“March 23–29. ‘Ma Ku Gu Manang e M’ag ni Kug Ngongliy u Thilmad’: Exodus 1–6,” Moey, Ngam Lakeg—Fan ko Tabinaew nge Galasia: Bin Kakrom e M’ag 2026 (2026)
“March 23–29. ‘Ma Ku Gu Manang e M’ag ni Kug Ngongliy u Thilmad’,” Moey, Ngam Lakeg: 2026
Moses nge fare Gakiy nib Muruf, yib rok Jerry Thompson
March 23– 29: “Ma Ku Gu Manang e M’ag ni Kug Ngongliy u Thilmad”
Exodus 1–6
Fare pinning ngak e tabinaw rok’ Jacob ni ke thapeg e yafos rorad. Machane tomur yu biyu’ e duw, pi gidii’en rorad kar manged e sib nge thapeged e gafgow ngak e farao nib bi’ech ni “dariy ban’en u murung’agen Josef ni manang” (Exodus 1:8). Rib moem e fapi Israelites ni ngar lemnag mangfan Got nike baʼadag e pi’nem nike buch ngorad, e gidii’ rok’ ni fal’eg ba m’ag. Rayog ni nge yib ngaen’ ngak e mʼag ni ke tay ngoraed? Ya ku yad e gidii’en Rok’? Rayog ni ke sap urngin e gafgow roraed?
Bay boech ngiyal’ napan ni kam fith woed rogon e pi duwer? Kaga lemnag, “Got e rayog ni nge nang e gafgow rog? Rayog ni nge rungan e wenig rog nifan e ayuw?” Ba ayuw ni pii’ ngak’ Israel yu Egypt ma fulweg pi duwer ney, Got dabi pagtilin e gidii’en Rok’. Me yib ngaen’ ngak e m’ag nike tay ngodaed nge nira fulweg binem ulan e ngiyal’ nge rogon rok’. “Gu pug pa’ag ngalang nib gel gelngin nggu pi’ ba gechig nib gel nga dakenrad,” nike yoeg. “Ni gag SOMOL ni Got romed ko ngiyal’ ni bay gu luf [med] ko sib” (Exodus 6:6–7).
Nifan e weliy ko gubin e chepin ko Exodus, mu guy ko “Exodus, babyor ko” ulan fare Bible Dictionary.
Boech Rogon Nrayog ningan Mo’nognag e Machib u Tabinaew nge Galasia
Exodus 1–2
Rayag ni nge muruwel Got u dakeaneg nifan ko tirok’ Ban’en.
Mang ni gaba’adag morungʼagen e bpin ney ulan Exodus 1–2? Urogon ni kar fulweg e tunom rok’ Got ni fan e gidii’en rok’. Mang e ngongol rorad be fil ngodad morunga’agen e pigpig ko muruwel’ rok’ Got?
Exodus 1–3
Yesus Kristus e irema Ayuwegeg.
Umon ni ngam bi’eg Exodus, sana rayog ni ngam lemnag morunga’agen e gafgow rom ni kam fek—pi’nen gaba athap fare Somoel ni ra chuw. Mang e pi thin ulan Exodus 1–3 ir chuchugur ko e kalbus ko ya’el fa reb e pi’nen u yafos rodad daba’? Mu sap fapi bitir nu Israel me sapgad nifan e chuwegraed nge urogon e Somoel nike fulweg (muguy ko, nifan e susun, Exodus 2:23–25; 3:7–8). Urogon e Somoel ni “gub nga but’ ni nggu chuweg” em?
Ufithik’ e cheppen ko Exodus, rangam sapgad e pi’nen ni woed rogon uthilin Moses nge Yesus Kristus (muguy ko Deuteronomy 18:18–19; 1 Nephi 22:20–21). Woed e susun ni, mang e tin nib woed rogon uthilin Exodus 1:22; 2:1–10 nge Matthew 2:13–16? Fa uthilin e Exodus 24:18 nge Matthew 4:1–2? Mang ni lemnag fare Somoel ni ba’adag ni ngam nanged morunga’agen Ir nge gelngin?
Sap ko fapi pow ni ra micheg marunga’agen Yesus Kristus. “Rangam … guyed e tin nib boed rogon ko yafos rok’ Somoel nge yafos rorad e pi profet nge reb e gidii’ gab yul’yul’ ulan e pi chep nib thothup. [Napan ni ngam rrin’] ni ra dag e pi’nen nib riyul’ morunga’agen fare Somoel ulan e pi’nen ni dabmu sap” (musap ko Teaching in the Savior’s Way, 7; ngkum guy ko Hosea 12:10).
