Fan ko Primary—Falaag Rogon e Bitir ko fare Wo’en e M’ag rok Got nib Manechubog

Pi’ e sassing ngak e bitr nibe dag ya’an e mich ngak Yesus Kristus, kalngan’uy, tawfe, nge thapeg e Kan ni Thothup (muguy ko Gospel Art Book, nos. 1, 111, 103, nge 105). Be’eg fa un fapi bitir ngay ngam be’eged fare bin aningeg e kenggin Lik’ngin e Mich, mag piningrad ni napan e bayra rung’aged reb fapi yalen fa gam’ing miyad tininge sassing rorad ngalang. Ayuweg fapi bitir ni ngar nanged ni rareb e pi yalen ney nge gam’ing e ra ayuwegdad ni ngan bod rogon e Chitimangiy nu Tharimy nge Yesus Kristus.

Uw rogon ni ngam ayuweg e bitir nge nangfan ni mich, kalngan’uy, tawfe, nge thapeg e Kan ni Thothup e gathi kemus ninge buch ni tabiyay ya ban’en nima buch u num’ngin napane yafos rodad? Rayog ni ngam dag ngorad ya’an e sassing ko rebe awoch nge bakane gak’iy nib ga’ (fa mu yoloey ya’an nga dakean e board). Ayuwegrad ni ngar lem niged boch ban’en nira ayuweg fare awoch nge tugul, ni wode ran, but’, nge rama’en e yal’. Ayuwegrad ni ngar guyed ni pin’ey e ku wod rogon etin ni gadadra rin’ me chugur nag dad ngak Got ulane yafos rodad—me gelnag e mich rodad ngak Yesus Kristus, kalngan’ ni gubin e ran, tayfan e m’ag rodad ko tawfe, un ngan kay e flowa ko sakrament, nge thapeg fare Kan ni Thothup.

Weliy ko bitir mornga’agen fare yat ko fireckaker niyib ko mulwol rok Elder Dale G. Renlund’s “Uw Rogon Mrayog ninge Ayuwegneg e Kalngan’ Nggu Thamiy e Falfalaen’?” (Friend, Dec. 2017, 12–13, or Liahona, Dec. 2017, 70–71; ngkum guy ko video “Repentance: A Joyful Choice” [Gospel Library]). Ko bang ko fare yat, min tal ngan fith ngak fapi bitir ko mange ran’en ni thamiy Elder Renlund. Mangfan ni gadadma thamiy e falfalaen’ napan e bayda kalngan’gad? Ser nag ko bitir mornga’agen e falfalaen’ nge t’ufeg nikam thamiy napan e mu fith ngak e Chitamangiy nu Tharmiy ninge n’agfan e kireb rom.

4:36

Dag rebe sassing ni ya’an fare Tathapeg nikan tawfe nag nge rebe sassing ko ya’an be’ nikan tawfe nag (fa muguy ko Gospel Art Book, no. 35 fa no. 103 fa no. 104). Fith ko bitir ko mange ran’en nib thil ko gali sassing ney nge n’en ni tabrogon riy. Be’eged utabaang e Matthew 3:13–17 fa “Guruy 10: Jesus Is Baptized” ulane Fapi Yat ko bin Be’ech e M’ag, 26–29. Mpag fapi bitir nge yip’ pa’ ko ya’an e pin’en ni yad be rung’ag ko fapi yat nibay ulan fapi sassing. Weliy ko bitir mornga’gen e t’ufeg rom ngak fare Tathapeg nge adag rom ni ngam laek wo’en.

1:52

Rayog ni ngamu yon’ede tang ni mornga’agen e temple, ni wod e “When Jesus Christ Was Baptized” (Children’s Songbook, 102). Mang boch banaan nikad filed ko re tang ney ni mornga’agen tawfe? Be’eg e 2 Nephi 31:9–10, mag pining e bitir ninge motoyil ko fan ni tawfe Yesus Kristus. Piningrad ni ngar drowing niged ya’arad ko rofen ni yadra tawfe.

Weliy ni m’ag e ba michmicheg uthilin be’ nge Chitamangiy nu Tharmiy. Fa’an gadadra gay rogon e fol ko fapi michmicheg rodad ngak Got, ma Got era tawa’ath nagdad. Yoloey ko board Fapi Michmicheg Rog ngak Got nge Michmicheg Rok Got Nggog. Be’eged utabaang e Mosiah 18:10, 13 nge Doctrine and Covenants 20:37, mag ayuweg fapi bitir ngar yoloeyed gubin e michmicheg nikar pataged utanggin (ngkum guy ko Dallin H. Oaks, “Your Baptism Covenant,” Pi Tafagar, Feb. 2021, 2–3). Ser nag mornga’agen rogon nike tawa’ath nigem e Chitamangiy nu Tharmiy ni bochane gabe fol ko m’ag rom ko tawfe.

