agfan e kireb rok. Pi duwer ney e re ayweg nem u nap’on nigra athamgil ngam fol ko pin’ey:

• Momngfan ni sana bamo’maw’ ninge n’ag Joseph fan e kireb rok piwulegen? (ngam guy e n’en nikar rin’ed ngak, muguy ko Genesis 37). Mang boech ban’en nipi’ gelngin Joseph ninge n’agfan? (muguy ko, fare rogon, Genesis 45:1–15 fa 50:15–21).

• Mang boech e taw’ath niyib nibchan e n’agfan Joseph e kireb ku piwolegen? Fare ragon, muta’reb nag ko fare tha’ ko tabinaew rok Jacob u tuboelngin fare yat’ (muguy ko, fare rogon, Genesis 37:3–11) nibay fare tha’ u tungun (muguy ko Genesis 45:9–15; 50:15–21). Mange e rayni buch nifa’an ra dabun Joseph ninge n’agfan?

• Mu yoeloey fidngan be’ ngabut’ nibt’uf ningam n’agfan rok—ndemutrug koke ning e min’agfan fa dawo’. Mange rayog ningam rin’ nge yib gelngin e yafos ku fare Samoel ko reginn’ey? Fa’an ra man’agfan eb mo’maw’, musap ko fare thin ku Elder Gerrit W. Gong kobin nel’ e paragraphs kore bugithin ney “Falfalan’ nge Manemus” (Liahona, Nov. 2022, 85). Mange kam pir’eg nibe ayweggem ngayog ningam n’agfan?

Muguy ko Doctrine nge Covenants 64:9–11; “Man’agfan: Gafgow rog ekan badu’eg” (video), Gospel Library.

8:24

mebil nipi’ Jacob ngak pifak eb fanathin, machene bamo’maw’ ningan nangfan. Kemagar, fare gospel nikan sulweg yabe pi’boech e ayuw. Nap’on nibaymu bi’eg fare mebil nnipi’ ngak Joseph ko Genesis 49:22–26,mu be’eg e bin migid e verse, ngam guy komang e beyoeg: 1 Nephi 15:12; 2 Nephi 3:4–5; Jacob 2:25; Doctrine and Covenants 50:44.

Nap’on nibaymu bi’eg marnge’gen e mebil ku Judah ko Genesis 49:8–12, mutafney nigem riy ni Yesus Kristus e girgii’ rok Judah. Mange kam pir’eg kopi verse ney nibe pug’uran ngom fare Tathapeg? (ngkum guy ko Revelation 5:5–6, 9; 1 Nephi 15:14–15; Doctrine and Covenants 45:59; 133:46–50)

Bi’eg epi mebilney e sana be pow’iyyem ngak sap ko mebil ko patriarchal rom—fa, fa’anra dariy reb roem, mufek reb. Mang boech e thin nibe l’eggan’um ku Yesus Kristus?

Ngkum guy ku Randall K. Bennett, “Mebil ko Patriarchal rom—eb Kanawo’ Niyib Rok e Chitamngiy nu Tharmiy,” Liahona, May 2023, 42–44.

Da’ni tomilang rogon ni i yan u fithik, Joseph e yog ninge sap kopi gafgfow nitay u Egypt me guy ni “Got e ta’fan nib fel’” (Genesis 50:20). Fa’an rayog ni ngamman muguy Joseph u nap’on i moey u lane low fu kalbus, uwrogon ningam gapaseggan’? Uwrogon ni Genesis 50:19–21 e nge ayweggem kopi gafgow rom?

Muguy ko Doctrine and Covenants 122; “How Firm a Foundation,” Hymns, no. 85.

Baymu bi’eg Genesis 50:24–25 nge Joseph Smith Translation, Genesis 50:24–38 ulane Bible appendix), mulemnag ko mongfan nib ga’fan ku Joseph ninge nang marnge’gen Moses nge Joseph Smith nikab n’uw nap’on nga urel. Uwrogon ni Joseph Smith e fal’eg fare bugithin niyoeg Joseph ni marnge’gen? (muguy ko Doctrine and Covenants 1:17–23; 20:7–12; 39:11; 135:3).

• Sana ba adag e bitir roem ning raned u ya’an fare yat’ ku Joseph nibe kunuy e tabinaew rok (muguy ko Genesis 42–44). Fa kura yog ningar murwel gad ku “Joseph nge fare Uyngol” (ulane Bin Kakurom e yat, 57–60) fa sasing nibay ko outline nibayi michib nag fare yat ngodad. Ba’ray boech e duwer nra ayweg e pi bitir roem ngar filed fare yat:

  • Mange rin’ Joseph ninge dag e adag ko tabinaew rok? (muguy ko Genesis 45:4–15).

  • Mongfan nigbe lemnag nike n’agfan Joseph fapi pagal ni walegen?

  • Ur rogon nigbe lemnag nike thamiy piwolegen Joseph u nap’on nir nanged nike n’ag farad Joseph? Mini’ u lane yafos rom ebt’uf ningam n’agfan? Uw rogon ningam dag e adag nge man’agfan?

  

  2:26

• Gur fa pifakam e sana yiba’dag ningan weliy bingyal’ nikar n’agedfan be’ fake n’agfarad be’. Rayog Ningmoen’ rebe tang ni kanoeg e “Adag be’ nge be’” (Children’s Songbook, 136) fa “Help Igag, O Chitmag” (Children’s Songbook, 99).

• Gur nge pifakam e rayog ningam sapgad ko sasing ku Jacob nibe yibliy fapi pagal nifak u online magmed weliy ko mange be buch (muguiy ko Genesis 48:8–9). Fa’an rabt’uf, mu weliy ni Jacob, chitamngin Joseph, e ba’dag minge pi’ e mebil ko priesthood ko tabinaew rok. Rayog ningam weliyed u thilmed boech marnge’gen e ayuw niyib rok Got u dakene mebil ko priesthood. Mang boech fan nigadad be ninge mebil ko priesthood?

• Urogon ningam ayweg pifakam ngar guyed fare Tathpeg u lane yat ku Joseph nibe ayweg e tabinaew rok ko fare uyngol? Mungongliy ba chart ni l’agrow guruy nikan yoeloey e Joseph nge Yesus Kristus. Mu ayweg pifakam i gay u langgin e gali scripturs ney miyad yoeloey ko fare chart e pin’en nibay nibta’reb rogon ku Joseph nge Yesus: Genesis 37:3 and Matthew 3:17; Genesis 37:26–28 nge Matthew 26:14–16; Genesis 45:5–7 nge Luke 4:18; nge Genesis 47:12 nge John 6:35.

• Mufith pifakam ko mange be yipfan ningan bayuliy fani ayweg be’ Fa’anra bay bagyad nike buch rok nikan bayuliy fan ayweg u ban’en nira mad’ad riy, moeg ngak nge weliy. Urogon ni ayweg Joseph piwalegen? (muguy ko Genesis 42:1–3; 45:5–7). Ere rayog ningam sapgad ko sasing ko fare Tathapeg magyoeg ku pifakam ngar weliyed marnge’gen rogon nike bayuliyrad Yesus.