Mich u Lan e Lul’, ke yib rok’ Anne Marie Oborn
Exodus 3:1–6
Rayog ni nggu dag e liyor rog nifan e pi’nen nge tafen nib thothup.
Rayag ni ngam lemnag bangiyal’ napan ni kam sug ko falfalaen’ mab ’ang’ang? Urogon ni kam mang? Uragon ni ngam weliy e thamey ni kam thapeg?
Napan gabe lemnag morunga’agen binem, mu bi’eg Exodus 3:1–6. Mang ni gaba’adag morunga’agen e pi’nen ni ke buch ngak Moses? Urogon Moses ni ke rrin’ min liyoer ngak Got? Mang e pi’nen ni boed rogon uthilin e ngongol rok’ nge liyor rok’ nifan e tin nib thothup?
Napan ni ngam bi’eg fapi vers ney nira fek e tafney rom morunga’agen e tin nib thothup nge tafen nib thothup ulan e yafos rom. Mangfan e pinem ir thothup ngom? Urogon me paer ngak pi’ney nib thil ni fanra bogi ban’an nib tabrogon? Nima powi’iy e lemnag rom, rangam bi’eg e yang ko milwow be kanoeg “Remembering the Promises” ulan e mulwol rok’ Elder David A. Bednar’s “Exceeding Great and Precious Promises” (Liahona, Nov. 2017, 91–93). Rayog ni ngam yon’ fa motoyil e hymn nima pii’ athamgil, woed “I Stand All Amazed” (Hymns, no. 193) nge lemnag mangfan e gospel me balyangaen’ ngom.
Machane, napan ni ke buch e pi’nen nib fal’ rogon nib thothup ngodad, bay e rogon gadad ra dariy’fan nag e pi’nen nib thothup. Urogon ningam chuw pin’ney? Bay la’agruw e milwol nima weliy morunga’agen e magawon ney; mel’eg ta’areb, nge sap ko bochi thin ni ra ayuwegem: Ulisses Soares, “In Awe of Christ and His Gospel” (Liahona, May 2022, 115–17); Gérald Caussé, “Is It Still Wonderful to You?” (Liahona, May 2015, 98–100).
Muguy ko Doctrine and Covenants 6:10–12; 63:64.
Exodus 3–4
Got ma pii’ e gelingim ngak e gidii’ me pinning ngak ni ngar rrin’ed e muruwel’ Rok’.
Daba’ gadad manang Moses ir e profet nge tiyugang’ nib ga’. Machane Moses dabi lemnag binem napan fare Somoel nike pinning ngak’. Napan ni ngam bi’eg Exodus 3–4, mu yoloy boech ban’en ni ke magafan’ Moses nge urogon fare Somoel nike fulweg pi’nem. Mang e pi’nen niba guy ulan e pi guruy ney ni ra ayuwegem napan gara thamey ni gathi fel’ mangil. Bay e ngiyal’ Got ni ke gelnag em fa reb e bee’ napan ni ngam rrin’ e muruwel’ Rok’?
Muguy ko “The Church Gives Us Opportunities to Assist in God’s Work” ulan “Church Organization” u Topics nge Questions, Gospel Library.
Exodus 5–6
Fan rok’ Somoel ni ra fulweg ulan e ngiyal’ Rok’.
Me pii’ ngodad e kirbaen’ napan gadad be guyed rogon ni ngad rrin’ed e tin mangil machane ni dabi buch—napan gadad be guyed rogon ni ngad rrin’ed e tin ni ba’adag Somoel machane dabda sapgad e ta’awath ko ngognol rodad. Rangam fil morunga’agen e pi’nen ni woed rogon ni ke buch ngak’ Moses, bi’eg e Exodus 5:4–9, 20–23. Urogon e Somoel ni ke ayuweg Moses ni ke gelnag e kirebaen’ rok’? (muguy ko Exodus 6:1–13). Urogon e Somoel ni ke ayuweg em ni ngam ul’ul’ me rrin’ e tin ni ba’adag?
Mu guy ko Jeffrey R. Holland, “Waiting on the Lord,” Liahona, Nov. 2020, 115–17.
Ko boech reb, mu guy fare Liahona ko biney e pul nge Fan ko Gelngin e Pi’in ni Fal’yangren pi magazine.