Dag ngak fapi bitir e sassing ni ya’an Yesus Kristus nge n’en ni rin’ ko ngiyal’ ni’i machib u fayleng (boche pin’ey, rayog ni ngam guy ko Gospel Art Book, nos. 33–49). Pag e bitir nge weliy ko mange ran’en nibe rin’ Yesus ulan e pi sassing nem. Be’eg e Mosiah 18:8–10, 13, mag pining e bitir ngar list niged boch e kanawo’ ni rayog ni ngar ayuweged e m’ag rorad ko tawfe (ngkum guy ko “My Baptismal Covenant,” Liahona, Aug. 2023, 10–11). Uw rogon nima gagiyeg nagdad e m’ag rodad ko tawfe rogon ngonglendad ko gubin e ran? Pining e bitir nge drowing nag ya’arad niyad be ayuweg be’ ni wod rogon nira rin’ Yesus.

Pining be’ ni fin gin tawfe nag make thapeg fare Kan ni Thothup nge yibi un ko klas me ser nag rogon nike thapeg fare micheg nag ko Kan ni Thothup. Fith e chan’ey ko mange be yipfan ngak ni’ir e ke mang reb chonggin Fare Galasia Ku Yesus Kristus ni Fan ko Gidiiʼen Got ko Tin Tomur e Rran. Ayuweg fapi bitir ngar tafney niged rogon ni ngar ayuweged e m’ag rorad ko tawfe niyad boch e memba ko Galasia. Ser nag rogon nike pi’ e pin’ey e gapas nge falfalaen’ ngom ni bochane kam mang rebe memba ko Galasia rok Kristus.

Dag e sassing ni ya’an fapi gidii’ ni yad bay ko farengi Ran ku Mormon (muguy ko Gospel Art Book, no. 76), mag fith ko fapi bitir ni ngar weliyed ko mange yadbe guy ya’an ko fare sassing. Weliy fare yat ni mornga’agen Alma nge fapi gidii’ nikan tawfe nagrad ko rigin’em (muguy ko Mosiah 18:1–17; “Alma at the Waters of Mormon,” ulan Fapi Yat ko Babyor ku Mormon). Sul ngam be’eg e Mosiah 18:8–9 mag pining fapi bitir ni ngar ranod u ya’an bogi ban’en ninge pugoran ngorad ni yaed e kar manged e memba ko Galasia rok Kristus. Ser nag mornga’agen rogon nikam guy nike pigpig e memba ko Galasia ni arogon rogon.

2:41

Be’eg e Doctrine and Covenants 33:15, mag fith ko fapi bitir ni ngar motoyilgad ko fapi tawa’ath nike pi’ e Chitamangdad nu Tharmiy ngodad ko ngiyal’ nikad tawfe gad nge micheg nag. Ra ngan ayuwegrad ngar filed rogon nima pi’ e Kan ni Thothup e ayuw ngorad, mu be’eged utabaang e John 14:26; Galatians 5:22–23; 2 Nephi 32:5; 3 Nephi 27:20. Krayog ni ngam be’eged e article “A Special Gift” (Liahona, Aug. 2023, 18–19).

Um’on ko fare klas, mu fith ngak reb fa in e galabthir ko fapi bitir ni nge weliy rogon nikan tawa’ath nagrad ni bochane bay fare Kan ni Thothup rorad. Uw rogon ni ma ayuwegrad? Uw rogon ni yadma rung’ag laman?

Yon’ede tang ko Kan ni Thothup, ni wod e “The Holy Ghost” (Children’s Songbook, 105). Ayuweg fapi bitir ninge nangfan e n’en nibe weliy fare tang ko Kan ni Thothup mornga’agen nge rogon ni rayog ni nge ayuwegrad.

Ayuweg e bitir ngar tafney niged rogon nrayog ni ngar noned ngak rebe tafagar nima par nib palog, woed ningan yoloey rebe babyor ngorad, send nag rebe email, fa non ngorad u fon. Fil ngorad ni Chitamangiy nu Tharmiy erayog ninge non ngodad nib thilthil rogon u dakean fare Kan ni Thothup. Fanay e mulwol nike yib rok President Dallin H. Oaks “How Does Heavenly Father Speak to Us?” ninge ayuweg e bitir nge nangfan rogon nima non e Kan ni Thothup ko man’ay rorad nge gum’ircha’enrad (Friend, Mar. 2020, 2–3, or Liahona, Mar. 2020, F2–F3).

Ser nag rogon nike non fare Kan ni Thothup ngom, weod nike non ko man’ay rom fa gum’ircha’em (muguy ko Doctrine and Covenants 6:22–23; 8:2–3; kum guy ko Henry B. Eyring, “Open Your Heart to the Holy Ghost,” Liahona, Aug. 2019, F2–F3). Micheg nag ngak fapi bitir ni fare Kan ni Thothup erayog ninge ayuwegrad ni wod rogon e biney.

Ayuweg e bitir nge lemnag bangiyal’ ni thamiy e Kan Thothup—woed, e tang ni yibe yoen’ ni mornga’agen fare Tathapeg fa rin’ ban’en nib mangil nifan ngak be’. Ayuwegrad ngar poeyed rogon e thamtham nib thothup nima yib ko Kan ni Thothup, nrib ga’ ni tin ni ba’aray ban’en nibe thogthog nag ni ngan rin’. Mangfan nima pi’ e Kan ni Thothup e tiney e thamtham ngodad? Ayuweg e bitir nge tafney nag rogon en’en ni rayog ningad rin’ed mayog ni ngad rung’aged en’en nibe yoeg e Kan ni Thothup ngodad. Weliy mornga’agen en’en ni gama rin’ mayog ni ngam rung’ug e Kan Thothup nib tomilang rogon.

Pining e bitir nge achay ya’an e “Yesus ni Pi’ e Sakrament ngak fapi Nephites” ulan Fare Babyor ku Mormon: Babyoren e Yat ko Chep nib Thothup ni Yima Achay (2019), 26. Fith ngorad ni ngar puluw niged en’en nibe tafney nag e gidii’ mornga’agen ulan fare sassing. Be’eg yuyang ko 3 Nephi 18:1–12 ngak e bitir fa “Yesus nibe Ser nag fare Sakrmanet,” ulan Fapi Yat ko Babyor ku Mormon. Mang erayog ni ngad rin’ed me par Yesus Kristus ko tafney rodad ko ngiyal’ ne sakrament?

Fith ko bitir ni ngar roged ngom boch ban’en nib t’uf ni gubin ngiyal’ ma bay ko tafney rorad, wod e m’ag e sus rorad fa lukuyed pa’rad um’on ningar abich gad. Mangfan nib ga’fan ni nga’i par e pin’ey ko tafney? Be’eg e Moroni 4:3 ngak fapi bitir, mag piningrad ni ngar motoyilgad ko n’en nikad michmicheg ni gubin ngiyal’ ni nga’i par u wun’dad ko ngiyal’ ni gadad be fek e sakrament. Mangfan nib ga’fan ni nga’i par yesus Kristus uwun’dad? Ayuweg fapi bitir nge nangfan fan ni fare flowa nge ran ko sakramaent e ma pugoran ngodad en’en nike rin’ Yesus nifan ngodad (muguy ko Moroni 4:3; 5:2).

Mu yoloey ko board e “Gube michmicheg ni …” Be’eg fare meybil ko sakramaent ngak fapi bitir (muguy ko Doctrine and Covenants 20:77, 79). Napan e bayra rung’aged reb fare michmicheg ni gadad ma ngongliy ngak Got, mag tal mag ayuwegrad ngar mu’ niged fare thin nibay ko board ni mornga’agen fare michmicheg nikar rung’aged.

Mang e be yip fan ni ngan fek fithingan Yesus Kristus nga dakean dad? Ra ngan ayuweg e bitir nge fulweg tabab e biney e duwer, mu ser nag wo’en ban’en ni gadad ma tay fithingandad ngay. Mangfan ni gadad ma tay fithingandad nga dakean e pin’ey? Mangfan ni ba’adag Yesus Kristus ninge tay fithingan nga dakeandad? Rayog ni ngam ser nag e biney ni weliy President Russell M. Nelson: “Fek fithingan fare Tathapeg nga dakeandad e be m’ug ma be micheg nag ngak e gidii’—u dakean e thin rodad nge ngongol rodad—ni Yesus e ir Krstus” (“The Correct Name of the Church,” Liahona, Nov. 2018, 88).