Rogon ningan Machibnag e Bitir
Bachane biney ir bin lal e Madnam ko pul, fapi tamachib ko Primary thingari use nag fapi gosgos ko machib ulan “Appendix B: Falaag Rogon e Bitir ko fare Wo’en e M’ag rok Got nib Machalbog.”
Exodus 1–2
Rayag ni nge muruwel Got u dakeaneg nifan ko tirok’ Ban’en.
-
Moses nike rrin’ e muruwel’ ni nge puf fapi gidii’ nu Israel ko kalbus. Machane dabiyog ni nge rrin’ binem fa’an e chitining, walagen nib bpin, fak nib bpin ko Pharaoh, nge boech reb e pi bpin ni bay e mich dabi matangiy nge ayuwegen. Mu fil ngak e bitir rom morunga’agen e pi bpin ney ulan e Exodus 1:15–20; Exodus 2:2–10 (Mukum guy ko Numbers 26:59); nge Exodus 2:16–21. Rayog ni ngam usenag e page ko gosgos nifan e wiik ney nge “Baby Moses” (ulan Fapi Yaat ko Bin Kakrom e M’ag, 61–63) e rayog ni ngam weliy fapi chep rorad. Urogon gali bpin ney ni kar fulweg e tunom rok’ Got? Mu sabathin gad morunga’agen reb e bee’ ni gaba’adag ni ma rrin’ed e muruwel’ rok’ Got, ni ba tay bu’un e rogon nib achigchig. Urogon ni ngam rrin’ ni boed rad?
1:36Baby Moses
Exodus 3:1–5
Rayog ni nggu tay liyor ngak e tafen nib thothup.
-
Tomuren ni ngam bi’eg Exodus 3:1–5 nga ta’abong, mu fith ngak e bitir ni ngar weliy gali vers ney ulan e thin rorad (Mukum guy ko “Moses the Prophet” ulan Fapi Yaat ko Bin Kakrom e M’ag, 64–66). Urogon Moses nike dag e liyor rok’ u p’oewchen Somoel? Urogon e ba adag Somoel ni ngad daged e liyor rodad? Sana rangam fith ngak e bitir rok ni ngar ayuwegem me piryeg (fa yol) e sasing morungaʼagen fapi tafen nib thothup fa ngognol e thingarda pii’ e liyor? Mang e rayog ni ngad rrin’ed me yarmiy e liyor ko na’un rodad?
1:26Moses the Prophet
-
Mu yon’gad e tang morunga’age e liyor, woed ni “Reverence Is Love” (Children’s Songbook, 31). Napan ni ngam rrin’ed, fapi bitir rom rayog ni ngar mel’eg e pi thin ni ra weliy mang ba yip’ fan e thin ko liyor. Fa’anra kam pining e fagar ni nge un ngom ko missa ni’ir e bin somm’on yay, urogon ni ngad weliy mang ba yip’ fan e thin ko liyor?
Moses nge Aaron be Non ngak Fapi Gidii’, ke yib rok’ James J. Tissot
Exodus 3–4
Napan fare Somoel ni ra fith ngog ni nggu rrin’ e pi’nen, Ir ra ayuwegeg ni nggu rrin’.
-
Napan ni ngam bi’eg e cheppen ney; Exodus 3; 4:1–17, pii’ e rogon urngin e bitir rayog ni ngar manged Moses Binem ni ra mang e gosgos nib falfalaen’ fa’an ni ngam fal’eg boech e pi prop, woed e deengkii nge gakiy me mang e pow ko fare gakiy nib muruf. Ayuweg e bitir ni ngam filed urogon Moses nike thamey morunga’agen e muruwel’ Somoel ni ke pii’ ngak’ (muguy ko Exodus 3:11; 4:1, 10). Sana, rayog ni ngam share nag ngomed e ngiyal’ ni kam thamey boed rogon e thamtham. Mang e pi’nen rayog ni ngam mog ngak Moese ni ra ayuwegen? Mu bi’eg morunga’agen e rogon Somoel ni ke pii’ athamgil ngak Moses ulan Exodus 3:12; 4:2–9, 11–12. Mog ngak e bitir urogon fare Somoel nike ayuwegem ni ngam rrin’ e muruwel ko galasia, fol e thamey ko ya’el, fare rrin’ reb e pi’nen nib mo’omaw’.
Ko boech reb, mu guy fare Pi Tafagar magazine ko biney e pul.