Mu ayuweg fapi bitir ngar guyed boche tawa’ath nikar tahapeg nibochan e prietshood. Rayog ni ngam pi’ boch e leam ngorad nib be’ech, rayog ni ngam dag ya’an e video ngorad ko “Boche Tawa’ath ko Priesthood” (Gospel Library). Mu list nag e pi tawa’ath ney ko board. Mangfan nib ga’fan e pi tawa’ath ney ngodad? Micheg ni pi tawa’ath ney e be yib ngodad nibochan Yesus Kristus nge gelngin e priesthood Rok.

3:5

Ayuweg fapi bitir ngar pir’eged e sassing ni ya’an nibe dag Got nibe muruwel nga gelngin ninge tawa’ath nagdad. Woed, sana rayog ni ngam gay e sassing ni ya’an nibe sunmiy e fayleng nifan ngodad, fa woed nibe golnag e m’ar, nge gam’ing nib thothup nike pi’ ngodad (muguy ko Gospel Art Book, nos. 3, 46, 104, 105, 107, 120). Ser nag fan ni gabe falfalaen’ nibochan fare priesthood nge tawa’ath nima yib riy. Ayuweg fapi bitir nge tafney nag bangiyal’ nikan tawa’ath nagrad ko fare gelngin e priesthood rok Got.

Reb kanawo’en ni gadadma thapeg fapi tawa’ath ko gelngin Got ema yib ko fapi gam’ing ko priesthood (muguy ko Doctrine and Covenants 84:20). Ra ngan ayuweg e bitir nge fil mornga’agen epin’ey nib riyul’, rayog ni ngam list nag e pi babyor ney nib thothup ko board: 3 Nephi 11:21–26, 33 (tawfe); Moroni 2 (micheg ngak); Moroni 4–5 (sakrament). Rareb fapi bitir marayog ninge mel’eg reb e pi vers ney me guy ko bin ngan ko fapi gam’ing ebe weliy mornga’agen. Pining fapi bitir nge weliy rogon nikan tawa’ath nag nibochane ke thapeg fapi gam’ing ko prisethood.

Ayuweg fapi bitir ni nge nangfan ni yaedra thapeg e gelngin nima yib rok Got napan e yaedra tawfe miyad fol ko fapi m’ag ko tawfe rorad. Fith ko bitir ko uw rogon nira ayuwegrad e biney e gelngin.

Be’eged e bitir utabaang Mark 3:14–15, mag dag ya’an e pin’en ni buch ni ya’an riy ko (nibay ko fare Gospel Art Book, no. 38). Fith ko fapi bitir fa’anra kar guyed be’ ni kan yibliy nifan rebe muruwel ko pigipig fa kan ordain nag ko office ko priesthood (fa moeg ngorad rogon nike buch rom). Uw rogon nib tabrogon e biney ni rin’ fare Tathapeg ngak fapi Gachalpen? Ayuweg fapi bitir ngar yoloeyed e list ko board ko boche muruwel ko pigpig fa fapi office ko priesthood ni rayog ningan pi’ ko chonggin e Galasia, ni woed ni yima pi’ ngak e sensey fa tiyugang’ ulane ulung. Ma barba ko boch fapi muruwel ko pigpig fa office, mag yoloey fithingan be’ nibe rin’ e biney e muruwel fa bay ko biney e office. Mag yoeg ko fapi bitir ni yibliyem be’ nibay fare mat’won e kiy ko priesthood rok era ayuwegnem ko pigpig rom.

Fith ko fapi bitir ko mang boch ban’en nib t’uf ningan fanay e kiy ngay, sana woed e karo fa mab. Mange rabuch ni fa’anra dariy e kiy riy? Be’eged utabaang e Doctrine and Covenants 65:2, moeg ser nag e mich ko mornga’agen fan nibay e kiy ko priesthood. Ma krayog ni ngam yaliyed ya’an e video “Bu’uw Fapi Kiy?” (Gospel Library) mag sap ko pin’en ni machib nag Elder Gary E. Stevenson ni mornga’agen fapi kiy ko priesthood.

2:51

Dag ya’an e sassing ko temple. Fith ko bitir ko mange ran’en nirib mangil nifan e temple. Dag ni rarebe temple ma bay e yol riy: “Thothup Ngak Somoel—Fare Na’un Rok Somoel.” Fith ko bitir ko mange be yipfan fare bugithin “Thothup ngak Somoel.” Mangfan ni yima pining fithingan ni fare na’un rok Somoel? Mang e be machib nag e biney ngodad ko mornga’agen e temple? Fa’anra bay reb e bitir nike un nga temple, ma rayog ni nge weliy etin nike thamiy urom. Fa’anra kam un nga temple, mu ser nag rogon nikam thamiy Somoel nibay urom, mag weliy rogon ni temple e bang nirib thothup ngom.

Be’eged utabaang e Doctrine and Covenants 97:15–17. Fith ko bitir ko mang e ba’adag Somoel ninge rin’ e gidii’ nima yaen ngalan e na’un rok nib thothup. Mangfan nib t’uf ninge thawingindad um’on ningan yaen ngalane na’un rok? Kabang ko biney e numon, e ngan weliy ngak e bitir mornga’agen fare temple recomend, nib mu’un rogon ni ngan thapeg. Sana rayog ni ngam pining reb e bishopric ngabi weliy ngorad rogon e temple recommend interview nge rogon e duwer ni yima fith riy.

Fith ko bitir ninge ayuwegnem ngan review nag fapi m’ag ni gadadma ngongliy ngak Got ko napan e tawfe rodad nge ngiyal’ ni yibe fek e sakrament (muguy ko Mosiah 18:10, 13; Doctrine and Covenants 20:77, 79). Dag ya’an e sassing ko temple, mag weliy ni Chitamangiy nu Tharmiy e bay e tawa’ath rok ni ribo’or ni ba’adag ninge pi’ ngodad ulane temple.

Drowing nag ya’an e garog nibe yaen nga pi’i kanawo’. Fith ko bitir ko mangfan nib t’uf e kanawo’ ningan yean riy. Be’eg utabaang 2 Nephi 31:17–20, mornga’agen Nephi ni tarebnag mornga’agen fare m’ag ko tawfe ko ba garog me piningdad ni ngad ul’ul’gad u dakean fare kanawo’ u tomuren nikad tawfegad. Ku bo’or e m’ag ningan ngongliy u tomuren e tawfe, nib mu’un fapi m’ag ngay ni yima ngongliy u temple. Weliy ni biney e ke yoeg President Nelson fithingan ni fare “kanawo’en e m’ag.”

Weliy mornga’agen bangiyal’ nike ayuwegem be’ ni bochane dabiyog rom ningam rin’ ni yigo gur. Pining e bitir nge weliy boch ban’en ni wod rogon e biney. Weliy ni napan e gadadra yean nga temple, ma rayog ni ngad thapeged e gam’ing ni wode tawfe nifan ko gidii’ nike yim’. Uw rogon ni gadad be wod Yesus ko pi muruwel ney ni gadad be un ngay nifan e gidii’ nike yim? Mang e ke rin’ nifan ngodad ni dabiyog ni ngad rin’ed ni yigo gadad?

Pining reb fa in e fal’yangren nike rin’ e tawfe nifan ko gidii’ rok’ ni kakrom ngabi weliy rogon. Fith ngorad ko ba uw rogon lane temple. Pi’ e athamgil ngorad ngar weliyed e n’en nikar thamiyed ko biney e muruwel nikar uned ngay nifan e gidii’ rorad ni kakrom.

Drowing nag ya’an e gak’iy ko board, nib mu’un lek’ngin nge papangin ngay. Fith ko bitir ni ngar lem niged rogon nib tabrogon e tabinaew ko gak’iy. Tay fithingan fapi lek’ngin ni fapi Gidii’ ni Kakrom, Tay fithingan fapi papangin ni Gidii’ rorad, nge kengin fare gak’iy ni Gur. Be’eged utabaang e bineye sentence Doctrine and Covenants 128:18: “Ya fa’anra dan dimed rorad [gidii’ rodad ni kakrom] ma dabiyog ni ngan polo’ nagrad; ni ku tabrogon ni fa’anra dan moyed rodad ma dabiyog ningan polo’ nagdad.” Fith e duwer ni wod etin ni ba’aray: “Mangfan nib t’uf fapi gidii’ rodad ni kakarom ngodad? Mangfan ni gadad bt’uf rok’ fapi gidii’ ni kakrom? Uw rogon nike pi’ e galabthir rodad, galabthir ko galabthir rodad, nge gidii’ rodad ni kakrom e ayuw ngodad?” Pining e bitir nge sapnag ko Doctrine and Covenants 128:18 e thin nibe weliy rogon ni rayog ni ngad pi’ed e ayuw ngak e gidii’ rodad ni kakrom.

Gay rogon ngam ayuweg e galabthir ko fapi bitir ko pateg fithingan e gidii’ rorad ni kakrom nib t’uf e gam’ing ko temple rorad (muguy ko FamilySearch.org).